ZKIZ Archives


爭風呷醋 監製捧陳敏之 徐子珊女一變花瓶

2013-07-04  NM
 
 

 

無綫為挽救跌唔停收視,早前重金禮聘福將黃子華回巢,拍住兩大姐仔徐子珊、陳敏之參演新劇《My盛Lady》。以為坐定粒六做女一的徐子珊,開戲後先發現陳敏之戲份愈加愈多,甚至同黃子華對手戲多過自己一截。上週劇組分別在油塘及西環拍外景,徐子珊明擺一姐款,對陳敏之不瞅不睬,只有黐住黃子華,才變面有講有笑。明益愛將

深得監製文偉鴻歡心的陳敏之,在新劇《My盛Lady》中分別同黃子華及阮兆祥有感情線,大玩三角戀,戲份比徐子珊有過之而無不及。「阿Jazz(文偉鴻)之前喺第一集《怒火》同《法網狙擊》做導演同監製,已經好錫敏之,兩套劇角色都係為佢度身訂造!今次仲要由醜女變靚女,好有發揮,監製加咗好多同子華嘅對手戲俾佢,出街嗰陣一定搶晒鏡。」一名《My盛》幕後人員說。冇監製錫,徐子珊轉攻黐實黃子華,甚至出動私家保母車,接送對方出入片場。「子珊喺片場好黐子華,無論平時出外景,抑或喺電視城化妝,子珊次次都主動話車埋子華,叫佢唔使坐劇組車。」幕後人員續說。

有你無我

上週四(廿七日),劇組連踩十二粒鐘拍外景,下午兩點,黃子華及徐子珊到達油塘商場,子華見未埋位,於是走入咖啡店休息,子珊二仔底死跟,更挨實子華吹水。未幾,陳敏之坐低搭枱,徐子珊即扁嘴起身走人,無癮敏之唯有拎塊鏡補妝,淡化尷尬場面。有你無我,之後敏之被召埋位,子珊即刻返入咖啡店,同黃子華、阮兆祥等人繼續吹水,擺明杯葛陳敏之。至晚上八點,劇組移師至上環林士街取景,拍攝黃子華強吻陳敏之被兜巴星戲份。徐子珊當晚負責做路人甲,全程行行企企,唯有面燶燶坐埋一邊篤電話,直至記者要求三人合照,徐子珊才勉強擠出笑容配合。原本以為執到好籌,可以拍住收視福將黃子華拍劇,最後卻由女一變花瓶,難怪子珊條氣唔順到出面。

早有積怨

09年,陳敏之和徐子珊拍攝劇集《美麗高解像》時,已有積怨。其中一場戲講述陳敏之掌摑徐子珊,拍之前導演講明「嚟真」,希望一take過,拍完後,徐子珊即刻怒目陳敏之,更嗌停機要敷冰。其後有傳媒報導話陳敏之夾埋伍詠薇、苑瓊丹等「八婆團」聯手整蠱徐子珊,令她硬食幾十巴。新聞出街後,即惹怒陳敏之及伍姑娘等,指徐子珊放流料搏同情。

 

爭風 風呷 呷醋 監製 捧陳 陳敏 敏之 徐子 子珊 珊女 女一 一變 花瓶
PermaLink: https://articles.zkiz.com/?id=62835

徐子珊1秒輪姦vs楊怡1分鐘鼻頂

1 : GS(14)@2012-10-27 14:43:33

http://hk.apple.nextmedia.com/entertainment/art/20121027/18049561
徐子珊和楊怡同是本年度視後大熱人選,前晚無線劇集《雷霆掃毒》和《名媛望族》分別播出她們的重頭戲,兩花旦的視後肉搏戰一觸即發。子珊曾自爆參演《雷》劇輪姦戲添心理負擔,可是這幕戲短得只得一秒,網友揶揄根本看不出子珊演技上的突破,「木偶鼻」楊怡在《名》劇反而豁出去被劉松仁強吻,更以尖鼻頂實他。
...
拍攝時自爆心理創傷
為爭視後寶座,同是33歲的子珊和楊怡分別在劇中豁出去,子珊在《雷》劇飾演毒後,前晚播出一集交代她被黑幫大佬李家鼎啪白粉針,跟住遭他的四名手下輪姦,有指子珊有望憑這場戲食糊膺視後,面對頒獎禮倒數,她壓力大增,甚至食慾不振,情緒起伏甚大,更令她帶來心理創傷。萬眾期待的重頭戲前晚播出,可是為時僅一秒,轉眼即逝,網友炮轟這場戲言過其實,子珊被對手施暴戲份不多,看不到她被輪姦時的痛苦表情,鏡頭著墨較多是她被侵犯後,憶述噩夢令情緒崩潰,惹網友狂插。
相反傳變臉後驚現「木偶鼻」的楊怡,前晚在《名》劇成功搭上暗戀的63歲劉松仁,劇情交代松哥借醉挑逗楊怡,當楊怡把酩酊大醉的松哥扶上房,他不准楊怡離開,用力把她壓倒床上,然後一輪嘴問:「你覺得我有冇魅力?吸唔吸引到你。」未待楊怡回答,他便主動狂咀她,這幕戲他們四唇交接,楊怡和松哥的鼻樑互頂,從側面看來她的木偶鼻極搶戲。兩人激嘴一分鐘,繼江美儀出動「黑絲誘惑」色誘松哥後,前晚這幕再牽誘惑,並帶出他們的感情線。
2 : 自動波人(1313)@2012-10-27 15:06:05

好多人期待睇子珊被輪,但最後只得一秒
3 : 寧采臣(25759)@2012-10-27 15:09:08

同玉蒲團雷海欣得一蚊有咩分別? 回水!
4 : 自動波人(1313)@2012-10-27 15:25:02

快啲聲討tbb!
5 : GS(14)@2012-10-27 20:34:48

so disappointed about
6 : 承天(1379)@2012-10-28 10:05:04

徐子珊而家代言1173 喔 佢成日搵D無線姐仔黎代言?係咪有關係 上一期係阿余喎
7 : GS(14)@2012-10-28 10:09:39

6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎


覺得他們好老
8 : 承天(1379)@2012-10-28 10:12:10

7樓提及
6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎

覺得他們好老
岩佢地STYLE 1173賣D 3係上左年齡的買 我媽6十 都鍾意去 所以我成日覺得佢間野冇活力 但佢市場又係岩呢味=.=
9 : GS(14)@2012-10-28 10:14:30

8樓提及
7樓提及
6樓提及
徐子珊而家代言1173 喔 佢成日搵D無線姐仔黎代言?係咪有關係 上一期係阿余喎

覺得他們好老
岩佢地STYLE 1173賣D 3係上左年齡的買 我媽6十 都鍾意去 所以我成日覺得佢間野冇活力 但佢市場又係岩呢味=.=


不過他d業績就真是麻麻地,他找到他的市場
10 : 寧采臣(25759)@2012-10-28 10:14:34

Weeko正, 搵除紙衫smileysmiley
11 : 承天(1379)@2012-10-28 10:16:59

10樓提及
Weeko正, 搵除紙衫smileysmiley
你鍾意尖口面的女仔?!
12 : 寧采臣(25759)@2012-10-28 10:18:17

11樓提及
10樓提及
Weeko正, 搵除紙衫smileysmiley
你鍾意尖口面的女仔?!


以前鐘意stephy果D, 而家口味隨住年紀大改變了
13 : GS(14)@2012-10-28 10:19:11

12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了


Stephy 好似整左咁
14 : 寧采臣(25759)@2012-10-28 10:20:17

其實我用過倩女幽魂, 以前女優做頭象, 係因為覺得以前既生活比而家好既一個投射
15 : 寧采臣(25759)@2012-10-28 10:21:11

Stephy應該有, 楊怡肯定有
16 : 承天(1379)@2012-10-28 10:21:24

12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..
17 : GS(14)@2012-10-28 10:21:49

14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射


呢個角度幾特別...女鬼同AV 女又點形容好?
18 : 寧采臣(25759)@2012-10-28 10:25:37

16樓提及
12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..


但我覺得永遠係第一個最好, 不過有選擇先係老闆
19 : 承天(1379)@2012-10-28 10:26:39

15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇
20 : 寧采臣(25759)@2012-10-28 10:30:23

17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?


其實可以用肥彭做頭象smileysmileysmiley
21 : 寧采臣(25759)@2012-10-28 10:31:05

19樓提及
15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇


鄧萃文應該都吸金
22 : GS(14)@2012-10-28 10:32:02

20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley


唔用張永霖?
23 : GS(14)@2012-10-28 10:32:23

21樓提及
19樓提及
15樓提及
Stephy應該有, 楊怡肯定有
都岩的 用D無記姐仔 甘D師奶又最鍾意煲劇

鄧萃文應該都吸金


大陸開的人工隨時是TVB 10倍
24 : 寧采臣(25759)@2012-10-28 10:33:34

22樓提及
20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley

唔用張永霖?


依條友算把啦, 無好感
25 : GS(14)@2012-10-28 10:34:16

24樓提及
22樓提及
20樓提及
17樓提及
14樓提及
其實我用過倩女幽魂, 以前女優做頭象, 係因為覺得以前既生活比而家好既一個投射

呢個角度幾特別...女鬼同AV 女又點形容好?

其實可以用肥彭做頭象smileysmileysmiley

唔用張永霖?

依條友算把啦, 無好感


不過他真是有d怪怪地
26 : 寧采臣(25759)@2012-10-28 10:36:10

而家stephy miki依D真係無興趣
27 : 寧采臣(25759)@2012-10-28 10:40:13

16樓提及
12樓提及
11樓提及
10樓提及
Weeko正, 搵除紙衫smileysmiley
你鍾意尖口面的女仔?!

以前鐘意stephy果D, 而家口味隨住年紀大改變了

我好認同百分百感覺入面 JERRY同許樂講你太容易將你的100分比出分當你成長第時遇到你認為更好的甘即係101分02分?
人大左口味唔同左 或者應該話比較知道自己想要邊鍾..


或者根本唔應該比較, 因為你用果陣既眼光同人生經驗俾分
28 : ironforge(21491)@2012-10-29 15:34:34

呢d都成新聞..仲咁多人回...乜野世界
29 : GS(14)@2012-10-29 22:40:25

28樓提及
呢d都成新聞..仲咁多人回...乜野世界


TBB 節目無聊嘛
徐子 子珊 輪姦 vs 楊怡 分鐘 鼻頂
PermaLink: https://articles.zkiz.com/?id=281767

子珊獲加薪力捧爭視后鍾嘉欣失勢淪大茄

1 : GS(14)@2015-04-10 09:17:24

■鍾嘉欣女主角地位不保,昨日31歲牛一上載多張蛋糕照(小圖)到微博沖喜。攝影:葉君海


無綫的花旦雖多,但近年大執位,即將約滿的視后胡杏兒決心向外闖,現年35歲的徐子珊和31歲的鍾嘉欣近年更鬥生鬥死,有消息指無綫擔心下月即將約滿的子珊會離巢,近日積極利誘對方留低,有指除加薪15%,年薪加到120萬,爆騷錢再另計。除了銀彈攻勢外,還會開劇力捧,度身訂做台慶劇女主角讓子珊晒演技,造就她登上視后,名利兩個條件盡顯誠意,令近年不受重用的子珊為之心動。



■徐子珊自知北上發展空間不大,有意接受無綫的豐厚條件續約。資料圖片

■陳凱琳成為曾勵珍愛將,稍後在新劇佔戲份很重。資料圖片


■子珊在上年播出的劇集《神鎗狙擊》炸極不死,被取笑是「不死子珊」。電視圖片

陳凱琳加入戰團

相對來說,高峯期曾一年拍六劇的嘉欣,近年縮減至只得一年兩劇,浮現失勢,有報道指嘉欣稍後參演的新劇《巨輪II》,由女主角變成大茄,戲份不多,戲劇部總監曾勵珍亦將在劇中加入愛將陳凱琳。嘉欣近日狠撇拍拖八年的男友伍允龍,希望專心博一鋪搶奪視后,子珊和嘉欣的明爭暗鬥進入白熱化,是非不絕,有指子珊一旦答應續約,上位在望,而嘉欣則要坐歪。記者昨致電徐子珊,直至截稿前未有回覆,而昨日31歲牛一的嘉欣暫時拋開煩惱,昨日在微博貼上多張生日蛋糕相,並留言感謝朋友和粉絲的心意,將一切是非暫時拋開。採訪:劉敏





來源: http://hk.apple.nextmedia.com/entertainment/art/20150410/19106819
子珊 珊獲 加薪 力捧 捧爭 爭視 視後 後鍾 鍾嘉 嘉欣 失勢 淪大 大茄
PermaLink: https://articles.zkiz.com/?id=289442

【壹週刊】徐子珊拒降呢黃翠如執三攤拍愛回家

1 : GS(14)@2015-06-04 08:46:08

【壹週刊】收視持續插水的《愛‧回家》,已鐵定拍到804集七月六日正式摺埋,大台原本篤定香香(岑麗香)接力孭正,點知香香原來早已被戲劇組其他監製徵用,女角懸空,製作部總監於是急call徐子珊幫拖;但做慣黃金檔女主角,徐子珊認為拍處境劇形同降格,一口拒絕。無計可施下,唯有起用余詠珊愛將黃翠如。黃翠如加張繼聰,叫座力有限,為保錢途,大台決定換血不換藥,接棒新劇,繼續沿用《愛‧回家》吊命。
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150604/19171017
週刊 徐子 子珊 珊拒 拒降 降呢 呢黃 黃翠 翠如 如執 執三 三攤 攤拍 拍愛 回家
PermaLink: https://articles.zkiz.com/?id=290666

捱義氣 徐子珊唔肯降grade 黃翠如執三攤拍新版《愛.-回家》

1 : GS(14)@2015-06-11 12:43:59

2015-06-11  NM




收視持續插水的《愛•回家》,已鐵定拍到804集七月六日正式摺埋,大台原本篤定香香(岑麗香)接力孭正,點知香香原來早已被戲劇組其他監製徵用,女角懸空,製作部總監於是急call徐子珊幫拖;但做慣黃金檔女主角,徐子珊認為拍處境劇形同降格,一口拒絕。無計可施下,唯有起用余詠珊愛將黃翠如。黃翠如加張繼聰,叫座力有限,為保錢途,大台決定換血不換藥,接棒新劇,繼續沿用《愛•回家》吊命。廣告部詐晒型

一度是收視保證的《愛•回家》,由全盛時期的二十七點最高收視,跌至十七點,風光不再!為了吸納年輕觀眾層,大台原本安排岑麗香夥拍張繼聰,加埋一班奀到爆新人接棒,陣容卻因太弱,令外出
義氣 徐子 子珊 珊唔 唔肯 肯降 grade 黃翠 翠如 如執 執三 三攤 攤拍 新版 回家
PermaLink: https://articles.zkiz.com/?id=290794

傳失寵離TVB徐子珊:等份約自動完

1 : GS(14)@2015-08-03 08:58:32

【約滿走人】■徐子珊昨承認即將約滿無綫不再續約,見她笑到見牙唔見眼,莫非因不用再接拍膠劇所致?攝影:陳慧安



「不死子珊」終於心死?繼胡杏兒後,加入無綫11年的徐子珊亦決定月內約滿後離巢。有傳子珊有感無綫冷待而心灰意冷離開,昨日她出席銅鑼灣活動,承認正在等約滿:「等份約完咗先,等佢自動完。」不過,子珊強調未來方向還未決定,並謂:「覺得自己係時候做新嘢。」據悉,杜琪峯旗下的銀河海潤正向子珊招手,做阿杜愛將還是繼續拍膠劇,不難選擇吧!


無綫小生花旦買少見少,繼林峯、吳卓羲和胡杏兒後,徐子珊亦盛傳今年尾約滿後不再續約。消息指加入無綫11年的徐子珊近期因為無綫多番跟她傾續約,她卻遲遲未有動筆,以致被無綫投閒置散,事後子珊受訪時雖否認被無綫冷待,但就承認決定在約滿後要「停一停」、「唞一唞」,畢竟多年來劇接劇已感厭倦,有意將自己的珠寶設計發展成事業。



【不死子珊】■在《神鎗狙擊》中炸極不死,離譜劇情令子珊被封「不死子珊」。劇照

【無緣視后】■年年戥人家攞視后高興的子珊,聲稱自己不恨攞視后寶座。

【慘遭冷待】■有傳子珊(右)失寵被高海寧取而代之成力捧對象。劇照


■子珊(中)昨為拉麵比賽擔任評判,獲贈食一世拉麵。

「係時候做新嘢」

昨日徐子珊到銅鑼灣出席拉麵活動,對於盛傳她今年10月與無綫約滿後不再續約,子珊說:「唔係嗰本雜誌講嘅時間,不過嚟緊個約係就快完,所有嘢未決定。」問何時約滿?子珊未肯透露,只表示:「就快完。」子珊指無綫一直有跟她傾續約,但未來方向還未決定:「自己忙緊學珠寶設計,所有嘢未決定住,想自己停一停先。」子珊透露有其他公司及內地公司接洽:「暫時每日專注返學,每日淨係諗到要交功課,都有內地經理人搵我傾,但真係未諗到、未決定點做。」那麼是否等合約完結後再作打算?子珊直認不諱說:「冇錯,等份約完咗先,等佢自動完。」近年子珊在無綫拍過不少膠劇,其中更因在《神鎗狙擊》炸極不死而被網民封為「不死子珊」。莫非今次離巢,是因屢拍膠劇?對此子珊否認道:「冇咁嘅事,我都拍過好多好好嘅劇,因為咁多年拍劇先有人認識,畀咗好多好好工作機會我,畀我做咗好多好角色。」記者問是否與多年未能取得視后有關?子珊繼續否認說:「唔關事,我都有好多電影拍緊,不嬲都唔係睇獎唔獎。自己係時候成長,覺得自己係時候做新嘢。」


■子珊近日四出為有份參演的新戲《有客到》宣傳。劇照

有望成阿杜愛將

早前曾傳高海寧取代徐子珊成為無綫老闆陳國強愛將,子珊過去一年在無綫主演劇集少之又少,在年初拍完《以和為貴》一劇後,已沒有任何新劇安排,明顯被投閒置散,對此子珊力撐說:「同公司有共識,自己都想減產,拍劇咁辛苦都需要休息,所以一套劇一套電影,唔想拍到成日黑眼圈。」子珊亦否認效法其他小生花旦離開,記者指她不跟無綫續約,今年肯定無望問鼎視后,子珊笑說:「唔驚!我驚咩呀?唔使諗啦,不嬲都冇諗呢啲嘢!」並揚言未來去向如何,會第一時間通知大家。據本報了解,現時除林建岳的寰亞娛樂外,杜琪峯旗下的銀河海潤亦向子珊招手,子珊分分鐘有望成為阿杜愛將。採訪:盧妹、鍾國仁





來源: http://hk.apple.nextmedia.com/entertainment/art/20150802/19240033
失寵 TVB 徐子 子珊 等份 自動
PermaLink: https://articles.zkiz.com/?id=291930

徐子珊同無綫拜拜

1 : GS(14)@2015-09-14 19:45:55

■徐子珊將修讀珠寶課程,所以暫放下事業。資料圖片


一直等約滿的徐子珊,今個月終於與效力11年的TVB娘家「分手」!子珊昨日接受電話訪問時承認已約滿,但暫時未定去向,有傳除有內地公司以千萬利誘外,邵氏和曾志偉的公司亦有向子珊招手,子珊說:「其實由頭到尾都冇話唔簽無綫,無綫都係考慮之列,係因為呢幾個月我真係報讀咗一個珠寶設計課程,冇理由專登攞假去讀書,所以好多嘢遲啲先決定,有新動向會同大家講。」是否想進軍電影或返內地搵錢?子珊說:「作為一個藝人,希望會有更多新挑戰,只要係有好劇本、好角色,無論係劇集、電影或微電影都會做。」採訪:嵐山





來源: http://hk.apple.nextmedia.com/entertainment/art/20150913/19293309
徐子 子珊 珊同 同無 拜拜
PermaLink: https://articles.zkiz.com/?id=292183

徐子珊設計珠寶踩過界

1 : GS(14)@2015-10-05 07:58:03

徐子珊、翁狄森、何驥與妻女一家三口、陳志雲及政務司司長林鄭月娥等,昨晚在灣仔出席「典亞藝博2015 FINE ART ASIA十週年開幕典禮」,子珊透露剛完成9星期密集式的珠寶設計課程,自己也有參觀珠寶展偷師學習。問她是否進軍珠寶界?子珊說:「算係,我都有啲新設計,會同珠寶公司合作,不過自己唔係咁識做生意,數學白癡。」


■何驥(中)與太太及女兒到場支持。


子珊強調並非淡出娛樂圈,目前正接洽電影工作,下月更會開演唱會。對於有傳內地有公司開價千萬邀加盟,子珊避談說:「內地同香港都傾,錢唔重要,會睇合作同自己度。」此外,談到黃秋生批評港姐演技欠佳,她笑言自己也常受批評。採訪:羅慧敏攝影:陳俊強





來源: http://hk.apple.nextmedia.com/entertainment/art/20151004/19319791
徐子 子珊 設計 珠寶 踩過 過界
PermaLink: https://articles.zkiz.com/?id=292734

金話梅電影選舉:子珊鬥思貝 熱爆最爛影后

1 : GS(14)@2016-03-06 16:12:17

一年容易,又到本報娛樂版舉辦的「金話梅電影選舉」(Golden Plum)時候,今年已是第十一屆。本着砥礪香港電影業的宗旨,今屆會加插多項技術獎項提名,透過讀者一人一票的原則,選出觀眾心目中金話梅的表表者。稍後本報將會公佈投票網址。撰文:李森



【最爛女演員】



徐子珊《有客到》 囧樣再現

金話梅常客徐子珊又有新作,今回演被貓妖上身的自閉女孩,囧爆的十級無辜樣和智障式說話技巧大派用場,順理成章成為金話梅影后大熱。




蔡思貝《陀地驅魔人》 一味大叫

蔡思貝始終跳不出螢光幕的框框,每演出驚嚇位時便起勢尖叫,分貝爆標直穿觀眾耳膜,名副其實「音姦代言人」。不是大聲就代表好戲的,「賽分貝」。




袁嘉敏《鴨王》 露點助勢

電影以袁嘉敏博盡露兩點作招徠,一入場就知出事。雷聲大雨點小,短短的裸露戲份原來只是前菜,要觀眾硬食她的生硬演技到完場才是主菜。




薛家燕《十月初五的月光》 喊到厭煩

重看十多年前的劇集,薛家燕還是好地地,想不到近年來個急劇進化,演戲時都勁給力,結果電影版出事了。出場不多,每次都是喊苦喊忽。一個字,煩。




雨橋《猛龍特囧》 加倍弱智

公道講,《猛龍特囧》劇本爛到不堪,就算張曼玉來演雨橋的角色也無從力挽。不過,雨橋還是恰如其分地做番個弱智妹角色,令電影爛上加爛。



【最爛男演員】




何浩文《鴨王》 夾硬代入

做鴨的確蝦人演,如果用到方法演技夾硬代入舞男的心路歷程,只會難以抽離。何浩文選擇了一個安全距離去演,結果是得啖笑,完。




胡耀輝《猛龍特囧》 醜上加醜

生得樣衰不是罪,但自恃樣衰而刻意誇張醜陋部份,就是罪。胡耀輝在《猛龍特囧》充份表現出何謂樣衰不討好,爛到有種令人可憐他的感覺。




姜文《一步之遙》 自信離地

自從《讓子彈飛》後,姜文就覺得自己變成無敵不死身的過份自信。全片都圍繞着他走,透過銀幕對着觀眾自我滿足之作,姜文的自信令到他的角色太離地。




謝爕雋《同班同學》 木無表情

本來對新演員不應該有太大苛求,不過縱觀他全套戲以撲克面去演繹喜怒哀樂的情緒,最投入的是跟不同女演員的床戲及反應。




方力申《紀念日》 演技不變

跟張繼聰同場,令方力申的演出變成一場高下立見的悲劇,他的演出仍停留在《十分愛》年代,激動時大叫、博同情時扮儍仔、求原諒時扮慘樣十年如一日。



【最爛電影/導演】

以為用心去拍的電影就不會成為爛片的話就錯了,即使人強馬壯如《赤道》,集合中港台韓超強陣容,但故事低智兼有頭無尾,仍難逃被提名的命運。《浮華宴》貴為賀歲片卻以黑色幽默配九唔搭八服飾變成先天缺陷,《猛龍特囧》仍然以爛笑話低級趣味當賣點怎能不爛?《鴨王》變成賣慘情的做鴨有苦衷的老土橋,還有《色模》居然找僆模艾美琦做主角,真的不得不佩服導演及片商的勇氣!入圍名單:《猛龍特囧》胡耀輝《色模》惠敏、仁傑《鴨王》區焯文《浮華宴》黃百鳴、邱禮濤《赤道》陸劍青、梁樂民



《赤道》陸劍青、梁樂民

《浮華宴》黃百鳴、邱禮濤



【最爛場面】

一部電影終有一個場面令你永遠難忘,而一套爛片都同樣會有一個爛場面叫你大叫回水!講鬼片的《有客到》跳個徐子珊變貓妖場面就認真趕客,《猛龍特囧》鄭中基幫胡耀輝啜毒兼用口餵奶一幕,極重口味。《十月初五的月光》其實真的只適合做電視劇,因為經常婆媽到高潮變笑位。《陀地驅魔人》前文後理關聯欠奉的人鬼戀最令人狂噓,至於《赤道》手提核彈揸車運去西環,就完全破壞了電影扮高智的心力了。入圍名單《有客到》變貓趕客《猛龍特囧》核突噴奶《十月初五的月光》挖泥救美《赤道》兩儍運核《陀地驅魔人》突發戀情



《陀地驅魔人》突發戀情

《猛龍特囧》核突噴奶



【其他當選金話梅獎項】




最爛海報設計:《葉問3》

甄子丹打遍宇宙無敵手,卻不敵強國金主。內地版《葉問3》海報中,忽然殺出個內地影壇財主「施建祥博士」的大頭照,完全格格不入。有錢才是宇宙最強。




最爛造型設計:《捉妖記》胡巴


這隻一頭四臂的妖精胡巴,據聞原型是《山海經》的「渾沌」,舉止有如患了過度活躍症,驚嚇有餘,可愛欠奉。不過,電影在強國照收24億,問你服未?



最爛結局:《赤道》

原諒我們都是平凡人,相信沒人會預計到,在揭穿張學友是赤道後,會來一個突兀sharp cut,然後再彈出一句「現在才正式開始」之類的混帳字幕。



最爛植入廣告:《十月初五的月光》

這其實不算是電影,是廣告雜誌。《十月初五的月光》講澳門嘛,來來去去都是杏仁餅、大三巴和澳門旅遊塔,但可否不要這麼例牌?



亞太旺區最受歡迎導演:葉念琛

「MK活地亞倫」葉念琛今年做了多產導演,先後執導了《十月初五的月光》和《紀念日》等「大作」,在主場亞皆老街至太子道西的旺角區贏盡支持,得獎實至名歸。





來源: http://hk.apple.nextmedia.com/entertainment/art/20160306/19518283
話梅 電影 選舉 子珊 珊鬥 鬥思 思貝 熱爆 爆最 最爛 爛影 影後
PermaLink: https://articles.zkiz.com/?id=297046

Hea做一年溝鬼模徐子珊西班牙瘟仔

1 : GS(14)@2016-04-15 04:33:23

2016-04-14 NM

去年跳船離開大台的徐子珊,一直搵唔到心水價碼頭,於是疊埋心水拍拖,強攻相識多時的六呎高靚仔鬼模Moni Demirov。徐子珊買埋機票返西班牙,陪Moni探望家人,兩人的感情一日千里,男方不時在社交網站上載和徐子珊的親密合照,又專登抽空來港陪女友過農曆年;本月初,徐子珊出席公開活動時,更不避嫌帶埋男友出席。另方面,徐子珊亦得舊主殼王陳國強再關照,正式簽約邵氏,hea咗一年,徐子珊有着落。陪返鄉下

強項是跳舞的徐子珊,早年在朋友的介紹下,認識自小已參加ballroom同拉丁舞比賽的Moni Demirov。在保加利亞長大的Moni,講得一口流利英語,加上高大(六呎高)靚仔,同徐子珊又有共同話題(舞蹈),兩人一拍即合。但其時徐子珊仍然是無綫人,劇接劇,連休息時間都不夠,所以兩人的來往亦好有限。直到一四年底,徐子珊決定離巢外闖,拍罷《以和為貴》後,聞到味的無綫決定將徐子珊送入雪櫃,直至合約結束。大得閒,徐子珊同定居美國、正在當地開拓演藝事業的Moni重新密切聯絡。據了解,當知道Moni有意返西班牙探望在當地定居的家人時,徐子珊試探式表示自己也未去過西班牙,成功引導Moni主動邀請,一齊返鄉下。「以前要密密開工拍劇,阿Kate(徐子珊)都有本事抽到時間溝仔,更何況嗰段時間冇嘢做!個鬼仔又鬼咁單純,當正阿Kate係女神,梗係開行turbo去馬啦!」知情者說。

胸貼胸交叉攬

以往拍拖,男友不是專業人士便是老細,徐子珊習慣高手過招,對住單純的Moni,三兩下手腳,已經將對方連人帶心全面俘虜。從男方上載兩人結伴遊西班牙的照片,心口貼心口攬到實,徐子珊又一副冧爆樣,兩人完全通晒電。西班牙之旅後,徐子珊返香港上堂讀寶石鑑證和珠寶設計,Moni就要飛返美國casting,兩人只有隔空談情。女友要返學走唔開,加上徐子珊開到口,希望可以一起過農曆新年,Moni於是急飛香港交人。

介紹識幕後人

過年後,Moni仍在香港逗留了一段時間,徐子珊趁機帶男友介紹圈中幕後人認識,看看是否有機會留港發展。月前,兩人在灣仔星街附近的秀華坊一間cafe,與幕後人見面,只見徐子珊不停同對方密密斟,至於坐貼女友的Moni,不時一雙心形眼望到實。警覺性高的徐子珊,好快便發現有記者,於是着幕後人同Moni先行離開,記者走上前,追問徐子珊新歡。壹:壹週刊M:Moni壹:You are Kate's boy friend?M(扮聽唔明,擰轉面向工作人員求救,對方代答):我哋傾嘢。壹:Are you model?M:Yes, as well.壹:What's your name?M:Moni, thank you.壹:What's your relationship between Kate & you?M:Sorry can't talk anymore!

高調帶出「分」

Moni由幕後人帶走後,留在咖啡室的徐子珊全程不停講電話,似是安排如何和Moni會合。十五分鐘後,徐子珊埋單離開,記者追問Moni的身份,她面燶燶搶答:「佢哋幫我做緊珠寶呀!」然後上車踩行油閃人。本月初,徐子珊與鄭伊健出席品牌活動時,不避嫌帶埋Moni出席,被追問男伴身份時,她連名都不肯透露,只笑笑口說:「如果真係男朋友,就唔帶佢出嚟啦!」

翻兜殼王打救

感情有着落!但工作方面,則不如她意。眼見其他花旦小生離大台錢途無限,徐子珊心雄自己是下一個,點知國內冇人吼,香港的娛樂公司亦只得英皇有傾過,但對方出手低,完全不是徐子珊心中數目。「佢以為自己係大台一線阿姐,不愁出路,其實唔係咁易,如果唔係,阿佘(佘詩曼)都唔使簽番TVB啦!」知情者說。除了無綫時期接落的活動和銷情慘淡的《我的女神演唱會》外,過去一年,近乎零!拍拖唔可以當飯食的徐子珊,惟有向舊主殼王㩒救命鐘,最終於今年初簽約成為邵氏旗下藝人。另一方面,徐子珊為免外界知道自己冇人吼爆,於是轉移視線:「TVB好好,仲肯幫我接job,但暫時冇傾拍劇。」曲線話俾大家知,搵無綫一樣可以搵到她傾job,醒目。

大小通吃

入行十一年的徐子珊,身邊男伴種類繁多,老細級、天王、醫生、道具佬好雜,故被封為TVB「姣神」。

冇回頭

愛情無分國籍地域,圈中女星口味趨國際化,一旦愛上鬼佬,就好難返轉頭。

回巢救兵

小生花旦陸續離開,無綫惟有扮矮仔,周圍搵救兵,向離巢的藝人求救。

撰文、攝影、攝錄:娛樂組
Hea 做一 一年 年溝 溝鬼 鬼模 模徐 徐子 子珊 西班牙 瘟仔
PermaLink: https://articles.zkiz.com/?id=299267

子珊簽王祖藍公司

1 : GS(14)@2016-05-19 02:33:56

徐子珊昨日應邀到到灣仔會展出席中小型企業「香港星級品牌2016啟動禮」,與商務及經濟發展局局長蘇錦樑並肩主持儀式,順道在場向商家偷師經營其網上手飾生意。徐子珊早前赴美國大西洋城登台時有意外收穫,她說:「我經常會配戴自己首飾見人,順便講解吓,點知登台後去慶功時,有位男士話想畀驚喜太太,叫我賣條手鏈畀佢,於是我真係賣咗畀佢,仲幫佢太太戴上,成件事好sweet,冇諗過登台賺錢又做到生意。」子珊脫離無綫後,終於有去向,她透露會簽邵氏旗下、王祖藍開設的經理人公司,日內會動筆簽約。採訪、攝影:卓寶花





來源: http://hk.apple.nextmedia.com/entertainment/art/20160517/19614551
子珊 珊簽 簽王 王祖 祖藍 公司
PermaLink: https://articles.zkiz.com/?id=300392

徐子珊鋪路攻內地

1 : GS(14)@2016-07-15 05:16:40

張慧儀、徐子珊及錢國偉昨日到香港遊艇會出席音樂劇小說《崗瓦納之約》捐贈儀式,幾位嘉賓和小說作者謝勤專程到場支持。徐子珊簽約王祖藍旗下,直認在內地發展機會多,將會到北京拍宣傳照、做訪問等,為日後打入內地巿場鋪路。子珊和慧儀昨日均以貼身裙顯現S身形,身材惹火,慧儀說:「秘訣係朝早六點起身湊仔、煮早餐、送返學、去街市買餸等一腳踢,慢慢就瘦咗,而家keep住。」慧儀欣賞謝勤的著作,希望與對方合作出書,講述自己與囝囝的相遇經過,將過程寫成書留為紀念和回憶。慧儀又透露囝囝現在己經開始放暑假,而她稍後將會到內地拍劇,亦會帶同兒子一齊開工,認為這是作為母親最好的身教。而子珊則鼓勵好友出書,實現夢想。採訪、攝影:卓寶花





來源: http://hk.apple.nextmedia.com/entertainment/art/20160715/19695207
徐子 子珊 鋪路 內地
PermaLink: https://articles.zkiz.com/?id=303849

《城寨》翻炒子珊一秒強姦 幾歲仔識講「叫X」

1 : GS(14)@2016-08-09 07:33:02

大台劇《城寨英雄》其中一幕講劉佩玥所演嘅Audrey,鍾意咗救過自己一命嘅拳佬(陳展鵬飾),之後劇中一個小朋友——小新就帶Audrey去見拳佬。拳佬為咗令Audrey知難而退就講大話指小新係自己個仔,刁蘭(胡定欣飾)係自己老婆。之後仲鬧出自己有性病嘅笑話,刁蘭話﹕「你個死佬係咪又試叫雞唔俾錢呀?」小新就話﹕「老竇你做咩叫雞唔預埋我呀?」唔止咁,劇中鑫鑫(林穎彤飾)被羅莽強姦一幕,推埋牆之後一秒就完咗事,呢招咪係《雷霆掃毒》入面,徐子珊成名嘅「一秒強姦」。





來源: http://hk.apple.nextmedia.com/entertainment/art/20160809/19729171
城寨 翻炒 子珊 珊一 一秒 強姦 幾歲 歲仔 仔識 識講
PermaLink: https://articles.zkiz.com/?id=305122

徐子珊抗拒異地戀

1 : GS(14)@2016-12-09 00:03:47

徐子珊昨日在紅磡出席鄭明明開設的蒙妮坦學院畢業典禮,穿上deep V裙、大騷事業線的子珊,談到其網上珠寶品牌生意,她說:「未有咁快回本,但對生意係樂觀。」她又謂租金太貴,所以不考慮開舖。早前四處外遊,子珊透露簽約王祖藍旗下後,有電影、電視及真人騷洽談中,她說:「聖誕節去芝加哥登台,同埋喺香港做倒數活動。」騷錢好滿意?她笑說:「幾好,我都係投資番喺我生意上。」事業雖然得意,但子珊表示情場沒起色,問外遊時有否艷遇?她說:「冇呀,同埋我覺得異地緣係唔得,因為維繫唔到。」採訪:黃曉妍攝影:沈健程




來源: http://hk.apple.nextmedia.com/entertainment/art/20161208/19858118
徐子 子珊 抗拒 異地
PermaLink: https://articles.zkiz.com/?id=318778

徐子珊扮白骨精搶鏡

1 : GS(14)@2017-01-02 01:06:37

王祖藍和太太李亞男、徐子珊、郭富城、孫燕姿、蕭敬騰及張惠妹等前晚演出內地浙江衛視的跨年演唱會,大會宣佈《奔跑吧兄弟》將開拍第五季。扮悟空的祖藍和老婆拖手表演,現場大晒恩愛,之後祖藍又和子珊上演一幕搞笑歌舞劇,子珊扮白骨精,並配上性感服裝,實行和祖藍鬥搶鏡。雖然子珊的演出僅一分多鐘,但她謂之前花了大半天時間練習。




來源: http://hk.apple.nextmedia.com/entertainment/art/20170101/19882880
徐子 子珊 珊扮 白骨精 白骨 搶鏡
PermaLink: https://articles.zkiz.com/?id=320947

子珊北上識富二代

1 : GS(14)@2017-05-13 02:04:12

徐子珊與羅冠蘭昨日在灣仔演藝學院為「第九屆香港小劇場獎」擔任頒獎嘉賓,子珊表示大小劇場均支持:「佢哋空間不足,有時會做獨腳戲,有啲好有質素,十幾歲自編自導自演都有,好欣賞佢哋。我恨咗好耐,無論大、小劇場,有機會都想做,我同公司反映咗,想商業同藝術攞平衡。」



■羅冠蘭被得獎者的致辭感動到眼濕濕。

下月返內地拍劇的子珊,大嗌緊張:「已經周圍問人有乜嘢要準備,會喺北京拍一個月,之後再去其他地方,希望準備充足啲。我兩年幾冇拍劇,真係好緊張,我當新人重新開始。」問到可會在北京認識富二代?她說:「冇所謂嘅,可以識吓新朋友。」採訪、攝影:羅慧敏




來源: http://hk.apple.nextmedia.com/entertainment/art/20170511/20017281
子珊 北上 識富 二代
PermaLink: https://articles.zkiz.com/?id=332726

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019