ZKIZ Archives


中環在線:滙豐台灣整合唔算裁員? 李華華

2008-12-17  AppleDaily



 

家 陣人人都講企業責任,滙豐亞太區企業可持續發展總監區佩兒噚日出席活動時都話,經濟唔好更加應該注重企業責任。不過佢講緊嘅唔係集團嚟緊唔再裁員,同員工 共度時艱,而係硬銷佢哋嘅環保政策。區佩兒話滙豐喺06年開始嘅大方針,係要成為世界最受推崇嘅可持續發展銀行,一直致力貫徹環境管理意識。佢仲話好多歐 美買家都嚴格要求生產程序合乎環保標準,廠商透過佢哋嘅綠色機器貸款融資,日後接定單都易啲喎。

既然講企業責任唔代表唔裁員,咁難怪噚日華華睇到外電報 道,滙豐台灣計劃下個月開始透過自動離職計劃,裁減10%員工。不過,滙控發言人同華華解釋,其實滙豐台灣並冇裁員,只係因為買咗中華商業銀行,所以要整 合,但有300個員工冇參與整合。截至舊年底,滙豐台灣有2700人,加埋中華商銀共有3300人。少啲員工返工,公司嘅水電煤都可能節省唔少,唔知咁算 唔算環保呢呵!
中環 在線 豐臺 臺灣 整合 唔算 裁員 華華
PermaLink: https://articles.zkiz.com/?id=4684

蝕$1,000億坐艇08風雲人物李兆基︰未離場唔算輸


2008-12-24  NextMagazine


二○○八年,相信是本港金融史的一個重要里程碑,香港最終敵不過金融海嘯的衝擊,恒指像海嘯的水位般高低起伏,由年中的兩萬六千點,下滑至萬一點低位;而過去兩年在金融市場呼風喚雨的恒基主席李兆基,其私人的兆基財經也蒸發了千億元,雖然成為坐艇大戶,但四叔並無迴避,而且承認投資「唔見一截」兼自嘲為「A貨股神」,這種「拎得起、放得低」的態度,在香港芸芸富豪中甚為罕見;而四叔的言論對每位香港人來說均具影響力,本刊編委會一致認定,李兆基連續三年稱霸,再次登上○八年風雲人物。

今年以及未來的日子,香港人的生活無不受金融海嘯的影響,小股民輸錢,雷曼苦主拼死上街示威,而打工仔則面臨減薪裁員的威脅。今年八十歲的李兆基,見證着香港開埠以來多次風浪,他欣然接受本刊訪問,分享如何看待虧損的投資,勉勵香港人不要悲觀,應部署未來的投資良機。論股市

○八年,恒指連番插水,十月更低見一萬一千點,年結將至,恒指徘徊在萬五點。股市波動,股民齊齊吃驚風散,「四叔李兆基更慘變箭靶,淪為「冒牌股神」,旗下兆基財經,高峰期市值達二千億,賬面上已「唔見一半」,與香港股民一齊「坐艇」。儘管如此,○九年,李兆基繼續發揮其樂觀本色,預示恒指牛皮靠好,高位將在二萬點或以上,股民現階段可分批入市。

於本月十八日到日本度聖誕的四叔李兆基,出發前即上週三傍晚,在國金二期,七十六樓恒基總部的會議室內接受本刊記者訪問,依然不脫其「股神」本色,暢談股市,但語氣較以前謹慎得多。訪問甫開始,李兆基便拿着一早準備好的「標準答案」朗讀起來。「○九年,上上落落,浮浮沉沉。牛皮靠好,料低見萬二點,高位二萬點或以上,短期內,以防守性為佳,衰退情形未明朗……」李兆基認為,待金融穩定,銀行互信借貸恢復時,股市將會轉好。「上半年未係咁好,下半年安全啲。」

“未衰盡,(恒指)低位萬二點,高位二萬,而家低低哋,可以分批入(貨)。”

去年十一月,恒指由三萬點大瀉至二萬六千點時,李兆基曾大叫「抵買」,更高調宣布斥百億元入市。今日,恒指跌至萬五點,李兆基語氣如履薄冰。「(經濟)未衰盡,明年一、二、三月麻麻哋,恒指未有定位。」不過,李兆基表示,各國政府為應付全球經濟下滑,推出多項刺激經濟措施,預期未來將會逐漸復甦,長線投資者可在是次「危」中找「機」。

李兆基拒絕透露有否入市,卻再搬出「股神」巴菲特,教股民要懂得「低買高賣」。「幾時為之低?各有各嘅睇法,萬二點就最好。」李兆基表示,目前恒指「低低哋」,股民可考慮分批入市。「怕走雞,就高啲都買,穩陣嘅,就萬二先買。」不過,去年曾以「金木水火土」五行,大談愛股的李兆基,現已封口不再派「冧把」,「唔講邊隻好邊隻淡啦,費事一陣又話買我(建議)隻股票蝕咗,多多批評。」他只提醒股民,買股票「不宜做按(借錢),量力而為。」

雖不談個股,但李兆基強調,來年首選仍是國企股。他一方面勁踩美國政府為海嘯禍首,另一方面盛讚中國外匯儲備龐大,金融體系穩健,加上沒有「英雄救美(美國)」,預料○九年經濟可保八,即國民生產總值維持百分之八的增長。

 

去年,李兆基曾向股民教路,買國企同時要沽空美股,做到「兩邊賺」。說到這點,李兆基突然拿出○七年《壹週刊》,他接受風雲人物訪問那一期,向記者說:「我拎本嘢俾你,交番差俾你,花咗一、兩日功夫o架……」不服輸的李兆基,為證明自己「冇錯到」,將去年文中由他推介的五大精選國企股及五大可沽空美股,過去一年的升跌幅度再計算一次,並表列出來。其中,國企股平均跌幅近四成七,而美股跌幅為七成七。「今年(○八年)買呢五隻(國企)沽呢五隻(美股),兩邊減埋,仲有百分之三十幾賺。」李兆基指着筆記上的數字強調,更表示○九年仍可以這個策略去投資。

“LV手袋,賣幾萬元,深圳次貨,幾百元個……我就係次級嘅深圳貨。”

四叔今年不願推介股票,事關他成為不少股民在跌市中的箭靶。性格隨和的李兆基亦不忿反擊:「而家我都冇乜錯吖,係海嘯嘅問題,大圍市(差)……」早前,李兆基曾自爆有股民來信,投訴因跟其買股,炒輸錢,欠下銀行筆爛賬,向四叔借錢。「我一向叫人唔好借錢,你借錢嘅,不如去澳門賭錢,(呢種)賭仔,我冇理佢。」李兆基說。

接着,李兆基更笑着表示,要「多謝」這位股民。「佢提醒我,知道自己講嘢要小心,多講多錯,勿多言,多言多敗,失敗嘅敗。」李兆基更引用深圳A貨LV手袋,自嘲乃「冒牌股神」。「好像(正牌)LV手袋,賣幾萬蚊一個,深圳次貨,幾百蚊個,差好遠,我就係次級嘅深圳貨,我係冒個牌子,(講嘅嘢)冇用嘅……」

事實上,在訪問開始前,李兆基便三番四次要求記者寫明,並非自己主動要做訪問,而是「被迫的」。「係你三番四次來等我……唔係我想出風頭,係你特別邀請我講,今次你唔好咁大陣仗,唔好影咁多相。」就算拍照擺甫士,也不太願意繑手,怕這樣「太沙塵」。

論投行

去 年九月,美國第四大投資銀行雷曼倒閉,除了禍及股市,一眾用盡平生積蓄,買入雷曼迷你債券及相關產品的市民,更是血本無歸,投訴個案達四萬宗。苦主之一的 陳先生,今年五十歲,與太太在美孚經營菜檔,去年底將六百萬積蓄,向中銀買入兩款迷你債券。他激動地說:「呢幾個月,我同太太足足瘦咗三十磅,搞到太太精 神病、糖尿病出晒來。銀行誠信破產,以後任何公司發嘅債券我都唔會買,淨係買政府債券。」

其實李兆基亦是雷曼苦主之一,其雷曼股票戶口,至今仍未解凍,估計蝕掉逾四十億港元,就連雷曼送給四叔的獎座,也在芸芸獎座群中消失了。

李兆基與普通的雷曼苦主一樣,經歷雷曼破產後,對投行信心大減,他說:「我幫襯佢哋,代我買賣股票。」李兆基承認,雷曼清盤前已收到風公司有問題,已想「搬走」,但「搬唔晒」,戶口內還有約值十億美元的買賣來往數(即現金)及股票。「而家睇,唔蝕得晒嘅,我唔係買迷你債券,清盤後,將來派錢,係頭一、兩級可以攞番錢的,應該唔見咗一半,五億(美元)度啦。」李兆基說,最快也要一年半載先知結果。「仲要睇股市表現,好彩嘅有六、七成,少嘅就兩、三成。」

“(投行)時時俾山埃人食,(我)間中都有食過。”

經此一役,李兆基表示,在挑選合作銀行會比以前小心,但認為目前金融機構已比較穩陣,毋須太擔心,「大(單)嘅都爆晒啦。」資產龐大的兆基財經,在香港十七間投資銀行,均設有戶口。李兆基雖然與投行來往甚密,但並非百分百信任,更大爆投行「時時俾山埃人食」。「佢哋講嘅嘢,有時可信有時唔可信,我一向都係聽吓人,但就自己拿主意。」李兆基更表示一些山埃貼士,自己「間中都有食過」。

雖然市道低迷,李兆基與一眾投行的御用經紀,仍不時會面,包括高盛的郭德勝。「佢哋都停咗手啦,冇乜生意,以前大把花紅分,而家冇入息,買賣少好多,多數休息,冇乜心機。」李兆基表示。

“買Accumulator,賺粒糖,輸間廠,直情搵笨,我哋發明嗰啲(三寶至尊)好好多。”

「山埃產品」包括○八年無人不識的Accumulator(股票累積期權),提到城中唔少富豪,甚至上市公司,向銀行買入Accumulator,而損手爛腳,甚至與銀行反目成仇。對此,李兆基大呼:「好蠢!直情搵笨。」他一早澄清自己及兩位兒子都沒有碰Accumulator,並指出這個產品以小搏大,贏粒糖,輸間廠。「得一元,買十元,賺就賺百分之二至三,就要你收手,蝕就冇底,要接好多倍嘅貨,失咗預算。」

批評完Accumulator,李兆基便 力讚兆基財經發明的結構性產品,包括經常掛在口邊的「三寶至尊」。三寶的玩法,是將幾項產品捆綁一起,包括股票、指數等,只要在合約期內,產品價格或指數 不低於協商的數目,便可收二十至三十五釐息,但一旦跌穿(以最低者計),便要以七成價格接一份貨,不能取回本金。「贏就贏百分之三十幾,輸都係輸百分之三 十幾。」李兆基得意地說:「唔單只三寶,四寶、二寶都有,呵呵。」

論地產

金融海嘯,不單股市崩圍,樓市亦當災。這兩個月,新地華懋等發展商賣樓,營造樓市升溫氣氛,但李兆基就明言樓市明年下半年才向好,作為大型發展商的四叔,並無盲目唱好樓市,相反從用家角度給予意見,他說持有現金者「炒樓不如炒股。」答案老實得來帶點可愛。

恒基的地產業務,一直被外界與長實比較。長實今年賣樓成績一枝獨秀,由賣首都、半山壹號到四季豪園,套現超過三百億。金融海嘯發生至今,樓價平均跌幅已接近三成,令不少炒家損手,摸頂買入長實這批樓的業主,隨即坐艇。

作為恒基地產主席,李兆基亦認為炒樓成本較炒股高:「買樓自住就無問題,有需要就買。但炒樓一買一賣成本都好高。豪宅可以炒,但又唔係普通人炒得起。炒新界嗰啲五百餘呎,三、四千元一呎的樓已沒有水位、沒空間,不如買優質國企股,較快見效。」

恒基今年的賣樓收益較為遜色,只賣出一些單幢樓或貨尾單位,如長沙灣的星匯居和大埔的比華利山;亦未有大型樓盤推出,單計香港區的售樓收入,與去年二百四十億元相比(○七年一月至十二月),今年只有不足一百億元 (根據○八至六月底中期業績) 。

不過,李兆基左右手林高演在股東會上就解釋說:「公司喺去年樓價高峰期已經出售不少樓盤套現。之前無高價買地,土地成本不高,未來增加土地儲備亦會以農地補地價來進行。」李兆基亦指樓市於來年下半年才會開始回升,用家不妨靜候入市機會。而由恒基發展的較大型發展項目如位於沙田仁安醫院旁的地盤,和比華利山三期都暫定來年推出。

論家庭

○八年快要結束,李家又有喜訊,就是徐子淇已經身懷第二胎,李兆基還要求新抱生到三十三歲。李家誠與徐子淇亦將會搬入麥當勞道惠苑,住在四叔樓下,樂也融融,李兆基謂「家和萬事興」。

問到李兆基第二個孫是男是女,他笑笑口說:「仲未知,最少都要一個月後先知。有男有女就最好啦。」每次提到孫女,李兆基總是「四萬咁口」,他還向傳媒說想新抱徐子淇為李家添丁至三十三歲。李家誠提起父親,就說:「佢係一個十分慈祥嘅人,好錫我哋亦好錫孫女。雖然而家經濟環境唔係咁好,大家嘅錢都一齊少咗,只係我哋唔係借錢就無問題。我哋一家仲係日日咁開心、咁溫馨。」

現年三十七歲的李家誠,大學畢業至今一直留在父親身邊學習打理恒基業務,李兆基更 安排「太傅」林高演教這個兒子做生意。記者於是問他覺得父親在事業上是一個怎樣的人,李家誠笑說:「你條問題好難答呀……唔知呀。」想了一會,他才補充 說:「他在工作上的成功是有目共睹,不用我多說,我反而在他做慈善工作上學得最多。很多人捐錢都是把一嚿錢捐出去就算,但他捐錢的時候會去想那筆錢是否用 得其所呢?他會跟進那些慈善計劃的進度,他還希望以四兩撥千斤,即係要捐嘅錢可以幫到最多人,那我就學會做什麼事都要講效率同效果。」

“大家族係麻煩啲,希望下一代唔好只掛住跳舞、打機,唔做正經事。”

相 反,長子李家傑自從八五年在英國大學畢業後便加入恒基,主力開拓國內的市場。年初,他與一班富豪之後成立「百仁基金」,並擔任主席。記者問他有沒有在父親 身上「偷師」,一向較獨立的李家傑說:「父親喜歡做教育方面的慈善工作,我就主要做防止自殺方面的慈善工作,兩者性質不同。在防止自殺方面,我經驗比他還 多,用不着他(李兆基)教。」

對於未結婚的大仔,李兆基似乎亦不敢催促,只反問記者:「你哋結咗婚未吖?你哋有無帶男朋友返屋企?佢啲嘢,你都係問番佢啦。」對於教導仔女,李兆基指沒有什麼技巧:「兩代思想不同,要教就好難教。但當長輩最緊要和藹可親,多些與仔女溝通接觸。」早前新地家變風波,李兆基以長輩的身份擔當「和事老」,勸導郭氏兄弟要家和萬事興,「大家族係麻煩啲。我只希望下一代至少不要只顧跳舞、打機而不做正經事。」

○八年總結︰未離場未為輸

現時不少香港人股樓皆輸,企業倒閉,減薪裁員報導不絕於耳,社會氣氛低沉。講明「今次出來講,係要俾啲信心市民」的李兆基,便以自己的經歷鼓勵香港市民。

李兆基表 示,自己經歷過四次風浪,包括六十年代暴動,八十年代中英談判引發的主權危機,九七金融風暴及○三年沙士,其中,以八二年信心危機最為艱難。「戴卓爾夫人 跪低,地產界最慘,蝕到入肉,有人蝕到欠債走佬。大家都覺得香港成個都俾咗人,回歸後由中國管理,地產、物業未來唔知會點處理,即擁有權問題。」

李兆基說,當年銀行亦是「有收冇借」,幸好恒基作風向來較保守,靠分層賣樓,寧願減價,套回「生錢」來渡過難關。「當時諗,有得生存就得啦,嗰個大浪都企得穩,算好彩。」李兆基笑說。

對於成為「股蟹」、「樓蟹」的市民,李兆基亦分享自己一套心靈雞湯,「全世界都跌,銀碼係假嘅,唔係真蝕,係賬面上,以股票數目或層樓為本位,實質上冇『少』吖,跌都咪理,十年後可能升突。」李兆基表示,如果懂得如此安慰自己,就不會覺得「好慘」。
 
000 億坐 坐艇 08 風雲 人物 李兆基 離場 唔算 算輸
PermaLink: https://articles.zkiz.com/?id=4889

呢個經紀算唔算古惑?

1 : GS(14)@2011-09-10 11:53:03

http://hk.apple.nextmedia.com/te ... 104&art_id=15598431
【本報訊】地產代理「置業 18」一名經紀,眼見公司因不肯減收佣金,拒接一宗過千萬元樓宇交易,竟暗中聯絡買賣雙方,以較低佣金促成交易,並開設與公司名稱類同的公司,接收佣金共七萬元,終遭廉署拘捕。昨日他在九龍城裁判法院承認兩項欺詐罪,准保釋至本月 29日,等候感化官報告判刑。
2 : Sunny^_^(11601)@2011-09-10 12:13:59

原來D人壓佣金咁西利,下次都要壓下先
3 : glassfund(802)@2011-09-10 12:14:57

醒目仔來的, 可惜踩鋼線過唔到波! 其實如果原公司拒接, 他馬上補錢辭職與原公司劃清界線, 再另開一間完全不同名的公司去接這單, 犯法嗎?

他原工作的公司氣量太小了, 自己唔接,又唔抵得人! 悲劇!
4 : Sunny^_^(11601)@2011-09-10 12:17:37

本來收26萬既,得7萬.邊有可能呀.就算個經紀唔收錢,公司都收少好多啦
5 : 龍生(798)@2011-09-11 15:24:38

好少見傾得埋物業價錢...但傾唔成佣金而交易告吹....真係好少見
6 : Sunny^_^(11601)@2011-09-11 15:49:18

5樓提及
好少見傾得埋物業價錢...但傾唔成佣金而交易告吹....真係好少見


不過收少咁多佣都好少見
呢個 經紀 算唔 唔算 算古 古惑
PermaLink: https://articles.zkiz.com/?id=275933

【揀啱粉麵】米粉唔算最健康?湯底呢款最邪惡…

1 : GS(14)@2018-01-15 03:31:36

魔鬼在細節,日常粉麵的陷阱不能單看卡路里。湯底、粉麵吸湯能力以及製造過程中的油,亦不容忽視。

根據食安中心的資料顯示,日常食用的麵食款式,公仔麵最高卡路里兼脂肪含量最高,其次就是蝦子麵。


以為避開就沒事?日常粉麵的陷阱又豈只這個?魔鬼在細節,美國註冊營養師陳秋惠(Sharon)提醒大家,湯底、粉麵吸湯能力以及製造過程中的油,亦不容忽視。記者﹕湯珮然攝影﹕蕭志南全新旅遊專頁,即like籽想旅行:https://fb.com/travel.appleseed 



來源: https://hk.lifestyle.appledaily. ... e/20180112/20271725
揀啱 啱粉 粉麵 米粉 唔算 算最 健康 湯底 底呢 呢款 款最 邪惡
PermaLink: https://articles.zkiz.com/?id=346833

【飲食籽】$140羊腩煲串燒放題 記者實試軟腍入味唔算伏

1 : GS(14)@2018-01-22 06:07:45

記者二人淨食羊腩串燒放題,任食75分鐘每位$141連$10醬油費和加一服務費。


【飲食籽:識飲惜食】位於黃大仙的「農場盆菜之家」主打平價放題,雖說老闆昌哥有一套營商策略,但網上有不少網民紛紛給予劣評,大多投訴安排失當,和直指「黑店」和「伏食」,記者亦試食放題看看內裏有沒有甚麼「潛規則」。今次試食的是羊腩串燒放題,任食75分鐘每位$108,點菜單就寫明每人每次限點3串,而串燒就只有豬、牛、羊、雞4款和5款炸物小食,味道相對普通,肉串偏鹹,對得起價錢。記者發見點菜紙還有一行極細的字寫明即叫即燒,所以要等10分鐘。甫坐下員工就解釋$10醬油費與加一服務費,飲品是不包的,價錢比一般餐廳稍為偏貴。等了大約3分半鐘開爐上菜後才正式開始計時75分鐘。羊腩煲如臉盆般大,配料非常豐富,味道不俗,相當軟腍入味,它有少許羊羶,骨並不是很大,很容易就可以撕開。不過原來可以無限追加的,只有追加羊腩,如果想再食配菜就要花每款$25至$30再叫了。記者綜合了三大問題請老闆親自回應,昌哥一一解答有關上菜時間有心拖延和種種網民客人投訴。對於「伏食」指控,記者問了數名在場食客,他們均認為種類不多,但十分便宜,味道不伏,更有食客指味道有7分,屬中上評價。昌哥感嘆:「儘管我不說話,網民仍會說,就忍着他吧,但我對我們的出品十分有信心。」力證便宜也絕對有好東西,自己其實不是「頂爛市」,反是是救回個市。


羊腩煲用上新西蘭羊。

串燒味道相對普通。

即叫即燒,每人每次限點三串,最長等候時間為10分鐘。


店舖在網上劣評如潮卻晚晚爆場。

「農場盆菜之家」老闆昌哥。



農場盆菜之家黃大仙飛鳳街46號地舖


記者:吳業紅攝影:徐振國、伍慶泉編輯:彭錦明



來源: https://hk.lifestyle.appledaily. ... e/20180115/20272589
飲食 140 羊腩 腩煲 串燒 放題 記者 實試 試軟 軟腍 入味 唔算 算伏
PermaLink: https://articles.zkiz.com/?id=347223

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019