ZKIZ Archives


【我無樓,但我很傑出】80後唔儲錢唔買樓 搞慈善窮遊40國家

1 : GS(14)@2016-10-22 22:28:55

Sonya話柬埔寨垃圾山嘅日出、日落同星空係最靚,尤其日出睇到希望。



「我睇過好多地方嘅日出、日落同星空,最NO.1係柬埔寨嘅垃圾山!」遊歷超過40個國家嘅80後少女Sonya,喺柬埔寨垃圾山見到最難忘嘅片段,「日頭啲人好辛苦搵食,當迎接日落,好快入夜,感覺好無希望,但係跟住望到好靚嘅星空,迎來第二朝嘅日出,原來喺一個最臭、最爛、最差嘅地方,會見到最有希望嘅一幕!」



Sonya遊歷咗超過40個國家,佢話唔只係去旅行,係喺世界生活。

佢話呢位阿根廷小朋友真係贏在射精前,22個月大就跟父母環遊世界。

Sonya四圍去,儲唔到錢,更加唔好話買樓,但係佢活得快樂。

Sonya啱啱結束咗5個月嘅Backpack旅程,遊歷咗中亞、伊朗、土耳其等地,佢話好多人羨慕佢旅行唔係以日計,係以月計,「我同羨慕我嘅人講不如交換吖,佢哋唔制o架,因為我係有自由,但係放棄咗穩定。」喺香港,要追求同香港人不一樣的價值並不容易,但喺世界,Sonya遇到好多比佢更瘋狂嘅人。例如喺塔吉克遇上一家三口嘅阿根廷人,父母旅行咗14年半,「當香港人話要贏在射精前,佢哋個仔就真係贏在射精前,唔止喺旅途上出世,得22個月大已經跟父母環遊世界。」



佢覺得可以為別人嘅生命帶嚟少少光明,係最美麗嘅事,所以成立慈善機構i-Action。

喺內地一個麻瘋病康復村涼山,籌咗12萬起小朋友飯堂,就係藍色屋頂嗰間。

以前啲小朋友喺露天嘅地方,踎喺度食飯,

環遊世界都可能係你嘅夢想,好多人諗住儲一大筆錢退休先去,但係Sonya話根本唔知自己幾時死,而且旅行同錢無關,「首先你真係要無家庭負擔,至於自己嗰部份可以好慳。」好似喺塔吉克同阿富汗國界嗰度,可以揀用200美金搭車,但係Sonya就揀行一個禮拜,「我唔只係去旅行,係喺世界生活。」



而家終於有瓦遮頭!

新嘅project係教採蜂蜜嘅村民做包裝,整副產品,等佢哋可以自食其力。

Sonya話自己從來儲唔到錢,用晒嘅時候就做freelance,寫稿、影相、拍廣告等,賺到一萬兩萬蚊又再去旅行。Sonya話有朋友擔心佢老來乞食,「乞食咪乞食囉,同埋我年輕嘅時候擁有呢啲經歷同寶貴嘅回憶,我好有信心係唔會令我將來乞食!」



Sonya話越多去旅行,越令佢知道世界好多出路,「唔好畀既定嘅框框,框死自己,你可以揀你自己行嘅路。」而Sonya就揀咗行慈善之路,喺2013年成立慈善機構i-Action。當有傑青話唔睇戲、唔social,29歲供完層樓就傑出,但係Sonya唔儲錢、去旅行,29歲服務山區村民起咗幢樓,都唔敢話自己傑出!喺香港買樓,Sonya覺得一啲都唔值,「我唔想死嗰刻,原來仲攬住層樓,但係又未供晒!」佢話如果有500萬買樓,不如分一半出嚟畀有需要嘅人,已經做到好多嘢。好似喺過去兩年,Sonya籌咗12萬為內地一個麻瘋病康復村涼山,起咗個飯堂畀小朋友食飯,「佢哋本身喺露天地方踎喺地下食飯,有一日落毛毛雨,啲水滴落個食物盤度化開,嗰一幕我到o依家仲好記得!」為咗令小朋友有瓦遮頭,做過NGO災難管理嘅Sonya利用佢嘅經驗同熱誠,將朋友嘅善款轉化成磚頭。飯堂建成,o依家幫採蜂蜜嘅村民爭取公平貿易,教佢哋包裝、做副產品,希望佢哋可以自食其力。可以為別人生命帶嚟少少光明,Sonya覺得係最美麗嘅事,不過做呢一切,佢都一再強調自己唔傑出,「好多人畀光環我,但係我畀到涼山村民嘅嘢好少,而且啲錢都唔係我嘅,係人哋捐嘅,我只係帶大家嘅愛心上去。」
i-Action【一行動】
https://www.facebook.com/IActionHK/
Sonya travel& photography
https://www.facebook.com/sonya.travel.photography/場地提供:Something Wild野玩山店地址:灣仔英皇集團中心1樓電話:29975233記者:鄒倩婷(阿仙)攝影:Kaman、峰編導:Kaman剪接:Roy




來源: http://hk.apple.nextmedia.com/entertainment/art/20161022/19808606
我無 無樓 但我 我很 傑出 80 後唔 唔儲 儲錢 錢唔 唔買 買樓 慈善 窮遊 40 國家
PermaLink: https://articles.zkiz.com/?id=313152

【平等共存】80後唔養寵物愛影街貓 想做鄰居多過做主人

1 : GS(14)@2017-01-07 00:29:37

與阿平相熟的貓,名為「阿哥」,由附近一位婆婆放養。



有種鄰居總是神出鬼沒——屋簷上、街角口、巷弄間,時而隱身在叢木之中,時而躺平於陽光底下。你知道他們的存在,但未必會駐足細看。這些不甚起眼的鄰居,偏偏成為80後文樂平(阿平)鏡頭下的主角,「我覺得貓係一種好靚嘅生物,尤其眼睛。佢嘅眼睛,用現代化嘅數碼相機影完,番屋企放大嚟睇,你會見到佢眼入面仲有好多嘢,倒影見到好多景物。」阿平是街貓攝影愛好者,2009年開始接觸攝影,因就讀的中文大學有不少流浪貓,便經常在午飯、放學時間拿着相機通山走,拍攝貓足跡。單單一處山頭當然容不下他。幾乎有街貓的地方,就有可能碰見這位背着紅色背嚢、文質彬彬的大男孩。他於3年前設立Facebook專頁「喵Hunt」,分享他走遍香港拍下的貓足跡。由初初着迷拍攝貓咪特寫,到後來被貓與環境、人的互動吸引,再配上有趣Caption,阿平的作品有故事、有溫度,還曾經贏得LENS攝影比賽,「盡量唔想做假場景,想用觀察嘅形式,保持一段距離,見到一種情境就記錄低。希望我嘅相除咗有貓之外,都有訊息可以帶出嚟,會有一個故事。即使唔係太明顯嘅故事,都希望將個故事講到出嚟。」你以為愛影貓就一定愛養貓?其實不然,皆因阿平認為「飼養寵物」含有階級意味,「我比你更強,比你更有能力,所以我就可以養埋你咁,我自己唔太接受呢種諗法。我唔係反對人幫手領養流浪貓,我唔排除有咁嘅需要,但自己就唔想做呢個角色,寧願選擇同佢哋一齊住喺社區入面,做鄰居角色多過做主人。我想選擇一種平等嘅關係。」數年影貓生涯裏最令他印象深刻的,卻與另一拍攝街貓的專頁有關。該專頁專門拍攝某地區的貓,卻於一年半前突然停止更新。阿平後來到訪該區,發現當地已成為景點,不少人專程去看街貓,令他反思這是否專頁停止運作的原因,「心態上睇非壞事,但可能帶俾嗰度嘅貓好多滋擾,會提自己除咗做興趣之餘,要留意後果,唔好好心做壞事。」怎樣才是與街貓共存的理想方式?阿平則認為是「佢有佢住佢搵食,我哋都有我哋住我哋搵食,唔會騷擾到大家存在。」很多人常投訴街貓四處出沒、叫嚷是騷擾,阿平卻反問,難道我們人類沒有對環境產生滋擾?「我哋一樣都做緊呢啲嘢,例如夜晚開燈咁,其他生物可能都要瞓覺架喎,但我哋因為自己喺度住,就不斷改變個環境。咁點解我哋唔可以都對其他喺度住嘅生物,有一個包容喺度呢?」



阿平接觸了兩年的白貓,生性較怕人,曾嘗試為她尋找領養卻未成功。

阿平最初愛拍攝貓咪特寫,圖為LENS攝影比賽得獎作品。



後來阿平偏愛拍攝貓與環境的互動,以情境說故事。

被人類趕絕的街貓?阿平卻笑說這其實是錯覺,因他熟悉該處的貓,深知牠們根本不會走上樓梯頂。

Facebook專頁:喵Hunt記者:封愷瑜攝影:徐振國、劉永發




來源: http://hk.apple.nextmedia.com/su ... t/20170106/19888175
平等 共存 80 後唔 唔養 寵物 愛影 影街 街貓 想做 做鄰 居多 做主
PermaLink: https://articles.zkiz.com/?id=321674

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019