📖 ZKIZ Archives

青笑怒罵：笑話兩則

1 : GS(14)@2011-09-21 07:55:01

邊個台? 有線?


http://m.sharpdaily.hk/detail.ph ... 5307&category=daily

大銀行衰開有條路，除咗股價慣性行路打倒褪外，最新一宗就係俾自己屋簷下隻恒指認購證玩殘，火燒後欄食到應一應，雖說有做對冲，損失球幾兩球或者係濕濕碎，唔要的話，畀晒我吖！普通人眼中已經係好大嚿錢，好彩今次係吊高嚟買，自己輸錢暗啞底，發行商秋季大酬賓，四仙變兩毫沽畀佢賺多幾倍，皆大歡喜，然而事件卻充份暴露大銀行硬件之不堪一擊，還敢炒I.T.？
至於軟件，就以該行一對未夠秤（以中環金融中心的磅為準）的童男童女窩輪推銷員為例，兩位堪稱初生之犢。男的可能晚晚睇波唔夠瞓，把陰陽燭術語「倒轉錘頭」講成「倒轉頭錘」，難道這是由「頂頭槌」一招演變出來？女的更武功蓋世，懂得以偏蓋全混淆視聽，明明係中國鋁業阿媽進軍稀土，竟然拿隻中鋁Call輪出嚟無嘢講到有嘢，看來兩位推銷員都要齊齊接受再培訓。
行內新仔新女也如此不濟，抵打之餘，諗起昨天提及過、無端端如坐穿梭機上位的A仔台禍水，其財經駁嘴節目內容更令人啼笑皆非，不知者真的以為自己睇緊笑片，隨便都有幾件平時行家吹水Happy Hour次次講次次笑到個個碌晒地之笑話。
笑話一：話說有一天有個人打入去又係問隻中鋁（2600）點睇，電視畫面竟然出咗個香港中旅（308）的圖表，雖然中鋁和中旅都係來自國家隊，不過此「鋁」不同彼「旅」，既然馮京可作馬凉，下次再有人問同樣問題，唔知電視屏幕會否突然彈出一件「中女」呢？
笑話二：話說另一個下午，有行家上節目講外匯，阿主播懶有見地兼懶醒咁問嘉賓，「高息貨幣做存款，日圓得唔得，你點睇？」聽完呢個問題，我已經笑到胃痛，更加唔記得位嘉賓點答佢甚至有無答佢問題。
相信專業嘅行家，亦唔會貿貿然為答一個stupid question而要夾硬嘔出一個silly answer吧！最搞笑仲係，原來呢個笑話好多行家都記得，甚至唔知點解有好多行內人都同一時間睇過當時節目兼講得番出嚟，難道個市真係悶得咁交關？
呢位主播Pro唔Pro及有幾Pro，讀者自己畀答案啦！假如主播同時遇上呢兩位童男童女，又不知會否出現難得一見癡癡呆呆坐埋一枱的奇景呢？

胡孟青
獨立股評人

---

2 : 龍生(798)@2011-09-21 15:44:39

外匯及外幣, 我以前都曾經混淆過呢, 哈哈

---

3 : Sunny^_^(11601)@2011-09-21 17:21:10

一定係如妃同HSB*喇

---

4 : GS(14)@2011-09-21 21:44:46

如妃是?

---

5 : Sunny^_^(11601)@2011-09-21 22:10:39

某個cable女主持

---

6 : GS(14)@2011-09-21 22:15:08

有無片

---

7 : Sunny^_^(11601)@2011-09-21 22:15:40

揾下(揾緊)

---

8 : Sunny^_^(11601)@2011-09-21 22:17:55

呢個

---

9 : Sunny^_^(11601)@2011-09-21 22:18:04

李X分

---

10 : 亞力士(1473)@2011-09-21 23:19:55

2樓提及

---

外匯及外幣, 我以前都曾經混淆過呢, 哈哈

龍兄 外匯 唔係 = 外幣匯率? 我都唔知噃

---

11 : 亞力士(1473)@2011-09-21 23:20:47

笑話一：話說有一天有個人打入去又係問隻中鋁（2600）點睇，電視畫面竟然出咗個香港中旅（308）的圖表，雖然中鋁和中旅都係來自國家隊，不過此「鋁」不同彼「旅」，既然馮京可作馬凉，下次再有人問同樣問題，唔知電視屏幕會否突然彈出一件「中女」呢？


咁如果唔講no. 估錯有乜奇

---

12 : micho(10404)@2011-09-22 00:02:08

nono， 聽下青姐自己講啦，系理財博嚇阿，吾好認錯人，哈哈

---

13 : 龍生(798)@2011-09-22 00:25:18

外匯是那種港元對美元0.778963

當你買賣是, 可能用超高槓桿去賭那尾數963

如果你沽, 跌到763 己有200點子水位

其實只賭匯率的極少變化, 但由於超高槓桿, 導致尾數的變動也有利可圖

這種就叫外匯

至於外幣, 就是師奶們很喜歡的買點澳元收息之流

兩者是風馬牛不相及的兩回事

---

14 : 龍生(798)@2011-09-22 00:27:47

這外匯遊戲在香港90年代很盛行, 可惜都是騙人居多

而且多數只是公司做莊跟客戶對賭, 賭輸了, 很有潛逃的誘因

---

15 : iammac(16363)@2011-09-22 16:02:01

龍生兄,
可以多解釋一點外匯跟外幣分別嗎？
例如:點樣買賣外匯？可以不用槓桿買外匯嗎？

---

16 : 龍生(798)@2011-09-22 18:46:57

http://www.mfgtrader.com.hk/tc_hk/edufxtrade.asp

yahoo 打外匯, 大把你揀

至於不用槓桿買賣外匯, 就是外幣了

外幣好簡單的, 你番大陸唱人仔都叫做買外幣

至於外匯, 好似大約係俾低5%保證金賭95%

所以幾百點子就一倍或total loss

好鬼刺激的

---

17 : GS(14)@2011-09-22 21:07:38

12樓提及

---

nono， 聽下青姐自己講啦，系理財博嚇阿，吾好認錯人，哈哈

http://hk.apple.nextmedia.com/te ... 307&art_id=15635853
中鋁變成中旅


殷莉搵亞視記者笨，要同事去拉廣告同傾生意，仲喺新聞時段插入廣告雜誌《走進上市公司》內容，已經被全城圍插，鬧佢冇新聞專業操守。
但青姐話，殷莉仲係冇料到嘅「財經演員」；話說有出席節目嘅嘉賓問殷莉點睇中鋁（ 2600），殷莉竟然用中旅（ 308）嘅業績圖出嚟向人講解！
華華覺得更爆笑嘅係，殷莉竟然問嘉賓，用日圓嚟做高息貨幣存款得唔得。係人都知日圓家陣冇息，參加過智慧與美貌並重選舉嘅殷小姐，真係有啲自暴其短噃。
青姐又話，「財經演員」呢個名詞係一種侮辱，認為財經主持同演員分別係兩種專業人士，有各自嘅專業知識同技能，唔可以混為一談。

---

18 : Sunny^_^(11601)@2011-09-22 21:10:12

原來係佢...仲以為係cable tim

---

19 : GS(14)@2011-09-22 21:10:38

剛剛才看到報紙才知

---

青笑怒罵：大好友與現實

1 : GS(14)@2011-09-26 23:26:32

http://m.sharpdaily.hk/detail.ph ... 5307&category=daily

外圍金融市場及經濟變壞情況，及其速度遠比預期來得嚴重。所謂避險工具的黃金，可以短短兩日跌近一成，本身的最大風險，就是來自每日最大交易量，統統源自紙上；全球幾個期貨交易主要平台，背後又係幾家華爾街大行。橋唔怕舊，每次集齊好友就來一招加按金，順便觸發拆倉再篩走一班好友，美元反彈當然帶來推波助瀾。
今年以來，計計埋埋已洗足三鑊，少一點實力或定力的好友，應已紛紛落荒而逃，難怪黃金被索羅斯稱為史上最後的泡沫。
然而，他也是因為成功擁抱泡沫才得以晉身全球十大首富之列，不知道經過過去一周的跌浪，他的身家縮了多少，抑或又係話已在高位做足對沖鎖定利潤，所以反而賺多咗！
當然，恒指跌穿萬八才大事張揚睇萬二，又係嘥氣！係人都知年底前唔會有好日子過，反彈等同放生，當大家看見有位「阿嬋」竟然可以為咗幾個身外物名牌手袋奮不顧身返火場救袋，更值得反思理性何價，現實中有幾多人真正肯聽勸誡逃難災場！
計我話，全球就算捱得過今次由主權債務問題所引發的新一輪金融危機，歐美諸國亦難逃經濟衰退命運。由於彈藥已盡，今次衰退或者一如某些專家所料，會比預期為長。
人心惶惶，「大好友」教授在報章撰文，大派定心丸指投資者可以期待中央第二次刺激經濟及再度鬆綁。教授此言，誠意值得嘉許，因為這正合乎一些市場僅餘樂觀派的主流或憑藉主觀願望支持入市的敢死隊。
現實就是，投資者不應再被一派盲目樂觀左右理性判斷。首先，中國08年率先印鈔，四萬億元振興經濟事後看來實在太過草率魯莽，現時正努力收拾後遺症帶來的殘局。
中國真的有本錢再搞甚麼拉動全球經濟計劃嗎？更現實的是，中國仍然要靠出口外銷，歐美市場需求下降，再大灑金錢刺激經濟，不但並不可能扭轉外來需求，而且將會造成更嚴重的產能過剩問題。
中國汽車業近年表面上搞得有聲有色，但土炮車始終有其局限，長城牌輕型貨車憑藉大賣廣告，靠的是低價及促銷兩度板斧。以澳洲為例，由於價錢較同類車種低近六成，馬路上的確有幾部長城車出現，但據講，用家大都批評質素欠佳，用於修理的日子多過駕駛，這又是否好友們看不見的現實？

胡孟青
獨立股評人

---

2 : david395(4434)@2011-09-28 11:42:58

清姐話...外面已在兜售 48元接貨的滙控（ 005） ELN，看來大市都係遲早「冚包散」！

---

3 : hsts(1521)@2011-09-28 11:50:21

有貨快走

---

4 : 龍生(798)@2011-09-28 12:58:37

呢下幾驚嚇...2628 會隊落黎據講就係因為多老散買左佢既eln....

---

5 : GS(14)@2011-09-28 21:00:35

小心啦大家，唔亂接貨，之後大家圍晒某D股，迫大股東就範

---

青笑怒罵：銀行銷售如貓捉老鼠

1 : GS(14)@2011-09-27 21:34:55

http://m.sharpdaily.hk/detail.ph ... 5307&category=daily

真是有無搞錯，成個老千咁...

---

2 : GS(14)@2011-09-27 21:35:44

闊太K女士身為ELN始祖，平時心平氣和與世無爭，自8月初沽清股票完全清倉後，完全一副隔岸觀火置身事外心態，對甚麼伯老爆陰毒啟動新一輪貨幣戰爭，甚至歐盟領袖口爽荷包

---

青笑怒罵：我們墮進鱷魚潭

1 : GS(14)@2011-10-03 22:32:58

http://m.sharpdaily.hk/detail.ph ... 5307&category=daily



「吊吊揈」祖先庇蔭，愛「英」及港，甫宣佈辭職香港就打風放假，帶挈香港跌少一日，然而形勢比人強，跌的升不了，要跌的總會跌，任你有呼風喚雨之神力，原來同樣天意難違，分別只在攤開來跌抑或遲一日跌。
再者，當上周五早盤證實恒指無望重上萬八之際，同日早上，曾於08年已在尊貴立法會議員面前講出真心話「視民望如浮雲」的「突搜」，竟然說時遲那時快，在中午收市前宣佈林譚梁任命，反映其如何表裏如一，貫徹始終，令人覺得任期更屬直到永遠；結果，港股即時涼了一截，更有如墮進黑森林中的鱷魚潭，死路一條，指數由八萬邊緣喪插至17500點邊緣，絕對係為香港不止經濟連同民生要齊齊跌入黑洞攞景兼贈慶。
過去幾天，有一群擁有社會觸覺但平時搵錢至上、行事低調而身份卻絕非泛泛nobody之有些錢有識之士，與私人銀行家朋友談到香港前途時，竟都無不感慨惋惜香港已被老曾宣判死亡，更不約而同認為香港正走向末路，且已毫無希望。看來，我們未來用得最多的詞語，將不止「衰退」，更不止「蕭條」，而是「崩潰」。眼下有錢人私底下對香港也如此悲觀，難怪港股表現更形同失去精神支柱。適逢大閘蟹季節，添馬艦一隻二隻老海鮮之張牙舞爪，絕對較飯桌上那件海鮮猶有過之。
能夠諗得到用「大智若愚」一詞去形容一位行政長官人選之個人長處和優點，總也比有些人輪流向上帝抽水來得高明且更有文采；大師姐真心話，欣賞有人沒被勸退，令選舉有了競爭，令人聽在耳裏無不悲涼，難道另一隻「英」也真只是一隻肯勇往直前的敢死隊隊長？
趁市況一片死寂，退一步想，開卷有益，決定抽時間到書局走一趟，或者有人會認為這是消極扮駝鳥，然而身處亂世，除了遁逃，真不知道還可以憑甚麼在消極中顯進取。可以發現，中文圖書群雖仍然充斥如何發達致富的題材，但好像已無太多人問津。曾幾何時，教你如何搵錢的財經書雞精書都是主流；英文書籍用有關投資策略、高手名家發跡的題材更已大減。取而代之的，頗多是解構當前經濟，甚至全球貨幣命運做主題的書本，Michael Lewis早兩年出版的《The Big Short》，又再被放在門口當眼處，難道要警醒我們這麼近的近代歷史又要再重演？
這邊廂政客搞死香港，那邊廂政府搞死銀行。

胡孟青
獨立股評人

---

青笑怒罵：龕位擂台陣　玩死股評人

1 : GS(14)@2011-10-04 21:34:27

自己在imoney 寫稿都咁大膽，服!
今個星期imoney青姐份稿幾好睇...
http://m.sharpdaily.hk/detail.ph ... 5307&category=daily

股評人責任，升市做啲投資推介，個股狀況分析。但遇上跌市，尤其係可能處於一個頗長下跌浪，就要開始替人做心靈安慰。因為，斷估未來一段時間，根本毫無分析推介可言，股評人行家暫時工作或僅存剩餘價值，是要當起散戶精神輔導員的任務。
仍然夠膽量鼓勵買貨者，閣下決定，但責任或底線我一如以往，看不通有保留，倒寧願你賺少比蝕凸好，至少還可心安理得。偶有成功食糊推介，通通離不開熊仔或認沽證，只是假如你選擇大舉出擊，只在於短線要食盡大市一面倒插水之勢，難度在於你是否夠貼市。
講開打擂台貼股，大部份參與行家均只屬對所屬公司曝光率要求有所交代，然而，逢周一所見，中間打開左右兩版的理財周刊，只要放在牆上扮貼堂，感覺又真係幾配合現時市況，直情係大吉利是。
何解？全版都係一人一格、大小呎寸一式一樣的大頭照片，旁邊還有文字，除了姓甚名誰外，還有離不開個人推介的內容，似甚麼？看看你和我及部份行家的思想是否一致，係，似足龕位。編輯對貼股人的最大整蠱，係在每位人士照片與文字外圍加黑框，成個格局更入型入格，老人家睇見都啋啋聲！
懷疑為何版面如此設計，竟然可以過關印刷出街見人，點解平時好哋哋，係每逢周一版本就出事？奇哉怪也！更奇者，係無理由如此對股評人奇恥大辱的設計，又會無人出嚟發聲！難道要找個龕位打打擂台，真的如此困難，所以才敢怒而不敢言？有資深股評人看見這個版面即時say no，唔肯加入擂台陣。不少行家亦同意，經紀業已屬夕陽工業，所以紛紛努力尋找出路，搵機會賺多點快錢，務求早點可以埋街食井水、火燒旗桿去也。
投資市場面對中期危機，市場中人的中年危機感覺，似乎也甚濃烈。近期坊間財經報章雜誌，不少都充斥教你如何在一個月內賺100倍回報的鼓吹投機炒賣課程廣告，升跌都話可以賺，人人可以發達；難道期指期權都可以歸類低風險、低成本投資。講真，如果真的如此容易賺錢，為甚麼要整色整水出來大賣廣告開班授徒呢？如果我有賺100回報的方法，我會先搵完快錢再豹隱，情願做一隻閒雲野鶴，樂得逍遙。
經紀搵食艱難，但廣告有必要吹得這麼大嗎？只恐泥菩薩過江，還要以怪力亂神，徒令識者笑死、不識者嚇死，令已經輸都暈陀陀嘅炒鬼，更加泥足深陷。

胡孟青
獨立股評人

---

2 : Sunny^_^(11601)@2011-10-04 22:51:48

佢imoney有位喎,仲咁明既???

---

3 : GS(14)@2011-10-05 10:51:03

我日日夠罵啦，所以佢唔驚，晴報財經正一垃圾我都夠膽講

---

4 : Sunny^_^(11601)@2011-10-05 11:18:34

3樓提及

---

我日日夠罵啦，所以佢唔驚，晴報財經正一垃圾我都夠膽講

你冇收晴報D犒$,但係清姐有收imoney呢

---

5 : GS(14)@2011-10-05 11:24:56

4樓提及

---

3樓提及

---

我日日夠罵啦，所以佢唔驚，晴報財經正一垃圾我都夠膽講

你冇收晴報D犒$,但係清姐有收imoney呢

咁經濟日報D人真是廢嘛

---

青笑怒罵：三角債≠地方債

1 : GS(14)@2011-10-10 22:29:13

http://m.sharpdaily.hk/detail.ph ... 5307&category=daily

對每天工作就是游走於新聞資料堆如我者，網上資訊發達反而是把雙面刃，何解？生活節奏一切求快，今天要摷資料，打開部電腦、把關鍵詞打入網上搜尋器，頃秒之間隨時出現成千上萬條相關答案「搜」到拿來。然而，有誰可以向你保證得來容易的資料百分百準確？假如你的職責又是要把相關資訊綜合後向第三者發放，你就更加要小心求證。
總不能單靠一面之詞照單全收，否則隨時會出現知者笑死、不知者嚇死的尷尬場面，尷尬還算，幾多人會以為可以笑遮醜矇混過關，但掩耳盜鈴、集非成是，終究不是業者應有的處事態度，除非閣下的志願只是充當一隻花瓶。
上周一，以財經資訊為主打的收費電視台，在該新節目播出前喪播預告之餘，竟讓主持不斷重複讀錯一個只有兩、三分鐘環節式小百科類型節目的名稱，把「知」字發音讀成「智」；都算，首集節目竟然出現因完全錯解題目而完全畀錯答案，主持人眼仔碌碌聲大大，原來係符符碌碌兼無貨賣，開場白竟然係「三角債，又叫做地方債，係由地方政府發行、用嚟籌措財政收入嘅公債。」
首先，三角債問題係指我國上世紀八十年代末九十年代初牽涉國企、紅籌窗口公司，以至鄉鎮企業間之應付而未付賬款，日積月累掛在賬上形成，一度佔內地銀行信貸總額超過三成之壞賬，最終在當時時任總理的朱鎔基鐵面一聲令下，在全國範圍清理三角債，牽連所及，企業出現連環爆煲潮。資深財經人，對這後不太遠的歷史，當仍歷歷在目。
再聽埋第二段，就更出事，「由發地方債得嚟嘅收入，會由地方政府做預算同調配安排。一般嚟講，地方債以當地政府嘅稅收能力作還本付息嘅擔保。」
整段文字原來係以關鍵詞經由Google轉入內地《和訊網》翻譯搜索出來，內容一字不漏抄襲，難怪大相公食詐糊！此話又係何解？因為有關人士涉嫌斷章取義，未有留意同一篇搜尋得出的答案內容中，同時提到1993年後，內地「頒佈的《中華人民共和國預算法》第28條，明確規定『除法律和國務院另有規定外，地方政府不得發行地方政府債券』。」
因此，開場白以百分百肯定的語氣說地方債即係「地方政府債券」係明顯誤導觀眾。因為在中國，地方政府根本就不可以發債，否則財政部唔使咁頭痕啦！
胡孟青
獨立股評人

---

2 : GS(14)@2011-10-10 22:29:27

是咪有D心胸狹窄?

---

3 : 龍生(798)@2011-10-11 01:23:13

咁都要有線有咁多錯處俾人捉先得....

---

4 : GS(14)@2011-10-11 20:22:33

今日繼續鬧

---

青笑怒罵：嫩口財記有眼不識泰山

1 : GS(14)@2011-10-12 22:00:40

http://m.sharpdaily.hk/detail.ph ... 5307&category=daily

近年遇上不少新入行不久的財經小記，水準真的有極大改進空間，不知是因為人工太奀，令小記交不出工作熱誠，還是因為只當跑財經是一份騎牛搵馬臨時工，根本不屑放太多心機。
何出此言？例子多的是，且不講平時打電話來永遠齋問「個市點睇？」「滙豐點睇？」等平平無奇問題的散戶上身式電話訪問，就連一些關乎上市公司事件看法的提問，也似乎是你講的對方都似水過鴨背，蠢問題就照掟出來，原因就是對自己身處的行業不熟悉，也不尋求方法去提升實力，因此才令一切在幹根本形同交差式習作。或者有新入行小記認為某些股評人如小女子比較「囂」且「寸」，實不相瞞，更多時候我們只是被蠢問題搞到「扯火」。
財經小記看到這裏，可能仍然覺得自己無問題，只是我等「老鬼」挑釁。遠的不說，再引用兩宗最新事例，看看小記還知不知醜，知恥近乎勇，就應自我檢討。上周港股重光日即重陽節假期前，剛宣佈轉型專注房地產業務的瑞安建業（983）召開特別股東大會，當然吸引眾記者前往採訪。有時財經小記及電視台cam man等上市公司主席駕到，真係仲辛苦過演員等埋位，慘過等運到。
一講到瑞安，較八卦的或許會即時聯想到最美麗港姐朱玲玲及主席上海姑爺羅康瑞，財經記者對副主席蔡玉強也不會陌生，只是當日主席未到，其獨董之一艾爾敦經過，卻竟然無人認得他就是滙豐前大班David Eldon，假如我係在場小記，肯定會走埋去問佢點睇歐債危機對滙豐之影響及對大裁員之睇法。聽講當日小記當中有個別認得出呢位大人物，好明顯「睇好邊位做特首？」仍會是熱門問題。
你可以話唔認得一位洋人唔出奇，不愧為好辯駁的八、九十後，咁我就再給你一個例。話說一位已出動採訪十多年的財經小記朋友，上月中身處熱辣新股中信証券（6030）H股上市前於酒店舉行之路演推介會，在會場外等採訪時，猛然發現四叔頭馬恒地（012）副主席林高演現身會場，即時好興奮地向身邊行家提示。誰知身邊一眾行家甚至攝記們，竟然不約而同戇居居無反應，好明顯不識林高演三個字代表甚麼。雖然市況唔就，惟後台夠猛，大孖沙就算唔落搭都要來打個招呼，但小記們同場現身撐場為中信証券造勢的東亞民橋及女股神牛央就好熟悉，可能佢哋樣子太易認啩！
假如我在場，肯定會簡單地問佢兩句「點睇樓市？」、「點睇施政報告？」有眼不識泰山，隨時會損失好多獨家料！財經媒體將來聘用新人，看來要加多一項考試題目，就係認人！

胡孟青
獨立股評人

---

2 : 龍生(798)@2011-10-13 01:25:09

真係啄住黎咬...

但湯兄似乎完全勝任有餘喎

---

3 : GS(14)@2011-10-13 21:19:43

懶得睬班低能財演，記者我還能救幾個，最慘D編輯一字不改，笑話於人前

---

青笑怒罵：唱衰報告拐點指標

1 : GS(14)@2011-10-14 22:22:00

http://m.sharpdaily.hk/detail.ph ... 5307&category=daily
唱衰報告有威力有市場，但有時看法過份極端、或者唱淡上市公司背後所持理據不足，不但隨時會惹來上市公司反彈，甚至會令效果大打折扣，最大的反效果來自當
市況已出現單邊走勢一段日子，且技術面亦已屆臨界點時，這類大玩順水推舟、順勢而為的分析報告，隨時成為大市即將出現拐點的訊號。
正如瑞銀於2007年10月初港股大炒直通車南下之際，當中國神華（1088）股價還在40元水平，分析員一嘢將目標價由35.15元大幅上調至101元，以為H股股價會追貼當時剛上市做88元人仔的A股。神華H股股價即於報告面世後同月見頂。
原因？不能太怪責溫爺爺叫停直通車，只係人人炒到癲，該報告出台前一個月，神華股價已單月升足38%，神華已變成神話。同一位分析員，本周亦在中鋁
（2600）股價在8月跌足22%、9月再跌33%之際，短短兩個月由6.8元跌到3.2元，唔見超過一半，才出報告狠劈其目標價落2.07元，究竟算係
分析員順便送上市公司一程，還是看不見之前要跌的3蚊，突然醒來看見之後還有1蚊？
上述例子證明，當升到開巷或跌到開花之時，再重遇語不驚人之出位報告，隨時係相反指標。當Sell
Side分析員罕有地一面倒大玩逐個捉，明眼人先觀察事前拋空盛況，不難理解為何港交所（388）、瑞年（2010）、超大（682）、雨潤
（1068）、思捷（330）、味千（538）及匹克（1968）近期被削價及早前不少民企被插旗，甚至奪去評級背後理據，即使只屬老生常談或舊聞新炒，
多會觸發一陣恐慌，問題在於誰在人人恐懼之際膽敢出來貪婪，答案肯定耐人尋味。究竟為何分析報告每每出現太早或太遲看好看淡，動機不難想像，皆因錢作怪。
關注物極必反幾時出現，世上無免費午餐，當分析報告寫明「給機構投資者用」（Institutional Use
Only），其實又係手到拿來俯拾皆是，必然會令人懷疑背後的動機。陳昔典在「The Worst is Yet to
Come」裏面把滙控（005）股價狠劈至30元，不難想像是博出位之作。
理據離不開看集團於歐豬五國的風險承擔總值達319億美元（約於2488億港元）、其他歐元區非貸款風險料須作20%減值、全年將錄得過百億美元的虧損，
以及為符合巴塞爾資本要求，派息比率恐由去年的
50%降至28.5%。只是頭號假設已屬非常極端，因為要歐豬五國全部賴債，即係話要歐元區解體，然而319億美元風險資產當中，有165億元屬於區內貸
款業務，分析員是否睇得太盡，把整隻歐豬都睇死，倒不如索性睇歐元區陸沉，不包括英國的歐洲風險口2820億美元，即股東資本的兩倍都通通泡湯！
胡孟青
獨立股評人

---

青笑怒罵：都是分析員惹的禍

1 : GS(14)@2011-10-17 22:53:54

http://m.sharpdaily.hk/detail.ph ... 5307&category=daily

問任何一位分析員，目前要做預測是睇淡容易睇好難。報告Call Buy有人睇，Call Sell無人理。的確市場龍蛇混雜，陰晴不定，夾雜於現實與憧憬之間，做任何恒指目標、股份目標價、或樓價預測都是浪費時間，因為命中率會比正常市況之下更加低。有見及此，稍為老練的分析員亦無謂自踩陷阱，自廢武功。
分析報告的可觀性，在於其論據及資料，而不是股價或市況走勢預測。立論分析獨特，就算預測錯誤，無人會怪。
不過，一旦分析立論出錯，整份報告可以掉落咸水海。明富環球陳昔典有關滙控（005）30元目標價的報告，引起市場爭議，之前我亦提及其立論過份不客觀。由於收到太多客戶查詢，陳先生在報告發表後近日再次作出了回應。
明富10月7日的報告，重點是假設滙控於歐豬五國持倉債務加貸款要全數100%撇賬之餘，同時要為其餘歐洲債務持倉及風險組合，做20%撇賬，從而合共得出319億美元的撇賬數字。
明富最新回應，只集中解釋歐豬五國合共104億美元的潛在撇賬。陳先生堅持，假設滙控要為希臘百分百撇賬是合理，並指就算按不同準則及國際最新評級標準，滙控要為葡萄牙撇賬五成，要為意大利撇賬三成，結論仍然與最初判斷的數字相若。
首先，他的最新解釋已經跟最初報告內提及滙控要為歐豬風險做百分百撇賬有出入。其次，陳先生仍然逃避將歐豬國貸款組合，計入潛在撇賬假設的理據。最後，他對原先整體319億美元撇賬預測之中，歐豬國以外要額外再做20%撇賬，選擇隻字不提。
所以由於報告立論混亂兼且草率，就算將來滙控股價不幸真的跌至30元，陳先生亦沒有資格去領功。
市況上落變化之大，令人容易自亂陣腳。股價估值太低，作為推銷員可以叫買，亦可以運用羊群效應，進一步唱淡，但在作推介前，都要有理有據。
大行報告發威，不少上市公司不知不覺屈服分析員面色，大如由環球金融地方智慧，到新世界一部份的滙控香港，中秋前趁本地公務員也大幅加薪超越通脹之際，仍要高調宣佈攞你命三千之世紀大裁員。
從數據出發，表面理據甚牽強，因香港成本佔收入比率全球最低；但反過來看，從分析員膚淺角度出發，又不難理解是上市公司想刻意迎合討好分析員。
內地有勞動法，歐美有工會，唯有揀香港開刀，望分析員手下留情的非理性行為，源自分析員盲從數據，導致上市公司盲追不切實際的股東回報，實在欺人太甚。

胡孟青
獨立股評人

---

青笑怒罵：孖展風雲奪命金

1 : GS(14)@2011-10-18 22:31:00

佩服你抄成咁wor...當晚有，第二日就出?

http://m.sharpdaily.hk/detail.ph ... 5307&category=daily

繼《華爾街》及《呃錢帝國》（Inside Job），把上一輪發生於2008年的金融海嘯中，政客、財金官員、經濟學者及眾專家週旋於政治與權力角力的醜態盡情暴露；以金融敗類蹂躪經濟系統，從業員助紂為虐，最終無以為繼物極必反，觸發金融危機，令市場上輸錢、失業、無家可歸者不知凡幾，圍繞於金融道德風險的題材，作為行內人，總覺得很有切身感受。
最近看完《竊聽風雲2》、見識過「地主會」勢力仍嫌未夠喉，未來一個月大可不愁寂寞。
本周四上畫就有杜琪峰導演、標榜「用命撲火」的《奪命金》（Life Without Principle），要看西片，還有下月17日上畫之《孖展風雲》（Margin Call），單看戲名已夠頂癮。
適逢有報道指大銀行逼員工跑數，《奪命金》片中飾演被逼由銀行櫃員轉為投資顧問、游說師奶阿叔客戶買高風險投資產品的何韻詩，一句「市好買基金、市差買保險」，總之有錢就要買啲嘢！反思現實，有點悲涼；飾演黑幫中人的劉青雲，代表一心想不勞而獲以小博大的一群，其行為又何嘗不是社會心態與風氣的寫照；飾演警隊督察的任賢齊，面對生活逼人，原則也難免動搖。身處泡沫大時代，現實不斷衝擊本已充滿矛盾的人性，要在金錢與原則之間取捨，談何容易。開場一句「這是一個牛熊共舞的年代」（A Turbulent World），亂世何止雌雄莫辨，更是牛熊不分！
《孖展風雲》戲名令人想起今年以來，幾度加孖展按金的期金期銀，每次都為貴金屬價格掀起巨浪，更教人不忘發生於不久前的八月初、恒指單日曾急跌過千六點、亦禍源於交易所大加期指期權按金，不少孖展客因被經紀行斬倉輸突，側聞有標榜每期免費派10萬份益街坊的貼士周刊更因炒燶期指沒頂，累及關連股仔冧棚，更少了一個散貨渠道。
戲中講述金融界於08年金融危機爆發前，華爾街一家投行面臨倒閉危機前最恐慌的24小時，人性的自私自利、唯利是圖、爾虞我詐及不擇手段盡露之情景，演員粒粒皆星，位位好戲。
印象最深刻係香港版預告片中，飾演金融大鱷的謝洛美艾朗斯（Jeremy Irons），戲中有幾段精彩對白，道盡金融界之無良黑暗面：「這一行只有三種方法生存，要快人一步、食腦、出蠱惑」（Be first, be smarter, or cheat）。
另外，還有一句「把你明知你賣的是一文不值的垃圾，以照市價賣給願意上釣的人，我們才能生存！」；講到尾，其實都係「錢作怪」（It’s just Money！），熱切期待好戲在後頭！

胡孟青
獨立股評人

---

2 : 200(9285)@2011-10-18 23:14:42

抄我們?

---

3 : 龍生(798)@2011-10-19 01:20:26

妖....真快手.....

應該有的關係啦

---

4 : GS(14)@2011-10-19 20:05:13

2樓提及

---

抄我們?

sure it is, I think no web make this..

---