主播心聞：行街的收穫 梁心欣
1 :
GS(14)@2013-02-05 00:27:27http://www.sharpdaily.hk/article/fin/20130201/172795
1月份〈300萬爽組合〉埋單計數，個個鬥到難分難解，如我係Sky sir，我會笑到卡卡聲。
個個以為佢冇命，點知鯉魚翻身，反勝一仗，直情要畀個like佢。
一個月總有一、兩次與Sky sir做清談節目，講吓投資心得；佢話我冇上堂就偷到師，激死佢。我呢位前參賽者真係自愧不如，各路英雄繼續努力！
講番自己，見到市場風向轉泊防守股，我會留意一下置富產託（778），兩個交易日後除淨，兼有5厘息收，故納入買入名單；加上到過佢物業組合沙田第一城及馬鞍山廣場兜幾次，發現加入好多新商戶，兼且執過商場舖位，照計執一執又可收貴些少租。
與其中一間商戶傾過，佢話要做租客都唔易，除交租之外，商場方面仲要佢哋幫手刺激人流，仲管埋個食物質素，管理層都落過去食早餐畀意見；咁認真，絕對有作為，相信破頂冇難度！
梁心欣