ZKIZ Archives


「冇樓冇高潮」幕後主腦岑應都冇樓 但有消防男友

1 : GS(14)@2017-02-18 09:51:46

大台將推出真人騷《有樓萬事足》,單係預告片播出拜金港女Seasun,理直氣壯講出「有樓有高潮」同「冇樓唔好白撞」,惹嚟全城鬧爆佢,其實節目幕後主腦岑應,近年製作嘅真人騷《求愛大作戰》、《盛女愛作戰》、《沒女大翻身》、《網絡挑機》、《沒有起跑線?》等都同樣備受爭議,舊年《沒有起跑線?》中,大肚媽咪語出驚人話要個BB「贏在子宮內」同「贏在射精前」。當中受訪者雖係素人,卻爆出啜核金句,所以有被踢爆其實全部做媒,金句係岑應畀佢哋嘅設計對白,佢當然係否認。到底岑應乜嘢料?佢現年40歲,未婚,完全係一個不節不扣嘅盛女嚟,所以佢拍《求愛大作戰》同《盛女愛作戰》呢個有關盛女議題真人騷,特別有feel。根據資料顯示,佢係中文大學新聞系碩士畢業,跟住效力TVB新聞部,曾係《星期二檔案》編輯,2012年被安排籌備《盛女愛作戰》,因為節目內容具爆炸性,相真人騷嘅盛女各有亮點,所以同時岑應都起底,有指佢係夜蒲精,流連老蘭,所以成功搵到夠爆主角現身。岑應本身好貪靚,肯做白老鼠,所以也特別構思《沒女大翻身》,幫有需要女仔微調變身求偶,拍完盛女兩輯節目,岑應竟然擺脫盛女行列,佢覓得靚仔消防員男友,男方仲向佢咗求咗婚。岑應新一輯節目《有樓萬事足》食正時下年青中產頭痕跟唔到通脹買到樓話題,佢籌備咗大半年,有指佢對女傑青黃仰芳大談買樓「成功之道」嗰番言論有feel就始構思呢個節目,其實岑應本身都係上唔到車一族,佢近年都係一直不停搬,係咁畀無良業主加租,岑應有未婚夫,佢正等緊買到安樂窩就組織家庭。




來源: http://hk.apple.nextmedia.com/entertainment/art/20170218/19932408
冇樓 樓冇 高潮 幕後 主腦 岑應 應都 都冇 但有 消防 男友
PermaLink: https://articles.zkiz.com/?id=326883

【被轟造假】編導岑應搵自己友做《盛女》

1 : GS(14)@2017-02-19 13:59:39

電視台真人騷或實況節目不時被爆造假,包括《有樓萬事足》編導岑應製作的無綫真人騷《求愛大作戰》和《沒有起跑線?》等,ViuTV去年的《慳D啦Honey》亦被揭找自己員工扮素人參加。


《沒有起跑線?》【預設對白】

去年6月的無綫實況節目,內容主要描述近年怪獸家長現象,虎媽Irene與眾媽媽爆出「贏在子宮裡」及「贏在射精前」金句引起全城熱話,但相關言論被指是預設對白來增加話題性。



《慳D啦Honey》【員工參加】

ViuTV去年5月的真人騷,參賽素人情侶中,自稱無業的阿文,被爆於ViuTV任職導演,他太太Panpan則於nowTV工作,因節目找自己友參加而被指造假。


《盛女愛作戰》【被揭做媒】

2012年無綫的實況節目,參加者Mandy被揭是無綫節目編導岑應的好友,另一位自稱做醬油廠的男子,被爆其實是媾女學堂助教,事後該男子在社交網承認為節目做「媒」。


《求愛大作戰》【內訌被數】

參賽者Vivien力數節目造假,指自己一早認識節目中的盛男Justin,但被無綫力阻向外透露,又稱為提高收視而做戲示愛。




來源: http://hk.apple.nextmedia.com/entertainment/art/20170219/19932900
被轟 造假 編導 岑應 應搵 自己 友做 盛女
PermaLink: https://articles.zkiz.com/?id=327012

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019