| 2008-12-17 AppleDaily | ||||||
家 陣人人都講企業責任，滙豐亞太區企業可持續發展總監區佩兒噚日出席活動時都話，經濟唔好更加應該注重企業責任。不過佢講緊嘅唔係集團嚟緊唔再裁員，同員工 共度時艱，而係硬銷佢哋嘅環保政策。區佩兒話滙豐喺06年開始嘅大方針，係要成為世界最受推崇嘅可持續發展銀行，一直致力貫徹環境管理意識。佢仲話好多歐 美買家都嚴格要求生產程序合乎環保標準，廠商透過佢哋嘅綠色機器貸款融資，日後接定單都易啲喎。 既然講企業責任唔代表唔裁員，咁難怪噚日華華睇到外電報 道，滙豐台灣計劃下個月開始透過自動離職計劃，裁減10%員工。不過，滙控發言人同華華解釋，其實滙豐台灣並冇裁員，只係因為買咗中華商業銀行，所以要整 合，但有300個員工冇參與整合。截至舊年底，滙豐台灣有2700人，加埋中華商銀共有3300人。少啲員工返工，公司嘅水電煤都可能節省唔少，唔知咁算 唔算環保呢呵！ | ||||||