ZKIZ Archives


中環在線黃光裕:我唔係優秀總裁 李華華

2008-08-29 AppleDaily

掛得總裁個title,壓力一啲都唔細,公司業務,事無大小都要攬上身,如果喺上市公司度做,交唔到數仲要向股東交代,所以呢份工一啲都唔易做。一向精明能幹嘅國美電器(493)主席黃光裕,喺內地嘅業務搞得有聲有色,但佢竟然好謙咁話:「我不是一個優秀的總裁。」

下放權力畀員工

據 《北京商報》報道,黃光裕解釋:「優秀的總裁,是在能力實施的範圍內,明確企業制度,顧及企業安全,然後給予員工一個授權的空間、事業的基礎,調動起他們 的激情、靈感,努力工作的狀態,促使他們創下一份個人的事業。」佢家吓仲向住呢個目標努力緊。不過,國美總裁好似係陳曉唔係黃光裕噃,唔通黃光裕覺得自己 唔係一個優秀嘅總裁,所以只係做主席?
中環 在線 光裕 我唔 唔係 優秀 總裁 華華
PermaLink: https://articles.zkiz.com/?id=1932

搞私有化最緊要大家happy中環在線:王忠桐「我唔會種票」 李華華

2009-05-21  AppleDaily





 

本港上市公司趁股價低迷私有化,手段層出不窮,好似電訊盈科(008)咁「拆股」就幾乎得米,可惜過唔到上訴庭三位「包青天」法官嗰關。至於最近熱爆嘅南太電子(2633)大股東顧明均嘅「自願清盤」,據當事人話係集體創作嘅「絕世好橋」,連證監會也為之無奈,惟有照批。

海嘯未完暫按兵不動

有 兩次私有化(失敗)經驗嘅王氏港建(532),主席王忠桐噚日喺股東會後義正詞嚴咁講,o依家雖然冇考慮再搞私有化,但再去馬都唔複製「種票」同「清盤」 兩招。佢話,私有化最緊要光明正大,出個happy價,接唔接受就由小股東自行決定。不過,金融海嘯始終未完,公司生意唔理想,資產估值難以反映真實狀 況,若要出價,多數會低過之前嘅1.65元(昨日收0.69元),既然冇把握過關,寧可按兵不動。佢仲話,如果其他公司有乜爭議,證監會要查清楚,千祈唔 好欺細怕大,有雙重標準。王主席咁仗義執言,難怪8號仔嘅小股東引以為例,喺法庭上痛斥百年老店,之不過,王總都有偷過師,06年第一次「直接」私有化失 敗,07年就抄電盈「曲線」買起Sunday條橋,不幸又係撒手而還。

叫證監咪大細超

王總話呢兩個月定單已經由谷底回升,但都要睇定啲,今年暫定唔派中期息。李華華LiWaWa@AppleDaily.com
 



私有化 私有 緊要 大家 happy 中環 在線 王忠 忠桐 我唔 唔會 會種 種票 華華
PermaLink: https://articles.zkiz.com/?id=8407

向華勝欠波債張玉珊:我唔幫人還錢!

2007-1-4  NM




去年四月與向華勝正式分手的張玉珊,曾先後與許晉亨外甥郭永亮、殼王陳國強、利孝和姪孫利承武傳出緋聞,感情生活多姿多采。

事業愛情皆得意,但近日張玉珊卻無辜捲入一宗恐嚇案,而事件更涉及其前男友向華勝。

有傳近年沉迷賭波的向華勝,曾欠下達七位數字賭債,但債主竟向其舊愛張玉珊追討欠款。本刊收到獨家消息,事件發生後,張玉珊已報警求助。發放消息

近日坊間有傳去年十一月十一日,有兩名大漢到張玉珊的尖沙咀修身堂寫字樓,交低一封信並要求轉交向華勝,甚至要老闆娘張玉珊代對方還賭債,與此同時,還向傳媒通風報信搞大件事。有感事態嚴重,張玉珊二話不說即時報警備案。

本 週二(一月二日),記者到張玉珊尖沙咀寫字樓外守候,下午一時多,她與大班員工,到鄰近的半島酒店coffee shop用膳。向她求證報警一事,張玉珊顯得有點抗拒:「唔係吖!○七年我仲咁惹是非!」記者再三追問,她才直認不諱:「咁我係一個正常人,當遇到不可思 議事件,我就會報警!」

輕鬆面對

雖然被恐嚇,她卻神態輕鬆說:「我唔覺得依家有人恐嚇我!亦都唔擔心!」

至於會否擔心對方有進一步行動,張玉珊理直氣壯:「你哋(指記者)由朝到晚跟住我,我怕你哋多啲!何況我生活正常,有正當職業,我從來都唔會賭錢,六合彩都無買過,就算夢遊都唔會賭錢囉!」

記者再追問債主登門恐嚇的目標人物是否向華勝時,她變得不耐煩。

「分咗手咁耐,我哋好長時間無見面亦無聯絡,關於佢嘅嘢,唔可以搵我!」

事實上,早於○三年十月,已經有報導指「修身堂」於尖沙咀寫字樓突遭四名大漢闖入,聲言向華勝要歸還六百萬欠款。雖然事件後來得到平息,但有消息指出,因當時張玉珊要獨力處理事件,對向華勝表現感到心都實埋,亦成為二人分手導火線。

「我同佢分手,唔關任何原因,唔係外界嘅謠言所講,唔好再有任何揣測。(咁係乜嘢原因?)老土啲講,係性格不合,生活世界唔一樣。」

有波必賭

自從創辦纖體公司,○三年更為「修身堂」成功上市,張玉珊事業從此一帆風順,進身商界做女強人,賬面身家以億元計,難怪會被人虎視眈眈。

無辜捲入恐嚇事件,張玉珊再次強調說:「拜託大家,我唔係開私家偵探社,唔可以搵我嘅朋友,就嚟搵我!我亦唔係專幫人搵朋友,我自己嘅工作已經夠忙!」

自四月分手後,向華勝已即時搬離二人的九龍塘愛巢,早前本刊便拍得他悄悄搬到尖沙咀豪峰軒居住,並已結識新女友。有傳向華勝近年對賭波亦極之沉迷,每場波落注數目至少五位數字,終欠下七位數字賭債。

究竟會否代向生還巨債,張玉珊堅定的說:「我係有慈善基金,會幫助有需要嘅人,但唔係用嚟幫人還債,我亦唔會幫任何人還錢。」

億萬富婆

現年三十二歲的張玉珊,坐擁市值八千萬的修身堂集團,成為上市公司主席。除了做生意有一手,自我投資保值更加有眼光,其手上物業遍布香港及美國,保守估計身家過億,是城中最年輕的億萬富婆之一。

港島半山松柏新邨

2,700呎

2,800萬

跑馬地比華利山 1,700呎×2

2,200萬

美國Monterey Park獨立屋 1,700呎×2

1,128萬

修身堂

市值約8,000萬

資產約值:1.4億

八年患難離合

張玉珊九八年在契爺黃毓民穿針引線下,認識了向華勝。當年男方對這位尚在電視圈打滾的姐仔一見鍾情,展開熱烈追求。兩人拍拖八年,經歷風雨,共過不少患難,無奈亦都多次離合,最終在去年四月中,由女方正式替戀情畫上句號。

 

99年

張玉珊感冒菌入腸,向華勝親身送女方入院,還體貼地帶叉燒瀨氹伊人開心,成功奪得當時只有24歲的張玉珊芳心。同年兩人前後腳離開友人的婚宴,戀情正式對外曝光。

00年

二人終於承認戀情,並於九龍塘共築愛巢。

 

01年

張玉珊聲稱受一個「老千集團」陷害,舉行記者會聲討。男友向華勝出面撐場,兩人更懸紅百萬緝兇。同年11月,向生在豪華遊艇為女友慶祝生日,往後兩人多次被拍到一起到歐洲和日本外遊,並傳出秘密結婚。

04年

張玉珊正式搬離九龍塘愛巢,兩人關係踏入冷靜期。

05年

兩人被傳媒拍到從埃及外遊度歲返港,同年9月「修身堂」深圳分店開幕,向生仍俾面出席,表面睇,關係看似依舊,直至去年七月,張玉珊終承認與向華勝分手三個月。

與向華勝分手後,先後和殼王及許晉亨外甥傳緋聞。


華勝 欠波 波債 債張 張玉 玉珊 我唔 唔幫 幫人 人還 還錢
PermaLink: https://articles.zkiz.com/?id=22108

賭場新仔呂耀東:我唔輸得

2006-11-02  NM




澳門賭業已進入群雄割據的戰國時 代,據統計,澳門的博彩業頭三季的毛利已達三百八十五億元,幾乎和美國的拉斯維加斯看齊,估計今年年底有望刷新五百億元的新紀錄。餅愈做愈大,就自然有人 來分;不但美國巨資金沙、永利進駐馬交,就連做開建築生意、與賭業風馬牛不相及的呂志和家族,亦加入戰團。

其中呂志和的長子呂耀東,被老父 授命做開荒牛,打造旗下銀河娛樂賭場,包括上月中才開幕的星際酒店。呂耀東以一招「亞洲心」,炮製以中式餐廳、中價賭枱打造的中國式賭場硬撼對手。面對着 做了幾十年賭場的老手,永利的史提芬、金沙的蕭登和「土炮」賭王何鴻燊,這位賭場新仔仍充滿信心高呼:「我一定唔係最差嗰個!」呂耀東小檔案

祖籍:廣東新會

已婚,育有一子一女。

1955:香港出生

1977:美國柏克萊加州大學土木工程系學士畢業

1979:美國柏克萊加州大學結構工程系碩士畢業,加入嘉華建材當策劃經理

1987:升至嘉華建材副主席

1989:晉升嘉華國際董事總經理

2000至今:被委任為嘉華國際副主席,負責發展與營運。現為銀河娛樂及嘉華集團副主席

呂氏旗下的銀河娛樂,有五間賭場,其中四家早已開幕,但反應平平,大家焦點都落在「秘密武器」——星際酒店及娛樂場身上。

這家酒店上月中千呼萬喚終於出來,開幕禮找來森巴舞女郎作熱情表演,更舉行了一千萬元大抽獎。賭場一開,打了一圈圈蛇餅的人龍立即奪門而入,呂耀東不禁興奮地說:「我哋係有能力做得到嘅。」

「老土」計算之內

銀 河娛樂為製造聲勢,以過千萬元邀來梁朝偉任星際酒店的代言人,並採用「花樣年華」的造型照,同時贊助由許冠文主持的《一擲千金》,比永利和金沙的拉斯維加 斯式宣傳手法來得更中國化。賭場內沒有長長的餐枱提供西式自助餐,而是設有對國內遊客更有親切感的「丹桂軒」、「避風塘」餐廳,與旁邊金沙、永利賭場的繽 紛、華麗相比,風味完全不同。原來這一切,都是在呂耀東計算之內。

「我哋搵咗喺澳門做賭業嘅專業人士做幫手,以『亞洲心』設計酒店,我相信 更適合客人。我哋中國人最講究實用,酒店房整成五十二平方米仲唔好用,所以我哋間到三十六平方米,大得嚟又唔會太空曠。食肆方面我哋又搵咗內地出名嘅餐 廳,好似避風塘、丹桂軒等,最重要合亞洲人口味。」這時他又意有所指地說:「做賭場係要金碧輝煌,但唔可以……呀呀……」口中硬是吐不出一個「俗」字,記 者幫他補充:「係咪俗呀?」「哈哈,差唔多,所以我哋都用金色,但唔係鋪天蓋地。」又明顯直指金澄澄的金沙。

美國佬照辦煮碗

說起美國賭場,他更將內心「冤屈」盡吐:「(金沙、永利)係好快就掂咗!但佢哋只不過係將美國嗰一套直接移植過嚟,好處咪快囉!但係美國得,係咪代表喺澳門都得?」

但金沙甫拿得賭牌後,立即動工建賭場搶住吃頭啖湯,○四年開幕,一年就回本。呂耀東卻力撐:「係咪一定適合澳門?我哋係華資公司, 一定最了解自己人嘅需要。譬如說中國人最鍾意任何事清清楚楚,但係美國式賭場搵個出口都要大半日,走吓走吓,都搞唔清自己喺邊!」難怪在星際賭場內,指示 路牌都大大個吊起,即使在賭枱最前的賭客都一定知出口的位置。外國人設計賭場時,出路沒有清晰指示,意在令賭客多留在賭場一段時間,呂耀東卻掉轉來做,可 說是有良心商人。

「我唔做阿二」

辣完過江龍,呂耀東再辣澳門土炮賭王何鴻燊。去年炒賭業股興起時,呂志和家族將嘉華建材易名銀河娛樂,配股十二億元,成為香港首家擁有澳門博彩牌照的上市公司。後又成功發行了四十六億元的債券,現時公司手頭有五十一億現金,呂耀東也自豪說絕對無經濟上的壓力,○八年前也無需要集資。

反觀澳門賭王何鴻燊,原先計劃在今年中將澳博來港上市,集資一百四十八億元,卻因與十姑娘何婉琪的官司而被迫擱置至今,難怪呂耀東氣定神閒說:「做賭業無一個融資平台好難做。舊年配股嗰陣真係一個好嘅timing,亦係好好嘅催化劑。我都唔想做做吓要向股東集資,不如一次過喺市場拎錢仲好!」

無謂惡性競爭

面 對賭業競爭激烈,既搶請荷官又要加碼佣爭賭廳廳主;現時星際酒店卻只開了中場,貴賓廳只有三十六張賭枱。市場亦說外間廳主嫌銀河娛樂出價低,不肯來開賭, 呂耀東仍無有怕:「你睇吓四年前有二千萬人次到澳門,而家有三千六百萬人次,就知個餅有幾大!大家鬥平只會少咗肉食,諗吓點整大個餅好過!」他充滿信心 說,絕對有能力可在澳門博彩業分一杯羹。今年五十一歲的他又補充說:「牌面上睇我哋唔係最差一個,澳門local人(意指中國人)做賭有一老一嫩,我唔會 係最差嗰個,我唔做阿二㗎!」

自信十足的賭場新仔呂耀東,早年在美國柏克萊大學主修土木工程,一畢業,翌日即返香港的安達臣道石礦場開工, 而且更自願在礦場工作了四年。那時他一星期工作七天也毫無怨言,更被工友稱他為「三條七」,事關他可以連續三個星期不停工作。「嗰時喺礦場食飯盒都有曱 甴,但我唔想人哋以為我係太子爺,所以更要俾心機做,令佢哋知道我都係好認真工作。」

他其後轉到嘉華建材,主力打理建築材料生意,直至○○年才正式被委任為集團副主席,負責發展與營運,專責集團除北美區業務外的整體發展及營運管理,到近年則被安排做起澳門賭業來。

家人全力支持

由 於經營賭場經驗欠奉,呂耀東坦言由投賭牌那一刻起,四方已有存疑的目光,「嗰時投完賭牌有人嚟問我,who are you?有人又覺得我哋無經驗,點可能做到。但我哋全家覺得中國人愈來愈有錢,花喺娛樂嘅錢亦都愈來愈多;而澳門剛巧開放賭權,咁好嘅機會放棄咪好嘥?」 他托了托眼鏡說。於是,投完賭牌後,他懶理其他人的懷疑,花了兩年時間飛往世界各地,研究經營賭場,順道招兵買馬,招攬賭場老手,「你講得出嘅賭場我全部 去過,學吓人哋點做賭場,識吓呢行啲專家。」

更重要的可能是有親戚的幫忙。呂耀東的太太是醫生,外母亦是美國的整容科醫生權威,據知她曾替 銀河娛樂的賭場帶來不少美國大客。而呂耀東的弟弟耀南,在美國經營史丹福酒店多年,家族在澳門開賭亦是他建議。的而且確,呂耀東這位賭壇新仔,要靠旁人幫 忙,才能硬撼旁邊有數十年經驗的賭王。

賭王大比併

呂耀東

年齡:51

威水史:「石礦大王」

呂志和長子

旗下賭場(投資額):華都、利澳、總統、金都及星際

(78億港元)

賭場定位及賣點:定位為中價娛樂場,內有十八間內地著名食府,巨形LED燈鋪滿外牆,乃全澳門最高酒店。

公司業績:銀河娛樂去年在港上市,因賭牌費用攤銷,上半年錄得7.34億港元虧損。

未來動向:在路氹興建二十萬平方呎的度假村,內設人造浪泳池等,預計○八年開業。

何鴻燊

年齡:85

威水史:經營澳博四十多年,有「澳門賭王」之稱。

旗下賭場(投資額):葡京及新葡京(建築中)

(30億港元)

賭場定位及賣點:傳統澳門賭場,地道大眾化。先有免費叉燒飯食,後送帝皇包配人參茶。

公司業績:公司仍未上市,去年純利達四十億港元。

未來動向:投資二百億港元打造「Oceanus」,以龐大巨鯨為設計藍本,內有商場、酒店和賭場。

史提芬永利

(Steve Wynn)

年齡:64

威水史:將荒蕪地區拉斯維加斯,打造成賭場不夜城,人稱「拉斯維加斯之父」。

旗下賭場(投資額):永利賭場度假酒店

(94億港元)

賭場定位及賣點:以高檔豪華的裝修及酒店服務作招徠,內有不少名店如Louis Vuitton、Chanel等。

公司業績:母公司Wynn Resorts 02年在美上市,06年第二季虧蝕1.56億港元。

未來動向:未有

蕭登艾德森

(Sheldon Adelson)

年齡:72

威水史:在八十年代中做展覽起家,其後進軍拉斯維加斯賭業,現為福布斯榜第三大富豪。

旗下賭場(投資額):金沙賭場

(18.7億港元)

賭場定位及賣點:標榜拉斯維加斯式服務的大眾化賭場,首創非吸煙區的中場。設全澳最低下注額50元。

公司業績:拉斯維加斯金沙去年在美上市,06年第二季錄得約8.5億港元淨收入。

未來動向:投資一百四十億港元,在路氹金光大道興建度假村。仿照意大利水鄉威尼斯設計,內有三百五十家名牌商店,估計明年投入營運。

 


賭場 新仔 仔呂 呂耀 耀東 我唔 唔輸 輸得
PermaLink: https://articles.zkiz.com/?id=24403

「我唔知」的力量 蔡東豪 Tony Tsoi

2012-11-08  NM  
 

 

在酒樓吃飯,點了菜遲遲未到,要求侍應跟進,最討厭聽到侍應即時答:「好快嚟緊。」每次我聽到都有衝動想跟侍應理論,你怎知道呢?這麼多張枱落了這麼多的單,你怎知道廚房正在處理我點的菜?廚房有沒有可能漏了單?

各行各業,包括我工作的地方,我留意到瀰漫着一種不敢說「我唔知」的恐懼。有人提出問題或要求,負責這件事的人彷彿有責任即時提供答案,否則顯示自己無能。很多時候「我唔知」是最適當和最醒目的答案,卻被錯判為無能象徵,我要為「我唔知」平反。「我唔知」失勢,元兇是社會普遍接受醒目仔風氣。最近幾個同事談起一個新加入的年輕同事,他們覺得這位年輕人很叻,我問怎叻,他們異口同聲:「他轉數很快。」我在想,轉數快「等於」叻,理據在哪裡?生命不是一場有獎問題遊戲比賽,最快答出正確答案就有獎,為何快即是好,我想不通。我冷眼看這種醒目仔風氣,所謂醒目是轉數快,話頭醒尾,舉一反三,速度比質素重要。今時今日,寸嘴等於叻,甚至是才子才女須具備的質素。有機會的話,我想參與一班所謂醒目仔女的談話,這些人以極速過招,大家都扮知道對方在說什麼,所有事情都有一個即時答案,你一句來,我一句去。我在想,問到我時,我突如其來一句「我唔知」,把這醒目派對徹底掃興。我說這句「我唔知」不是帶着疑惑表情,而是充滿自信,字字鏗鏘地說出——我唔知,但我都叻。

轉數快的人遇到難題,他們為保持醒目形象,多數會扮識,總之要有一個快的答案。不幸地,扮識從來接受不到時間考驗,很快便露底。轉數快不單只不代表叻,我認為是一種負累。轉數快的人猶如在地雷陣上耍功夫,踩地雷是遲早的事。「我唔知」是有效的掃雷器。一班人討論正經事或傾閒偈,總有人爭住說這句話:「這件事其實好簡單……」他們想表現自己過人之處,懂得在雜亂的資料中掌握事情核心,可是,這種「結論式」修辭對討論其實有害無益,因為很可能犯了Jumping to Conclusion的錯誤。相反,「我唔知」是拒絕Jumping to Conclusion,太快下結論等於提早離場,離場等於退出,不可能知道這件事可以怎發展下去。「我唔知」代表「我想知多一點」,拒絕匆匆下結論,有耐性去學一些新事物,我看不到有什麼不醒目的地方。「我唔知」是顯出智慧的機會。即使我知道答案,其實只是我以為自己知道答案,太快下結論,放棄聽下去是下策。人其實很喜歡交換心得,把自己知道的說出來,也希望從別人身上拿一些東西回去。懂得說「我唔知」其實是向別人賜教的方式,頓時令別人感到重要,別人會更花心機解釋他們所知道的。「我唔知」是建立關係的工具。

我們經常提醒別人要有open mind,接納不同主意,而「我唔知」是open mind的最佳朋友。當我能接受「我唔知」,代表我豁了出去,我不怕別人怎看我,我想知多一點,這個新主意可能就是一個突破的創意。「我唔知」是創意的泉源。「我唔知」其實不簡單,人要先知道自己知道什麼,才知道自己不知道什麼。知道「我唔知」是要經過認真思考,求求其其的人根本弄不清楚「我唔知」的意義,因為他們沒思考過問題,這種「求其我唔知」是代表無知。經過思考的「我唔知」,其實牽涉一個過程,包括考慮過問題,分析過自己的知和不知,然後判斷出「我唔知」。「我唔知」是知識的根據。在醒目仔女橫行年代,凡事要即時,要寸嘴,「我唔知」愈來愈被邊緣化,被視為無料表現,我唱反調,「我唔知」代表自信,這句話充滿力量。我沒必要知道所有事情,假如我是需要知道這件事的話,請給我一點時間去了解,遲些我再跟你談。就如酒樓侍應,他最有力的答案是:「我唔知,不過我會幫你去廚房check吓。」

蔡東豪 Tony Tsoi


我唔 唔知 力量 蔡東 東豪 Tony Tsoi
PermaLink: https://articles.zkiz.com/?id=39607

阿仙奴週記:「我唔係怕洗錢,我只係怕俾人搵笨。」 人在中環

http://manincentral.blogspot.hk/2013/08/blog-post_18.html
等咗幾個月,終於等到英超開季。估唔到只係第一場既比賽,就害我響九十分鐘裡面不停咁爆粗。好彩,重案組仲未有派人嚟查我,應該算係行運了。

輸「三比一」其實唔係乜嘢大不了,一場波,都只係三分聯賽積分遮。聯賽仲有三十七場,輸一場,真係冇乜嘢值得發牢騷的。問題係,三比一背後所隱藏既問題,所反映出既管理層思維,先至讓球迷勞鬼氣。

上季季尾既時候,球隊經歷咗一次十二場不敗,千辛萬苦先勉強拎到個歐聯附加賽既席位番嚟。咁你話呢班波,掂唔掂呢?如果你問我,我大概會用「四平八穩」去形容。你話呢班波好勁,咁肯定唔係架啦。你話班波好差咩?單計下半季既阿記係聯賽既得分王,你話好差咩,似乎又講唔過。隊波既Starting XI,儘管唔係星光熠熠,但我覺得,其實係合格的。唔合格既部份,係Starting XI之後既一班後備,質素同人數(真係可以派落場先計數,幼齒唔計),查實都唔足夠,而且個別位置直頭係冇backup可言。阿仙奴上季季尾之所以能夠打得好,比較合理既推斷係,佢地老早已經乜盃都出晒局,幾可肯定又一鑊四大皆空了。球季後期佢地要應付既,就只有聯賽爭前四一項。相比其他前列球隊,佢地要應付既球賽數目其實偏少,因此儘管正選陣容異常單薄,響比賽量不多既情況之下,還是可以打到好成績的。

打上幾個球季,球隊響off season既時候,都必定遇上兩個問題:1) 大牌球星離隊;與及 2)財政緊絀。剛過去既off season,係球隊近年第一次冇主要球星離隊(ok,唔好串我住,我都知,今年之所以冇人走,係因為阿記既大牌球星,其實老早就走清光…)。財政方面,簽咗Puma既新sponsorship deal,再加上慳家多年,今年大概係球會近年,最冇財政壓力既一年。所有球迷都期望,off season既時候,球隊會有適當既增兵行動。剛過去既暑假,阿仙奴同N個超級球星扯上過關係,最後個個都買唔成。問心講,我其實好懷疑,阿記既球迷們,其實係咪真係咁期望有個超級球星加盟呢?有,當然係更好,但冇既話,至少,響「合資格」既後備兵源既數量上面,起碼都要買番夠數。結果呢?

買唔到利記既梳亞雷斯,我唔怪佢地。買朗尼?我估即使係最樂觀既球迷,都知道其實係吹水。但係買唔到希古恩同加斯達禾,我就有啲條氣唔順了。希古恩係一個典型既阿仙奴式轉會災難:傾到實牙實齒,個個都以為只係爭最後簽個名,交易就可以完成。殊不知,對家坐地起價,明搵你笨。「聰明」既阿仙奴,唔肯做蠢仔俾人搵笨,於是自以為型爆咁walk away。轉個頭,件貨就俾人高價買咗。

球隊既高層,大大聲話自己唔介意洗錢。呢句statement,我其實係相信的。但我睇到既情況係,儘管佢地真係唔怕洗錢,但佢地卻異常害怕俾人搵笨,對「被人當傻仔」顯得異常抗拒。

阿記既transfer activity,讓我諗地我一個朋友早排既經歷。朋友係個有錢人,而且係個孝順仔。佢一直同父母同住,直至佢同太太生咗兩個小朋友,又要請外傭幫忙照顧,原來住緊間屋,忽然變得唔夠住。咁啱響果陣,佢屋企隔離有個細單位放售,朋友覺得,假如將間屋買下來,讓父母可以住響隔離,呢個安排就perfect了。隔離屋既業主,當知道朋友既情況後,自然覺得朋友係「必須」要買自己層樓,於是乎,坐地起價,加價10%。朋友唔肯做傻仔,於是便放棄買賣,去附近尋找其他地方安置兩老。結果呢?朋友一直搵唔到合適單位,佢父母亦因為家裡唔夠地方,而選擇搬走,而且一搬,就搬到老遠。朋友呢個孝順仔做唔成,而隔離既單位,亦被新既買家買咗,短期內再冇機會放售了。

或者讀緊呢篇文章既你,覺得呢個故事跟足球並不能扯上關係,但商業社會裡面,「坐地起價」既事情多不勝數,特別係賣家睇中你「有需要」既時候。情形就好似,當某個地方發生災難既時候,當地既求生物資既價格必然會被炒高一樣。賣家有本錢坐地起價,係因為知道你實在有需要。冇人喜歡俾人搵笨,但人生有太多時候,選擇做一次半次傻仔俾人搵笨,會比有型地做個「聰明人」來得合情合理。

或者講得遠了。

命運往往都係咁樣的,越窮越見鬼的。你越唔肯買人,越唔肯做傻仔,你諗住靠原班人馬搏大霧勉強捱得過咩?一場波,就傷你三幾件正選,仲要集中響晒條後防線度。話時話,禮拜三果場歐聯,湊唔湊得夠十一個人開波?

三比一完場之後,Emirates Stadium內噓聲震天。情況有如當日輸比曼聯八比二既一場波一樣,今日既敗仗,好可能再次換嚟轉會窗完結前既大手掃貨。這樣既panic buying到底會係好事還是壞事?對上一次既panic buying,為我地帶來了阿迪達同梅迪薩卡,但同時亦附送了朴主永跟山度士。是福是禍,還看未來兩個星期。
阿仙奴 週記 我唔 唔係 係怕 洗錢 我只 只係 怕俾 俾人 人搵 搵笨 人在 中環
PermaLink: https://articles.zkiz.com/?id=73790

「誠哥我唔愛你喇!」

2016-03-24  NM

「誠哥,我以前好愛你,但而家唔愛喇!」講緊嘢嘅唔係周凱旋,而係前《新報》社長、資深傳媒人馮兆榮。馮兆榮過去一直當李嘉誠係偶像,直至一三年買咗誠哥嘅酒店雍澄軒。當年馮老以四百多萬元,買入其中一個單位,及後長實被證監會轟炸,結果取消交易兼退訂。

不過唔係個個業主咁順攤,好似馮老咁,keep住張退票死都唔入。「佢哋每半年就俾張支票我(因半年作廢),金額係我俾嘅九十幾萬訂金;近排都俾咗一張,但我唔會過數嘅!」對方勸話入咗數仍可以法律追討其他賠償,但馮老你精我都唔笨。「我入咗數,咪即係承認交易已經取消?我無咁蠢。況且係佢哋無check清楚條文就賣,點解係我入稟,我邊夠錢同佢鬥。」馮老話按買賣慣例,長實應賠雙倍訂,「我都買過長實樓,知買家撻訂後長實連差價都追。而家輸打贏要,誠哥,你係咪咁做生意呀!」黃台之瓜,何堪再摘,係咪可用番喺誠哥身上呢又?

曹貴子慈善網絡

表面係屋邨醫生嘅曹貴子,喺股壇好活躍,但拍檔友好就好神秘。睇吓佢前年成立嘅egive慈善基金會名單,「網絡」咪一目瞭然囉!嗱,曹貴子係創辦人暨董事會主席,朱太同蔡志明係首席贊助人,聯席創辦人係PR Asia凌冠華,仲有傳媒夥伴《都市日報》。而名譽會長,竟然係爆咗煲嘅恒發洋參(911)楊永仁。仲有咩股壇老友?大把,自己睇啦。一齊發財,梗係要一齊立品先啱數。

中環寸嘴:溫哥華搵李福兆御廚

工廈大王楊耀松長子,遊走高級酒店、銀行,及知名食肆,與各路人士打交道,透過美酒佳餚,察看人生百態,讓讀者「嗒」落有味。

呢排返加拿大巡視業務,第一時間去搵「棠叔」,如果溫哥華唐人冇去過棠叔間海棠酒家食順德菜,唔算識飲識食。棠叔以前喺遠東交易所做廚,係李福兆親自撬佢入去做,八十年代移民溫哥華開檔,以前未有地主會,啲華資大鱷嚟到,一路食,一路交換行情,齊齊搵到咪齊齊食囉。聽棠叔講,李福兆未死前,每年七月都嚟幫襯,不過四叔李兆基想嚟食,棠叔都拒絕,怕地方太細招呼唔到。梗係啦!四叔嚟食帶埋成棚保鑣坐滿晒,又點做到熟客生意?四叔食完一餐,就何日君再來?熟客聽到唔做四叔生意,條氣唔知幾「kur」。八十歲嘅棠叔仍親自下廚,仲坐低同我寒暄兩句,不過始終都係生意人,呢條順德佬臨尾講句:「吖,係呀楊生,今年七月到期,又要同你傾續租啦!」真係好鬼精!

李澤鉅講大話?

上星期四長和業績會,焦點梗係喺李嘉誠度。不過佢老人家好識做,問到電能派息同樓市問題,都會推俾大仔Victor(李澤鉅)回答。Victor每次答問題,眼神都會好集中,好果斷!但輪到老豆答時,佢就開始眨眼,仲愈眨愈頻密,愈眨愈用力。幾乎鏡頭一影到佢,佢都喺度眨緊眼。小宗計落成場眨咗幾百下以上,由開場眨到散場,中間仲來個傻笑添!究竟佢係因為鏡頭太多,搞到眼乾而眨眼,定係同大家示意,有人講緊大話呢?!

中銀無view睇

過去喺中銀總行四十三樓,有一個免費觀景台,只要你喺樓下登記個人資料,就可以上去飽覽港島以至九龍景。不過唔知幾時開始,呢層已經封咗,上週小宗想去鬆一鬆,保安先至告知,睇景已成絕唱!咁就無得趁飯後二十分鐘,走來真「釣魚」啦。

誠哥 哥我 我唔 愛你
PermaLink: https://articles.zkiz.com/?id=190351

我女朋友前排同我講,你買唔到樓我唔嫁你。

1 : GS(14)@2010-10-24 13:08:53

http://hk.apple.nextmedia.com/te ... 731&art_id=14586211

昨日的真情對話分享會由香港青年協會主辦, 430名學生分別來自 34間中學和大學,在逾一小時的提問環節中,有 22名學生發問,其中 17人針對施政報告中提出的房屋政策,其餘涉及運輸和基建等問題。
全場熱烈掌聲回應


「我女朋友前排同我講,你買唔到樓我唔嫁你。」現年 19歲的中文大學工商管理系一年級生王俊堯在發言開首,即道出一眾 90後青年心聲,博得全場熱烈掌聲。他批評政府推出的置安心計劃力度不足,且無法打擊熾熱炒樓風氣,「家出現嘅情況係,有屋冇人住,有人冇屋住」。鄭汝樺回應時大講風凉話:「你返去真係要同你女朋友傾吓,結婚係咪一定要買樓呢?」她表示,學生若要買樓,但能力有限,可選擇離市中心較遠的私人樓宇或購買二手居屋,「如果你個價值觀就係結婚一定要買樓,你可能真係少咗好多選擇,但就多咗好多磨擦」。
王俊堯表示,雖認同鄭汝樺所指買樓要量力而為,但不滿她避談炒樓問題,只硬銷置安心計劃,「係咪幫助市民咁大呢」?他說,與女友拍拖一年多,女友母親說:「佢話冇樓就唔好嫁,住公屋都唔好。」他預計畢業後能月入二萬元,儲起 8,000元作首期,盼在 28歲時置業,屆時可能仍要家人協助才能上樓。
政府逼市民做房奴

除置安心計劃,會上要求復建居屋聲音不絕於耳。聖公會曾肇添中學許同學不滿鄭汝樺堅持不復建居屋,是「逼市民淪為房奴」;顯理中學一名學生亦指,大多數民意均支持復建居屋,惟政府逆民意而行。協和書院陳同學亦質問鄭汝樺,指每年公屋單位供應量少,漠視籠屋和板間房居民上樓的渴求。
面對排山倒海的提問,鄭汝樺只顧舊調重彈,否認受制於地產商而不復建居屋,又重申現時公屋平均輪候時間約 3年。分享會結束後,青年協會原先安排記者向鄭汝樺提問,當一眾記者在會場外等候時,鄭汝樺頭也不回離去。
學生質問鄭汝樺語錄


聖公會曾肇添中學許同學:
香港住屋最核心問題,其實係香港人淪為房奴!

崇真書院羅同學:
點樣令我哋對香港住屋、房屋有希望,唔通真係為樓死、為樓亡?

聖保祿學校林同學:
如果局長有一日乘搭地鐵,遇上早幾日電纜事故,你會點應對?

香港四邑商工總會黃棣珊紀念中學李同學:
家最多怨氣係 80後青年,佢哋 24歲人到 30歲,係咪真係可以儲到咁多首期買到樓呢?

顯理中學盧同學:
政府有 669億興建高鐵,做乜唔考慮回購東隧和西隧,如果政府連市民嘅交通都處理唔到,又點談得上同中國內地咁多億人去連接呢?

資料來源:青年協會真情對話分享
2 : 黃金蟲(1617)@2010-10-24 18:47:35

這個大學生的說話
聽下來心裡大罵了一頓
跟之前有兩位專業人仕想在中環置業一樣


"睇餸食飯"可以嗎
女朋友 前排 同我 我講 你買 買唔 唔到 到樓 樓我 我唔 唔嫁 嫁你
PermaLink: https://articles.zkiz.com/?id=271268

老公偷食後生女 41歲伍詠薇死頂:趁我唔喺香港!

1 : GS(14)@2010-11-26 13:01:03

2010-11-22 nm
伍詠薇同從事廣告的練海棠結婚十一年,早前夫妻檔合資搞美容生意,表面上是圈中公認恩愛典範。

本月十一日,練海棠趁伍姑娘出遊上海,公然同打扮比老婆差一截,但年紀卻細一截的後生女到中環燭光晚餐歎法國菜,席上,二人不時甜蜜互望;臨走前,練海棠更公然同對方摸手仔,然後還雙雙跳上練海棠同老婆共同持有的七人車走人。

週一(二十二日),抱病在身的伍姑娘到中環睇醫生,見到記者,起初笑晒任影,一見老公同後生女的親密照,即時收起笑容死頂說:「趁我唔喺香港!」幾杯落肚

伍詠薇與好姊妹袁詠儀,今個月十一日結伴飛上海,準備出席朋友十二日晚舉行的婚宴。遲一日起程的練海棠,竟趁老婆離港同日晚上孖住個廿多歲、有肉地但打扮較保守的女子,現身中環蘇豪區,對身旁後生女越行越貼的舉動,照單全收。之後二人走入全場擺滿燭台的「Oolaa」法國餐廳。

初時,練海棠打算坐到較入的隱蔽位置,但女方卻扁晒嘴擰頭表示不贊成,要坐近落地玻璃對大街的開揚位,練海棠亦千依百順,冇再堅持。

坐低後,練海棠已開始滔滔不絕,其間女方不時點頭贊同,一臉冧樣。上菜後,二人仍邊食邊傾,不時互望甜笑。醫肚一個鐘搞掂,但練海棠未有急住埋單,繼續同對方飲住酒談心,坐到十一點,才叫人埋單。

全晚盡顯男士風度的練海棠,幾杯落肚後,開始嚟料,只見他忽然推開餐枱上的燭台,再一手捉住後生女的手,嘴角含春地望實對方。練海棠同女方摸完一輪手仔後,終於捨得起身走人,在餐廳門外候車時,練海棠亦恢復警覺,刻意與後生女保持一個身位距離,之後二人一同坐上他與老婆伍姑娘共同持有的白色七人車。

唔做齋『目及』

去年,伍詠薇與練海棠結婚十周年,男方在傳媒面前許下愛的承諾:「依家係啱啱過十年試用期,嚟緊仲有好多個十年,佢係我終身伴侶,無論係生活、興趣同人生方向都好啱,對佢永遠不變。」

口不對心!據知,有自己廣告公司的練海棠,近年已放手將公司業務交由下屬處理,不過,一旦有model試鏡,他就一定現身。「佢(練海棠)話驚啲同事揀唔啱客戶嘅心水,要親自幫吓眼,不過大家都心照,其實佢旨在『目及』女。」練海棠身邊友人透露。

想做媽咪

伍詠薇與練海棠九八年在黎姿安排的飯局下一見鍾情,拍拖兩個月,伍姑娘已公開表示認定對方是結婚對象,男方更即時「做嘢」求婚。翌年七月,二人於加拿大正式註冊,成為夫婦。

婚後,兩夫婦秤不離鉈,伍姑娘甚至將閨房樂同傳媒分享;而練海棠亦十分識做,每年結婚周年都搞派對,宴請老婆一班圈中好友參與。

二人世界多年,眼見好姊妹袁詠儀誕下兒子後,伍詠薇一度有意生番個,可惜一直未有所出。

哭笑難分

本週一(廿二日),伍姑娘唔舒服到中環睇醫生,記者上前拍照,素顏的她笑住話:「我病緊呀,而家去睇醫生!」

記者再遞上練海棠與後生女撐枱腳的親密照,原本四萬咁口的伍姑娘,笑容即時僵住,但仍強裝鎮定,回答記者提問。

壹:今個月十一號,我哋影到你老公偷食,同個女仔食燭光晚餐,好親密!

伍(沉默數秒):趁我唔喺香港!

壹:你對佢偷食點睇?

伍:(重複兩次)未必係嘅!我問一問佢呢件事啦!(表情哭笑難分)

壹:個女仔你識唔識?

伍:我又唔識喎!講真,我要同佢傾吓,我暫時no comments。

其後,伍姑娘轉身離開,並一度攞起手上的iPhone企圖打電話,但醒覺到記者尚未離開,才沒有繼續,匆匆走入商業大廈睇醫生。

分頭搵食

圈中夫妻人前表現恩愛,但背後各自各精彩的大有人在,但時代唔同,偷食唔再係男人特權。

蔡卓妍

蔡卓妍06年與鄭中基秘密結婚,直至今年3月,二人被踢爆婚訊並同時宣布已辦離婚,不過人妻阿Sa早於去年10月,已背住鄭中基搭上師弟William陳偉霆,更有指二人在紅磡包長房做私竇幽會。

許冠文

許冠文與太太鄭潔英結婚38年,今年4月被撞破偷食「紋眉中女」,於西貢撐枱腳斷正,中女更慌張跳車買口罩遮面。

葉蒨文

95年,葉蒨文背負第三者之名下嫁林子祥,十年後,有傳葉蒨文搭上年輕羽毛球教練Mike,更為對方遠遷三藩市定居多月,其間,男方出入葉蒨文香閨過夜,用同一部車,關係密切。

陶大宇

陶大宇跟太太黃慧寶青梅竹馬,06年拍攝《學警出更2》,卻背住太太與郭羨妮撻着,黃慧寶一怒之下提出離婚,並直指郭羨妮是第三者。

結婚兩週喪夫

現年41歲的伍詠薇,細時家中環境唔好,14歲時入過黑社會,18歲喪父,89年在男友翁江培的鼓勵下參選亞洲小姐,奪得「最上鏡小姐」入行。90年,伍詠薇嫁入豪門,與比她年長30歲的香港安永會計師事務所高級合夥人翁江培結婚,當他第四任妻子,但婚後13日,翁江培因急性心肌梗塞病發,在深圳醫院病逝,21歲的伍詠薇頓成寡婦。當時有傳翁江培留下1.7億港元遺產,但因他沒有立遺囑,直至00年,伍詠薇分得900萬遺產。

92年,伍詠薇與牙醫男友張啟順(Alex)拍拖,二人拍拖五年半後分手。95年,伍再度活躍於娛樂圈,並轉型做歌手出唱片,橫掃年尾各大頒獎禮的新人獎,並接拍多部電影。98年,在黎姿介紹下認識練海棠,二人一見鍾情,拍拖7個月拉埋天窗。婚後伍詠薇加入無綫成為合約演員,接拍多部劇集,直至今年,伍詠薇向無綫請了一年假,專心經營代理的美容品牌「美人專門」生意。

無分你我

從事廣告業的練海棠(Kasey),曾效力本地著名的4A奧美廣告公司,後來與友人自立門戶,擔任creative director,出名的廣告作品包括:眼鏡88、鐵達時「天長地久」廣告等,高峰時年薪180萬。

伍詠薇與練海棠結婚後,除了男方與友人持有的廣告公司外,其餘的財產物業,全數加上伍詠薇的名字,二人持有兩間公司,包括愛芳肌有限公司及 Standard Faith Limited。95年練海棠以680萬購入南灣花園低層單位;07年,二人以848萬成功出售,獲利168萬。02年,二人以155萬購入般咸道麗怡大廈單位,至今仍持有。今年,兩夫婦投資7位數字開拓美容生意,成立品牌「美人專門」,推出產品「腳之燒腳膜」。
2 : 龍生(798)@2010-11-27 15:56:50

唉, 我又唔怪佢老公喎...你睇佢對眼厲過謝雪心...
大家都係男人...點頂呀....
3 : GS(14)@2010-11-27 16:11:55

畀我都頂唔住呢個女人
老公 偷食 後生 41 歲伍 伍詠 詠薇 薇死 死頂 趁我 我唔 唔喺 香港
PermaLink: https://articles.zkiz.com/?id=271766

我唔讚成一個女仔走去做核數

1 : GS(14)@2011-03-27 16:27:45

http://www.menwhenmiddle.com/2009/07/blog-post_07.html
管數佬我從來都唔讚成一個女仔走去做核數,尢其是在「逼科」裡做,點解?
行內人可能都會知點解我會咁講,行外人就未必咁清楚。
在「逼科」做核數,基本上係7-11,一星期7日,每日做(平均啦)10幾小時。咁長既工作時間一定會有得有失。或者咁,等我公平d列出一個女仔在「逼科」做核數,會得d咩失d咩:
得既:
1) 錢;很明顯,年年升一級,畢業工作5年已經係經理,人工肯定過4皮,事問有一些人工作十多年都只係2、3萬(可能更少),拍馬都追唔上。
2) 都係錢:工作十年分分鐘都已經係partner,人工點只10餅?唔partner就算只係senior manager,收入7、8皮都唔錯,三十出頭有咁既收入算唔錯啦。
3) 地位、名譽:唔駛多講,「逼科」既partner喎,點會唔威?
4)同性親密伴侶;沈小姐既文章都話,會計師樓女性比例較多,日對夜對都係女同事(甚至女同誌),在大家互相申訴,分分鐘日久生情,唔搞都變左同性戀。(計數佬你唔係嘛,咁都叫係得?係呀,我認為係得架,起碼我親眼見過好幾次活生生既例子。)
失既:
1) 樣貌:女auditor既樣貌depreciation rate 係極高,我自己目睹好幾個新入識既女junior,原本個個花枝招展、花容月貌,3個月後已變得殘枝敗柳,跟當初有好大分別。例子真係多的是。
2) 精神及健康:日做夜做唔捱到有病至出奇,甚至捱到有精神病。
3)

男朋友/老公;如果另一半唔係同行就更嚴重。另一半跟本唔會了解做audit既辛苦情況,何況日日都唔見,星期六、日都要工作,又異地相隔,聚少離多,點
會唔出問題?試過一個女性朋友跟我講,話佢男朋友唔信佢連星期日都要返公,話我朋友只係想搵籍口離開佢,結果冷戰左成個幾月,到最後confirm左佢地
已經玩完…
4) 金錢:係就賺好多錢,但咁辛苦壓力又大,搵得黎唔洗確實對唔住自己,結果一唔小心好容易洗過攏,變購物狂就仲衰…
5) 朋友/家人;唔駛講,咁長既工作時間邊有可能見朋友同家人?自己返到屋企d家人都訓晒,一星期都可能講不到10句說話,同同事傾audit issues就仲多。
6) 私人時間:對每一個auditor黎講私人時間價值係奢侈品,唔應該渴望擁有。
7) 貞節:係就嚴重左d,不過都聽聞過…
以上係小弟既愚見,其實對男性都係一樣,只係某方面個impact冇對女性既咁大,唔知各女auditors認唔認同,不過將來如果我有個女,我都唔鼓勵佢做audit,太辛苦,女仔人家唔好捱得太辛苦。
2 : 草帽(1253)@2011-03-28 18:47:36

自己幾年同auditor合作. 覺得男仔同女仔既分別. 女仔是比較蠢但細心. 男仔就比較聰明但太簡單. 女仔係打爛沙盤問到篤, 無論D野有用定冇用, 照問可也. 而男仔通常持住知識或常識, 避重就輕. 所以同一間公司女仔可以做通宵, 男仔七點就可以收工. 但係以我地投資者角度黎睇, 妳問到盡先係對投資者最好既做法. 如果間會計師樓女仔較多, 我會覺得比較穩陣.
3 : GS(14)@2011-03-28 21:29:36

2樓提及
自己幾年同auditor合作. 覺得男仔同女仔既分別. 女仔是比較蠢但細心. 男仔就比較聰明但太簡單. 女仔係打爛沙盤問到篤, 無論D野有用定冇用, 照問可也. 而男仔通常持住知識或常識, 避重就輕. 所以同一間公司女仔可以做通宵, 男仔七點就可以收工. 但係以我地投資者角度黎睇, 妳問到盡先係對投資者最好既做法. 如果間會計師樓女仔較多, 我會覺得比較穩陣.


如果是消費者角度,問到盡的確是好事的,但會好煩...因為我們能得知好多東西呢...

如果你咁講,我未來間公司應該找個有好多女核數師會好D呢
我唔 唔讚 讚成 一個 女仔 仔走 走去 去做 核數
PermaLink: https://articles.zkiz.com/?id=273616

理大易服男:點解我唔係女仔

1 : GS(14)@2011-10-02 16:48:14

http://hk.apple.nextmedia.com/te ... 104&art_id=15666126
Angela不知道由何時開始,意識到身體跟性別錯配,但他憶述,小時候已特別愛玩毛公仔,尤其鍾愛 Hello Kitty,每每看見女孩穿起裙子,他會既欣賞又羨慕。他更認為做女性有較多特權:「例如去買嘢,如果男仔睇完唔買會被人話,但女仔就無所謂,做女仔仲有好多人錫!」但礙於社會保守,加上生於小康之家,父親任職懲教署,自己又是長子嫡孫,他只好將「真正身份」隱瞞。可是愛好不同,令他跟小三歲的弟弟無法溝通;身份尷尬,令他交朋友時被無形的圍牆阻隔, Angela的成長路很孤獨。
「我想變番做女仔嘅諗法,一直隱藏得好好!」以不開心的男兒身活了 19年,弄得他無法好好讀書,名校出身的他,中五會考得九分,中七成績也不理想,去年撇下一切到澳洲升學,估不到反而讓他找回「真我」。
2 : Sunny^_^(11601)@2011-10-02 17:03:35

OMG!!!
3 : GS(14)@2011-10-02 17:09:56

點解又咁講?
4 : Sunny^_^(11601)@2011-10-02 17:10:47

佢移民啦.
5 : 龍生(798)@2011-10-02 17:17:25

中國人黎講太大隻了, 去外國啦, 鬼佬好鐘意呢的身型的(女仔的)
6 : GS(14)@2011-10-02 17:28:28

我已經無貼相啦
7 : 200(9285)@2011-10-02 17:48:46

人妖‧
8 : 龍生(798)@2011-10-02 17:54:08

係呀...好重口味...

香港除左變態的, 我諗都無幾多識欣賞...

話時話, 蘇沆街間基吧...真係好鬼激, 我搭車見識過一次....
9 : GS(14)@2011-10-02 18:26:26

好驚wor
10 : Sunny^_^(11601)@2011-10-02 19:40:52

好彩我連街名都係第一次聽=]如果唔係我成世都唔會去=]
11 : abbychau(1)@2011-10-02 20:01:33

8樓提及
係呀...好重口味...

香港除左變態的, 我諗都無幾多識欣賞...

話時話, 蘇沆街間基吧...真係好鬼激, 我搭車見識過一次....

見識到d 乜?
12 : 200(9285)@2011-10-02 20:31:34

http://www.youtube.com/watch?v=Gn68AHD43QM&feature=related

怎麼天生不是女人
13 : GS(14)@2011-10-02 20:33:46

http://realforum.zkiz.com/thread.php?tid=18288

醒個教學
14 : 亞力士(1473)@2011-10-03 02:20:25

留學三個多月,是 Angela過得最開心的日子,可惜因為留學費負擔太重,去年 12月他無奈輟學返港,卻嚇得媽媽目瞪口呆:「男仔去,女仔返,無端端多咗個女!」為此他與父母吵過無數次,但經過四個月的真情對話,媽媽率先接受事實,「佢話只要我開心,無論我做咩決定,佢都會支持我!」


<------ 我估佢阿媽勸佢阿爸時會講: 你已經無左個仔 係咪想無埋個女
15 : 龍生(798)@2011-10-03 14:45:52

哈哈哈哈, 亞力士兄是否談判專家?
16 : GS(14)@2011-10-03 20:24:48

最少唔似是一個唔識講野人
17 : 亞力士(1473)@2011-10-03 22:58:35

咁女仔 會凍 會寂寞 要人地比d說話支持
18 : 龍生(798)@2011-10-03 23:07:37

我好記得你上次形容觀音兵的道理.....
19 : 亞力士(1473)@2011-10-03 23:13:35

龍兄 可否提下我講過乜
20 : 鱷不群(1248)@2011-10-03 23:20:49

做父母的又的確很難接受
21 : 龍生(798)@2011-10-03 23:25:17

觀音兵漫漫長路, 女仔總有時會寂寞, 會凍...只要資質唔係太衰, 總有機會乘虛而入

多半都食到一兩次....

既解釋了女性的心理, 也解釋了觀音兵的由來
22 : GS(14)@2011-10-03 23:29:30

20樓提及
做父母的又的確很難接受


得一個仲死
23 : 龍生(798)@2011-10-03 23:30:10

亞力士兄的說法, 己是最父母最大的安慰了....
24 : 鱷不群(1248)@2011-10-03 23:32:44

21樓提及
觀音兵漫漫長路, 女仔總有時會寂寞, 會凍...只要資質唔係太衰, 總有機會乘虛而入

多半都食到一兩次....

既解釋了女性的心理, 也解釋了觀音兵的由來

講開甚麼?
25 : 龍生(798)@2011-10-03 23:36:32

好似係上次契哥契妹的post 入面的內容....
26 : 龍生(798)@2011-10-03 23:40:34

http://realforum.zkiz.com/thread.php?page=0&tid=25269

居然搵得番
大易 服男 點解 解我 我唔 唔係 係女 女仔
PermaLink: https://articles.zkiz.com/?id=276143

我唔知陳承龍呢篇野寫乜? 錯晒!

1 : GS(14)@2012-01-16 23:46:05

1. 利豐的股是換番來的
2. 利豐唔會當他漢登,人地仲有大大個中國市場未開,反觀1123受制於富士,中國D野早就賣晒啦

傻仔先會咁寫野來騙人,又當周老師是半個偶像,我覺得你連基本訊息都錯,好難認同。

http://m.sharpdaily.hk/detail.ph ... 5307&category=daily

市場普遍認為老牌攝影器材生產商柯達瀕臨破產的原因是與數碼產品的飛快發展有關,事實上,數碼相機是柯達在1975年發明的,但因擔心蠶食其菲林業務,並無推出市場。單是這一點,柯達其實是有能力帶領這個數碼化時代,不過就是一個很儍的決定,而導致今日如斯局面。更錯的是,公司沾手與攝影行業無關的產品,結果落得焦頭爛額。

中港照相買來擺
反觀其同業做得不俗,例如日本的富士菲林。去年食住復刻勢頭,推出相機X100,一出就斷貨,而近期推出的X10反應也相當不俗。除相機外,富士近年更進軍美容化妝品行業,推出FUJIFILM Beauty品牌,不要以為美容化妝與攝影行業無關,因近年流行高清拍攝,對化妝品要求也相應提高,所以不能不佩服日本人如此細心。可見柯達只是自己戇居而已。想提吓隻富士產品於香港及澳門的經銷商中港照相(1123),FUJIFILM Beauty旗艦店已於去年9月在中環開業。雖然小弟對化妝品不太認識,但從日圓強勢角度出發,料可吸引一批專捧日貨的買家。至於中港照相本身盤數也不錯,賬面資產淨值達9億元,內含現金有5.8億萬元及金融投資1.2億元,無負債,健康到不得了。還有,利豐(494)曾以每股作價1.2元入股,不排除可成為第二隻漢登(448),小注買來擺吓無妨。

陳承龍
爽報專欄作者
2 : GS(14)@2012-01-16 23:48:01

1. 內含現金有5.8億元及金融投資1.2億元
2. 賬面資產淨值達9億元

http://www.hkexnews.hk/listedco/ ... TN20111123216_C.pdf
1. 派埋兩仙息,得番5.6億,有無計入去呀...
2. 要扣3,587萬goodwill呀...扣埋派息,得番8.3億

小心D啦
3 : GS(14)@2012-01-16 23:49:15

http://realblog.zkiz.com/greatsoup/17576
你談起東尼,東尼先生好像都說這隻股不太好呢

http://realblog.zkiz.com/greatsoup38/8215
答 : 中 港 照 相 器 材 的 股 價 遠 低 於 其 現 金 價 值 , 但 該 公 司 未 必 會 將 錢 派 給 股 東 , 回 報 隨 時 有 排 等 。 它 有 可 能 像 其 他 公 司 一 樣 , 將 閒 錢 錯 誤 地 投 資 在 樓 市 或 其 他 地 方 , 最 終 花 光 花 淨 。 此 公 司 的 本 業 已 落 伍 , 對 小 股 東 而 言 , 最 好 的 結 果 是 私 有 化 , 或 在 股 市 暢 旺 時 變 身 殼 股 。


還有,利豐(494)曾以每股作價1.2元入股

唔知可以咁錯法先離奇
http://www.hkexnews.hk/listedco/ ... TN20010720035_C.doc
茲公布,於二零零一年七月十九日,賣方利豐(零售)與本公司簽訂一項協議,據此利豐(零售)同意出售而本公司同意購入Fotomax Holdings Limited全部已發行股本(「出售股份」),總作價為港幣87,500,000元。本公司將按每股港幣1.25元之議定價格(對本公司股份於過去五個交易日之收市價平均數每股港幣0.694元有80%之溢價),向賣方或其代理人發行70,000,000股每股面值港幣0.10元之普通股(「作價股份」)。本公司將促使作價股份以列作繳足股款入賬方式配發及發行。作價股份約佔本公司於本通告日期之現有已發行股本之6.40%,並約佔本公司經發行作價股份擴大後之已發行股本之6.01%。(「收購」)。
4 : GS(14)@2012-01-16 23:53:21

可見柯達只是自己戇居而已。

不如我改改佢,「可見只是自己戇居而已。」

今次幫你認埋錯
我唔 唔知 知陳 陳承 承龍 龍呢 呢篇 篇野 野寫 寫乜 錯曬
PermaLink: https://articles.zkiz.com/?id=277296

蔡東豪:「我唔係有啲擔心,係好擔心。」

1 : GS(14)@2012-07-24 12:49:21

http://www.sharpdaily.hk/article ... D%E6%93%94%E5%BF%83
「我唔係有啲擔心,係好擔心。」
余若薇
余若薇和陳淑莊一同接受訪問,談九月立法會選舉,陳淑莊出選港島,排在陳家洛之後,而余若薇出選新界西。
我是港島選民,多年來支持余若薇,有一年民主黨告急,在家裏配票,可能沒投給余若薇。今年余若薇不選港島,排出這怪陣,蔡家有點不知所措。
余若薇指陳家洛如果無人幫手,自己爭取一席很困難。我相信港島不少選民有同一問題:為何不讓陳淑莊排第一或分拆名單?
上屆余若薇排在陳淑莊之後,驚險地一同當選。過去幾年,公民黨的票源可能因幾件事流失,今屆建制派強陣以待,余若薇單是「好擔心」可能不足夠。
經過多年選舉的洗禮,香港人其實很精明,公民黨未報名就告急,太看低香港人投票智慧。
蔡東豪
2 : 收息人(26699)@2012-07-24 13:27:02

1樓提及

http://www.sharpdaily.hk/article ... D%E6%93%94%E5%BF%83
「我唔係有啲擔心,係好擔心。」
余若薇
余若薇和陳淑莊一同接受訪問,談九月立法會選舉,陳淑莊出選港島,排在陳家洛之後,而余若薇出選新界西。
我是港島選民,多年來支持余若薇,有一年民主黨告急,在家裏配票,可能沒投給余若薇。今年余若薇不選港島,排出這怪陣,蔡家有點不知所措。
余若薇指陳家洛如果無人幫手,自己爭取一席很困難。我相信港島不少選民有同一問題:為何不讓陳淑莊排第一或分拆名單?
上屆余若薇排在陳淑莊之後,驚險地一同當選。過去幾年,公民黨的票源可能因幾件事流失,今屆建制派強陣以待,余若薇單是「好擔心」可能不足夠。
經過多年選舉的洗禮,香港人其實很精明,公民黨未報名就告急,太看低香港人投票智慧。
蔡東豪
beat it
蔡東 東豪 我唔 唔係 係有 有啲 擔心 係好
PermaLink: https://articles.zkiz.com/?id=280434

拋良心金句醒衞蘭黎明:我唔係榨汁機

1 : GS(14)@2015-04-10 09:17:55

■黎明昨在台上大讚佩戴的名錶輕過膠錶的偉論。


黎明(Leon)、蔡加讚及梁芷珊昨日現身中環,出席愛彼女皇盃記者招待會,久未在香港露面的Leon更是此賽事的大使,他心情甚好,在台上及傳媒訪問時都滔滔不絕,在台上大講不怕失敗精神的金句:「命運叫你不敗,就永遠不敗;命運叫你敗,你就冇得避。」Leon清減了不少,在訪問時透露因要接拍黃真真新戲,於7日內早午晚三餐計卡路里,將體重控制回156磅,減肥成功。



■黎明與衞蘭合作期間,曾多次為她在紅館開個唱。 資料圖片

■黎明在台上與鄧鉅明(左)及梁芷珊(右)在愛彼女皇盃前影合照。


■蔡加讚忙湊6個多月的囡囡,暫未有計劃再多追一個。

感情諗得多唔會嚟

Leon提到掌舵的A Music旗下歌手幾乎所有都約滿離去,他表示:「唱歌要迎合齒輪,新人要講運數,向新方向進發,唔可以靠舊一班資源支撐。」他更以衞蘭為例:「時間長咗,都10年,係時候轉換自己環境,冇guarantee喺公司永遠永久,時間到就要走,每個人離開有佢價值,對人又好,對自己又好,人必須要長大,對得住人,對得住自己,唔係榨乾佢嘅橙汁機,我哋團隊幫到佢,做有良心、有道德、心安理得,冇乜唔開心感覺。」問到他感情生活,他亦有金句:「一樣,唔好諗咁多,唔諗有機會就嚟,諗得多唔會嚟,每個人時間同際遇唔同,好似華仔可以結婚生BB,啱到就OK,每個命唔同,世界上有開心,亦有唔開心嘅嘢,進修自己多啲,呢個世界冇人蠢,個個都聰明。」採訪、攝影:溫敏芝





來源: http://hk.apple.nextmedia.com/entertainment/art/20150410/19106838
良心 金句 句醒 黎明 我唔 唔係 汁機
PermaLink: https://articles.zkiz.com/?id=289444

賣保險 教做戲 53歲江華再現:睇我唔使睇張家輝

1 : GS(14)@2015-06-18 14:31:39

2015-06-18 NM

○九年開始消失幕前的江華,一度因為受腰傷困擾而患上抑鬱症,要老婆麥潔文教唱歌孭起頭家;停工五年,已完全康復的他除了轉投保險業,更收生開班教人做戲。週日(十四日),身形起格的江華膠手套配波褲,chok住洗車,劉華mix張家輝,唔到你唔服!被迫搬屋

幾乎絕跡娛樂圈的江華,近年偶然被傳媒撞到,鏡頭下的他總是游手好閒行街飲茶,在沙頭角凹下村隱居五年,最近被業主逼遷,好頭痛。「條村唔大,江華成家住咗呢度五年,八千蚊租住地下嗰層,聽講兩個月前業主話要收番層樓嚟賣,唔知點解只係收佢嗰層,二、三樓租客可以繼續住。」有村民透露。住開有感情,江華雖然唔想搬,但業主態度強硬,唯有在村內另覓租盤。「呢度租盤其實唔多,江華睇中棟新起嘅,周圍問緊人租唔租幾錢租,不過未有答覆,但就算租都唔慌平。」村民說。上星期三(六月十日),本刊在尖沙咀海港城見到已經復工做保險的江華,對於被逼遷,他表現勞氣,「問業主囉,唔好問我!」

自比張家輝

星期日(十四日)上午九時,本刊到凹下村搵江華,只見他戴住膠手套、波褲人字拖襯頭箍,洗車洗到大汗疊細汗,白tee濕透,現出一嚿嚿肌肉!五十三有此狀態,fit!壹:壹週刊江:江華壹:好劉德華呀!江:嘩,舊唔舊啲呀呢句?真係失望!其實有啲渲染,呢個話似嗰個話似,耳濡目染,加咗印象分落去。壹:咁係劉德華似你囉!江:嗱,呢句說話啱聽喇,哈哈哈!壹:點樣keep到咁fit?騷個body睇吓!江:傻o架咩?要俾廣告費o架大佬,幾十歲人唔能夠隨隨便便,留番喺電影度啦,睇我唔使睇張家輝,哈哈哈!

兩車共用車牌

江華洗車期間,記者留意到他兩部私家車竟然共用同一個車牌。壹:你好鍾意呢個車牌?江:因為呢個牌太耐喇,嗰陣年少無知,無知嚟自呢個係我生日號碼,而家有乜所謂,咩都一樣,但係用開咪繼續用囉,係咁解。壹:不過你兩部車用同一個車牌喎!江:其實銀色架Jaguar我冇郁o架,因為冇俾牌費,未換番個牌啫!

收生睇緣分

過去五年,江華停工養病,生活只能食老本,只靠老婆麥潔文教唱歌、登台、開演唱會賺錢撐起頭家。復工後,江華表現積極,轉行做保險經紀外,還會開班收生教演技。「啱嘅就會教,好隨緣嗰種,我唔係話好似學校咁招生,覺得佢係可以嘅先會收,要睇時間。」投身保險業已經三個月,對於工作,江華聲言順其自然。「我唔會刻意叫人買保險,我只會做朋友,買唔買係其次。啲人以為搵到錢先叫成功,我人生觀唔係咁,食得幾多著得幾多?俾晒啲錢你又點?」江華說。

走下坡

有「翻版劉華」之稱的江華,86年參加亞洲電視藝員訓練班入行,曾是亞視台柱,拍劇外,89年亦憑電影《但願人長久》奪得香港電影金像獎「最佳新演員」獎。96年,江華轉投無綫開始為人注意,第一部大台劇《西遊記》創44點高收視,03年再憑《九五至尊》和《楚漢驕雄》攀上事業高峰後,便離開大台返內地拍劇,可惜發展不如理想,04至09年間,只拍過《新聊齋——畫皮》、《風塵三俠之紅拂女》及《跟紅頂白大三元》三套劇集,其間更因腰患困擾和事業走下坡而患上抑鬱,自此全面停工,消失幕前。

中佬熱

男人易keep!53歲江華有型有款外,唔少娛圈半百中佬都冇乜走樣,有條件繼續撈!

邵仲衡51歲95年離開大台外闖,01年與圈外女友Wendy結婚後,正式退出幕前,專心經營車房和內地賽車中介人生意。今年4月無綫重播神劇《大時代》,「大佬孝」邵仲衡人氣忽然爆升,商演活動一個接一個,令他快賺過百萬。曾在美國柏克萊大學讀政治策略的他,因夠膽識,被網民熱捧:「『袋住先』我唔鍾意,篩選咗先俾我揀,我有得揀一定唔係咁揀。」

林俊賢54歲曾是80年代當紅小生之一,96年退出幕前從商,兩度因炒股輸身家仍成功翻身,現時是證券行及製作公司老闆。去年復出拍電影《最佳嫌疑人》,今年再為應采兒做監製的網劇《天才在左瘋子在右》客串一角過戲癮,除了一頭銀髮的他,並無走樣。

吳岱融55歲87年加入大台後,憑《絕代雙驕》、《邊城浪子》等大熱劇迅速上位。90年代初,吳岱融因在亞視宣傳個人唱片被無綫雪藏及解約,之後拍過三級片,其後轉戰內地拍劇,並任職國內民企顧問。最近被無綫邀回巢救亡的他,自信爆燈:「好多外國劇都唔用年輕小生,反而用四、五十歲演員做男主角,因為佢哋有人生閱歷,演戲會更有味道。」
保險 做戲 53 江華 再現 睇我 我唔 唔使 使睇 張家
PermaLink: https://articles.zkiz.com/?id=291081

【專題籽】ACG男大剖白:我有女我唔毒!

1 : GS(14)@2016-02-11 10:25:20

Eden(左)稱現今的ACG界男生喜歡強勢女生,不過自己是個守舊的人,始終覺得男生需要站出來作主,這樣才是理想的男女關係。



【專題籽:潮流乜乜乜】一說「毒男」,大家便會想起只愛動漫打機、永世媾唔到女的可憐蟲,他們缺乏溝通技巧、迷戀二次元女角、喜歡cosplay標奇立異……社會普遍未了解先標籤,對「毒男」嗤之以鼻、退避三舍。未知「毒」為何物之前,不如先以ACG男(熱愛動畫、漫畫及遊戲的男生)來稱呼他們,三位正在蜜運的ACG男更會親身剖白,大談他們的戀愛觀!

毒理學:宅→獨→毒

Animate——動畫
Comic——漫畫
Game——遊戲毒男這個稱呼源自「宅男」(otaku),宅男平素足不出戶,只因沉迷ACG。自八十年代起,一些擁有複雜故事及世界觀的動漫作品陸續面世,最經典的有《機動戰士GUNDAM》和《超時空要塞》等,觀眾逐漸在網上集結起來一同討論,認真程度就如大學論文般深入。因為經常待在家中,欠缺日常社交技巧、人際關係疏離,結識不到女生,日本開始以「獨男」來形容他們長期單身的處境。又因獨、毒同音(doku),故衍生出毒男一詞,並加入內向、沒自信、沒內涵、其貌不揚、社會地位低微等意涵,漸漸成為負面標籤,彷彿喜歡ACG文化的都是毒男。



強勢女角抬頭 月野兔:唔使王子保護

眼前全副「武裝」的Eden現實是位網台主持,常跟大家討論動漫遊戲,最喜歡的作品就是《BIOHAZARD》,閒時更會cosplay成遊戲中的男主角Leon,甚至男扮女裝化身為女主角Rebecca。問到ACG男是否很難結交女友,Eden卻認為情況極端,有些男生深受動漫作品影響,打扮唯美,對樣貌十分執着,他們的女友都很漂亮,因為cosplay圈子本來就有不少美女;有些則真的全沒女性朋友,外表不修邊幅還是其次,主要是欠缺社交技巧,甚至連基本表達能力也欠奉。



卸去妝容、脫下誇張服飾,Eden也是一名普通白領。

Eden曾化身偽娘cosplay女角,問到會否怕被歧視?他說這是突破自己的考驗,「你唔敢做我敢做,就係勁!」

《美少女戰士 Crystal》中,月野兔變得強勢,勇敢得主動吻向禮服蒙面俠。



自言善於溝通的Eden解釋:「欠缺社交技巧嘅ACG男都有一種特徵,對於自己鍾意嘅嘢,佢哋會好執着,唔會理其他人鍾唔鍾意。不論男女,只要討論起佢哋鍾意嘅嘢,就會好投契,一旦脫離咗呢個範疇,就會立刻變得沉默寡言,甚至黑面,佢哋唔會試吓搵啲嘢嚟同你講。」Eden也曾經遇上這類ACG男,起初他們不發一言,但一說到手遊《Love Live》時,情緒頓時異常亢奮,彷彿變了另一個人,這種大起大落,有時讓人很難捉摸。談話時,他們更會加上一般人毫不理解的ACG術語,這樣莫說結交女友,就連交朋友也十分困難。是次訪問在旺角某間女僕cafe中進行,店員Ki醬也在旁搭話:「部份客人會突然手舞足蹈,動作好誇張,有時真係會俾佢嚇親。」兩年前,Eden因攝影工作而認識了現任女友,她是一位模特兒及cosplayer,同樣熱愛ACG文化,交往期間,更軟硬兼施令Eden愛上cosplay(行內術語為「入坑」)。細問之下,Eden表示現時不少ACG男都喜歡比較強勢的女生,「好似近年熱爆嘅動畫《監獄學園》,男主角去咗間女子學校,喺入面好似坐監咁,俾女仔管甚至虐待折磨,但佢哋卻表現出一副享受嘅樣。」還有新版《美少女戰士》,月野兔依舊迷戀禮服蒙面俠,但有異於往昔的含羞答答,新版月野兔已懂得主動展開追求,甚至親吻對方,並說:「我們已經不需要王子保護,我們已很獨立。」禮服蒙面俠也被大幅弱化,成了一個有中二病(揶揄別人思想好像停留在青春期)的儍小子。



負面標籤 只因傳媒偏頗

現今社會把ACG男標籤為毒男,鍾情比卡超、去年開設網店出售《寵物小精靈》公仔的阿翼認為,這跟傳媒有莫大關係,「例如動漫節嘅報道,傳媒總係鍾意專訪問啲成面暗瘡、頭髮油
專題 ACG 男大 剖白 我有 有女 女我 我唔 唔毒
PermaLink: https://articles.zkiz.com/?id=295849

廣告經綸:Sorry,單job我唔接!

1 : GS(14)@2016-03-05 01:09:38

最近為一班入職不到三年的同事做培訓。開始前,同佢哋熱身玩個遊戲。每組枱面各擺放了幾本雜誌,當中有時裝、育嬰、汽車、生活乜都有。只給他們兩分鐘,每人拿起是但一本選出佢認為做得最差的一個平面廣告,同時向所有人說明,到底差在哪裏。對於這班新秀,呢個task,不費吹灰之力,位位都振振有辭,七情上面,兼踩多兩腳,被抽出的廣告通通變得一文不值。例如:呢個賀年朱古力跨頁廣告,肯定全世界都唔會有人睇得明;呢個三間波鞋封面好明顯太趕仲未做完;咁嘅角度影架新車、凸顯唔到最特別嘅線條同個鬼面罩、個男model個樣又唔知想點、顏色又娘,仲賣成卅幾萬,搵人買都難;呢個奶粉廣告張BB相想點?又out of focus,死得啦……勢估唔到,我下一個問題,係要佢哋想像:「下一分鐘,你就要出門口,拿着呢隻廣告草稿,去sell畀你最重要嘅客戶,你會點?」全場頓時鴉雀無聲,然後互望。惟有硬住頭皮,有一個同事話:「之前嘅嘢,當粉筆字抹咗佢!」隨即口若懸河,差唔多連樹上面嘅雀仔都氹落嚟。又或用一招引蛇出洞,在先前講過嘅部份,加上一些新觀點合併去再賣一次。仲有個Art Director即時手起「筆」落,才半分鐘,喺隻草稿上面加咗幾筆,即時將醜小鴨變天鵝,簡直化腐朽為神奇。總之就各出奇謀,手舞足蹈,三寸不爛之舌,使出渾身解數。呢個遊戲,其實都有些啟發。有時踩人,唔使咁盡,可以留一線。又或者,如果對自己做事有信心,大可以理直氣壯咁同我講,咁劣質嘅廣告根本唔會係我哋公司、或經我手可以出到嚟,冇可能會發生。仲有,有冇諗過可以打個電話畀客戶,更改會議。不見得人,就不要硬來。做人同做sales、做廣告,都有條底線,就算你係金牙大狀,明知你要幫一個真係殺咗人嘅殺人犯脫罪,雖有能力,但你有得揀,接唔接呢單job。有些廣告,明知騙人,過唔到自己、過唔到人,係咪都照賣?文廸晞
mailto:heyadmen@gmail.com





來源: http://hk.apple.nextmedia.com/financeestate/art/20160303/19514011
廣告 經綸 Sorry job 我唔 唔接
PermaLink: https://articles.zkiz.com/?id=296674

【一代燈師】我唔係方丈-沈大師「蘋果恩仇錄」

1 : GS(14)@2016-03-06 02:24:33

亞視熄唔熄燈無人知,不過「一代燈師沈大師」,今日就再度燈場蘋果財經。你或者會好奇,「喂!佢同蘋果明明反咗面!」係呀,面係反過,筆戰亦玩過。不過當亞視雖生猶死咁多年,但仍奇蹟地死唔斷氣,點解,蘋果同大師,唔可以重頭再來過?上年8月,大師因為fb專頁「蘋果ATM」,瘋狂煲大佢嘅專欄文章而嬲豬,憤而以一篇交上一篇《物必先腐而後蟲生》後,寫咗15年嘅《實戰理論》專欄,就咁gameover。半年後,舊事重提,大師會話,「方丈會小器,我又唔係方丈,我點會小氣。」回想封筆前幾日,大師同財經版主理人股榮,都曾藉著文字說開戰。當日股榮話「蘋果有俾稿費」,大師重提舊事,仍然會話,「講真有幾多錢大家心照啦」;當日股榮又話「大師走紅因存在感」,大師又覺得「講到好似將我啲成就,吸引讀者嘅其他元素抺哂佢」。不過,大師稱得上大師,當然內功深厚,就算怒火燒得再旺都好,都能夠收放自如,「事情過咗去之後,你睇返轉頭,都係不外如是。」記者:倪敏慧 攝影:陳家文





來源: http://hk.apple.nextmedia.com/financeestate/art/20160305/19517104
一代 燈師 我唔 唔係 方丈 大師 蘋果 恩仇
PermaLink: https://articles.zkiz.com/?id=296876

【肥妹減肥實錄】三年減75磅 Katrina:我唔想死!

1 : GS(14)@2016-08-08 00:17:57

成班朋友衰衰地誘她吃燒雞翼,她卻似立地成佛:「食嘢最重要是跟你一起食的人,你有你食天婦羅我有我食菜。我知道你們是支持我的,已經可以了。」



「我想減肥的原因......」Katrina足足想了一分鐘:「我唔想死!哈哈哈!」Katrina,網名Katrinauntie。花三年時間減掉75磅,不算轟烈,雖然當中有一年平台期,她其實以2年時間減掉三分一個自己。但是,自己身體自己救,最重要是她撇甩了抑鬱,尋回自信開心的自己。


Katrina讀書時體重超過200磅,44吋褲頭,買衫扮靚唔係佢杯茶。攤喺莊房旁若無人瞓大覺,豪爽形象從來不是問題。讀書時總會十月芥菜,同學們起哄嘻鬧,誰知那男生竟在眾人面前講了好多次:「我唔食肥膩嘢!」Katrina今日仍掩着心口:「嘩!嗰陣我真係眼淚在心裏流!那種痛我到現在還記得,可知那話對我傷害多深!」



2016年她減掉75磅達130磅,目標是8月中前減到123磅,瘦多啲演出舞台劇。

從左邊的樣子,變成今日右邊的樣子。還不時參與電視劇咖喱啡演出。

2012年讀書時最愛躲在莊房門口大梳化上睡覺。



因為甲狀腺功能低下,讓她不吃都肥。然後失眠、跟腱炎、情緒低落才要她命。她的精神與集中力差了好多好多,唸翻譯的她聽着錄音:「我只聽到有人講英文、有人講中文,但一點都譯不出來。」自己都發現警號了,老師跟同學還發現她情緒低落,帶她去看醫生、見社工。情緒本就反覆,有一次她因一些家庭鎖事,一氣之下離家出走,驚動家人同學與朋友都跑到「有wifi」的地方找她:「其實我去了離島,咁啱碼頭邊有間麥當勞,有wifi(笑)。」天性使然地躲了進去:「一開wifi,幾個通訊Apps的訊息都塞爆手機,Hang咗。」望着Hang機,她深深感受到,身邊真的好多好多好多人在撐她。



進莊房者均跟她打招呼:「Hi Aunti!」Aunti之名不逕而走。

你們食雞翼,我就食菜湯。反正食慣了都覺美味。

欣宜的《你瘦夠了嗎》,垂直一字馬給她很大的鼓舞。



從此她下定決心運動減肥。頭兩次跑步,會跑到嘔。但慢慢地衝出健身室到路上跑,15分鐘、半小時越跑越好。除了香港,還參加了台北的街跑,跑上癮。又建立了減肥群組,寫FB專頁,聚集一群減肥同路人互相扶持,研究好味的烹調餐單,還因此認識了同樣由二百多磅起減肥,現在的男朋友。然後,愛演戲的她,邊做兼職邊學戲,爭取各種「咖喱啡」演出累積經驗。以前不想望鏡,連望着人講嘢都不行,莫說對鏡頭演戲的她,現在:「同一班人演戲真係好開心的。現在我起碼可以接受你的訪問,自信心好咗少少。」更鼓勵她的,是鄭欣宜:「那次我看到她(唱《你瘦夠了嗎》擺擎天一字馬,我在後台看呆了,但興奮完後自己感動到哭。我都是減肥的,那種辛苦其他人不會知道。但那刻,我看到她找到自己。」



兩年前44吋褲頭的運動褲同大Tshirt。

2016年的她,縮了三分之一。

勤做運動,令Katrina領先幾個馬位地瘦了下來;保持食白肉,蛋白質,就可以保住上圍。



能走到200多磅的境地,她有多愛吃不用多講。減肥不能太刻薄自己,封掉所有社交,日日烚菜雞柳,生命一片空白,不能持久,減了都會反彈。燒雞翼,佢最鐘意食,三年來她只食過一次燒雞翼,但依然跟朋友們到紅磡的串燒店相聚,點上兩碗排骨生菜湯,索着肉香同大伙吹水。減肥不只為瘦,還為尋回能快樂開心笑的自己:「食嘢最重要是跟你一起食的人,你有你食天婦羅我有我食菜。我知道你們是支持我的,已經可以了。」現在她已減到約130磅,短期目標是8月中減到123磅,以參加那時舉辦的話劇表演。減肥,不能望住磅數一步登天大家都知,然而,讓自己愛上新的生活習慣,才能一切持久。她說:「減肥是一場持久戰來的。」



從前每走一步都像針拮腳底般痛,現在她愛上路跑,跑親都從心底快樂出來。

從前不敢看着人說話,現在跟King Sir學戲,一步步踏上。



記者:陳慧敏攝影:徐振國、許先煜





來源: http://hk.apple.nextmedia.com/su ... t/20160807/19725841
肥妹 減肥 實錄 三年 年減 75 Katrina 我唔 唔想 想死
PermaLink: https://articles.zkiz.com/?id=304862

鄺俊宇抗鼎:撐我唔會含淚

1 : GS(14)@2016-09-06 04:35:33

■鄺俊宇昨晚回到從政起點,元朗朗屏邨拉票,獲大批街坊支持。何家達攝



【立會選戰2016 超區】【本報訊】今屆立法會超級區議會功能組別選舉,成為民主黨鄺俊宇和民建聯周浩鼎的決戰。鄺俊宇昨到民主黨新界、九龍多個票倉拉票,對於有人說今次是「含淚投給鄺俊宇」,為的只是頂着周浩鼎,鄺俊宇表示:「我覺得投鄺俊宇唔會含淚,我過去花了10年時間從政!」而周浩鼎則獲民建聯前主席譚耀宗陪同,到多個鬧市拉票,周浩鼎承認與鄺俊宇的支持度是叮噹嗎頭,選情非常嚴峻。兩人最終惡鬥到最後一分鐘,鄺俊宇最後返回他從政起點兼民主黨票倉元朗朗屏邨做拉票終點。記者:姚國雄 王家文 伍雅謙



今次超區焦點落在33歲的鄺俊宇身上,昨日身穿白恤衫、揹着背包的他一早到他所屬的天水圍票站投票,經過連日拉票,鄺的聲音已明顯沙啞,形容心情是平常心:「大家都知道超級區議會尾席之爭係周浩鼎同鄺俊宇,我哋面對嘅唔止係周浩鼎,而係周浩鼎背後嘅強大中共政治系統,所以一定要努力。」對於有人說要「含淚投給鄺俊宇」,鄺俊宇指:「我覺得投鄺俊宇唔會含淚,我過去花了10年時間從政,由菜園村到南生圍到爭取動物警察,以至處理過萬宗求助,認識我嘅朋友會知道呢一票值得。」


回老巢fb直播催票


若選民在他與周浩鼎要二選一,鄺俊宇稱:「我覺得選擇鄺俊宇係一個無悔決定,我希望要頂住建制派,唔好畀建制派長驅直進。」對於有人棄選力保泛民超區3席,會否擔心失敗而回,鄺指不敢想像結果,惟有盡力:「我好敬重好多位民主派朋友,退選係一個勇敢嘅決定,艱難決定,感激佢哋在大局下集中力量,畀我哋集中力量爭取泛民3席。我哋係背負好多人期望,所以更唔可以輸畀中共嘅配票系統。」穿梭新界、九龍拉票,鄺俊宇均由該區的民主黨資深黨員包括陳樹英、何俊仁陪同下與街坊揮手、握手,鄺俊宇最後一站返回他老巢兼民主黨票倉元朗朗屏邨,也是鄺俊宇從政的起點。晚上鄺俊宇再多次在facebook直播作最後催票,希望可動員fb內的17萬名粉絲,高峯期一度有逾千人觀看。最後一小時他返回從政起點朗屏邨,甚受街坊歡迎,不少市民主動上前和他握手,有長者更聲言會幫他「守尾門」,為他在晚上拉票,「香港年輕人靠晒你㗎喇」。選情逐步高漲,但鄺俊宇表示,「一日未開票箱都冇人知結果」,最後時間會用來感謝每一位助選義工。



■民建聯元老譚耀宗(左)昨陪同周浩鼎(右)四出拉票。謝榮耀攝

譚耀宗撐周浩鼎


鄺俊宇的宿敵、37歲民建聯周浩鼎昨下午到荃灣街市拉票,獲民建聯前主席譚耀宗到場支持。被問到跟鄺俊宇民調爭持不下,他承認二人是叮噹馬頭,但不評論自己勝算,僅稱會繼續爭取市民支持。周浩鼎表示,選情非常嚴峻,稱會奮進到底爭取市民支持,爭取超區最後關鍵一席。他指連日來不少市民反映,不滿泛民集體棄選,批評不負責任,「選舉係一件莊嚴嘅事情,唔能夠玩玩吓或者咁兒戲,可以話咗選而又突然之間退選」。周浩鼎又指,民建聯調整了分區選票策略,呼籲港島東和新界區集中選票全投給他,今晚會再返港島東拉票。他指建制派在超區議席是寸土必爭,希望3人都進入議會,「多一分建設力量,少一分破壞」。譚耀宗則指,周浩鼎是民建聯年輕新一代,有地區經驗及承擔,雖然選情嚴峻、艱巨及面對抹黑,但仍堅持到底,「呢個精神非常重要」;又批評泛民棄選是玩弄選民。他指不會理會民調,因只是作參考。




來源: http://hk.apple.nextmedia.com/news/art/20160905/19760525
鄺俊 俊宇 宇抗 抗鼎 撐我 我唔 唔會 含淚
PermaLink: https://articles.zkiz.com/?id=307566

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019