主播心聞：萬科到底搞邊科？ 梁心欣
1 :
GS(14)@2013-02-05 00:28:48http://www.sharpdaily.hk/article/fin/20130128/171408
到路邊社收風，點知俾幾位線人指住笑。話說上周三新世界（017）夥拍萬科以34億幾投得荃灣西站六區地皮。當時傳媒發揮無限聯想，指萬科有機會將項目注入萬科置業（1036）等，令到戰友們已磨拳擦掌，預備第二朝開市就入番幾球，點知上周四早上就玩停賽。
消息話，萬科高層見傳媒作多項猜測，與事實有少少不相乎，決定晚上call齊相關人士商討，結果各方人馬上周三晚不斷收到email，一直收到第二朝、停牌前一刻。又提到，高層間商討近個半鐘得到共識後，決定打畀港交所（388）申請停牌。搞到相關人士當晚節目被迫取消，所以各人指住我，話我搞事。
哈，傳媒猜測正常不過，我上周放大假，唔知發生乜嘢事，所以我冇嘢回應。不過臨走前有人醒我，話萬科B轉H股好快落實，到時留定錢大舉掃入。