邵家臻：冇傘運就冇臻議員
1 :
GS(14)@2016-09-27 07:57:49■傘運期間擔任大台咪手，邵家臻（左）承認有處理不善之處。
【本報訊】傘運期間的金鐘，湧現「今天我……」的燈海；金鐘燈光熄滅後在各區閃閃生光，小至法團互委會，大至立法會舞台，都有抗命不認命的燈火躍動。大台咪手之一的邵家臻說，傘運催生新政治佈局，不能否認的是：「冇傘運，就唔會有臻議員。」過往不時有人邀邵家臻參選立會，但被他拒絕：「做一個評論員、做一個社會運動者，係我去揀議題；但做議員就係議題揀我，即係冇得揀，乜都要招呼。」拉票是另一難處：「要周圍去拜票，係真係去頴票喎，我嘅脾性唔係咁。」「係佔中改變咗我」，邵2013年答應擔任佔中死士，籌備過程要保密，加上要與各界互傳訊息，轉變開始出現，「我大開大合、直腸直肚，但呢種隨心同隨性，要為咗件事調一調」，「原來唔調由自可，一調就係咁調；有時連死貓都要食、又要俾人鬧，真係要調人先要調自己」。調節後邵發現：「有啲歷史任務，大於自己嘅性格同喜好。」
抗命種子散落社區
傘運期間除病倒入院，幾乎每天留守金鐘，籲市民亮起手機唱「今天我……」，從燈海看到的凝聚力，即使有人嫌太過和理非，「我都覺得冇錯」。至今不忘被拆大台滋味，邵承認對如此大型的群眾運動，有處理不善之處，例如作為咪手，應及早開放大台供各界發言；同時應有足夠策略回應流言蜚語，「我哋都中咗招啦」。他說的是前年10月14日那一夜，有人衝上台說龍和道已經發催淚彈，慌亂中他在台上引述，結果催淚彈是假的，四面八方向他而至的「炮彈」卻是真的。「我覺得有啲陰謀，係想我唔好行出嚟」，既然已調節自己，47歲的邵家臻遂闖進選舉舞台，在恐被染紅的社工註冊局成為票王，再於社會福利界當選。他說傘運帶來政治醒覺，立法會投票率或因此破紀錄，「多咗好多人想要新面孔同新嘅政治佈局」。兩年時間雖難判定成敗，邵卻肯定傘運敗而不潰，至少抗命不認命的精神已植根，市民由認為犯法好危險，到支持有需要時公民抗命，「你見到啲種子係散落咗，好多人願意深耕細作，由唔同地區組織，同最近嘅太和邨（踢走建制法團），大家睇到，只要唔認命，可以有機會轉變，長遠肯定係成功嘅」。■記者許偉賢
來源:
http://hk.apple.nextmedia.com/news/art/20160927/19783276