ZKIZ Archives


又一福建幫 小炒王 梁心欣

來源: http://hkcitizensmedia.com/2014/10/29/%E5%8F%88%E4%B8%80%E7%A6%8F%E5%BB%BA%E5%B9%AB/

沒有滬港通,股仔照炒。

相信睇題都知,炒樓有溫州幫,炒股點少得福建幫﹗

主角係百德國際(2668),無聲無息成功易主,新主人係張誌猛。何許人? 46歲,出身農村家庭,自細唔鍾意返學兼且撩事鬥非,打架打輸的話返屋企仲要俾爸爸鬧,養成不愛輸的性格。讀書唔得,12歲走去學人生意,做到上咗軌道就交俾個妹。之後輾轉開過布料廠、塑膠廠,到25歲,已經成為村內富翁,到廈門發展。

講到呢度,咁後生搵到第一桶金,最終咪敗咗佢。NONONO, 佢係好大機會俾人呃咗筆錢先真。試過兩次人生低谷,一,係買咗一隻貨船咁大的紙張,點知一場雷雨攪掂佢,冇咗6000萬。二,金融海嘯,輸股票輸咗成億,其中一隻係中石油。

故事講完,佢衰過,但現時仲係屹立不倒,肯定有過人之處。他係廈信資本、廈門廈信投資集團董事長及香港投資董事長,兼且是福建省政協委員會委員等,證明投資係佢個辦。香港股票之中,佢摣咗隻半新股宏太(1400)及美麗家園(1237),兩隻都係上市前入股,持股唔夠10%。而唯獨百德(2668)做埋主席,持股26.86%。咁其餘七成幾去咗邊﹖披露權益冇講,即係話逆手仲未完,但貨就入咗喺10位強者之手。現時,張生手貨係喺詹培忠手中以1.01元攞咗兩億股,再以1.09元接多1億股。簡單講,未上曬手,批貨一度爆過一倍。

睇返通告,百德早前同獨立第三方訂立意向書,可能收購溫斯頓能源集團全部股權,溫斯頓主要從事製造及銷售清潔能源等業務,獨家期6個月。代價預期包括1000萬元按金,以及發行代價股或可換股債支付,發行價及轉換價都係1蚊。以此推斷,張生係想做大間公司,註嘢入去係始早嘅事,如果唔係都用不著要做主席,現時公司市值廿幾億,係要有返咁大SIZE先可以做big tea rice! 照張生手貨計,兩蚊目標係幾可肯定(內地人炒股沒有賺一倍不會心息。)此欄目標係長遠要翻一個翻。

小炒王梁心欣

又一 福建 小炒 梁心 心欣
PermaLink: https://articles.zkiz.com/?id=117345

踩鋼線梁心欣

2014-12-10  NM

 

人稱小炒王,最鍾意短炒,日日唔炒股唔安樂。樹仁新聞系畢業,曾任電視台、電台財經節目主持,最近與拍檔踩入紙媒出財經雜誌《策略王》。上週二初流出市面,港股即跌逾五百點。她最怕江湖魔咒──每逢財經雜誌創刊,就係股市見頂之日。

我哋唔想做《iMoney》呀!(編按:○七年十月《iMoney》面世,三日後股市見頂,金融海嘯來臨。)不過我哋都無咁大影響力啦!呢個時候出書,其實係之前諗住滬港通後個市會旺,坊間又比較少財經雜誌,想食住個勢啫。全公司得四個人。我係主編,但其實身兼記者、校對同sales,廣告一腳踢!好彩之前做嘢識落唔少朋友,第一期都到新地、福臨門呢啲廣告。但我哋連定價都未諗好,見其他財經雜誌通常賣廿蚊,我哋平兩蚊啦!點知「薄切切」賣十八蚊,連我朋友買完都問,係咪漏咗本呀?我哋知錯o架啦,下期開始會減價到八蚊!好意頭吖嘛!

我哋想走小眾路線,介紹一啲唔係太多人留意嘅股票。係人都知做雜誌燒錢,我同拍檔總共投資咗五十萬,一本書成本都唔使五蚊,每期印萬幾本都係幾萬蚊,目標係賣到七成,希望有錢賺。我佔好小部分,玩完五十萬再睇拍檔頭啦!

由電子傳媒跳到紙媒,咩叫藍紙都唔知,其實都幾踩鋼線。不過,由之前做主持,到而家身兼股評人,我都係一個踩鋼線嘅人,炒股風格更加係,係好易跌死o架,小心啲囉。我讀大學已經買股票,因為抽開新股嘅阿媽要我自己學費自己負責,我邊有咁多錢?佢叫我抽新股,第一隻抽中銀香港(2388),由八蚊升到十六蚊。但賺得最多,係玩細價股,幾危o架。一二年去美國旅行,見到玩具反斗城擺滿好多忍者龜,原來香港唔興,美國仍然大熱,於是開始留意生產商彩星玩具(869)。一三年九毫買入,今年初最高升到四蚊,我就賺咗超過五十萬!同年我行759,見到好多飲品由入口變成自家品牌,嘩,自己生產毛利高好多o架,嗰時股價由五毫升到最多五蚊,但我兩蚊就走咗,賺咗幾十萬。我都試過輸鑊甘,○七年用十四蚊買入中鋁(2600),點知撞正金融海嘯,跌到得一個四,蝕咗幾十萬。投資股票又好,今次出雜誌又好,我已經學識止蝕。

炒股咁多年,都賺到過百萬……又未到五百萬嘅!最近我就睇好高誠資本(8088),因為最近佢哋想收購一間內地非上市電影音樂娛樂公司,想發展內地市場,我睇好內地娛樂公司發展潛力。

踩鋼 鋼線 線梁 梁心 心欣
PermaLink: https://articles.zkiz.com/?id=124203

主播心聞:前海的寶藏 梁心欣

1 : GS(14)@2013-02-05 00:26:55

http://www.sharpdaily.hk/article/fin/20130204/173052
街頭巷尾,日日聽到話搵倍升股,希望過完農曆年有大利是收!點知因阿爺眷顧,有位經常往來中山工作嘅朋友,早就收咗大禮,我仲懵閉閉。半年前,朋友A與一位於深圳工作嘅朋友想起投資大計,話中港樓價飆升,深圳朋友因已有樓自住,且買第二套房要收重稅,故與朋友A夾份買個單位投資。結果,深圳朋友獨具慧眼,選擇前海區,當時朋友A懵盛盛唔知前海係乜嘢,仲打嚟問我係咪好嘢,我話前海現時爛地一幅,但將來前景無限。最終朋友A因分身不暇,冇親身視察環境,就以每平米兩萬幾蚊,買一個80平米單位,花百幾萬。就係咁,佢就搵咗一桶金。現單位已升值到每平米5萬蚊,足足升一倍。我當然係追問仲有冇得升,朋友A話,預計仲有,眼見萬科等發展商都進駐該地,要升冇難度,下回我會跟佢上前海走一轉,待續。
主播 播心 心聞 前海 寶藏 梁心 心欣
PermaLink: https://articles.zkiz.com/?id=282275

主播心聞:行街的收穫 梁心欣

1 : GS(14)@2013-02-05 00:27:27

http://www.sharpdaily.hk/article/fin/20130201/172795
1月份〈300萬爽組合〉埋單計數,個個鬥到難分難解,如我係Sky sir,我會笑到卡卡聲。
個個以為佢冇命,點知鯉魚翻身,反勝一仗,直情要畀個like佢。
一個月總有一、兩次與Sky sir做清談節目,講吓投資心得;佢話我冇上堂就偷到師,激死佢。我呢位前參賽者真係自愧不如,各路英雄繼續努力!
講番自己,見到市場風向轉泊防守股,我會留意一下置富產託(778),兩個交易日後除淨,兼有5厘息收,故納入買入名單;加上到過佢物業組合沙田第一城及馬鞍山廣場兜幾次,發現加入好多新商戶,兼且執過商場舖位,照計執一執又可收貴些少租。
與其中一間商戶傾過,佢話要做租客都唔易,除交租之外,商場方面仲要佢哋幫手刺激人流,仲管埋個食物質素,管理層都落過去食早餐畀意見;咁認真,絕對有作為,相信破頂冇難度!
梁心欣
主播 播心 心聞 行街 街的 收穫 梁心 心欣
PermaLink: https://articles.zkiz.com/?id=282276

主播心聞:再訪阿信屋 梁心欣

1 : GS(14)@2013-02-05 00:27:55

http://www.sharpdaily.hk/article/fin/20130131/172443
又到攞彩時間!上周四專訪阿信屋老闆林偉駿,佢透露下半年度營業額升30%至40%左右,加埋睇到CEC國際(759)近排成交多咗,令股價四個交易日內飆升,最多升到0.71元;即係話如當日開市價0.59元掃入,最多可賺20%,恭喜晒!上次提到毛利率有增長,但增長幾多係一個關鍵,我為咗投資部署,決定再致電林生。林:「毛利率一向係37%,但扣埋燈油火蠟、人工、租金,都係得2%至3%,o依家係好些少,我嘅秘密武器其實係歐洲貨!」心欣:「唔係日圓跌,受惠入口日本貨咩?」林:「我哋入歐洲貨比例不斷增加,都有成四分之一;講真,歐洲經濟麻麻,啲嘢真係平好多。日圓平咗,但真正影響其實未反映㗎,我哋之前嗰批貨,滙水都高過九算。」心欣:「毛利率即係有幾多?」林:「大約去到40%啦!」
主播 播心 心聞 再訪 阿信 梁心 心欣
PermaLink: https://articles.zkiz.com/?id=282277

主播心聞:日韓之決 梁心欣

1 : GS(14)@2013-02-05 00:28:24

http://www.sharpdaily.hk/article/fin/20130130/172080
日圓係咁跌,對主播們嚟講理應是好事,你知啦,要襯kawaii look,日本衫一定唔少得,我哋仲日日出鏡,花錢買衫替換走唔甩。點知,身邊主播們大部份都愁眉苦臉。原因好簡單,我哋已轉投韓國衫懷抱好一段日子,可惜韓圜呢期同日圓對着幹,不斷升值,原本農曆年前會大舉入貨,到最後都忍一忍手。其實韓國服裝網站都幾得意,唔係間間有國際運送服務,尤其特價品,見你係海外買家就全部唔畀你買,驚你同本土買家爭。呢招A&F亦發揮得淋漓盡致,高明到連睇都唔畀睇,佢會根據你IP address將你分配到所在地,睇嘅價錢全部用港元計,想買美國平嘢都幾難。美國探子回報,A&F又清貨了,特價貨買滿150美元再平50美元,變相平三分一!你話海外買家幾唔着數。我哋有港人港地及港人港奶,咁美國嗰邊係咪叫「美人美衫」?
主播 播心 心聞 日韓 之決 梁心 心欣
PermaLink: https://articles.zkiz.com/?id=282278

主播心聞:萬科到底搞邊科? 梁心欣

1 : GS(14)@2013-02-05 00:28:48

http://www.sharpdaily.hk/article/fin/20130128/171408
到路邊社收風,點知俾幾位線人指住笑。話說上周三新世界(017)夥拍萬科以34億幾投得荃灣西站六區地皮。當時傳媒發揮無限聯想,指萬科有機會將項目注入萬科置業(1036)等,令到戰友們已磨拳擦掌,預備第二朝開市就入番幾球,點知上周四早上就玩停賽。
消息話,萬科高層見傳媒作多項猜測,與事實有少少不相乎,決定晚上call齊相關人士商討,結果各方人馬上周三晚不斷收到email,一直收到第二朝、停牌前一刻。又提到,高層間商討近個半鐘得到共識後,決定打畀港交所(388)申請停牌。搞到相關人士當晚節目被迫取消,所以各人指住我,話我搞事。
哈,傳媒猜測正常不過,我上周放大假,唔知發生乜嘢事,所以我冇嘢回應。不過臨走前有人醒我,話萬科B轉H股好快落實,到時留定錢大舉掃入。
主播 播心 心聞 萬科 到底 搞邊 邊科 梁心 心欣
PermaLink: https://articles.zkiz.com/?id=282279

主播心聞:不問價 追南早 梁心欣

1 : GS(14)@2013-02-18 22:28:41

http://www.sharpdaily.hk/supplem ... %E5%8D%97%E6%97%A9/
真係激死!上周五梁心欣話「勁傳南早配股」,南華早報集團(583)就升差不多百分之五。我當日咁講,係因為有傳該公司大股東郭鶴年派2月底有批換股權證到期,唔換股就變廢紙,而因佢哋換股就會揸逾75%,牴觸上市要有最少兩成半街貨量嘅條例,所以有人猜測話佢哋配股。咁我見佢午市股價開始郁,咪走去問前輩搞乜嘢會升,前輩就只係反問番我一個問題:「佢哋唔配股嘅話,可以點?」咁我就反射式咁答:「私有化囉。」佢笑咗一下後,冚線。我聽到嘟、嘟、嘟三聲之後,放低電話,跟住上網睇晒南早集團由99年至今嘅通告。原來喺08年初試過私有化,仲要出2.75元一股,比上周收市價高五成七。我做宅女度咗成個周末,決定今日不問價追南早,因成交量比較少,大家唔好同我鬥搶,就睇佢哋呢兩個禮拜出唔出offer私有化。
梁心欣
2 : 鉛筆小生(8153)@2013-02-18 22:55:24

有古怪
3 : GS(14)@2013-02-18 23:02:49

2樓提及
有古怪


他識乜
4 : 鉛筆小生(8153)@2013-02-18 23:04:23

3樓提及
2樓提及
有古怪


他識乜


應該不是佢思路所想到的
5 : GS(14)@2013-02-18 23:06:19

4樓提及
3樓提及
2樓提及
有古怪


他識乜


應該不是佢思路所想到的


跟番舊路就得
6 : pcp7838(1616)@2013-02-19 19:56:57

HELP!!!!

http://www.sharpdaily.hk/article ... %E5%81%9C%E7%89%8C/

主播心聞:南早咁就停牌

噚晚google過《南華早報》,發覺原來噚日冇新聞提及南早,同埋得我講呢隻。點解?因我寫話會「不問價追南早」,原因相信南華早報集團(583)會私有化,仲叫大家唔好同我爭。點知一開市就升到甩轆,最多升三成,中午仲因南早話「以待刊發有關本公司股價及成交量之不尋常波動及內幕消息之公告」要停牌。我認!「股價及成交量之不尋常波動」係我篇文搞出嚟!而「內幕消息之公告」應該係私有化?
所以有理由相信係我搞到南早停牌。我入行六年,第一次呀!好興奮呀!不過估唔到噚日做節目時,竟然冇人問我,特別係我老闆阿Jim。可能佢哋等到南早出通告先笑我。
點解會笑我?因我已將我嘅credibility重注押落南早私有化,如果錯嘅,就會俾人笑囉!而如果真係唔私有化,我荷包都會好傷!

梁心欣
7 : pcp7838(1616)@2013-02-19 19:57:17

依家市場興番傻大姐?
8 : greatsoup38(830)@2013-02-20 00:10:13

7樓提及
依家市場興番傻大姐?


香港又有個唔識股票的傻妹,唔理佢
9 : 鉛筆小生(8153)@2013-02-20 00:10:45

8樓提及
7樓提及
依家市場興番傻大姐?


香港又有個唔識股票的傻妹,唔理佢


我覺得佢識股票多過你識股票
10 : greatsoup38(830)@2013-02-20 00:11:20

點解會笑佢?因我已將他嘅crazilities重注押落南早私有化,如果錯嘅,就會笑她囉!而如果真係唔私有化,香港都會多個唔識股票的傻妹!
11 : greatsoup38(830)@2013-02-20 00:12:37

9樓提及
8樓提及
7樓提及
依家市場興番傻大姐?


香港又有個唔識股票的傻妹,唔理佢


我覺得佢識股票多過你識股票


佢識炒唔識招都是無用,我唔想同你討論,你成日把傳言當事實好討厭
主播 播心 心聞 不問 追南 南早 梁心 心欣
PermaLink: https://articles.zkiz.com/?id=282323

主播心聞:南早壓力未解決 梁心欣

1 : GS(14)@2013-02-26 00:47:37

http://www.sharpdaily.hk/supplem ... E8%A7%A3%E6%B1%BA/1
上週講完又講嘅南華早報集團(583),我講完分析後,股價幾粒鐘升兩成幾,中午停牌。咁佢牌又停過,通告又出埋,股價回落,不過完全冇答過要解決嘅事。我話南早因大股東2月尾行使大批認股權證,持貨大到令街貨跌低過港交所(388)要求。港交所就話2月26日前未解決就停佢牌。停牌,屬小股東最大噩夢。唔想停牌,一係解決,一係要求延長或豁免。豁免,即港交所當條例冇到、李小加失職。延長,即董事局失職,南早獨董夏佳理同李國寶失職,兼港交所李小加無視佢哋一早就知股權會超額嘅問題。要解決,一係配股,不過現股價NAV下,佢除非數口唔多好,否則冇理由配股。最後就係大股東私有化,用溢價買斷小股東股份,我估佢會咁做。
點都好,講咗咁多日,相信聽日開市前會有了斷,到時再同大家跟進。
梁心欣
主播 播心 心聞 南早 壓力 解決 梁心 心欣
PermaLink: https://articles.zkiz.com/?id=282355

主播心聞:我要Lifestyle! 梁心欣

1 : GS(14)@2013-03-04 23:10:00

http://www.sharpdaily.hk/article/fin/20130304/178701
上週五大市都未開就收到WhatsApp:「想問1212得唔得?」我答:「未睇圖同盤路,畀少少時間我。」結果開市後一個鐘,我撲槌同呢位朋友講:得,炒業績之餘兼且貨干,去馬!人人睇住滙控(005)同恆生(011)業績,邊有人得閒睇利福(1212),隨時殺出一條血路。唔知點解,睇零售股表現,覺得實地視察定必睇得準啲!進入網購時代,我班姊妹已日日上網買衫,部份為人婦嘅仲連日用品都唔放過。不過,本港唯一一個購物熱─崇光感謝日,永遠令佢哋覺得唔去會執輸咁,點都捧住一堆戰利品返歸。仲知我行唔開,日日打嚟話幫我買埋,結果我荷包都出唔少血。近期,講得最多嘅英文字,一定系Lifestyle!先多謝財爺嘅中產論幫手免費宣傳,相信3月份利福唔使宣傳都大把人識,尤其自由行,既然咁紅,就炒爆佢份業績!
主播 播心 心聞 我要 Lifestyle 梁心 心欣
PermaLink: https://articles.zkiz.com/?id=282371

主播心聞:贊助股冇斷估 梁心欣

1 : GS(14)@2013-03-26 01:39:08

叫你白痴妹真是無錯,隻股咁老千都敢推,是咪拍下你個頭至醒呀
http://www.sharpdaily.hk/supplem ... E6%96%B7%E4%BC%B0/1
做主播,工作時間長,人工唔係特別高,所以唔係咁風光。但做收費電視台嘅梁心欣,就受惠咗贊助商嘅優惠幾年,認真慳唔少。髮型、化妝品、服裝一年要使幾多錢?女讀者們自然知道係天文數字,所以年年都有好多新力軍希望入行做主播。
做得贊助商,就絕對慷慨唔慳家,任你着唔收錢,收番宣傳效果。我欣賞佢哋嘅不計較,亦都可以話識計數,單做一般廣告都使唔少錢,有真人版幫你sell就更划算。好耐冇睇曾於0.91元買入過嘅寶峰時尚(1121),喺內地生產及銷售各類拖涼鞋產品,佢都有贊助過本地美麗小姐選舉嘅佳麗着涼鞋。佢股性特別,上市兩年內,鍾意升一個月後,唞兩個月之後又爆升兩、三成,現時唞咗個幾月,似要起動!
梁心欣
主播 播心 心聞 贊助 股冇 冇斷 斷估 梁心 心欣
PermaLink: https://articles.zkiz.com/?id=282421

主播心聞:後會有期 梁心欣

1 : GS(14)@2013-03-30 23:26:42

http://www.sharpdaily.hk/supplem ... E6%9C%89%E6%9C%9F/1
第一季即將完結,代表〈主播心聞〉安全度過一季,有冇得繼續留低成一大疑問。此欄一半着重推介,另一半提及主播生活;要睇股票冧巴,直接睇爽組合,故推介多一隻半隻,讀者未必有太大裨益。不過回首大約60個交易日,相信大家唔會忘記CEC國際(759)及南華早報集團(583),佢哋都一度大升,759回報最多有一倍,最可惜係南早仲停緊牌,唔知幾時復活。
做錯事經常有,推介過網龍(777),以為分拆兼業務有前景而建議買入,其實買入前已有前輩話,內地二三線科技公司盤數亂到七彩,叫我小心為上。惟因太信自己眼光而忽視咗,實在罪過。檢討去到呢度,4月份梁心欣會過版轉去爽組合,與幾位前輩較勁,祝我好運!
梁心欣
主播 播心 心聞 後會 有期 梁心 心欣
PermaLink: https://articles.zkiz.com/?id=282455

股王生活專訪 小炒王 梁心欣「走自己的路,順勢小炒!」

1 : GS(14)@2015-01-02 09:48:15

http://www.metrohk.com.hk/index.php?cmd=detail&id=260615&search=1
近日,我們有機會追訪多位股王,以每日一小篇的形式,讓讀者更深了解股王的喜好、生活,以至成功之道,或許聰明的讀者可以從中找到股王的投資秘笈!繼上幾輯我們專訪了新晉年輕股王黃嘉俊、資深股王周顯和殼股專家陳承龍,來到第四輯,我們邀請了小炒王梁心欣。她最愛短炒,全因「坐唔定」,要她慢慢等,她說好辛苦。

眾所周知,梁心欣,又名小炒王,顧名思義她行小炒路線,專門短炒,甚少會「長揸」一隻股票。原來這一切都是源於她的性格,「我坐唔定的!要我坐,好像被蟻咬。」梁心欣笑言她的性格造就了現在的她。 
唸新聞系的梁心欣,當年由記者做起,但由於「坐唔定」的性格,令她離開國際新聞組,開始接觸財經。事實上,當時的她對財經沒有太多的認識。「從來沒想過自己會以此為職業,因為自己數學不太好,買股票都是因為媽媽要我自己負擔自己的學費,就聽媽媽的說話,抽新股,自己沒有太多的研究。」梁心欣說,幸好我對數字不抗拒,而且記數字很拿手,加上因工作關係接觸多了股票、財經,慢慢產生了興趣。「轉捩點是認識了孫柏文,之後替他夥拍火燎森主持一個財經電台節目,小炒王的名字亦是當時應監製要求而改的,讓聽眾記得我。」後來,「小炒王」這個名字便開始為人熟悉,股票亦炒賣得愈來愈多,穫利不少。
跟勢不跟風
梁心欣表示,「買賣股票和食東西一樣,要選擇一個適合自己的投資理念,不要人云亦云!更不用天天跟著別人那麼辛苦。」梁心欣認為要炒得開心,就跟著自己的心走,輸贏自己負責;跟風買賣股票很危險;一來,股票市場每天上上落落,二來,只顧跟著別人走,吃力之餘,輸了的話,又可以怨誰呢?「自己親身試過幾次,明明望到、知道某某股炒得起,天天在升幅榜,但沒有買,很氣;第二天就見該股去了十大跌幅榜,心想真是好彩沒有買。」自此深明自己沒那樣的心思去等一隻股票升跌。梁心欣續說,既然知道自己想怎樣,就不要羨慕人,要堅守自己的原則,那樣才會炒得好。
「說不要跟風,是指不要盲目跟別人炒,但勢就一定要跟!」梁心欣堅定地說。她表示自己專攻短炒,而Day Trade的一大原則,就是不能逆市場大趨勢而行,必須跟隨市場變動而做出投資決定。所以,以往的科網潮、濠賭潮、殼股熱,梁心欣通通都有順勢出手,而結果亦令人滿意。

Profile
梁心欣 ,人稱小炒王,樹仁新聞系畢業,曾為有線電視財經主播,現為電視財經節目主持及DBC數碼廣播電台的財經台主持。
股王 生活 專訪 小炒 梁心 心欣 自己 的路 順勢
PermaLink: https://articles.zkiz.com/?id=286948

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019