ZKIZ Archives


城城開騷超時空飛舞

1 : GS(14)@2016-08-13 14:50:23

郭富城為「舞林密碼」演唱會閉關練舞,早前他宣傳演唱會時接受訪問,透露個唱概念源自黑洞宇宙,帶出武士精神。演唱會花龐大支出搭建超時空舞台,城城說:「慶幸啲飛去得好,自己都曾經有疑問,點解花費咁大去做舞台,後來明白佢哋本身就係鍾意動作,將不可能變成可能,將香港未見過嘅呈現,而家希望唔好丟香港人假,我哋舞台可以行出全世界,好有使命感。」城城謂最想挑戰的是空中飛人:「未見過我飛咩?可能會都唔出奇。可以用飛天遁地形容,舞台同所有嘢都係空運訂番香港,成唔成功我都未知㗎。」採訪:卓寶花攝影:陳慧安




來源: http://hk.apple.nextmedia.com/entertainment/art/20160812/19732515
城城 城開 開騷 超時空 超時 飛舞
PermaLink: https://articles.zkiz.com/?id=305560

城城開騷老友敍舊

1 : GS(14)@2016-09-01 06:12:29

郭富城紅館演唱會至今已舉行了八場,城城和製作團隊將會休息三天,明天繼續餘下的七場演出,城城說:「做咗八場,整體都好滿意,好享受每晚嘅舞台演出,好開心大家鍾意我哋嘅製作,聽到大家嘅評價同欣賞,係我同成個團隊最大嘅回報。」城城又感謝圈中好友的捧場:「好開心有咁多台前幕後好朋友嚟支持我,見到佢哋每個人都睇得好投入,之後又入後台影合照,感覺好似舊朋友團聚咁。」另外,曾為米高積遜及英國皇室人員做鞋的著名鞋履大師Jimmy Choo,特別為城城打造演唱會舞鞋,Jimmy看完騷後說:「如果米高積遜仍在生,一定請佢嚟睇城城呢個世界級演唱會。」撰文:陳以晴




來源: http://hk.apple.nextmedia.com/entertainment/art/20160831/19754695
城城 城開 開騷 老友
PermaLink: https://articles.zkiz.com/?id=306929

【凍齡女神】留低老公睇貓周慧敏聖誕賭城開騷

1 : GS(14)@2016-12-24 10:55:38

今年聖誕如何過呢?凍齡女神周慧敏(Vivian)就揀咗去美國拉斯維加斯開世界巡迴演唱會Journey of Love喇!Vivian周四(22日)在洛杉磯舉辦演唱會記招,美國西岸的華文媒體一早到場內霸定靚位,想搶先一睹女神風姿。駐洛杉磯記者:張紫茵已經20年沒有在拉斯維加斯登台的Vivian表示,今年是入行30年,過去收到很多朋友的愛,所以她想與一些以前很少見面的歌迷,作一個近距離接觸報答他們。Vivian又指,今次演唱會依然會有自彈自唱的部份,亦邀請了台灣音樂男神楊宗緯作嘉賓,並將會合唱《流言》。聖誕佳節搞演唱會,Vivian話今次老公倪震沒有隨行,乖乖地留在家中照顧6隻貓貓。她笑言,老公掉低貓貓隨行先唔放心,不想將貓貓放到寵物酒店。而她現時仍然專注在慈善工作及一些代言活動,希望留多一點時間給家人以及信仰。早前放風會搞入行30年演唱會,Vivian透露已經向紅館入紙,因為要提早一年申請,所以明年12月能否拿到檔期仍然是未知之數,結果如何就一切隨緣,她的團隊覺得她較適合在紅館開騷,至於其他場地暫時不作考慮,但Vivian就話其實咩場地都無所謂,都係等安排,就算不批仍然可以留時間予家人及貓貓。今年Vivian為新人黃劍文寫了一首新歌《尋找消失的過去》,至於明年會否再作曲或新專輯,Vivian就話唔想有壓力,對她而言作曲就好似打桌球一樣,自己開心就可以,下一次或者會寫給自己,嚟緊聖誕節演唱會亦會表演自己作品,最後她賣了個關子,或者會寫一首適合當日唱的歌,看來大家要拭目以待了。




來源: http://hk.apple.nextmedia.com/international/art/20161224/19875852
凍齡 女神 留低 老公 睇貓 周慧敏 周慧 聖誕 賭城 城開 開騷
PermaLink: https://articles.zkiz.com/?id=319999


ZKIZ Archives @ 2019