ZKIZ Archives


中環在線:思捷舊鐵三角各有各hea 李華華

2011-6-13  AD




 

思捷(330)呢間公司真係福地,高層喺嗰度打完工出嚟,即刻可以退休嘆世界。華華近日收到有關帶領思捷走向全盛「黃金十年」嘅「鐵三角」組合──邢李『火原』、高漢思(Heinz Kornalik)、潘祖明,鬆人之後最新動向,真係聽到華華既羨慕又妒忌!

今 年2月11日先正式退任嘅前主席高漢思,就算思捷業績倒退,佢照收近億花紅。據講,佢開完最後一次董事會之後,喺幾個月前即刻飛咗去地中海,日日揸隻幾十 呎長私家遊艇出海。高漢思係德國人,以前同華華講過,最享受陽光同海風,退休後一定要日日約美女去食飯。嘩,呢啲hea嘅生活,華華得個「恨」字!

業績倒退花紅照袋

08 年思捷神話破滅前已經鬆人嘅前副主席兼財務總裁潘祖明(John),一直都冇佢另謀高就嘅消息。有老友話,其實阿John早喺55歲未到已經半退休收山, 喺思捷搵埋咁多個億,夠晒皮咁話。據講,佢o依家有間私人投資公司,得閒炒吓股,平日喺會計師公會做吓公職。最近動向係,3月入咗積金局做非執行董事。

至 於最早「起身」嘅老闆邢李『火原』,咁多年淨係賣股就套現超過200億,更加唔使撈!聞說佢除咗喺海南搞吓投資同慈善工作,亦會出現喺馬場跑吓馬仔咁。老 友話,佢同仲喺思捷做獨立非執董嘅鄭明訓、柯清輝老友鬼鬼,間唔中都會出嚟飲吓茶、打吓golf,唔知邢李『火原』仲有冇閒情,關心吓思捷o依家做成點呢 呵?

李華華

LiWaWa@AppleDaily.com

 


中環 在線 思捷 捷舊 鐵三角 各有 有各 hea 華華
PermaLink: https://articles.zkiz.com/?id=25741

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019