ZKIZ Archives


中環在線黃光裕:我唔係優秀總裁 李華華

2008-08-29 AppleDaily

掛得總裁個title,壓力一啲都唔細,公司業務,事無大小都要攬上身,如果喺上市公司度做,交唔到數仲要向股東交代,所以呢份工一啲都唔易做。一向精明能幹嘅國美電器(493)主席黃光裕,喺內地嘅業務搞得有聲有色,但佢竟然好謙咁話:「我不是一個優秀的總裁。」

下放權力畀員工

據 《北京商報》報道,黃光裕解釋:「優秀的總裁,是在能力實施的範圍內,明確企業制度,顧及企業安全,然後給予員工一個授權的空間、事業的基礎,調動起他們 的激情、靈感,努力工作的狀態,促使他們創下一份個人的事業。」佢家吓仲向住呢個目標努力緊。不過,國美總裁好似係陳曉唔係黃光裕噃,唔通黃光裕覺得自己 唔係一個優秀嘅總裁,所以只係做主席?
中環 在線 光裕 我唔 唔係 優秀 總裁 華華
PermaLink: https://articles.zkiz.com/?id=1932

兩岸三地:國際金融中心唔係靠吹 Uncle Ray

2009-05-26  AppleDaily





 

中央提出發展上海成為國際金融中心,挑起爭端,國內的經濟學家群丑亂舞,紛紛提出上海把香港打下去的言論,爭論影響「和諧」,其實沒有甚麼意義,各說各話,但怎樣才算是國際金融中心?

不開放 一切免談

作 為國際金融中心,外資的參與十分重要,否則只能成為中國金融中心。香港基本上集中了所有歐美大行,代表歐美客戶自由地在港進行各種形式的買賣,股票、外 滙、衍生工具等。上海政府能否容忍Morgan Stanley等外資盤買賣佔上海股市交易額超過40%,任由他們舞高弄低?能否接受外資行向國內外客戶提供人民幣孖展?能否接受與中央政府不咬弦的企業 如壹傳媒(282)在上海上市?當有權有勢的高幹子弟牽涉內幕交易時,中證監能否調查?外資投資銀行在research report提到人民幣滙率及通脹數字與官方不同,作者會不會因為「擾亂金融秩序」或「洩露國家機密」被打靶?外資行的客戶在國內炒股賺錢,怎樣把人民幣 換成外幣滙出中國?

售後服務差得遠

上海會不會容許外資行為人民幣債券的market maker?上海的外資行能不能自由地接受國內公司做外幣、股票、Index等衍生工具的OTC(場外期權)買賣?早於上海,新加坡就是香港的主要競爭對 手,星政府為鼓勵中國內地公司到當地上市,幾年前曾放鬆對中國公司上市的要求,幾年過去,香港還是首選,主要是市場流通量不足,在新加坡上市後,很難進行 批股集資等活動,上市後的after-sales service跟香港差得遠,Easier said than done,國際金融中心不是「吹」出來的。Uncle Rayray.uncleray@gmail.com
 



兩岸 三地 國際 金融 中心 唔係 係靠 靠吹 Uncle Ray
PermaLink: https://articles.zkiz.com/?id=8193

MBA學位唔係來自「大學」只係「公司」Webb質疑蒙牛總裁學歷 左丁山

2010-04-27  AD





 

與其話 David Webb係股壇長毛,倒不如話佢係財金圈履歷核實署署長。繼玩具大王蔡志明、真明麗(1868)首席執行官(CEO)曾金穗嘅學歷同博士學位俾佢質疑做假 後,阿Webb噚日撰文,繼續踢爆上市公司高層嘅問題學歷,今勻主角輪到蒙牛乳業(2319)創辦人之一兼總裁楊文俊。

招股書指03年獲美 碩士

Webb話,根據蒙牛招股書顯示,楊總裁03年喺美國一間叫Barrington嘅大學攞到工商管理碩士學位(即係MBA),之但係, 佢話嗰間學校其實只係一間喺花旗國成立、總部設喺阿拉巴馬州嘅「公司」!更甚係呢間「大學」俾美國教育部列入非學院名單,所提供嘅學位係冇認受性。雖然後 來04年9月公司賣咗畀人後,改名做University of Atlanta,佢嘅學位已獲承認,但係楊總裁個MBA係03年攞嘅,咁即係有問題喎!

學 志雲大師話齋,真的假不了,假的真不了。學歷係真係假無傷大雅,如果再爆多單假奶毒奶,你就算拎住博士銜頭呀,都救唔到公司啦!

李華華

LiWaWa@AppleDaily.com



MBA 學位 唔係 來自 大學 只係 公司 Webb 質疑 蒙牛 總裁 學歷 左丁 丁山
PermaLink: https://articles.zkiz.com/?id=15357

中環在線:廁紙被質疑含菌福和:又唔係吞落肚 李華華

2010-7-13  AD





 

自己嘅產品俾人 投訴,死撐就梗o架喇。而啲廁紙俾人投訴咗幾次含菌量超標嘅福和(923),佢哋班管理層,簡直可以同空肚食早餐嘅金句天王爭一日之長短!

有 「再造紙大王」美譽嘅福和主席梁契權話「廢紙始終係廢紙,唔係木槳紙,你又唔係用嚟吞落肚,咁每一樣產品都有佢嘅壽命,你存放得耐,撿出嚟嘅含菌量肯定就 高喇!」高管亦力撐,其中一個連卡片都唔肯畀記者嘅高層話:「個別案例唔好小題大做,打低咗福和,都搵唔到其他競爭對手嚟代替,對市場唔係一件好事,福和 喺回收高級紙方面嘅地位,係冇人可以有得爭!」

更重要係「福和樹大招風,媒體報紙一定會收到好多投訴,話福和啲產品含菌量超標,但好多都係 同行競爭引發嘅……出錯一定有,但總體唔會有好多傷害!」

綜合兩位嘅講法,呢單即係俾行家屈或者毀謗喇!係咪應該搵律師搞搞佢呢?By the way,廁紙有好多用途,而細菌亦唔係一定經個口而入到身體,呢啲其實係好普通嘅衞生常識嚟噃!



中環 在線 廁紙 質疑 含菌 福和 又唔 唔係 係吞 吞落 落肚 華華
PermaLink: https://articles.zkiz.com/?id=16701

顏福偉細佬力撐阿哥唔係基


2008-4-24 NM




「白花油王子」顏福偉一向愛爭取曝光,過去兩週更出盡風頭,但卻非為宣傳白花油,而是向兩名男的士司機鹹豬手,惹上醜聞官非。性傾向一直成謎的顏福偉,為了甩身,不惜自爆雙性戀,但可惜仍被定罪。

貴為上市公司執行董事兼行政總裁的顏福偉,今次衰多手留有案底兼被迫辭職,更隨時會被判監淪為階下囚。

判案後,本刊追訪其身處台灣的弟弟顏福成,他不計前嫌力撐哥哥鍾意女人,是「身心健康」的男人。官司惹禍焉知非福,一家人大可藉此修補關係,貫徹先父為公司取名「和興」,以求家和萬事興。

雖然兩兄弟曾鬧不和,但顏福成對於顏福偉惹上官非,甚為擔心。他在台灣的白花油公司,也掛有先父顏玉瑩的舊照。

裁 決前的日子,四十六歲的顏福偉表現得非常深閨,他於上週二公幹回港,當日便即回辦公室工作,直至傍晚才離開前往中華遊樂會,逗留了半小時便返回柏景臺的住 所,完全戒掉夜蒲。週三他則去灣仔君悅酒店和朋友午膳,還不忘取出白花油遞給記者:「天口熱,索一索,醒一醒。」當時他還面帶笑容。

定罪日出新廣告

但裁決當日,當他被裁定兩項非禮罪名成立離開法庭時,本已黝黑的皮膚再添上一層灰土,一向例必笑容滿面對着鏡頭的他,顧不了攝影機將他的真情攝入鏡頭,面黑黑不理記者提問,只口震震拋下一句:「尊重法庭裁決。」晚上,白花油竟推出他的最新廣告。

本週日顏福偉決定補鑊,召開記者會,向被他鹹豬手的兩名司機,以至家人、股東和歌迷,一一致歉。他最希望的,當然是五月二日,不用被判坐監。「邊個唔驚坐監吖!不過個官一而再『講錯』佢係雙性人,人哋係男人嚟o架嘛,你釘人唔緊要,啲說話好侮辱啫!」顏福偉的友人不忿說。

但他的同父異母弟弟顏福成,怎也不信哥哥喜歡男人和非禮男司機。身在台灣的顏福成,原來不知哥哥惹官非。當記者告知顏福偉可能要坐監,他亦在庭上承認雙性戀時,顏福成即時雙眼通紅,大呼「好驚訝」,還質問記者:「佢係咪太大壓力所以糊裡糊塗認咗呀?」

 

酷愛幕前演出的顏福偉(左),與不少圈中好友傳出緋聞,包括曾接拍白花油廣告的袁潔瑩(右),和拍完廣告後加入該公司做市場部經理的鄧浩光。

有好多好靚女友

顏 福成不停說哥哥「冇可能係同性戀」,還說在九五至○一年在香港一起生活的六年間,見哥哥定期結交異性。「佢都有好多好靚嘅女朋友,有啲外表端正,有啲都係 健康運動型,總之係簡單樸素。」他說哥哥喜歡跟其他朋友一起旅遊,而緋聞女友袁潔瑩也曾是成員之一。他從未見過哥哥帶男伴回家,不過他可圈可點補充一句︰ 「我呢兩年冇見佢,唔知佢而家變成點。」

在他眼中,哥哥大小事力求完美,連人家有沒有洗手也過問一番。「佢會問人有冇洗手,總之食飯前一定 要洗手。」顏福成說。顏福偉在兩年前接受本刊訪問時說,自己有嚴重潔癖,嚴重至抗拒性交,曾揚言︰「我連做愛都唔敢!」但顏福成認為哥哥只是 gentleman,凡事要優雅整潔。「佢叫我做人gentle啲,幫女仔拉櫈同開門,唔好咁粗魯。」他說。

其實,又難怪顏福成不知道哥哥惹官非,事緣○三年,顏福偉和長房嫡孫顏為善聯手入稟台灣法院,控告顏福成非法轉移公司商 標及股票。自此,兩兄弟如陌路人。顏福成無奈地說起回新加坡祭祖一事︰「我哋每年都會返新加坡拜祖先,今年三月我同老婆返去拜,之前都有打俾哥哥,但佢一 直都冇覆我,當我到咗之後,個廟祝話佢之前嚟咗喇喎。」訪問時,顏福成又即時致電哥哥及媽媽,對方卻沒有接聽,弄得他在整個訪問中,心亂如麻,不停說: 「我直情想而家飛返香港!」但似乎哥哥並不領情。

 

顏福偉被裁定非禮罪成當晚,即播出新廣告。他在廣告中扮做瑜伽,見兩名靚女傭人腰酸背痛,即拋出活絡油,非常騎呢。

 

顏福偉重金禮聘擅打刑事案的資深大律師駱應淦(右),以及大律師謝志浩(左)。

產生性趣

顏福偉為了這宗官司已想盡辦法,多年來對性取向一直不置可否的他,為了脫罪在法庭自爆「雙性戀」,更在最後關頭找到恒威集團太子女劉思蔚做時間證人。他自爆說:「同性戀傾向我好細個就知,不過之後我都有女朋友。」

他 堅持去年十月十日是司機Y撩他遊車河在先,當晚他還沉醉於演唱會的興奮狀態,遇上這名熱情司機歌迷,加上酒精影響下,認定對方對他產生性趣,遂斗膽用一百 元掂Y的大腿,再慢慢向上移。「我未咁快接觸佢私處,仲諗緊佢接唔接受咁嘅行為!」顏在庭上憶述他當日戰戰兢兢的求愛過程。

他指Y肯跟他回家,惟到達柏景臺家門時,他方發現沒帶門匙,Y擔心被顏的鄰居發現兩個大男人半夜回家惹起注意,驚慌說:「福仔,好驚呀!快啲入去啦。」但兩人最後拖拖拉拉仍無法入屋,他遂給Y五百元作打賞,而Y最後感到無癮後離去。至於○三年的司機X,他則全無印象。

但Y的版本卻指顏一開始便對他上下其手。「佢夾硬不斷揸我下體,數唔清幾多次!」途中更以自己喝得爛醉如泥為由,要求Y送他回家。最後的士駛到柏景臺,顏仍不死心,繼續猴子偷桃式突襲他的下體。

 

去年中,顏福偉出席公司八十周年慶祝晚會,在台上高唱主題曲《愛多八十年》,該曲風行全港,顏福偉風頭蓋過不少當紅歌星。(《忽然1周》圖片)

 

顏福偉在○三年十一月廿九日晚參加好友劉思蔚的婚宴,鬧新房逗留至凌晨兩時多,以此證明絕不可能在凌晨一時非禮司機X。當日最低氣溫十三度,他身穿唐裝衫,亦非X所說的短袖T恤。圖為他當晚出席婚宴時攝。

摸人成為嗜好

至 於X的過程更誇張,指顏上的士後肆無忌憚地用手撫摸他的大髀,用力捉住他的陰莖上下擺動,更不知廉恥地說:「陰莖好精壯,好健康。」X憶述:「佢話想同我 做愛,想插我,可以俾五千蚊。但我同佢講,佢係信佛,佛祖唔贊成同性戀做愛,佢就話佛祖冇提過同性戀唔可以做愛。」X認為應以客為尊,最後只向一名的士司 機投訴了事,直至去年看到再有同行被顏非禮,決定挺身而出報警。他一再否認是渾水摸魚,以便日後向顏索償。

向來有「釘(入罪)官」見稱的裁 判官梁榮宗一於少理顏福偉的理據,認為他的確曾非禮兩名司機。他更直指顏兩度「三更半夜摸的士司機」,有異於普通人,似乎已成為「嗜好」,甚至認為他並非 只求「摸吓」,是借故要求司機陪他回家,可惜忘記帶門匙令「心願無法達成」。梁官表明,若顏能積極處理個人問題,「唔係無機會判社會服務令」,難怪顏隨即 嚇得要公開道歉。

 

顏福偉與母親何秀瓊感情深厚,去年十月,顏在葵青劇院舉行講唱會,母親亦有到場支持。(《蘋果日報》圖片)

 

和興白花油創辦人顏玉瑩(右一)為增加白花油知名度,廣結影視界的當紅明星,包括胡楓(左一)、余麗珍(中)及吳君麗(右二)等。

白花油家族

和興品牌由顏福偉父親顏玉瑩一手創辦。祖籍福建的顏玉瑩,早年移居新加坡,經營糖果及麵包等食品生意。一九二七年,根據祖傳藥方發明白花油,由於顏玉瑩喜愛水仙花,遂將藥油取名「白花油」,五○年正式在港設廠,並改名「和興白花油」。

顏 玉瑩先後有過四位太太,除元配劉崑珠及三太何秀瓊,另外兩位已經離異。顏福偉為三房之子,在家排行第五。八一年,顏玉瑩去世後,白花油便由長房及三房共 掌。八四年,顏福偉於英國Loughborough University of Technology,取得食物加工工程學位,回港後曾在貿易公司大昌行打工。至八六年,才加入和興白花油任執董。

家族上下 紛爭不斷

九一年,白花油在香港上市公司主力生產及銷售白花油,同時亦有投資物業市場等,截至去年六月三十日止的中期業績,公司營業額約五千萬元,盈利逾一千六百多萬,截至本週二,公司市值超過五億元,顏福偉手頭則持有一億多元股份,任職行政總裁的他,年薪三百萬元。

家 族繁衍,爭產在所難免。顏福偉曾自爆,當年父親顏玉瑩去世時,家中爆發爭產戰,猶勝《溏心風暴》。據他表示,最初母親何秀瓊分得最多遺產,引起不滿,顏福 偉曾在父親靈堂上,與另一房人大打出手,更透露當時四房人互相發律師信及法庭傳票,是「好普通」的事。最後,何秀瓊將家產重新分配,由長房嫡孫顏為善,即 現任和興國際主席,分得最大份,事件才得以平息。

由於白花油的藥方一直是公司的最高秘密,而且傳男不傳女,多年來,白花油均以家庭式管理,現時公司執行董事只有顏為善及顏福偉。顏為善名份為顏福偉之姪,但卻年長其十五年,現持有和興約三成股份,目前由他接任署理行政總裁一職。

 


顏福 福偉 偉細 細佬 佬力 力撐 阿哥 唔係 係基
PermaLink: https://articles.zkiz.com/?id=24631

法國唔係意大利 左丁山

2011-11-14  AD

法國紅酒商人 S從香港搬咗去新加坡近兩個月之後,呢日回港,走上陸羽搵我地一齊飲茶,法國 S話新加坡生活尚好,只係天氣太熱,有時令佢吃不消,而且新加坡整個城市唔夠香港咁「刺激興奮」,若非在新填海區嘅「金莎」賭場提供火花,帶旺 Marina Bay一帶,更加悶。既然咁樣,何解要遠自法國移民香港,跟住就遷往新加坡呢?無他者,香港租金貴係原因之一,之二就係佢啲仔女要入學讀書,而新海外移民 子女要進入法國 S喜歡嘅國際學校,難度甚高。新加坡就唔同呢,租金便宜好多(雖然法國 S係有錢人,但佢唔係好似恒豐酒店後人咁有錢呢,使錢都要覺得物有所值至得),外國人進入國際學校,比本地人有優先權(如果香港有此事,一定會有人申請司 法覆核,兼向平機會投訴到暈)。
最近歐洲豬國債務問題,搞到天下大亂,「金融市場」波動,提起就怕,市場又怕 S&P調低法國信貸評級,驚惶不安,左丁山於是順口問吓法國 S:「薩爾科齊能否穩定局面,令法國不會變成意大利?」法國 S拍晒心口話:「唔會嘅,雖則法國人唔多鍾意薩爾科齊,但呢位總統政治手段了得,佢啲最大政敵會好奇妙咁自我毀滅,例如 DSK(按:前 IMF總裁科恩),佢仲大打溫馨牌,努力造人,太太果然有得生,好嘢!而且法國有一個龐大雄厚工業根基,時裝、藥物、科技都名列世界前茅,可以頂得住嘅, 最多係有驚無險!」
薩爾科齊係政客人辦,變色龍靈活變化,敵人捉佢唔到,咬佢唔親,譬如佢曾經接見達賴喇嘛,激怒北京,但見完之後就猛咁向中國示 好,最近歐盟峯會之後第一時間打電話向胡錦濤匯報,面孔轉變之快,四川變臉大師也要佩服。香港公民黨班大狀如果真的要在當紮時期搞政治,唔去搵錢嘅話,不 妨研究薩爾科齊之轉軚風格,否則嘅話,如梁家傑話齋,要當紮大狀每日落區工作十小時,係好艱難嘅,留在中環每日打官司上法庭搵真銀好過啦,做乜要參與選 舉,輸咗又賴蛇齋餅糉啫?

法國 唔係 意大利 左丁 丁山
PermaLink: https://articles.zkiz.com/?id=29359

[唔係認威] 上個星期是我股海浮沉升得最快嘅一星期 fatlone's investment paradise

http://fatlone.wordpress.com/2013/05/20/%E5%94%94%E4%BF%82%E8%AA%8D%E5%A8%81-%E4%B8%8A%E5%80%8B%E6%98%9F%E6%9C%9F%E6%98%AF%E6%88%91%E8%82%A1%E6%B5%B7%E6%B5%AE%E6%B2%89%E5%8D%87%E5%BE%97%E6%9C%80%E5%BF%AB%E5%98%85%E4%B8%80%E6%98%9F/

(呢篇用廣東話啦,純粹想吹下水同多謝下尐我唔識嘅人。)

是咁的,我上星期幾隻新能源股(2208+816+579,之前仲要炒過下2380)再加我早前講過嘅927同埋寫左一篇就爛左尾嘅777佔我成個倉8成以上,而我係近乎no cash咁推落去,所以,我係食中晒。

(部份倉位已經止賺套現,換馬至早前回調並未炒返起,但大TREND仲係牛嘅新成員,仍然物色緊標的,依家買咗一隻,希望買多一至兩隻,但我堅持集中持股)

呢尐股票,全部都係網上面睇返黎。高手們,多謝你地。我極其量我對777同927係比一般人看好多少少而又咁好彩我又HOLD得住咁⋯⋯

我真心希望,一手發掘好股,作為PIONEER嘅你地,可以比我獲得更豐厚回報。

大市依家好牛,係全世界都牛。

我感覺係依家個市仲好過年初嗰陣。而唔同嘅係依家指數未爆升,但個股或某尐板塊已經鑊氣十足,實在太好。因為指數唔升嘅話,唔係炒開股嘅人真係唔知個市有幾旺。而當尐無炒開股嘅人都入埋嚟就又要撤退。堅唔想咁快炒完⋯⋯

不過,日本仔今次玩到咁勁⋯⋯ COME ON,炒鑊勁嘅。

我自己仲未有所行動,但係度講定9UP當秘笈估下先。

日經今年至少見2萬,如果唔識玩個股,好賭嘅我,正研究買入leverage嘅日股ETF,實際邊隻未有研究,大家路過嘅請交流下,多謝!

港股係無leverage嘅日股ETF,美股就大把。大家有無玩開美股?我未玩過,希望大家畀少少方向我,初學者應該點入手玩美股?邊間BROKER好?(我知IB好平,但有無人用過?)

唔係 係認 認威 上個 星期 是我 股海 浮沈 升得 最快 嘅一 fatlone's investment paradise
PermaLink: https://articles.zkiz.com/?id=55958

阿仙奴週記:「我唔係怕洗錢,我只係怕俾人搵笨。」 人在中環

http://manincentral.blogspot.hk/2013/08/blog-post_18.html
等咗幾個月,終於等到英超開季。估唔到只係第一場既比賽,就害我響九十分鐘裡面不停咁爆粗。好彩,重案組仲未有派人嚟查我,應該算係行運了。

輸「三比一」其實唔係乜嘢大不了,一場波,都只係三分聯賽積分遮。聯賽仲有三十七場,輸一場,真係冇乜嘢值得發牢騷的。問題係,三比一背後所隱藏既問題,所反映出既管理層思維,先至讓球迷勞鬼氣。

上季季尾既時候,球隊經歷咗一次十二場不敗,千辛萬苦先勉強拎到個歐聯附加賽既席位番嚟。咁你話呢班波,掂唔掂呢?如果你問我,我大概會用「四平八穩」去形容。你話呢班波好勁,咁肯定唔係架啦。你話班波好差咩?單計下半季既阿記係聯賽既得分王,你話好差咩,似乎又講唔過。隊波既Starting XI,儘管唔係星光熠熠,但我覺得,其實係合格的。唔合格既部份,係Starting XI之後既一班後備,質素同人數(真係可以派落場先計數,幼齒唔計),查實都唔足夠,而且個別位置直頭係冇backup可言。阿仙奴上季季尾之所以能夠打得好,比較合理既推斷係,佢地老早已經乜盃都出晒局,幾可肯定又一鑊四大皆空了。球季後期佢地要應付既,就只有聯賽爭前四一項。相比其他前列球隊,佢地要應付既球賽數目其實偏少,因此儘管正選陣容異常單薄,響比賽量不多既情況之下,還是可以打到好成績的。

打上幾個球季,球隊響off season既時候,都必定遇上兩個問題:1) 大牌球星離隊;與及 2)財政緊絀。剛過去既off season,係球隊近年第一次冇主要球星離隊(ok,唔好串我住,我都知,今年之所以冇人走,係因為阿記既大牌球星,其實老早就走清光…)。財政方面,簽咗Puma既新sponsorship deal,再加上慳家多年,今年大概係球會近年,最冇財政壓力既一年。所有球迷都期望,off season既時候,球隊會有適當既增兵行動。剛過去既暑假,阿仙奴同N個超級球星扯上過關係,最後個個都買唔成。問心講,我其實好懷疑,阿記既球迷們,其實係咪真係咁期望有個超級球星加盟呢?有,當然係更好,但冇既話,至少,響「合資格」既後備兵源既數量上面,起碼都要買番夠數。結果呢?

買唔到利記既梳亞雷斯,我唔怪佢地。買朗尼?我估即使係最樂觀既球迷,都知道其實係吹水。但係買唔到希古恩同加斯達禾,我就有啲條氣唔順了。希古恩係一個典型既阿仙奴式轉會災難:傾到實牙實齒,個個都以為只係爭最後簽個名,交易就可以完成。殊不知,對家坐地起價,明搵你笨。「聰明」既阿仙奴,唔肯做蠢仔俾人搵笨,於是自以為型爆咁walk away。轉個頭,件貨就俾人高價買咗。

球隊既高層,大大聲話自己唔介意洗錢。呢句statement,我其實係相信的。但我睇到既情況係,儘管佢地真係唔怕洗錢,但佢地卻異常害怕俾人搵笨,對「被人當傻仔」顯得異常抗拒。

阿記既transfer activity,讓我諗地我一個朋友早排既經歷。朋友係個有錢人,而且係個孝順仔。佢一直同父母同住,直至佢同太太生咗兩個小朋友,又要請外傭幫忙照顧,原來住緊間屋,忽然變得唔夠住。咁啱響果陣,佢屋企隔離有個細單位放售,朋友覺得,假如將間屋買下來,讓父母可以住響隔離,呢個安排就perfect了。隔離屋既業主,當知道朋友既情況後,自然覺得朋友係「必須」要買自己層樓,於是乎,坐地起價,加價10%。朋友唔肯做傻仔,於是便放棄買賣,去附近尋找其他地方安置兩老。結果呢?朋友一直搵唔到合適單位,佢父母亦因為家裡唔夠地方,而選擇搬走,而且一搬,就搬到老遠。朋友呢個孝順仔做唔成,而隔離既單位,亦被新既買家買咗,短期內再冇機會放售了。

或者讀緊呢篇文章既你,覺得呢個故事跟足球並不能扯上關係,但商業社會裡面,「坐地起價」既事情多不勝數,特別係賣家睇中你「有需要」既時候。情形就好似,當某個地方發生災難既時候,當地既求生物資既價格必然會被炒高一樣。賣家有本錢坐地起價,係因為知道你實在有需要。冇人喜歡俾人搵笨,但人生有太多時候,選擇做一次半次傻仔俾人搵笨,會比有型地做個「聰明人」來得合情合理。

或者講得遠了。

命運往往都係咁樣的,越窮越見鬼的。你越唔肯買人,越唔肯做傻仔,你諗住靠原班人馬搏大霧勉強捱得過咩?一場波,就傷你三幾件正選,仲要集中響晒條後防線度。話時話,禮拜三果場歐聯,湊唔湊得夠十一個人開波?

三比一完場之後,Emirates Stadium內噓聲震天。情況有如當日輸比曼聯八比二既一場波一樣,今日既敗仗,好可能再次換嚟轉會窗完結前既大手掃貨。這樣既panic buying到底會係好事還是壞事?對上一次既panic buying,為我地帶來了阿迪達同梅迪薩卡,但同時亦附送了朴主永跟山度士。是福是禍,還看未來兩個星期。
阿仙奴 週記 我唔 唔係 係怕 洗錢 我只 只係 怕俾 俾人 人搵 搵笨 人在 中環
PermaLink: https://articles.zkiz.com/?id=73790

女人幸福教(8):得到幸福唔係因為生得靚 周謙

http://notcomment.com/wp/?p=8199

女人之間的話題,少不免都會互相比較一吓外表。

又會以為只要生得靚,就理所當然有拖拍先,自動會有白馬王子鐘意,之後王子就會愛護同照顧你,同王子係城堡過住幸福快樂的日子。

好,女人想法係噤,但睇番現實生活,似乎又唔係噤。

大家睇好多外表生得唔錯的女人,年紀漸大,但嫁人都係無聲無氣。

其實,生得靚,只係令你有多D機會可以得到同人開始的機會,但係欠缺相處力(TQ, Together Quotient),對方係唔會同你共渡餘生的。

相反,如果一個人係具備TQ,其實同任何異性都可以快樂共處生活,而唔係等一個所謂one and only one的出現。

呢個TQ,就係大家睇到有錢人的太太女伴,外表大都係平凡的原因。

而TQ係可以後天培養,一個女人,有TQ同無TQ,付出的都係噤多(時間同青春),但係結果就差天共地。

爭男人係無亞軍的。一個女人,要爭到一個男人,大概贏到6個對手就可以,係韓國整容平民化下,只有學得TQ,先可以掌握幸福。

講左咁耐,點解好似未聽過TQ?咪心急,下一篇會同大家分享!

女人 幸福 得到 唔係 因為 生得 周謙
PermaLink: https://articles.zkiz.com/?id=82694

管理實務(15):唔係下下都要試咪-危機處理的反面教材 笨發

http://notcomment.com/wp/?p=12163

「突發」海天堂盧海鵬失控爆粗片段曝光!

 

海天堂早前爆出霉菌風波,以及城大學者研究質疑海天堂龜苓膏「無龜板」事件,事情的嚴重度與早年的霸王洗髮水沒差多少,品牌幾乎一夜盡毁。
當時我們已回應了事件:草本食療(1):「龜」苓膏大誤解

現在我們可以用企業危機管理的角度去看看這件事:

1. 霉菌極其量是衛生問題,像去餐廳看到食物有不潔物, 一般來說只要公關迅速回應,並對該人仕作出合理賠償,並承諾會作出改善,公眾多半也會接受這是個別事件,並會給予機會,日子耐左可能會忘記左添。
例子 : 早前KFC 亦有網上短片指出有員工執垃圾雞翻熱給客人食用,KFC 的處理方法是極快回應並處罰了該員工,並於宣傳品中重申雞件的製作過程,事件很快便被淡忘。

2. 然而,於任何企業,「誠信」必然是品牌的最核心成份,任何有關「誠信」的公開指控,企業都應該立刻出來以最公開的資料一次過回應,否則以訛傳訛下很容易弄假成真。
現下香港人對「食品造假」已經極度敏感,很容易便會與眾多內地的黑心食品劃上等號,一旦形成海天堂 = 黑心食品公司的印象,那便水洗都唔清了。

3. 可是,海天堂的回應是如下 :
a. 於事件約一星期後入稟高院指自稱為海天堂前股東的蔡國強誹謗
b. 老闆聲稱自己日日食用旗下產品
c. 於事件近一個月後,才有傳媒再報導,謂公司已送樣品作測試,証明產品含有龜的DNA
d. 於2014 年1月初,海天堂重金於電視大量播出盧海鵬的真情對話,以圖以軟性方法挽回公眾的信心
e. 最終極災難的,是把幕後盧海鵬的爆粗「花絮」上載,結果網民爭相觀看,收視遠超原來的廣告片(去片)

 

筆者無意評論海天堂的食品,但純以公司危機管理手法來看,這次處理手法犯上了幾個嚴重錯誤:

1. 錯失了重點,回應訴諸偏向於情感,客觀事實的回應,如檢測結果,或生產過程等反而沒有得到太多曝光。所謂「獅子撲兔,必盡全力」,更何況是這種關乎公司存亡絕續的誠信指控,該公司的回應顯得軟弱無力。如果海天堂於事件發生後,便立即於一星期內所有主要傳媒出頭版廣告作出澄清及刊登品質測試結果,連續一星期,雖然花費不菲但相信較3 個月後才花大錢作電視廣告投放來得更有效。

2. 錯失了時機,任何回應,必然是越快越好,最好是黃金48 小時內便出現一次過而全面的回應,「即牙膏」式的回應無論放諸任何醜聞,都只會令情況更加惡化。

3. 最錯的,應該是找錯了 agency ,把本來極嚴肅的TVC 回應變成了一個「盧海鵬試咪」式的粗口funny video. 想出這條「橋」的agency 固然要炒 (是炒),但拍板讓其出街只能讓人由心底裡說句 so sad。

錢白花了,達不到預期的澄清效果不特止,更有可能被公眾抽多兩錢重。

我們看看近二十年前,維他奶對於一件相對輕微得多的「變味事件」的處理手法,以作對照。

維他奶變味事件

1995年10月,有顧客投訴維他奶飲品有類似火水味,維他奶回收市面上同類產品。

1995年12月至1996年2月期間,有3名顧客飲咗未過期嘅麥精維他奶,發現有酸味,在傳媒報導事件後,維他奶嘅深圳廠房停產以及回收全部8百萬包紙包豆奶產品。但其後仍然有兩名顧客發現維他奶產品有酸味,結果維他奶香港屯門廠房亦全面停產,並回收所有包括豆奶及其他飲品。以1996年1月16日計算,回收嘅產品達到1300萬包。

事件發生後,香港衛生署對維他奶進行多次抽樣檢驗,喺51個樣本中,細菌含量以及各樣成份都冇超出標準,但為咗維持消費者嘅信心,維他奶決定請瑞典籍專家去香港廠房作詳細調查。調查發現問題源自包裝機,為確保產品質素,維他奶要將成條生產線拆除及重新組合。其後事件獲得解決,維他奶產品冇再發現有酸味。

維他奶沒有喊過冤,也沒有借用任何名人拍片來澄清,唯一做了的就是以超大力度去回應個別幾個客人的投訴,讓公眾明白這個只是個別事件,結果事情亦很快得到平息了。

希望不同公司的高管,都能以此為鑑。

管理 實務 15 唔係 係下 下下 下都 都要 要試 試咪 危機 處理 反面 教材 笨發
PermaLink: https://articles.zkiz.com/?id=88248

領展出售資產 左翼唔係最好出招時? 中環客

來源: http://hkcitizensmedia.com/2016/11/02/%e9%a0%98%e5%b1%95%e5%87%ba%e5%94%ae%e8%b3%87%e7%94%a2-%e5%b7%a6%e7%bf%bc%e5%94%94%e4%bf%82%e6%9c%80%e5%a5%bd%e5%87%ba%e6%8b%9b%e6%99%82%ef%bc%9f/

領展近年開始對自己嘅投資組合洗牌,向南豐、政府產業署出售資產後,就拋售部分商場資產。最近領展又委託測量師行,打算將五個公屋商場物業標售,價錢每個商場大約三至四億左右。

領展
領展

以領展嚟講,將商場執靚咗後,包裝出售係好正常嘅事。對股東嚟講,呢個係最有效將投放喺公屋商場翻新嘅投資套現嘅方法,特別未來經濟陰晴不定果陣,領展無乜理由要由租金收入裡面收番投資回報,特別係公屋商場嘅壽命都有番咁上下。

有啲左翼人士,指責領展出售資產。其實對堅持公屋商場必須照顧弱勢社區嘅左翼嚟講,領展出售公屋商場,唔係一個千載難逢嘅機會,俾呢班友一展抱負嘅咩?

近年潮流講社企,如果社會人士真係覺得領展嘅公屋商場一定要照顧弱勢嘅,點解中環未見有人振臂一呼成立社會企業,用市價收購領展打算出售嘅資產,然後用番原用房委會嘅政策租俾果度啲租戶?如果喺外國,一早有人接觸各大基金會做呢件事,咁用行動證明左翼嘅價值乜唔係最好。領展唔肯賣就話抵鬧,依家領展肯賣喎!

就算左翼無咁把炮,喺各大慈善基金籌集資金,經營左翼心目中的「社會企業商場」,咁左翼向政客施壓,要求政府成立基金,參與競投領展出售嘅資產,又得唔得呢?喺西方,左翼政客都會要求政府出錢買番資產,而唔係鬧領展喇。但中環客好奇怪,無人要求過政府參與投標呢堆資產。

所以中環客最慨歎,香港唔係無左翼,不過係嘴炮左翼,叫佢地有啲實際行動?係就唔會有「左膠」呢個名喇。

中環客

領展 出售 資產 左翼 唔係 最好 出招 中環
PermaLink: https://articles.zkiz.com/?id=222238

摩摩電影節之《樹大招風(Trivisa)》:其實主角係唔係大賊,並唔係最重要

既然相一個人,不如相信每一個人,咁究竟係貪曾、Hea 曾、689、689 2.0、定係肥彭做我城城管,都唔係最重要嘅事;邊個選到都好,「就讓一切隨風」:


閱讀更多 »
摩摩 電影節 電影 樹大 招風 Trivisa 其實 主角 係唔 唔係 係大 大賊 並唔 係最 重要
PermaLink: https://articles.zkiz.com/?id=238270

呢D都要認證? 唔係嘛?

1 : GS(14)@2011-06-14 22:08:03

真係好搞笑

http://hk.apple.nextmedia.com/te ... 104&art_id=15339306

【本報訊】本港殯葬業界一直被指透明度低兼入行難,有業界昨宣佈推出殯葬專業證書及文憑課程,標榜由多名資深從業員教授殯葬禮儀、習俗及相關法例,兩個課程 98小時總收費 1.7萬多元,「滿師」學員有機會獲轉介入行。但有業界人士認為,政府應主動推出殯葬從業員發牌制度及認可課程,以免坊間課程令人眼花撩亂,行內認受性卻成疑。
記者:梁德倫


處理骨殖的師傅示範將遺骨安置金塔的一絲不苟的次序。陳亮華攝
2 : 草帽(1253)@2011-06-14 22:59:20

有人做巳經偷笑啦. 做殯儀破地獄儀式就係簡單野, 火化亦簡單. 但係土葬就比較麻煩了. 以前聽呢D師父講過. 政府規定, D墓過左7年, 就要起墓將副骨放落個塔度再安置. 但係好多骨7年之後都係唔化. 基本上剩係收左水, 樣仲係度, 肉同骨仍然痴埋. 咁點搞? 咁D師父傳統就會落手將D肉撕出黎, 再逐條骨洗乾淨, 哈哈....所以呢D人係唔會同妳握手. 因為佢地D手係有D屍臭味. 又唔可以曰光曰白做呢D野喎, 畀人見到真係嚇死, 所以都係夜晚做多. 夜晚洗骨真係冇咩人頂得順. 而家仲話要囉cert? 哈哈......
3 : 亞力士(1473)@2011-06-14 23:45:41

d打佬油水位 讀完張cert有人比你做 on99 而d厭惡野 睇完殡仪師既人 係想像唔到
4 : 鱷不群(1248)@2011-06-14 23:50:25

2樓提及
有人做巳經偷笑啦. 做殯儀破地獄儀式就係簡單野, 火化亦簡單. 但係土葬就比較麻煩了. 以前聽呢D師父講過. 政府規定, D墓過左7年, 就要起墓將副骨放落個塔度再安置. 但係好多骨7年之後都係唔化. 基本上剩係收左水, 樣仲係度, 肉同骨仍然痴埋. 咁點搞? 咁D師父傳統就會落手將D肉撕出黎, 再逐條骨洗乾淨, 哈哈....所以呢D人係唔會同妳握手. 因為佢地D手係有D屍臭味. 又唔可以曰光曰白做呢D野喎, 畀人見到真係嚇死, 所以都係夜晚做多. 夜晚洗骨真係冇咩人頂得順. 而家仲話要囉cert? 哈哈......

太可怕,我寧願一世失業也不做
5 : CHAUCHAU(1254)@2011-06-15 13:02:58

2樓提及
有人做巳經偷笑啦. 做殯儀破地獄儀式就係簡單野, 火化亦簡單. 但係土葬就比較麻煩了. 以前聽呢D師父講過. 政府規定, D墓過左7年, 就要起墓將副骨放落個塔度再安置. 但係好多骨7年之後都係唔化. 基本上剩係收左水, 樣仲係度, 肉同骨仍然痴埋. 咁點搞? 咁D師父傳統就會落手將D肉撕出黎, 再逐條骨洗乾淨, 哈哈....所以呢D人係唔會同妳握手. 因為佢地D手係有D屍臭味. 又唔可以曰光曰白做呢D野喎, 畀人見到真係嚇死, 所以都係夜晚做多. 夜晚洗骨真係冇咩人頂得順. 而家仲話要囉cert? 哈哈......

新例起骨時條屍未化,耍再重新落土封穴吾準執
之前將軍澳某d地段就係咁,攪到我寧願同先人續多十年期約冇起
費時咁橋中招有沖撞
6 : GS(14)@2011-06-15 21:35:04

4樓提及
2樓提及
有人做巳經偷笑啦. 做殯儀破地獄儀式就係簡單野, 火化亦簡單. 但係土葬就比較麻煩了. 以前聽呢D師父講過. 政府規定, D墓過左7年, 就要起墓將副骨放落個塔度再安置. 但係好多骨7年之後都係唔化. 基本上剩係收左水, 樣仲係度, 肉同骨仍然痴埋. 咁點搞? 咁D師父傳統就會落手將D肉撕出黎, 再逐條骨洗乾淨, 哈哈....所以呢D人係唔會同妳握手. 因為佢地D手係有D屍臭味. 又唔可以曰光曰白做呢D野喎, 畀人見到真係嚇死, 所以都係夜晚做多. 夜晚洗骨真係冇咩人頂得順. 而家仲話要囉cert? 哈哈......

太可怕,我寧願一世失業也不做


真是唔好搞我,搞認證是白痴行為
7 : 龍生(798)@2011-06-16 00:57:08

整個公會, 批呢的認證, 又係一條大喉了

草帽兄, 多謝你的回貼

令我知識增長...你唔講, 我真係唔知原來係咁
8 : 草帽(1253)@2011-06-16 09:49:14

5樓提及
2樓提及
有人做巳經偷笑啦. 做殯儀破地獄儀式就係簡單野, 火化亦簡單. 但係土葬就比較麻煩了. 以前聽呢D師父講過. 政府規定, D墓過左7年, 就要起墓將副骨放落個塔度再安置. 但係好多骨7年之後都係唔化. 基本上剩係收左水, 樣仲係度, 肉同骨仍然痴埋. 咁點搞? 咁D師父傳統就會落手將D肉撕出黎, 再逐條骨洗乾淨, 哈哈....所以呢D人係唔會同妳握手. 因為佢地D手係有D屍臭味. 又唔可以曰光曰白做呢D野喎, 畀人見到真係嚇死, 所以都係夜晚做多. 夜晚洗骨真係冇咩人頂得順. 而家仲話要囉cert? 哈哈......
新例起骨時條屍未化,耍再重新落土封穴吾準執之前將軍澳某d地段就係咁,攪到我寧願同先人續多十年期約冇起費時咁橋中招有沖撞


咁真係德政了. 其實因為D棺太靚, 十副有九副都係唔化架.
9 : 草帽(1253)@2011-06-16 09:59:59

7樓提及
整個公會, 批呢的認證, 又係一條大喉了 草帽兄, 多謝你的回貼 令我知識增長...你唔講, 我真係唔知原來係咁


咁講多D野你聽下. 點解我會知. 因為十年前我住長洲既阿嫲去左. 幾年前起骨. 個帥父係識我阿嫲既. 佢做左呢行幾十年. 鑽研術數, 真係囉D手指出黎算. 又拿住本唔知咩野書. 佢話做左咁多年. 只係見過幾次鬼. 係日光日白見既. D鬼係綠色既. 有晒輪廓. 好清楚既. 基本上佢地知你做野, 唔會搞你, 但係有D都好能百厭. 將D工具搬黎搬去, 要罵佢先唔玩架. 0個時係憤場聽到都毛管凍.
10 : 鱷不群(1248)@2011-06-16 10:34:52

好大膽,連鬼都敢鬧smiley
11 : pars(2406)@2011-06-16 11:08:49

唔大膽都好難做果行
12 : 龍生(798)@2011-06-16 14:52:29

我又唔驚既, 因我個行間唔中都會見到呢的野....

但要親手掂又始終要過另外一個心理關口....
13 : abbychau(1)@2011-06-16 17:39:32

我都唔怕...但無見過
14 : 培少(3241)@2011-06-16 18:05:58

好pro...真係唔得..
15 : GS(14)@2011-06-16 21:37:47

呢個伯伯肯唔肯授徒?
16 : 龍生(798)@2011-06-16 22:50:58

你想跟佢學野?

唔好制呀....一個引入外勞...就玩完了, 醫生就係好例子
17 : 亞力士(1473)@2011-06-17 00:51:17

我好懷疑學個時對住d模型骨 到真野時會點 又有味
18 : 龍生(798)@2011-06-17 01:13:46

yes , 學草帽兄話齋

學個陣話骷髏骨....落場個陣就肉包骨....

有血有肉有蟲有味

點玩呀
19 : GS(14)@2011-06-18 09:40:22

16樓提及
你想跟佢學野?

唔好制呀....一個引入外勞...就玩完了, 醫生就係好例子


學術數...
20 : GS(14)@2011-06-18 09:40:41

所以認證是白痴,根本無人做
都要 認證 唔係 係嘛
PermaLink: https://articles.zkiz.com/?id=274804

理大易服男:點解我唔係女仔

1 : GS(14)@2011-10-02 16:48:14

http://hk.apple.nextmedia.com/te ... 104&art_id=15666126
Angela不知道由何時開始,意識到身體跟性別錯配,但他憶述,小時候已特別愛玩毛公仔,尤其鍾愛 Hello Kitty,每每看見女孩穿起裙子,他會既欣賞又羨慕。他更認為做女性有較多特權:「例如去買嘢,如果男仔睇完唔買會被人話,但女仔就無所謂,做女仔仲有好多人錫!」但礙於社會保守,加上生於小康之家,父親任職懲教署,自己又是長子嫡孫,他只好將「真正身份」隱瞞。可是愛好不同,令他跟小三歲的弟弟無法溝通;身份尷尬,令他交朋友時被無形的圍牆阻隔, Angela的成長路很孤獨。
「我想變番做女仔嘅諗法,一直隱藏得好好!」以不開心的男兒身活了 19年,弄得他無法好好讀書,名校出身的他,中五會考得九分,中七成績也不理想,去年撇下一切到澳洲升學,估不到反而讓他找回「真我」。
2 : Sunny^_^(11601)@2011-10-02 17:03:35

OMG!!!
3 : GS(14)@2011-10-02 17:09:56

點解又咁講?
4 : Sunny^_^(11601)@2011-10-02 17:10:47

佢移民啦.
5 : 龍生(798)@2011-10-02 17:17:25

中國人黎講太大隻了, 去外國啦, 鬼佬好鐘意呢的身型的(女仔的)
6 : GS(14)@2011-10-02 17:28:28

我已經無貼相啦
7 : 200(9285)@2011-10-02 17:48:46

人妖‧
8 : 龍生(798)@2011-10-02 17:54:08

係呀...好重口味...

香港除左變態的, 我諗都無幾多識欣賞...

話時話, 蘇沆街間基吧...真係好鬼激, 我搭車見識過一次....
9 : GS(14)@2011-10-02 18:26:26

好驚wor
10 : Sunny^_^(11601)@2011-10-02 19:40:52

好彩我連街名都係第一次聽=]如果唔係我成世都唔會去=]
11 : abbychau(1)@2011-10-02 20:01:33

8樓提及
係呀...好重口味...

香港除左變態的, 我諗都無幾多識欣賞...

話時話, 蘇沆街間基吧...真係好鬼激, 我搭車見識過一次....

見識到d 乜?
12 : 200(9285)@2011-10-02 20:31:34

http://www.youtube.com/watch?v=Gn68AHD43QM&feature=related

怎麼天生不是女人
13 : GS(14)@2011-10-02 20:33:46

http://realforum.zkiz.com/thread.php?tid=18288

醒個教學
14 : 亞力士(1473)@2011-10-03 02:20:25

留學三個多月,是 Angela過得最開心的日子,可惜因為留學費負擔太重,去年 12月他無奈輟學返港,卻嚇得媽媽目瞪口呆:「男仔去,女仔返,無端端多咗個女!」為此他與父母吵過無數次,但經過四個月的真情對話,媽媽率先接受事實,「佢話只要我開心,無論我做咩決定,佢都會支持我!」


<------ 我估佢阿媽勸佢阿爸時會講: 你已經無左個仔 係咪想無埋個女
15 : 龍生(798)@2011-10-03 14:45:52

哈哈哈哈, 亞力士兄是否談判專家?
16 : GS(14)@2011-10-03 20:24:48

最少唔似是一個唔識講野人
17 : 亞力士(1473)@2011-10-03 22:58:35

咁女仔 會凍 會寂寞 要人地比d說話支持
18 : 龍生(798)@2011-10-03 23:07:37

我好記得你上次形容觀音兵的道理.....
19 : 亞力士(1473)@2011-10-03 23:13:35

龍兄 可否提下我講過乜
20 : 鱷不群(1248)@2011-10-03 23:20:49

做父母的又的確很難接受
21 : 龍生(798)@2011-10-03 23:25:17

觀音兵漫漫長路, 女仔總有時會寂寞, 會凍...只要資質唔係太衰, 總有機會乘虛而入

多半都食到一兩次....

既解釋了女性的心理, 也解釋了觀音兵的由來
22 : GS(14)@2011-10-03 23:29:30

20樓提及
做父母的又的確很難接受


得一個仲死
23 : 龍生(798)@2011-10-03 23:30:10

亞力士兄的說法, 己是最父母最大的安慰了....
24 : 鱷不群(1248)@2011-10-03 23:32:44

21樓提及
觀音兵漫漫長路, 女仔總有時會寂寞, 會凍...只要資質唔係太衰, 總有機會乘虛而入

多半都食到一兩次....

既解釋了女性的心理, 也解釋了觀音兵的由來

講開甚麼?
25 : 龍生(798)@2011-10-03 23:36:32

好似係上次契哥契妹的post 入面的內容....
26 : 龍生(798)@2011-10-03 23:40:34

http://realforum.zkiz.com/thread.php?page=0&tid=25269

居然搵得番
大易 服男 點解 解我 我唔 唔係 係女 女仔
PermaLink: https://articles.zkiz.com/?id=276143

稱判詞四處指梁振英證供難信納 法律界再踩:唔係對佢誠信質疑係乜

1 : GS(14)@2011-12-02 09:11:43

http://hk.apple.nextmedia.com/te ... 104&art_id=15855339
【本報訊】梁振英近日被翻舊帳,矛頭直指他在 2001年為華懋如心廣場案作供時誠信有問題,雖然梁振英昨日全面反擊,堅持法官並無質疑他的誠信,但有政界及法律界人士指,兩名法官判詞中,最少有四處指梁的證供自相矛盾、難以令人信納,「法官最終唔信梁振英(供詞),客觀而言,唔係對佢誠信好大質疑,仲會係乜?」
記者:莫劍弦 陳雪玲
判詞 四處 梁振英 證供 供難 信納 法律界 法律 再踩 唔係 係對 對佢 誠信 質疑 係乜
PermaLink: https://articles.zkiz.com/?id=276792

講膠所手記:睇嘢,唔係睇一日咁膚淺!

1 : GS(14)@2012-04-19 22:20:57

http://www.sharpdaily.hk/article/fin/20120419/80355
昨日見報,《爽報》財經版嘅頭條,我哋揀咗「歐文龍案翻舊賬 濠賭股危危乎」呢隻故仔,而昨日,濠賭股係靚升嘅,隨即,有條「神級茂莉」話:「唓,啲賭股唔跌喎……」作為有份扑鎚頭條故仔嘅一員,YY都係時候講吓我哋「度」頭條嘅理念!
每一日嘅頭條,我哋都會以mark to market為大前題,希望做到話畀大家知嚟緊應該避開啲乜嘢股、有咩可以炒、有咩股要留意,而我哋考慮嘅時間性,唔係「聽日」,而係「呢一排」,因為,無論係案件、國策,都唔會係「一日」就算,正如前日嘅頭條「薄熙來拖跨重慶板塊 恐秋後算賬 重農行首當其衝」,都係話呢一排。
或者,你會話YY,你死雞撐飯蓋啫!即係咁,昨日新鮮出爐嘅《壹周刊》,都做隻《歐文龍貪污案 香港富豪大鑊》嘅故仔!
YY絕對唔夠膽認叻,只係想講一句,每日諗頭條嗰陣,YY同拍檔都過到人過到自己,因為,我哋真係有帶埋個腦返工!

YY
講膠 膠所 手記 唔係 係睇 一日 膚淺
PermaLink: https://articles.zkiz.com/?id=278850

蔡東豪:「我唔係有啲擔心,係好擔心。」

1 : GS(14)@2012-07-24 12:49:21

http://www.sharpdaily.hk/article ... D%E6%93%94%E5%BF%83
「我唔係有啲擔心,係好擔心。」
余若薇
余若薇和陳淑莊一同接受訪問,談九月立法會選舉,陳淑莊出選港島,排在陳家洛之後,而余若薇出選新界西。
我是港島選民,多年來支持余若薇,有一年民主黨告急,在家裏配票,可能沒投給余若薇。今年余若薇不選港島,排出這怪陣,蔡家有點不知所措。
余若薇指陳家洛如果無人幫手,自己爭取一席很困難。我相信港島不少選民有同一問題:為何不讓陳淑莊排第一或分拆名單?
上屆余若薇排在陳淑莊之後,驚險地一同當選。過去幾年,公民黨的票源可能因幾件事流失,今屆建制派強陣以待,余若薇單是「好擔心」可能不足夠。
經過多年選舉的洗禮,香港人其實很精明,公民黨未報名就告急,太看低香港人投票智慧。
蔡東豪
2 : 收息人(26699)@2012-07-24 13:27:02

1樓提及

http://www.sharpdaily.hk/article ... D%E6%93%94%E5%BF%83
「我唔係有啲擔心,係好擔心。」
余若薇
余若薇和陳淑莊一同接受訪問,談九月立法會選舉,陳淑莊出選港島,排在陳家洛之後,而余若薇出選新界西。
我是港島選民,多年來支持余若薇,有一年民主黨告急,在家裏配票,可能沒投給余若薇。今年余若薇不選港島,排出這怪陣,蔡家有點不知所措。
余若薇指陳家洛如果無人幫手,自己爭取一席很困難。我相信港島不少選民有同一問題:為何不讓陳淑莊排第一或分拆名單?
上屆余若薇排在陳淑莊之後,驚險地一同當選。過去幾年,公民黨的票源可能因幾件事流失,今屆建制派強陣以待,余若薇單是「好擔心」可能不足夠。
經過多年選舉的洗禮,香港人其實很精明,公民黨未報名就告急,太看低香港人投票智慧。
蔡東豪
beat it
蔡東 東豪 我唔 唔係 係有 有啲 擔心 係好
PermaLink: https://articles.zkiz.com/?id=280434

講膠所手記:他信唔係買呢樣……

1 : GS(14)@2012-08-28 14:46:10

http://www.sharpdaily.hk/article/fin/20120828/127252
陳振聰輸咗官司之後,坊間認定佢乜嘢都輸曬,一定會賣嘢撲水,當中最最最值錢嘅,就係山頂寶雲道16號楠樺居嗰幅地皮。噚日,有人爆料話,呢幅地皮俾泰國前總理他信用2.8億買咗,但據律政界小探子講,呢篇嘢嘅方向錯曬。第一,價錢唔啱;第二,連買家都唔啱咁話。
據講,呢幅地皮,係俾一個做緊香港上市公司主席嘅強國人,用3.8億買咗。由於佢係用BVI公司經REED SMITH RICHARDS BULTER律師樓買,所以,唔會起到佢個底嘅。至於個成交價,當然係平咗喇,因為,滙豐之前估塊地值4.8億㗎﹗
探子又話,呢單抵到爛(對個買家嚟講)嘅交易,係某香港傳媒人中間拉線,至於係邊位?總之,唔係星球生物,肯定係地球人喇﹗By the way,當他信遇上陳生,係有啲嘢,不過,o依家要賣嚇關子先囉﹗
YY
講膠 膠所 手記 他信 信唔 唔係 係買 買呢 呢樣
PermaLink: https://articles.zkiz.com/?id=281272

自稱豬嘜被《求愛》擺上枱 Vivien控訴:呢班唔係好人

1 : GS(14)@2013-06-29 16:58:44

http://hk.apple.nextmedia.com/entertainment/art/20130628/18314641

「啲遊戲好變態」

                Vivien直斥龍目島的遊戲令人難堪尷尬,她續說:「啲遊戲好變態、好無聊、好低俗,我只不過應承同佢(Justin)做螢幕情侶,佢哋利用咗我嘅善良,我唔介意佢哋背後講我,佢哋知道收視唔得,所以利用我繼續炒作,全程有人攻心計,我發誓我唔係咁!人在造、天在看,正因為咁我拒絕出席佢哋呢輪任何活動。」
據知,Vivien稱曾要求無綫不要出騎膊馬片段,記者昨日再致電Vivien時,她直認不諱:「係呀。我係同人生教練講,人生教練同TVB講。好彩有幾個朋友撐住我,如果唔係我一早死咗。佢哋真係太過份!」誰太過份?她說:「TVB囉。」講到當日正面騎膊馬,她解釋:「喺後面騎上去,我畏高會驚,成個人撻落嚟咪有生命危險?我話可唔可以正面爬上去好啲?起碼我可以叉住你膊頭,佢(Justin)話唔得,咁即係要我硬食,佢人品有問題。雖然我哋私底下識咗幾年,但佢唔理我感受,所以我從此好少參加佢哋個party,想遠離呢班人,呢班唔係一班好人。」她自爆一早由朋友介紹認識Justin,但無綫要求她不要向外透露。

「俾人玩咗一鑊」

                Vivien忍不住飲泣:「佢哋有心玩我同Sharon,到(龍目島)第三日我真係唔想玩……我喺間房度話要退出,喊晒,佢哋話個騷會爛尾,唔知TVB會點整你,TVB啲高層好小器㗎!我覺得俾人玩咗一鑊,我諗住做螢幕情侶,點解咁認真啫?為咗營造效果,我梗係要做啲嘢㗎啦。」她指Justin曾與自己父母見面,並送上小禮物給母親。是否後悔參加節目?她說:「幾後悔,但學到嘢囉。我冇害人啫,起碼我心地善良,唔用計謀。」對於Vivien的指控,《求愛》編導岑應昨回應說:「佢情緒比較激動,佢有講過要告介紹佢參加呢個比賽嘅人。」對於節目被指造假,岑應說:「冇得假,我哋如實報道。」
採訪:比華利
2 : greatsoup38(830)@2013-06-29 18:44:33

2013-06-27 NM
愈插愈自大《求愛》極品Vivien:我有樣有身材有家底   

無綫《求愛大作戰》播出後,參加成員陸續出事!Rocky被爆捲入強姦案風波、監生霸住《求愛》男Justin的內地極品Vivien巴辣自大,睇到網民眼火爆,是繼綠魔Karl及白馬Vincent後,另一個《求愛》公敵。身在深圳避風頭的Vivien,不但懶理網民圍插,還理直氣壯向港男發出「超標」宣言:「我有樣有身材有家底o架!」致電肥佬黎

自稱氣質與內涵兼備的極品Vivien,連日來不斷遭網民圍插「豬扒扮上菜」,與白馬Vincent雙雙成為眾矢之的,但兩人不約而同玩龜縮,不單缺席上週五《求愛》宣傳飯局,連節目所搞的私人聚會亦無影。「Vivien話俾父母鬧到飛起,為咗個節目,唔單只俾網民插,仲連累老豆老母俾人起底好麻煩。佢爸爸係深圳公安高層,有啲嘢比較敏感。」知情者說。日前本刊聯絡身在深圳的Vivien,雖然俾人插到成身箭,但自大本色卻有增無減。「我搵咗個大佬打咗俾肥佬黎(黎智英),佢知唔可以再寫衰我!」先擺下馬威,再為自己平反。「我人格冇問題o架!我冇蝦Whitney,我仲當佢係細妹咁看待。」不過,本週一《求愛》卻播出她與Sharon為爭酒店房,夾攻蝦到Whitney喊,連夾在中間的Carol也看不過眼,公開數Vivien經常冷言恰Whitney。

前言不對後語

成為《求愛》箭靶,有否後悔參加節目?Vivien繼續自信十足。「有網友話我有樣有身材有家底!」之後,更死撐話完全睇唔到外間有負面評論。自我感覺甲級良好,Vivien其實非常享受成為焦點人物。「成為《求愛》焦點幾好呀!有反應總好過做路人甲。我唯一唔好係拍拖經驗少,追Justin衰在急進,令人誤會我,我其實唔鍾意同人爭。」口心不一的Vivien,日前卻在節目說誰跟她爭Justin,她也會用盡方法手段將「第三者」踢走,甚至會「兜巴星」大打出手,相當狼死!

故意扮輸

可惜神女有心,襄王無夢,Vivien向Justin求愛失敗。對心目中男神近日跟Carol愈行愈埋,她會否戥二人高興,Vivien敷衍多於祝福。「咁恭喜佢囉!佢終於溝到女。不過我都有人追緊。(係?對方點o架?)我結婚就會話你知!」據悉今個星期Vivien再有新「傑作」,終於在峇里龍目島如願,跟Justin配對玩騎膊馬爬樹遊戲,眾女按照規定從後騎在男生肩膊,唯獨Vivien忽然改變體位,騎在Justin面前,下體對正男神塊面,當眾請食「鮑魚」。由於遊戲落敗男女會被安排在荒島獨對,Vivien對此非常雀躍,但一眾《求愛》男擔心Justin要同極品到荒島受難,於是成員阿佳故意玩輸,幫好兄弟逃過一劫,壞Vivien好事。
自稱 豬嘜 嘜被 求愛 擺上 Vivien 控訴 呢班 班唔 唔係 好人
PermaLink: https://articles.zkiz.com/?id=283176

世界死剩粟米《星際》唔係嚇你

1 : GS(14)@2014-12-09 08:13:27





看《星際啟示錄》,蟲洞、黑洞、重力、五次元等名詞距離我們似乎很遠,但劇中預示的糧食危機,卻已威脅人類。聯合國報告指,2050年全球70億人口將再增加25億,全球糧食產量需要增倍,才能滿足人類需要。但中大地球系統科學課程助理教授戴沛權(Amos)指出,「現有農田差不多都已被開發,如果再沒法子增加糧食畝產量,全球營養不足人口將大升五成。」如果強要開發新農田,就一定要砍伐林木;但砍伐林木,其實會導致沙漠化愈來愈嚴重;當沙漠化嚴重,會破壞農田,最終只會導致惡性循環,所以科學家都指出,開發農地不是好方法,只好提升耕作技術,增加田地畝產量。《星際》一劇更預料,未來植物將相繼感染疫病絕種。Amos指,目前科學家對害蟲會否滅絕農作物,仍沒有定論。「世界上只剩下粟米,卻有科學根據。」因為粟米適應力很強,無論熱帶、溫帶都能種植;糧食作物種得最多的是粟米,比大米、小麥都要多,大量粟米用作動物飼料。加上大米、小麥對空氣污染敏感,如果環境污染如劇中嚴重,可能真是會只能種粟米。當然,如果未來耕作技術進步,可能未至於所有農作物絕種;但Amos以電腦模擬運算方式,模擬2050年各國政府若沒有加強空氣污染管制的情況,預測屆時全球農作物產量會減產15%。糧食危機正在向香港步步進逼,因為我們的主要糧食大多依賴進口,過去十年來,大米價格年增5%;其他蔬菜都有約一成增長,糧食價格日增為基層帶來極大壓力。但香港同時亦是世上食肉最多的地方,牲畜飼養消耗世上約四成糧食,吃太多肉,加上浪費食物,才是糧食危機的癥結。再不正視問題,人類早晚要另覓星球生存。





來源: http://hk.apple.nextmedia.com/news/art/20141209/18963189
世界 死剩 粟米 星際 唔係 係嚇 嚇你
PermaLink: https://articles.zkiz.com/?id=286718

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019