ZKIZ Archives


騰訊拆細股王:唔使心急入市!

2014-05-25  NM
 
 

 

科技股龍頭騰訊(700)本週四就正式將股份一拆五,到時每手(100股)騰訊嘅入場費,由五萬減到變成一萬,唔少散戶都心鬱鬱。只是升得急亦跌得快,過去兩個月,騰訊由$646高位掉頭,直插至$473,股價如坐過山車。最近,唔少投資者憧憬拆細後有助騰訊再炒上。不過,騰訊股東名冊上持股最多的散戶、有「赤柱股神」之稱嘅張程光,就唔多睇好:「拆細只係方便基金散貨,對散戶冇乜著數。」

由$246蚊開始買騰訊嘅張程光,持股量一度超過六十萬股,市值近四億元。佢透露,喺今年三月股價最高位時,沽咗二十萬股,平均入貨價約$400,持貨唔夠半年就賺咗超過四千五百萬!佢風騷咁話:「真係好彩,我年初定下嘅目標價係$650,見升到$640左右就諗住沽貨,點知真係比我撲中最高位$646。」張程光一貫嘅持倉策略係,一半長揸,一半短炒。佢警告散戶唔使趕住係拆細後入市:「啲大戶同基金都想散貨,以前五六萬銀一手,唔係個個都買到,而家一萬蚊,好多市民都買得起,咪易啲沽貨囉。騰訊個價咁高,都係靠基金頂住,所以短期內好難大升。而且阿里巴巴準備上市,都會影響騰訊嘅資金流走。」唔使驚住,長遠來講,張程光仍睇好騰訊:「間公司唔受國家調控政策影響,嚟緊又搞網上銀行,識得不斷開財路。」對於想長揸嘅散戶,佢指最好等到$450先入貨。佢自己最近就玩短炒為主,策略係:「每次入貨都以一百萬元為起點,每跌十蚊,就入一次貨,升到十至廿蚊就沽。有時一日上落都會有十蚊,係得騰訊可以咁樣炒波幅。」

報憂更重要

很多人覺得匯報或做報告很麻煩,做得好,上司未必讚,做得不好,又被上司質疑辦事能力。其實,寫報告是表現自己的機會。在什麼情況、時間及如何向上司匯報,有下列提議:1. 當發覺項目開始出現問題而你不能控制。2. 當察覺上司開始對你負責的項目感焦慮及不耐煩,並預備向你提問時,要主動匯報。3. 許多時你的上司也要向他的上司匯報,所以你最低限度要在48小時之前向你的上司匯報,令他有時間看清楚報告內容,作出應對。上司最怕下屬報喜不報憂,下屬有問題即報告,上司比較有經驗,就能夠掌握情況,想出對策,把損失減到最低。反之,若隱瞞情況,任由傷害擴大,最終只會令公司虧損。我做事達三十多年,從來未見過拖延問題,問題就會消失,問題就像繩索打結一樣,愈早拆愈容易。上司交工作給下屬,會希望下屬能夠定時作出簡報,我看過一個例子,有上司同時叫兩名下屬做程式設計,A做得較快而bug較少,但上司傾向發給B更多工作,原因是B下屬會定時向上司報告進度,上司能夠掌握他的進度,確保沒問題,因而放心。但A接了工作,到交貨期間,則音信全無。其實B寫的中途報告非常簡單,只有廿多個字:「系統的部分已經寫好了,目前工作大致已完成了四成。」上司是非常忙的,作為下屬,報告最好能符合以下幾點:1. Executive summary擺在前,上司能夠用一兩分鐘把握到來龍去脈。2. 實話實說,不要加個人意見,最好數字化,例如不要說項目會超支或超時,要說大約超支多少,超時多長及原因。3. 提出建議,最好有兩三個選擇,只提出問題而不提出解決方案,你本身就是一個問題。

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。

呂志和:普選唔關我事!

濠賭股上星期爆發股災,靠銀娛(27)跑出成為亞洲第二大富豪嘅呂志和,身家唔見一截。單係上週四,就蒸發咗一百億,年初到依家,更無咗成六百億。不過都無影響呂志和睇歌劇的興致,仲好輕鬆咁話:「都係數字遊戲!我仲睇好澳門賭業嘅發展。」經濟好,濠賭股先有運行,所以呂志和呢頭話唔緊張,嗰頭就話反對「佔中」,怕搞衰香港經濟咁話。「佔中」目標係想爭取普選特首,但呂志和就明顯緊張經濟多啲,講到明:「普選唔關我事,我淨係想搞好經濟,想大家都幫香港做多啲事。」咁點幫香港做事呢?呂志和即大講金句,要大家「講真話」。至於點先為之講真話?就冇再補充啦。弦外之音,莫非講緊近年香港政壇最流行嘅「語言偽術」?最善此道者,正是特首689。小宗突然想起,早前首富李嘉誠都爆咗金句:「有能力嘅人唔出聲,冇能力嘅人又爭住去做!」異曲同工,各位自己參透嚇啦。

許大官人幫納稅人慳荷包

許大官人涉嫌貪污案開庭,控辯雙方律師團隊多達三十四人;星光熠熠,皆以資深大狀、御用大狀列陣不在話下,仲以全包宴形式聘用,以免佢哋同時接幾單案而分心。呢單案預期審七十日,條數睇怕一般計數機未必計得掂。令人奇怪者,係破咗產嘅許大官人。佢幫納稅人慳荷包,冇申請法援,但一樣有蔡維邦大狀幫佢(蔡大狀幫過龔家同哨牙通揮過)。世風日下,人心不古,莫非喺笑貧不笑娼、唯錢是視嘅香港仲興俠義呢味嘢?考起。

金牙大狀講嘢

一百萬銀係幾多錢?鬍鬚曾喺網誌轟拉布,話如果五月中都過唔到預算案,醫管局大有可能要提取存款應急,佢哋會因而損失一百萬元利息收入咁講。如果鬍鬚曾班文膽扭盡六壬至搵到個咁嘅案例,咁唔該佢哋早抖啦。攞政府成盤數嚟講,一百萬銀究竟係幾多錢啫?呢個財政年度,政府之總開支為4,112億元,相當於四十一萬一千兩百個一百萬元。一年三百六十五日,即係政府每日使緊一千一百二十七個一百萬元。一日有二十四個鐘,亦即係每小時使緊四十七個一百萬元,或者每分鐘零點八個一百萬元。要幫納稅人慳番一百萬元又何難之有哉?政府停止運作分零鐘已喺曬度矣。政府使錢已經到咗令人麻木嘅地步,高鐵冇七、八百億元肯定埋唔到單;港珠澳大橋又講緊六、七百億元。使公帑直情好似倒水咁,完全冇人理;咁嘅環境,你鬍鬚曾竟然攞一百萬銀嚟做文章,唔係吖嘛?

中環人語迷你版

騰訊 拆細 股王 唔使 心急 入市
PermaLink: https://articles.zkiz.com/?id=99222

數碼香港:股份拆細是利是弊? 投資之旅 TRENDALYSIS

http://trendalysis.blogspot.hk/2015/01/blog-post.html
12月初曾為文分析瑞年國際(2010),過去一星期連續兩天大升超過20%。未知讀者有否賺少少錢?如果只是關注未入市,現價脫離趨勢軌道高位,而且短期大升或出現獲利回吐,也許等股價稍稍回落,再考慮是否投資。

近日嘗試做back test 並分析outliners,發現很多有趣和驚人的例子。過去兩年跑贏大市的都是細價股和殼股,縱使我不熟悉財技又少投資那類股票,但相關的基本知識,還是需要了解的,這有助明白市場運作。即使自身未必有本事趁勢,至少懂得避開地雷,免做水魚被搵笨。

曾聽說股票分拆是股價上升先兆,因為銀碼細容易炒。真的嗎?

數碼香港(8007) 的股票於下星期一分拆(1拆20),公司未來會改名為『環球戰略』。我嘗試了解來龍去脈後,沒全盤弄懂,但一定不敢買。



先看基本數字:
單看上述數字,股價大升顯然不是靠舊有業務支撐。翻查公告,去年9月公司已『賣殼』,環球戰略以現金~HK$1.7億,向冠軍科技(92)收購數碼香港(8007)已發行股本的70.7%,每股作價$1.6。10月27日完成現金款項轉移,翌日即公佈配售3,000萬新股,每股作價HK$1.5,籌集資金$4,400萬(已扣除配售佣金和相關費用)。所募得資金的 $2,800萬將用於新商品貿易業務 - 購買產品包括但不限於銅和鎳,然後賣給國內客戶,預期新業務於去年12月開展。而12月中的公告建議拆細股份,每股拆20股...

看完上述資訊,不知讀者會否覺得很複雜。以我的理解,公司舊有業務虧本兼淡出,而新業務只是剛開展不足1個月。公司本來持有現金$286萬,加上為新業務籌得資金約$4,400萬,現在實質持有約$4,700萬現金。

我的疑惑:
股價短短兩個月升了超過5倍,而公司市值對大股東而言是收購價的10倍,這對以每股$1.5 - $1.6 買入的投資者而言,是極大誘因散貨獲利。若以現價計算,1拆20之後,每股$0.45,而配股時買入的投資者,每股成本僅$0.075,可以獲利6倍。

儘管一般理念是股份拆細有利股價上升,但這次我不夠膽相信該理念。縱使去年細價股和殼股領風騷,有些機會和風險,是獨立散戶應該避開的。

數碼 香港 股份 拆細 細是 是利 利是 是弊 投資 之旅 TRENDALYSIS
PermaLink: https://articles.zkiz.com/?id=126901

豪宅投資者擬拆細資金掃細價樓

1 : GS(14)@2013-02-26 00:29:20

http://www.mpfinance.com/htm/finance/20130225/news/ea_eaa2.htm
【明報專訊】根據新辣招規定,由於投資2173.9萬元或以上豪宅,新稅率由4.25%增至8.5%,即涉約185萬元,據悉不少豪宅投資者已經部署轉攻細價樓,用同一筆錢去買5個400萬元或以下物業,即使新稅率下亦只是4.5%,5伙的印花稅總數亦只是90萬元,足足比豪宅低一半,且該批細價樓受綠悠雅苑效應及白表免補價居屋措施等所刺激出的上車購買力,令該類細價樓樓價更難有大幅回調空間。
5伙400萬交90萬印花稅低一半
假設用同一筆約2200萬元資金拆細投資5個400萬元細價物業,根據新辣招,即使400萬或以下的印花稅,由以往的2.25%大幅調高至4.5%,即印花稅費用由9萬大增至18萬元,但總計5伙印花稅亦僅90萬元,遠低於購入2200萬元豪宅所支付約185萬元的雙倍印花稅費用。
有投資者亦坦言,收約5.8萬份申請、超額57倍的綠悠雅苑快將進行抽籤,部分未能中籤者或會流入細價樓市場。
綠悠白表居屋效應刺激細價樓需求
此外,白表居屋免補價申請則收6.6萬份、超額12倍,亦於5月中開始批出名額,料未來數月將踏入上車客買樓高峰期,預期待市場消化新辣招後,細價樓將再展新一輪升浪。
2 : Sunny^_^(11601)@2013-02-26 14:25:49

算啦,而家要買細價樓既都買齊晒

之前去港島區揾細樓,聯絡左間細a.佢間唔中會出幾件貨,質素同價格都好相似...好明顯係大投資者出貨。同樣既情況好多區都有...

所以即使想買都冇咩可能十間八間咁買
3 : 肥B(18468)@2013-02-26 18:05:22

細A就係靠呢D搵食嘛, 唔係有「內線人」, 邊到買到平野?

不過而家買到平野, 就算唔理那DSD, 都要俾SSD, 除非真係低水得好緊要, 否則, 點都要守夠兩年(SSD先減到10% 及假設稅局唔會追持有超過兩年的利得稅)出貨先無咁重皮....
4 : Sunny^_^(11601)@2013-02-26 22:14:33

實不相瞞,我屋企只不過係被人當係水魚

件件貨都係超高價,好唔現實的
5 : 肥B(18468)@2013-02-26 23:04:05

其實你地一家咁多實戰經驗, 都無一個固定或傾得埋的agent?

定係因為你地無特定區域投資?
6 : Sunny^_^(11601)@2013-02-26 23:32:15

有呀,不過唔同區

我地有d都係幫襯佢買..

不過有d當我地係水魚既我地唔會再揾佢地...哈哈,好小氣
7 : 師奶345(36895)@2013-02-27 17:54:44

其實現在樓重好似已無咩投資價值, 好多放租回報都好低, 而且又要擺下, 過2年市況又難料。甘現在買樓投資既人, 點解重想買呢(除左自住需要).....唔好意思, 比較多問題, 麻煩賜教
smiley
8 : Sunny^_^(11601)@2013-02-27 17:58:38

以我屋企為例
1.想退休有樓收租,每個月都有錢落袋
2.買樓收租既風險比買好多股票低
3.未來個市難料,可能會跌,都有可能大升後再跌,博下

當然前題係有一舊cash
9 : 肥B(18468)@2013-02-27 18:16:30

7樓提及
其實現在樓重好似已無咩投資價值, 好多放租回報都好低, 而且又要擺下, 過2年市況又難料。甘現在買樓投資既人, 點解重想買呢(除左自住需要).....唔好意思, 比較多問題, 麻煩賜教
smiley


短炒自從有左SSD之後, 無乜肉食, 所以早兩年批炒家先轉晒去工廈商廈, 後來玩埋車位, 所以住宅市場留下來的買家就係所謂的用家, 大家手頭上都有舊錢, 苦無投資機會, 而個個都有一個預期, 短期供應難升, 預期仲有幾年升, 息又低, 銀行又肯借錢, 租務市場未差過, 所以有租客幫手供樓的情況下, 無什麼大的風險....

回報呢, 同股票比真係無得比, 但勝在夠穩定. 而且所謂的回報低, 一手就真係低, 二手的話, 而家一般都有4厘(未扣差管什費).

買樓收租的人, 一般都會持有單位較長時間, 加強版SSD的三年基本上對這班小業主無什影響. BSD 唔關香港人事, 但這些措施都令二手供應減少, 因為業主們都擔心賣左買唔返, 形成樓價係咁上.....我上年換樓, 同今日的市價比, 升左38%, 見到呢個升幅, 好多人會忍唔住都買左先算....
豪宅 投資者 投資 擬拆 拆細 資金 掃細 細價 價樓
PermaLink: https://articles.zkiz.com/?id=282353

解開股份拆細「變索」之謎 高仁

1 : GS(14)@2015-06-22 23:07:31

2015-06-01 HJ
大約半年前,高仁提到一名「唉女」Daisy,她因臨近「剩女」警戒線,所以接受殘酷的現實,揀了一個「筋肉Mediterranean」(健身地中海男)做男友。雖然已經有「着落」(男友),但Daisy依然保持on diet的習慣,話想keep住一條23吋纖腰,繼續「索」下去。

各位「巴打」是否知道,上市公司透過把股份拆細及更改每手買賣單位,也可以如「唉女」Daisy想keep住23吋纖腰「變索」,從而成為散戶心目中的「炒股」。高仁將解開股份拆細「變索」之謎。

可以參考的例子是恒發洋參(00911),其之所以被視為一隻「炒股」,原因是去年6月招股期間,集團已獲得一眾「水佬」(市場又稱「水佬」為「財經演員」)大鑼大鼓力撐,指其是本港洋參批發市場的知名品牌、在本港市場佔有率高兼具有較強的議價能力云云。

自願公告保持曝光

雖然有6隻新股於同日正面交鋒,恒發洋參卻以大熱門姿態「跑出」,獲得近一萬名散戶入飛認購,公開招股部分錄得約50倍超額認購,股份亦以上限1.98元定價。

惟集團首日掛牌隨即「潛水」,收市報1.5元,較招股價低出24.2%,每手賬面勁蝕近一隻金牛(960元),成為當時的新股「蝕錢王」(首掛蝕錢最多的新股)。

除了近萬名散戶中伏外,聽聞連大戶機構投資者也損手收場,惹來市場怨聲載道。莫非上市編號911真是比較邪門(註:「9.11」為美國受恐怖襲擊的日子)?

恒發洋參之後兩次發出自願性公告,向市場提供業務更新資料,包括計劃花費不超過7000萬元生產野山西洋參酒,以及與3家日本企業合作生產含洋參的日本清酒、西洋參保健品與西洋參成分化妝品。

「高仁指點」話你知,恒發洋參發出自願性公告的做法,可能是希望改善企業形象,又或者想keep住曝光率,希望成為散戶心目中的「炒股」。事實上,集團也得償所願,股價拾級回升,不但重返「水面」之上,更升逾4元水平。

就在此時,集團建議把股份1拆10,每一股面值為一仙的現有已發行及未發行股份,拆細為10股每股面值0.1仙的拆細股份;另建議每手買賣單位由2000股股份,更改為1萬股拆細股份。

拆細擴波幅更好炒

董事會表示,股份拆細將降低買賣差價及股份成交量的波動性,從而改善集團拆細股份的交易流通量;而更改每手買賣單位將維持每手成交額於合理水平,並吸引更多投資者及擴大股東基礎。

「高仁指點」話你知,每手買賣單位介乎4000至6000元間,是散戶普遍接受的投資金額範圍,股份會較容易「炒起」。

按恒發洋參當日收市價4.13元計,原先每手買賣單位價值為8260元(4.13元×2000),新的每手買賣單位估計市值理論價值將減少至4130元(0.413元×10000股),正正是散戶的「炒價」範圍。

其次,根據港交所(00388)規定,本港上市證券位處於不同股價,將有不同的價位交易。對於散戶而言,細價股每上升或下跌一格,股價升跌波幅會較大,吸引力自然更大。

拆細前,恒發洋參每上升或下跌1格,股價將會升或跌1仙,升幅或跌幅僅0.24%;但拆細後,每手上升或下跌一格,股價將會升或跌0.5仙,升幅或跌幅卻達到1.21%【表1】。升跌波幅擴大之下(喂!升跌一格的波幅足足擴大5倍有多喎),所以股份將會更好炒!

第三,上市公司股價高,印花稅、徵費等「使費」相對較高,變相加重炒股成本;相反,上市公司股價低,「使費」相對較低,可降低炒股成本,令到股份更加「索」。

拆細前,恒發洋參每升一格升幅為0.24%(相對於每手成本而言),但每手總「使費」佔每手成本為0.14%,粗略估計,賺幅只有0.1%;惟拆細後,股份每升一格升幅為1.21%,但新每手總「使費」佔每手成本僅為0.18%,足以抵消成本之餘,賺幅更高達1.03%(哈!是否遠比拆細前的0.1%為多?),可能令到股份更好炒【表2】。

由此可見,恒發洋參建議股份拆細及更改每手買賣單位,可能就如「唉女」Daisy想keep住一條23吋纖腰的道理一樣,就是希望繼續「keep住索」成為散戶心目中的「炒股」。

本欄逢周一刊出。

歡迎交流上市公司的財技個案及招數,請電郵至koyan@hkej.com

#高仁 #財經拆局 #財圈識真假 - 解開股份拆細「變索」之謎
解開 股份 拆細 變索 之謎 高仁
PermaLink: https://articles.zkiz.com/?id=291118

尖沙嘴舖拆細吸租客

1 : GS(14)@2016-02-18 00:35:37

【本報訊】核心區舖租下跌亦缺乏承接力,由舖王大鴻輝主席梁紹鴻持有的尖沙嘴漢口道57號地舖,原租戶鐘錶店將遷出,因面積大舖位租金較高,故打算劏成兩個細舖出租,叫價各近70萬元,一旦租出亦比現租下跌近一成。



叫租下跌一成

現由名人鐘錶珠寶漢口道57號地下C至E舖,共1,540方呎,面向海防道,現租金150萬元,租期至4月屆滿。由於名人已於早前以150萬元預租毗連A、B舖,平舊租42%取代周大福(1929)承租,故將遷出C至E舖。梁紹鴻指出,現時零售持續疲弱,大舖承接力非常有限,所以將舖位一分為二出租。據了解,舖位現分間成兩個舖位,叫價70萬元,合共140萬元,比現時租金下調約7%。據悉,曾有連鎖時裝店出價約100萬元洽租該舖,跌租33%,不過業主有意分拆舖位爭取較理想租金。此外,太興燒味老闆陳永安斥6,380萬元購入觀塘牛頭角道357至375號仁安大廈地下F舖,約1,100方呎,呎價5.8萬元。舖位現以16.5萬元租予餐廳,回報3.1厘,不過租期至今年8月。





來源: http://hk.apple.nextmedia.com/financeestate/art/20160217/19493996
沙嘴 舖拆 拆細 細吸 吸租 租客
PermaLink: https://articles.zkiz.com/?id=296079

鄧成波拆細旺角商廈出售

1 : GS(14)@2016-11-10 07:29:58

【本報訊】新辣招針對住宅市場,非住宅物業料成投資者新碼頭。舖王波叔鄧成波拆售的旺角基利商業大廈原本全層出售,現變陣出擊,其中3層拆開12伙出售,最細單位497方呎,定價451萬元,呎價9,075元。美聯商業投資部客戶董事杜偉豪表示,舖王波叔鄧成波持有旺角基利商業大廈,其中11樓至13樓分拆細單位出售,提供12伙,面積497至580方呎,售價451萬至534萬元,呎價9,075至9,215元。波叔持有該廈約15層樓面,早前已售3層樓面,套現約5,420萬元。波叔孻仔鄧耀昇指本港核心區商廈持續有價有市,核心區甲廈近期多番破頂,大手全幢成交亦暢旺,加上本港政策有所調節,料市場資金及焦點將集中非住宅市場。


海富中心舖蝕7%求售

舖市租價未跌完,美聯旺舖營業董事文國華表示,金鐘海富中心一樓20號舖,面積約252方呎,現叫價1,880萬元,呎價74,603元,舖位現由時裝店承租,月租4.8萬元,預期回報率3.1厘。土地註冊處資料顯示,上述舖位業主在2012年10月以2,028萬元買入,持貨4年,欲將舖位放售,叫價比買入價低148萬元或7.3%,蝕放求離場。




來源: http://hk.apple.nextmedia.com/financeestate/art/20161109/19827634
鄧成 成波 波拆 拆細 旺角 商廈 出售
PermaLink: https://articles.zkiz.com/?id=314648

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019