ZKIZ Archives


行到腳拂拂 左丁山


2010-12-05  AD




 

今年經濟好景, 臨到年尾時份,中環交通特別繁忙,下午三點打後至晚上八時前,簡直有行不得也哥哥之嘆,午飯時候亦唔好得幾多,好彩左丁山近半年來苦練步行,行路不以為 苦,去金鐘參加酒會,一定行路,晚上酒會後由金鐘去佳寧娜出席飯局,亦係行路;在行人天橋上望到高士打道成為大停車場,行車如蝸牛,於是產生阿Q精神,覺 得行路仲爽。細個之時,記得先父久唔久就嘆一句:「日日路上行,未免腳拂拂」,不明其意,後來先父教睇通勝,方知有軒轅黃帝四季詩呢回事,先父生在黃帝 膝,詩云:「初年勞碌多,也不缺衣食,日日路上行,未免腳拂拂,晚景享榮華,中年辛苦極」幾乎全部啱晒,只係最重要嗰句:「晚景享榮華」,可嘆先父從未享 受過,中年以後得個捱字!。

行到腳拂拂,起碼有個好處,就係對健康有益,兼且若果計算時間安排得宜,就唔會遲到。但今年嘅十二月中以後,聖 誕酒會陸續出籠,就算點樣行路法都無計咯,譬如十二月十四日星期二,晚上六至八時亞洲週刊在北角海逸君綽酒店有二十三週年酒會;六至九時星展銀行在中環七 號碼頭(天星碼頭)嘅Watermark舉行聖誕酒會;德勤會計師行在五時三十分至八時在金鐘香格里拉酒店香島殿舉行聖誕酒會,陳家強局長係特邀嘉賓。馬 主H接到呢三張請柬兼基金經理K請吃晚飯,不禁嘆一聲,分身乏術,因為北角、金鐘與天星碼頭,實在相距比較遠,行到腳拂拂都趕唔切也。何況當日中午又有恒 生銀行蛇宴,肯定食過龍o忝。

最近政府大力推動「申亞」,民建聯與泛民大力反對,雖然政府動員在亞運得獎牌嘅運動員猛咁宣傳,爭取市民同情 分,相信仍難以說服議員。唔講唔知,原來恒生銀行係2010亞運嘅大贏家,事關攞獎嘅運動員全部得到恒生發放現金作獎勵,總共一千零三十萬元,其中黃金 寶,騎單車得一金一銀獲頒六十萬元,成為一眾運動員之中嘅「金牌獎金」得主,亞洲英雄黃蘊瑤得一塊銀牌獲頒二十萬。大企業每贊助不同文化體育教育活動,恒 生就有個「恒生優秀運動員獎勵計劃」,今年認真大豐收。


行到 到腳 拂拂 左丁 丁山
PermaLink: https://articles.zkiz.com/?id=19850


ZKIZ Archives @ 2019