ZKIZ Archives


醫療集團淘汰戰病人大鑊

2007-6-7  NM




上週三,一名初出茅廬的女西醫在醫委會聆訊上,揭露她在多間醫療集團打工時的血淚史,醫委會主席麥烈菲菲隨即強烈要求政府盡快立例,監管醫療集團水平,保障病人利益。

近年醫療集團進駐各大機構及屋苑,單打獨鬥的一人醫生診所,面臨被大集團收購淘汰的命運。特首御用智囊「智經研究中心」最新報告便指出,本港逾五成私家醫生跟醫療集團掛鈎。

病人看醫生,沒有選擇,都要幫襯醫療中心。醫療集團為了利潤,剝削醫生,要他們用平藥、做推銷、食死貓,最後受害的,都是病人。

○三年於中大醫科畢業的徐巧汝,是少數願意站出來數臭醫療集團的醫生。她上週在醫委會聆訊上指,畢業後,她加入一間醫療集團診所工作,當年她便發現這診所不但容許助理自行為病人注射避孕針,甚至懷疑使用無注明過期日的疫苗。

斷症馬虎做推銷

由於對診所不滿,徐轉到康威醫療集團打工,豈料原來天下烏鴉一樣黑,她在這間診所工作期間,便曾有一名老婆婆在晚上因心律不正常求診,她認為要立即送往急症室,卻遭上司否決,要求她只處方藥物了事。

今次事件,揭露醫療集團質素每況愈下。曾經在醫療集團打工的林志源醫生不諱言,在醫療集團打工九個月,已經「頂唔順」,「佢哋要講求成本效益,用乜嘢藥根本唔係我哋控制,新一代嘅血壓藥要幾蚊一粒,舊一代嘅只係幾仙一粒。如果打集團工,佢哋會唔會俾你開新藥?」

另一名在醫療集團工作的醫生更說,如果願意「同流合污」,在醫療集團打工的確可以搵大錢。他透露︰「每一個客都係同公司拆賬,但係你睇傷風咳,根本就唔會拆得多(錢);不過,如果你肯sell客,見到啲客就同佢哋講吓啲減肥藥,如果開到單,咁拆賬就可以分得好甘。」這名不願出鏡的醫生說,在醫療集團內的病人已經不是「病人」,而是「客人」,是等候被宰割的客人。

醫療集團勢力大

醫療集團愈開愈多,勢力愈來愈大,他們拉攏商業機構及保險公司,向員工及客戶提供醫療卡作為醫療福利。醫療集團亦伸向地區網絡,向各區團體及屋邨居民組織招手,同樣以居民福利的名義,提供醫療卡服務,更密密收購小型診所及醫療中心,改變了整個醫療市場的生態。

收購地膽診所

本港兩大上市醫療集團之一、康健國際控股有限公司主席蔡加怡週二向記者直言,集團正積極擴展業務,目前核心醫務中心及聯營診所便超過八十間。事實上,該集團絕大多數位於元朗、屯門、天水圍一帶的診所,都是收購自「地膽」的蚊型醫療公司,省卻自己再「儲客」、「開客源」的工夫。她說︰「收購行動?其實我哋一直都無停過,如果見到合適,又旺、又有potential嘅,我哋都會走去同佢哋傾!」

記者翻查資料,發現今次徐巧汝醫生投訴的其中兩間醫療集團,均被康健入股四成九, 一名知情人士說:「佢哋(康健)一路都好積極拓展,不斷咁大食細,佢哋又有大地產商做靠山,咪好似而家領匯咁囉,可以入去大樓盤度做山寨王。你睇吓長實轄下嘅樓盤,實有佢哋份o架喎!」

上星期,記者到長實轄下的嘉湖山莊視察,的確發現在這個天水圍老牌屋苑旁的新北江商場,有最少四、五間醫療診所,當中包括在商場二樓的「栢安醫療有限公司」,以及分別佔據了商場正門左右位置的「新健醫務中心」及「新都醫務中心」。表面看來,病人似乎有不少選擇,但查實原來背後的老細,竟然都是康健。康健專吼新市鎮進攻,因為市區競爭大,而且市場開始逐漸飽和;新市鎮新客多,租金亦較市區便宜。

「佢 哋呢一兩年收購得仲密,會派專人去每一區視察,見到邊間(診所)旺,就會入去同人講收購。」一名私家診所醫生謂,康健曾經出價過百萬元,要求診所醫生「賣 身」︰「佢哋首先會一筆過賠俾醫生,當係買斷佢哋間診所,然後就同個醫生簽死約,叫個醫生喺嗰度繼續營業,以月薪加花紅咁出糧。」該名知情醫生表示,醫生 的月薪大約五至十萬元,視乎地區及客量。

康健國際轄下聯網診所及醫務中心

 

藝人做生招牌

除了大 搞醫療集團,康健更加大展拳腳,既搞男士植髮中心,又大力發展美容業務,與變靚D合組「變.靚.D美容醫療中心」,提供一站式美容服務,幫人用Botox 打蘿蔔腳,搶佔美容市場。今年三月,又以七位數字找來藝人佘詩曼任旗下「香港體檢」的廣告代言人。擺明車馬以商業掛帥下,集團的營業額由前年的一億七千九 百萬,急升至去年的二億三千一百萬。集團更由虧損七千八百多萬,變成溢利超過二千萬。

康健是本港醫療集團的始作俑者之一,由屋邨醫生曹貴子於八九年創立,在沙田、大圍一帶的診所起家,以普通科兼專科一站式服務做噱頭,專吸屋邨客,生意愈做愈大,二千年在創業板上市,泊到「超人」李嘉誠的碼頭,得到長實青睞,看好醫療集團生意潛力,故加入成為策略投資者,持有百分之九點九股權及一批可換股票據。康健之後便成功登陸長實旗下物業開設診所,亦透過長和系的零售網絡銷售康健的保健產品,實行有錢齊齊賺。

 

兩年前,康健又得到玩具大王蔡志明青睞,以四千四百萬入股,更安排她年僅廿五歲的女兒蔡加怡當上集團主席,落力收購及發展業務。蔡加怡坦言,有野心成為本港醫療集團的龍頭大佬,「我哋而家仲傾緊收購大陸嘅醫院,到時康健就會打入埋大陸市場!」

今 時今日,康健已經不再是由曹貴子話事,知情醫生說︰「成個醫療集團已經商業主導,根本係商人話事,個個醫生都做得好無癮!」該醫生更不諱言︰「如果你問我 呢個集團啲醫生好唔好?我只可以答你︰『如果你有本事,你都唔會跟佢!』」記者致電曹貴子,表明希望訪問,但他即時掛線。

其實,醫療集團商 業化,早已引起業界不滿,醫學會會董謝鴻興便指,以商業掛帥的醫療集團,已嚴重影響本港的醫療質素。「應唔應該送個病人入院要先向老細請示,有無搞錯呀! 個老細係乜人呀?個老細唔係醫生喎,佢係商人喎,點解唔係由我哋專業決定點處理啲病人呀?」消委會在去年收到二百多宗涉及醫療集團的投訴,比前年的九十一 宗,急升超過一倍。

入藥機器有事孭飛

謝還說,不少醫生投訴行醫時受到集團諸多掣肘,甚至因為要控制集團開支,不可以為病人處 方新一代、副作用較少的藥物。知情人士更透露,有醫生甚至違背良心行醫,為集團哽死貓亦不能出聲。原來,政府為了規管危險藥物,例如藥性較重的減肥藥及安 眠藥等,醫生在處方時,不但要記錄清楚,而且更要準備讓衞生署隨時突擊檢查核數,所以「一粒都不能少」。

不過,部分集團醫生對於危險藥物的 去向,卻無權過問,連藥櫃鎖匙都不能管︰「明明放假前入咗幾百粒減肥藥,但一放完假返嚟,姑娘又話差唔多要入貨,我根本唔知啲藥去晒邊!」一名醫療集團醫 生說,為保飯碗,對這情況只是敢怒不敢言。「佢哋只係有兩條路,一係報警,一係去衞生署備案。如果出事公司唔會負責,你唔見咗啲藥,又或者俾人告,就只係個醫生自己孭飛,俾人告,最終要坐監嘅,都係個醫生,但醫療集團個老細就可以逍遙法外。」謝鴻興說。

對於政府一直拒絕立法監管醫療機構,醫委會主席麥烈菲菲亦大表不滿︰「我哋早喺兩三年前已留意呢啲公司化運作嘅醫療機構,而家連茶餐廳都有食物安全部門監管,點解醫生可以無監管?有公司牌就得?」目前政府連香港有多少間醫療集團的數字也沒有,對其運作渾然不知,結果出現今天無王管局面,病人利益最受損害。

為控制成本,醫療集團曾購入水貨疫苗(右圖),政府若不及早介入規管,受苦的最終還是市民。(《蘋果日報》圖片)

近期涉及醫療集團的投訴

07年5月 女西醫徐巧汝投訴在多間醫療集團工作期間,受老闆左右處方藥物,又阻止她將病人轉送醫院,她更懷疑集團替病人注射過期針藥。

07年5月 「變靚D」三間分店去年被搜出九千粒減肥藥,被揭發其僱用的醫生未有妥善登記該批減肥藥。

07年4月 高健醫務中心醫生陳計明,被投訴向病人推銷護膚品。

07年3月 聯合醫務中心女西醫岑碧欣配錯降血壓藥予一名需服降血糖藥的糖尿病人。

05年底 多間醫療集團懷疑只顧盈利,漠視病人安全而出售未經註冊的水貨流感針。


醫療 集團 淘汰 戰病 人大
PermaLink: https://articles.zkiz.com/?id=24428

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019