主播心聞：南早壓力未解決 梁心欣
1 :
GS(14)@2013-02-26 00:47:37http://www.sharpdaily.hk/supplem ... E8%A7%A3%E6%B1%BA/1
上週講完又講嘅南華早報集團（583），我講完分析後，股價幾粒鐘升兩成幾，中午停牌。咁佢牌又停過，通告又出埋，股價回落，不過完全冇答過要解決嘅事。我話南早因大股東2月尾行使大批認股權證，持貨大到令街貨跌低過港交所（388）要求。港交所就話2月26日前未解決就停佢牌。停牌，屬小股東最大噩夢。唔想停牌，一係解決，一係要求延長或豁免。豁免，即港交所當條例冇到、李小加失職。延長，即董事局失職，南早獨董夏佳理同李國寶失職，兼港交所李小加無視佢哋一早就知股權會超額嘅問題。要解決，一係配股，不過現股價NAV下，佢除非數口唔多好，否則冇理由配股。最後就係大股東私有化，用溢價買斷小股東股份，我估佢會咁做。
點都好，講咗咁多日，相信聽日開市前會有了斷，到時再同大家跟進。
梁心欣