ZKIZ Archives


中環在線:中海油唔認借錢畀蒙牛 李華華

2008-11-07  AppleDaily

蒙 牛(2319)創辦人牛根生禮拜一爆出一封萬言求救信,哭求內地企業老總幫忙,對抗外資敵意收購。封信仲透露,除咗聯想控股老總柳傳志即時打電話應承借出 2億銀人仔;中海油(883)董事長傅成玉亦call牛根生,豪爽話:「中海油備了2.5億,甚麼時候需要甚麼時候取。」 呢幾日網友爭相討論「傅成玉誇口借2.5億」事件,批評中海油係國企,又唔係傅家私產,傅總何來妄言「甚麼時候需要甚麼時候取」。《每日經濟新聞》記者前 日打電話畀中海油總公司,查問借錢真相,傅成玉冇親自回答,只透過相關負責人回應:「傅成玉從來沒有給牛根生打過這個電話,中海油更沒有給過牛根生2.5 億的承諾。」

要國資委批

呢位負責人仲話,中海油係控股公司,如果要動用上市公司任何一分錢,為董事會成員以外的企業做擔保, 必須董事會三分之二嘅董事贊成;如果動用總公司嘅錢,更要國資委批准。講到咁官腔,睇嚟傅成玉義氣借錢單嘢,都係美麗嘅誤會,但點解傅總唔親自出嚟同記者 澄清,唔使大家估估吓,以為佢咁把炮呢。
中環 在線 中海 油唔 唔認 借錢 蒙牛 華華
PermaLink: https://articles.zkiz.com/?id=3110

聚豪揸足四年賺一成就走中環在線:林奮強賣樓唔認睇淡 李華華


2008-12-19  AppleDaily


 

地產大好友、瑞銀環球資產管理董事總經理林奮強,一向對樓市前景甚為樂觀,自從06年初轉做瑞銀基金經理,同樣活躍於地產市場,不過,今年就見佢陸續出貨。

通街平貨計劃換馬

佢 啱啱以1768萬元沽咗件大埔聚豪天下單號屋,件貨喺04年底用1600萬元買番嚟,一直收租,揸咗4年,今次賣出賬面只升咗一成,賺168萬;扣埋佣金 同釐印費等支出,淨袋80幾萬。同佢今年初賣出嘅另一件聚豪天下單號屋,同樣揸4年,但一鋪勁賺1017萬,升值近七成相比,相差好遠,唔夠一年賺少好多 喎,咁都肯賣,唔通睇淡後市?林奮強同華華講,佢喺地產市場向來有買有賣,今次出貨亦唔係睇淡後市,只係覺得金融海嘯爆發後,全球有唔少抵買嘅資產,好似 外國公司嘅債券、亞洲股票同埋香港物業,所以換吓貨。不過,唔係咁多港人具有世界投資眼光,投資者要因應自己承受風險能力出擊。

奧運站綁住八千萬

雖 然話o依家個市同年初有天淵之別,但佢認為香港樓宇供應始終少,息口又低,唔使太過悲觀喎。聽講,大好友今年初夥拍瑞銀同事王震宇,喺奧運站掃咗唔少貨, 主要係維港灣同帝柏海灣複式,用咗超過8000萬,好似話帝柏海灣嘅1座複式成功踢契,o依家總共揸住4件複式,部份放租。至於吸引唔少金融巨擘入市嘅九 龍站豪宅,聽聞大好友都有7至8件喺手。李華華LiWaWa@AppleDaily.com
聚豪 足四 四年 年賺 賺一 成就 中環 在線 林奮 奮強 強賣 賣樓 樓唔 唔認 認睇 睇淡 華華
PermaLink: https://articles.zkiz.com/?id=4755

中環在線:黃紹開唔認大福炒人 李華華


2009-03-17  AppleDaily





 

港 股成交持續疲弱,大福證券(665)董事總經理Peter黃紹開對08年全年盤數大嗌失望,佢估計公司業務今年第四季至復蘇。危機未除,惟有加強控制成 本,家陣已推出咗全盤計劃嘅一部份……咁即係仲有撒手鐧啦!華華即刻追問,究竟大福舊年至今炒咗幾多人,嚟緊又會炒幾多先?Peter就大耍太極,堅持係 表現遜色嘅員工「自然流失」,佢話大福現有逾900員工,較高峯期少咗一成,舊年下半年有幾十人離職,今年上半年預計會有20人流失,仍然留低嘅無論人工 定佣金都唔會減。公司又會暫時凍結招聘,包括大學生見習經理(MT)在內,而大福喺香港嘅門市亦唔會擴張,部份分行會搬去較平租嘅舖位,總之希望整體保住 有盈利,繼續經營落去咁話。



中環 在線 黃紹 紹開 開唔 唔認 大福 炒人 華華
PermaLink: https://articles.zkiz.com/?id=6702

中環在線:超人唔認寶島搞電視台 李華華



2010-02-10  AD



 

已 故台灣首富王永慶大仔王文洋爭贏家產後,隨即展開佢嘅事業大計,其中一瓣就係好多富豪都鍾意玩、但好似個個都玩唔掂嘅電視台。寶島行家噚日爆料,話一直諗 住做傳媒大亨嘅王文洋,密謀掟10億台幣(約2.4億港元),買起寶島第一間民間無線電視台民視,但另一邊廂,民視班高層為咗「捍衞主權」,亦都郁手搵新 金主,其中一個就係香江首富李嘉誠。

寶島同業仲講到,話李超人有意入主買民視,其實喺舊年年底已經傳得好「行」,早排「劇情」仲發展到話民 視總經理陳剛信嚟咗香港,同超人簽備忘錄,一鋪買起22%股權咁話。點解超人咁想買民視?佢哋分析係李生已經喺當地買起咗城邦出版、《商業周刊》等,對台 灣媒體有濃厚興趣。之不過,超人旗下長實(001)已經即時代老闆否認咗呢啲傳聞。



中環 在線 超人 唔認 寶島 電視 華華
PermaLink: https://articles.zkiz.com/?id=14190

唔認炒股股壇校長李福兆訓話 「我燉股最多乾水唔會燶」 李華華 

2010-03-23  AD





證券商協會今年適逢30周年「牛 一」,兼夾係新一屆理事會換班,噚晚就喺會展筵開咗53席大搞,就連久未露面、有「校長」之稱嘅聯交所前主席李福兆亦俾面出席。「校長」當年有份出錢出力 創立協會,可以話係協會嘅「老竇」,就算佢老人家近年喺泰國加拿大兩邊走,又四圍去旅行,安享退休生活,噚日都不忘返港道賀,據有份出席晚會嘅幾位朋友向 華華透露,校長喺晚會上同一眾證券界好友,大談過去、現在、未來,仲上台同金牌莊家詹培忠大玩「棟篤笑」,對答認真幽默!

談過去身經百戰 87股災最難忘

校長雖然已經年逾八十歲,但全無老態,仍然可以談笑風生,風采不減當年。校長縱橫股壇咁多年,身經百戰,回想呢幾十年,對佢 嚟講,印象最深嘅唔係咩08金融海嘯,亦唔係03年沙士搞到股樓大冧,佢最難忘嘅,原來係23年前發生嘅87股災。

外資沽貨拖兩周交收

佢 回憶當年,話當時個市成交係咁增加,主要都係啲外資沽貨,但佢哋無遵守到T+1嘅交收規定,甚至拖成一、兩個星期先交收,搞到本地經紀出現好大壓力。佢仲 解釋話,當年決定停市,並唔係想令個股市唔好再繼續跌,其實佢嘅目的只係疏導交收咁話。

阿媽賭馬贏輸都俾佢

詹培忠問佢:「人 哋話李福兆六歲識炒股,不如教吓人?」校長就抵死咁話:「自己唔係炒股,而係『燉』股票,最多只係乾水,咁先唔會燶,初期我就燉吓公用股、地產股咁,呢啲 可以長揸收息……」

校長講完股仲講埋馬,不過唔關佢事,係關佢阿媽事:「阿媽每次賭完馬,無論贏輸,啲錢都會俾咗我,就係咁,我就儲埋啲錢 買股票囉。」

看現在香港上海應該互相合作

o依家嘅香港,話就話仲係我哋祖國嘅國際金融中心,不過上海「雙城記」嘅出現,令好 多香港人感到無比威脅。提到上海呢位「敵人」,校長都發表咗己見,佢覺得雙方應該互相合作,就好似美國咁,一個國家可以有幾個金融中心。

講 未來詩贈後輩勉勵明天更好

華華唔知香港第時會變成點,仲係咪金融中心,但校長就似乎對未來好有信心,仲勉勵有志投身金融界嘅後生仔,要專業 盡責,不斷學習同保持謙虛態度,最後仲贈咗一首詩畀後輩:「天上本無常照月,人間應有再來春。」就係想話俾大家知,就算今日幾咁艱苦,都會有好明天。

佢 仲教後輩「做人道理」,最緊要唔好挖苦人,佢話同協會另一個創辦人王脗銘做咗幾十年老友,咁多年都互相尊重,大聲講句說話都冇o架!

李華華



唔認 炒股 股壇 校長 李福 福兆 訓話 我燉 燉股 股最 最多 多乾 乾水 水唔 唔會 華華
PermaLink: https://articles.zkiz.com/?id=14958

中環在線:俄鋁CEO唔認係曱甴 李華華


2010-7-19  AD





 

《志雲飯局》喺香港曾經叱咤一時,喺英國,《金融時報》都有個文字版嘅《名人飯局》,專係訪問啲名人然後同讀者分享當中對話。啱啱過咗嘅星期六,佢哋就登咗同俄羅斯首富、俄鋁(486)大股東兼CEO歐柏嘉(圖)食飯嘅文章,其中一段仲提到金融海嘯呢個話題。

話 說09年6月,普京叫歐柏嘉去俄羅斯一個小鎮簽份保障本土工廠嘅文件,點知普京當住好多人面前叫佢做「蟑螂」!嘩,堂堂首富喎,俾人叫曱甴,真係冇晒 face!勢估唔到……歐柏嘉可以處之泰然咁回應,話「蟑螂」並唔係針對佢而講,只係針對一啲想趁機逃離行業嘅人啫。歐柏嘉似乎冇介意過總理咁鬧佢,因為 佢根本唔覺得係講緊佢,真係唔知佢係詐唔知費事尷尬,定係豁達睇得開嘞。
 



中環 在線 俄鋁 CEO 唔認 認係 係曱 華華
PermaLink: https://articles.zkiz.com/?id=16879

中環在線:從商不及搞科學陳啟宗唔認叻 李華華


2010-12-14  AD




 

為咗鼓勵啲學生哥喺數學科方面多多努力,恒隆地產(101)搞咗個數學獎鼓勵吓佢哋。到底點解香港人咁少喺數學界發展呢?

創辦人陳啟宗(圖)噚日出席數學獎頒獎禮之後話:「我哋呢一代人嘅role model係科學家,我哋下一代嘅role model就係李嘉誠(華華絕對係佢下一代o架!),o依家呢一代就係劉德華,其實都係時候畀返科學家一啲尊重……」

Well,超人同劉華都係好多人嘅偶像,而且仲係永恒o架,話口未完,宗哥繼續話:「真正叻嘅人全部都係搞科學,好似我細佬咁,我呢啲中等嘅只係從商……」

宗哥一啲都唔認叻,而且仲咁睇o依家嘅商人,果然係豪情壯語呀!

李華華

LiWaWa@AppleDaily.com


中環 在線 從商 不及 科學 陳啟宗 唔認 認叻 華華
PermaLink: https://articles.zkiz.com/?id=20317

高鐵爆爛民居唔認數

2012-10-11  NM




高鐵元朗段去年動工,工程進行得如火如荼,但連綿不斷的隧道鑽挖和爆破,為附近居民帶來極大困擾。本刊近日收到八鄉上村的村民投訴,指港鐵的爆破工程令他們屋內牆身滿布裂縫、水管漏水,但港鐵拖足大半年,至今仍拒絕承擔責任。

「港鐵成日都係夜晚先進行爆破,瞓覺時都會感受到啲門、窗喺度震,差啲以為係地震,試過凌晨六點幾俾佢震醒咗!」陳先生一家搬入八鄉上村四年,三層高的村 屋極其新淨,但自半年前港鐵在離村約一公里的範圍展開爆破工程後,屋內牆身就不斷出現裂縫。「由四月開始,間屋突然出現好多裂縫,愈嚟愈多,愈嚟愈大條, 由地下裂到上天花!」記者檢查陳先生的單位,發現三層樓合共有逾四十條裂縫,最長的更超過一米,不少更裂至電掣旁,隨時引發漏電危機。陳先生屋內的水管亦 爆裂,「早排打風落雨成間屋都冇事,淨係廁所不斷滲水,之後就發現廁所牆身濕晒,浴缸一笪笪霉漬,先知道原來連牆身入面嘅水管都震到爆埋。」另一於村內住 了逾廿年的黎小姐,亦遇到同樣問題,自四月開始,全屋被爆至滿布裂縫,最嚴重的裂縫甚至大得可攝入整條鎖匙,「二十年嚟都冇事,係呢半年先搞到咁。」就連 露台外的紙皮石亦被震至碎裂,出現一大條裂縫,「露台不斷有碎石跌落嚟,惟有自己請師傅維修。」

港鐵報告拖足半年

眼見損毀嚴重,陳先生和黎小姐於六月向港鐵投訴,惟港鐵派出公證行調查兩次後,便無回音,拖足大半年,至今仍拒負任何責任,「間屋舊啲就話可能係自然損 耗,新啲就話可能係牆身收水而引致裂縫,總之拖到今日都話仲未有報告。」他們又指港鐵一直未有按時通知爆破時間,「佢哋六月打後就冇再貼告示,但係我哋八 月都仲感受到震動。港鐵一味話個工程搬遠咗,冇可能感覺到震動,逃避責任。」記者在村口的馬路邊發現告示牌,但該告示牌早被黑色膠袋密封,拆開膠袋後,發 現告示牌上寫着的爆破時間為六月二十日,港鐵明顯未有再為村民更新爆破時間。

專家話爆破如五級地震

土木及結構工程師蘇耀坤指出,港鐵的爆破工程,威力最強可相等於五級地震,「震盪力咁強,絕對會令屋內出現裂縫,影響樓宇結構。」他更指出,爆破工程有機 會引致水土流失,令樓宇出現沉降,故港鐵應盡快正視問題。他又提醒村民,應把所有損毀情況拍照記錄,「最緊要有相片為證,方便日後向港鐵追討。」

回應逃避責任

本刊將村民的投訴轉介至港鐵,其發言人指公證行報告仍未審核完畢,又表示由於「現時鑽爆工程範圍已深入地底」,故無需作出告示。港鐵又指,所有工程「已進 行了審慎而全面的評估,確定走線及施工方法不會影響沿線附近的樓宇及建築物結構安全」,但卻拒絕提供任何工程數據作證明。 (馬梓皓)

壹判官

港鐵爆爛民居,但拖足半年仍未肯負責,良心何在?評分:劣劣劣劣(五個劣為最嚴重)

高鐵 爆爛 民居 唔認 認數
PermaLink: https://articles.zkiz.com/?id=38521

法官:你可以唔認數㗎,點解咁儍?

1 : GS(14)@2012-02-05 13:43:26

http://hk.apple.nextmedia.com/te ... 104&art_id=16038731


【本報訊】年輕散工兩度脫光衫褲,赤腳跑出家門兼狂奔樓梯,以全裸身軀嚇唬兩名女鄰居。散工早前在法庭認罪,聲稱犯案純因無聊貪玩。惟他卻向感化官自爆因玩輸網上啤牌遊戲,遂應勝方要求剝光豬出街受罰。裁判官昨得悉真相後不禁揶揄:「上網之嘛,你可以唔認數㗎……點解你咁儍呀?」終判他履行 160小時社會服務令,又勸他別再投入網上世界,盡快重返現實世界,做個實實在在的人。
記者:楊家樂
法官 可以 唔認 認數 點解 解咁
PermaLink: https://articles.zkiz.com/?id=277561

電視撈飯:唔認露肉重口味 張國強鼓勵阿叔喼弗

1 : GS(14)@2013-06-08 15:06:48

http://hk.apple.nextmedia.com/entertainment/art/20130607/18287189

                最近張家輝晒肌成為熱話,年過半百嘅張國強(KK)都唔執輸,前晚喺無綫新劇《情越海岸線》亦犧牲色相。劇情講述朱璇飾演嘅Maggie姣黐張國強飾演嘅程Sir,KK剛啱沖完涼,朱璇即衝入廁所,KK全身赤裸令人想入非非。估唔到今次露得最多唔係朱璇,而係56歲嘅KK騷body,隱隱見佢有五嚿半腹肌,由廁所打到出大廳,睇到一班師奶粉絲而嘩鬼叫。
電視 撈飯 唔認 認露 露肉 肉重 口味 張國強 張國 鼓勵 阿叔
PermaLink: https://articles.zkiz.com/?id=282991

電視撈飯:馬明唔認臭汗焗親人

1 : GS(14)@2013-07-11 01:25:43

http://hk.apple.nextmedia.com/entertainment/art/20130710/18328597


噚日有報導話馬國明拍劇集《寒山潛龍》因為太大汗令戲服太臭,搞到服裝間嘅同事叫救命,馬明喺電話解釋:「著住古裝拍足一日外景,收工真係好臭,不過公司會預備多套戲服,拍完外景之後,佢哋會即刻攞去洗乾淨,我就會沖乾淨涼,換另一套衫入廠繼續開工。」馬明話佢媽媽特製咗件毛巾衫畀佢打底吸汗,所以相信啲味唔關佢事!
電視 撈飯 馬明 明唔 唔認 認臭 臭汗 汗焗 親人
PermaLink: https://articles.zkiz.com/?id=283288

傳與內地富二代一見鍾情傅穎貼婚戒唔認嫁

1 : GS(14)@2015-04-16 08:21:15

■傅穎昨日被雜誌爆料指她好事近。資料圖片


現年30歲的Cookies前成員傅穎(Theresa),2011年曾大爆被大隻佬男友羅仲謙虐打,她斬攬後即北上發展,咬實牙關捱過4年,寧要人仔唔要男仔。但昨日有雜誌爆料指Theresa一年前暗撻一名北京富二代,兩人在飯局一見鍾情,男方熱烈追求,打動Theresa芳心,事業和愛情兼得令她心情開朗,日前她還在微博貼上左手無名指戴上巨鑽照片,又留言「婚戒如何」擺明洩蜜,有記者追訪傅媽媽有關Theresa告別剩女趕出嫁,傅媽媽口密:「我唔會答你哋。」
Theresa連日都有更新微博,更貼出不少拍攝時的花絮照片,似想分散大家注意力,企圖把焦點轉移到工作上,記者昨聯絡Theresa,她以短訊回覆:「報道不是事實,謝謝大家關心。現在珉州拍電視劇《望夫成龍》中。其實都嚇了媽咪,突然有人影她相。」中女Theresa其實拍拖結婚都好正常,但可能有過跟舊愛羅仲謙的不愉快經歷,她即使再墮入愛河都要非常小心保護戀情,據知Theresa對其他餅女都絕口不提派帖,務求把婚事冚到密。



■傅穎早前在微博公開婚戒照片,已惹來她好事近的猜測。

■傅穎近年轉戰內地,正忙於拍攝劇集《望夫成龍》。劇照

■傅穎與羅仲謙分手後,轉往內地發展。資料圖片


■Cookies成員各散東西,已甚少聯絡。資料圖片

餅女各散東西

想當年Cookies的9位成員,只有Theresa、吳雨霏(Kary)、楊愛瑾(Miki)、鄧麗欣(Stephy)和區文詩(Angela)仍然留低在娛樂圈發展,而何綺玲(Elaine)和蒲茜兒(Serena)退出後急於出嫁做人妻,馬思恆(Helena)退出後到美國進修,而陳素瑩(Gloria)退團後則考得會計師牌,各有不同去向。採訪:小米


■吳雨霏指冇收到傅穎結婚的消息。

Kary冇收通知

吳雨霏(Kary)昨日與周殷廷在九龍塘出席「奧比斯蒙眼午餐」活動,她被問關於Theresa秘婚的消息時,坦言一班Cookies舊隊友應該沒再與Theresa聯絡,她說:「冇聽過,都唔知佢有拍拖,比較少聯絡,我又唔係八卦嘅人,唔會無啦啦打俾佢,如果係真會恭喜佢,上次聯絡係我結婚嘅時候,大家已經好耐冇見,我有同佢講過得閒約食飯,等我求證吓先。」採訪、攝影:張俊銘





來源: http://hk.apple.nextmedia.com/entertainment/art/20150415/19112652
傳與 與內 地富 二代 一見 鍾情 傅穎 穎貼 貼婚 婚戒 戒唔 唔認 認嫁
PermaLink: https://articles.zkiz.com/?id=289639

雪炫唔認子瑜為對手

1 : GS(14)@2016-02-08 03:00:20

韓國新女團TWICE的台灣成員周子瑜現時人氣急升,現年16歲的她憑住靚樣及青春狙擊一班上位女星,例如AOA的雪炫和Girl's Day的惠利,都不時給傳媒拿來互相作比較。


■年僅16歲的周子瑜近日人氣急升,成為新一代廣告新星。


而雪炫在前日播出的SBS節目《深夜的TV演藝》中,談及子瑜這位廣告界新星時,她坦言有看過子瑜的廣告,並大讚對方說:「她真是非常可愛亦很漂亮,但不是我的對手,我覺得真正的競爭者是我自己。」雪炫補充說:「我個人對自己的外貌並不是很滿意,會因為皮膚太黑而感到自卑。」同時節目亦公開雪炫的素顏照,雪炫即自嘲很想把素顏相刪掉。撰文:施洛冰





來源: http://hk.apple.nextmedia.com/entertainment/art/20160205/19479838
雪炫 炫唔 唔認 認子 子瑜 瑜為 對手
PermaLink: https://articles.zkiz.com/?id=295425

周秀娜唔認戀富豪:大家唔使估

1 : GS(14)@2016-03-08 16:12:06

■周秀娜與鄭伊健再合作演出。


周秀娜、鄭伊健、何佩瑜等昨晚在旺角出席《iGirl夢情人》的首映,近日周秀娜被傳戀上超級富二代,昨她再三強調否認此事,問到有指她忽然富貴?她說:「呢排冇乜人夠膽追,我唔擔心影響形象,生活一向都正常,自己負擔得到,亦都養得起父母。」問是否恨拍拖?周秀娜坦言:「我都恨拍拖,但係唔使估,冇呢個人存在。」伊健表示今次並不是首次與周秀娜合作,問到戲中的親熱戲?他說:「因為佢要扮機械人,會有啲搬搬抱抱的場面,有啲身體接觸,當時我都唔覺得,不過而家諗番又有啲似係親熱戲。」笑問有否接觸重要部位?他笑說:「都有啲啱位,諗番都有啲尷尬。」其間文凱玲被何浩文抱起時疑似走光,事後文凱玲說:「係打底褲,我唔知,我自己睇唔到。」採訪:張俊銘攝影:陳俊強



■伊健借位與周秀娜親熱。

■何佩瑜穿露肩裙,展出右手的彩繪圖案。

■何浩文抱起文凱玲,令女方好尷尬。



來源: http://hk.apple.nextmedia.com/entertainment/art/20160308/19520261
周秀 秀娜 娜唔 唔認 認戀 富豪 大家 唔使 使估
PermaLink: https://articles.zkiz.com/?id=297258

馮仁昭四圍超:唐詩詠唔認洪永城求婚

1 : GS(14)@2016-05-21 17:49:41

資料圖片








洪永城被指以前拍拖都係玩票形式,成日掛住打機、睇波同去旅行,甚少計劃將來,但自從認識唐詩詠之後就改變咗,近年公開認愛,對外表示有意成家,就係想將唐詩詠「私有化」。噚日有報道指洪永城日前喺台灣向唐詩詠求婚,仲搜集資料睇人哋啲婚紗相,又研究外國搞婚宴,之但係唐詩詠冇即刻答應,洪永城亦未放棄,會再搵機會求婚。馮仁昭噚日問過唐詩詠,佢話:「冇啲咁嘅事。」撰文:馮仁昭





來源: http://hk.apple.nextmedia.com/entertainment/art/20160519/19617605
馮仁 仁昭 四圍 唐詩 詠唔 唔認 認洪 永城 求婚
PermaLink: https://articles.zkiz.com/?id=300731

消防員港男唔認專長媾女

1 : GS(14)@2016-07-12 22:08:14

■王瑋彤指哥哥王浩信,叮囑他要健身操大隻。


13位入圍港男昨日在無綫進行《2016香港先生選舉》首次會面,包括紋身法國仔麥凱程(Alex)、食蕉消防員Flow、王浩信胞弟王瑋彤(Tony)等。早前因生腎石入院的王瑋彤,透露已康復得七七八八。來自溫哥華的23歲簡少傑(Kent)在當地大學讀書,他表示還有半年才畢業,並笑謂不覺自己似黎明。有報道指莊思敏有消防員Flow的電話,他笑說:「我惟有笑。」對於有人爆料指他專長是媾女,他立即否認,又指本身不飲酒,所以不會蒲吧。有傳Flow有花名叫wolf(狼),他巧妙地回答:「我個名調番轉就係wolf。」採訪:黃曉妍攝影:陳志嵐



■攞住牛奶和麵包的Flow,強調自己不飲酒不蒲吧。

■來自溫哥華的簡少傑由叔父陪同下,參加首次港男會面。



來源: http://hk.apple.nextmedia.com/entertainment/art/20160712/19690643
消防員 消防 港男 男唔 唔認 專長 媾女
PermaLink: https://articles.zkiz.com/?id=303422

羅霖落閘唔認男友

1 : GS(14)@2016-09-01 06:24:25

■羅霖指J君只是其中一個追求者,未認定對方。資料圖片



51歲的羅霖早前自爆被年輕10多歲的上海追求者J君求婚,昨日有報道將J君起底,指他是上海富二代王嶠,更指羅霖拍拖後再度富貴買Hermès手袋。羅霖昨日回覆本報澄清:「佢唔係未婚夫、拖友,只係其中一個追求者。」羅霖強調未認定對方,亦冇收過厚禮:「我可以好自豪咁講,由空姐年代已有Hermès袋,冇一個係男人送。講到佢照顧我?係就唔使租樓住,如果兩個人一齊,物質都需要,唔會話清高唔需要錢。」她承認見過對方爸爸,不過未見「未來奶奶」:「識一個女人大過我個仔咁多,我好諒解未必接受到。」採訪:唐如




來源: http://hk.apple.nextmedia.com/entertainment/art/20160901/19755767
羅霖 霖落 落閘 閘唔 唔認 男友
PermaLink: https://articles.zkiz.com/?id=307030

【震驚好多億人】AY橫刀長毛 咀完娥姐唔認數?

1 : GS(14)@2016-09-07 08:06:21

立會選舉塵埃落定,但點票場地眾生相真情流露,不少人仍回味攝影師當日捕捉到的珍貴影像。繼點票時新東CY「死忠」陳玉娥拉著反對CY連任的公民黨楊岳橋(AY)合影「搭膊頭」照後,楊的議員助理fb專頁「810扮工室」昨午更上載一幅2人額頭貼額頭的親暱相﹗題為「【選戰背後】震驚13億人(助選團)的真相!」,事實上真的震驚了無數網民。此fb專頁之前已有不少有關楊岳橋的P圖,故有網民質疑是P圖,不過,此相一出,瞬間已成為「萬能key」,有網民將2人key落風景相、北韓金正恩揮手照之內。
fb專頁指,選戰完成點票後,娥姐笑住走過來與AY提出合照,「競選團隊竟然影到一張咁嘅相!點解!?」,並加上大量hashtag,「#810扮工室第一屆P圖大賽」、「#數到三就P圖」、「#無毛哥份#很想要吧」、「#AY的家底好」。之後有傳媒找出真相,確定此圖並非P圖,只是角度問題。當時2人在台上側身握手,之後一個向左走一個向右走,從台下正面望去,一前一後看似額頭貼額頭好親密,結果造就競選團隊拍下這經典時刻!及後娥姐又回身抬回地上物件,臨下台前再與楊「搭膊頭」合照,現場即時起哄,最後2人友善揮手說再見。楊岳橋其後在fb發表「嚴正聲明」,強調他本人的頭部與陳玉娥小姐的頭部「絕對沒有物理性或非物理性的接觸」,澄清他本人「絕沒有試圖企圖或意圖玷污陳小姐的髮髻」,並笑言「對於被大量改圖,本人表示笑到有腹肌,並保留一切追PO權利」。網民留言:
Daisy Law:他被污蔑了!
Victoria Chan Wai Yee:我唔制呀!!!點解會咁㗎?!
Asiamonmon Yeung:數到三,便愛上。




來源: http://hk.apple.nextmedia.com/news/art/20160907/19763289
震驚 好多 億人 AY 橫刀 長毛 咀完 完娥 娥姐 姐唔 唔認 認數
PermaLink: https://articles.zkiz.com/?id=307902

【遇人不淑】溫兆倫唔認拍拖兼追14萬

1 : GS(14)@2016-11-17 11:30:37

溫兆倫



選美出身的陳梅馨在演藝圈17年,事業沒甚起色,情路亦多波折,當年和溫兆倫由情人變仇人最為人印象深刻。


溫兆倫

93年因拍MV而認識及撻着,有指當時溫兆倫與大馬富家女李美玲剛離婚,與陳梅馨發展地下情。96年溫兆倫向陳梅馨追討14萬,更向法庭申請禁制令,令原本準備去英國讀書的陳梅馨被禁止出境,她曾哭訴:「話晒我哋都拍咗幾年拖!我希望佢(溫兆倫)大人有大量,放我一馬,撤銷禁制令!」之後溫兆倫更否認與陳梅馨拍過拖,陳梅馨即公開情信及蜜照。



姜皓文

98年陳梅馨加盟亞視後認識姜皓文,男方瞞住女友金慧英偷食,陳梅馨無辜做小三,更遭正印公開數臭。


羅兆輝

羅兆輝於02年曾大爆和圈中女星的性史,曾提到在陳梅馨媽咪過身時,贈送10萬給她,但雙方沒發生關係。




來源: http://hk.apple.nextmedia.com/entertainment/art/20161117/19836169
遇人 人不 不淑 溫兆倫 唔認 拍拖 兼追 14
PermaLink: https://articles.zkiz.com/?id=315937

鄧梓峰學風水唔認迷信

1 : GS(14)@2016-11-20 23:52:11

鄧梓峰昨日到商台接受李居明節目訪問,他覺得聽李師傅分析玄學話題很有得着,雖然自己沒有算命習慣,亦不迷信,但對玄學命理感興趣,他說:「我覺得自己遲早會去學,因為一直有呢個心想去學。」玄學中他對風水最感興趣,他說:「舉個簡單例子,我將浴室四條毛巾攞去洗,突然間我會覺得個浴室有迴音,所以只係少少擺設改動都會有影響,加上風水唔似紫微斗數咁複雜。」




來源: http://hk.apple.nextmedia.com/entertainment/art/20161119/19838391
鄧梓 梓峰 峰學 風水 唔認 迷信
PermaLink: https://articles.zkiz.com/?id=316289

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019