ZKIZ Archives


19歲失業英國男花救濟金想整到碧咸咁點知變金仔

1 : GS(14)@2016-09-29 08:05:52

Jack日前上咗英國節目《This Morning》接受訪問,佢認為自己生活好失敗,所以就想整到似碧咸,就可以擁有對方嘅成就同生活。失業中嘅佢已經花咗2萬英鎊(約20萬港元)去整下巴、眉毛同顴骨,呢筆錢有部份係來自救濟金。不過主持就同佢講整完都唔似碧咸,亦唔會有對方嘅成就。不過Jack亦都唔肯放棄,仲打算花多3萬英鎊(約30萬港元)去繼續做手術,仲試過去求醫生幫佢做縮胃手術減肥,最後被醫生趕走。主持人苦口婆心咁勸Jack回頭是岸,做好自己就有幸福嘅生活,不過Jack都聽唔入耳。有網民話Jack呢個look似金正恩多過碧咸。




來源: http://hk.apple.nextmedia.com/entertainment/art/20160929/19784869
19 失業 英國 男花 救濟金 救濟 想整 整到 碧鹹 咁點 點知 知變 變金 金仔
PermaLink: https://articles.zkiz.com/?id=310589

老院友:冇得住咁點算?

1 : GS(14)@2016-10-21 05:08:14

【本報訊】社署擬撤銷康橋之家的豁免證明書,變相釘牌,消息一出,大批傳媒昨午蜂擁至其葵涌會址了解,但職員一度要求記者離開,直至晚上才派發一紙聲明表示接納社署決定,並會協助院友轉院。有院友家屬的女親友直指,對前院長張健華涉性侵案既感氣憤,亦擔心院友毫無保障,現時遷走不失為好選擇。


傳媒採訪 職員稱會報警

康橋之家位於葵涌禾塘咀街萬成大廈的會址昨午如常運作,大門外張貼一張通告,指早在2014年已撤鎖張健華一切職務,並禁止他進出院舍。社署已即時在院舍內設立諮詢站,讓家屬查詢院友住宿照顧安排的事宜。大批傳媒到場採訪,其間不斷有人進出院舍。一名男職員要求傳媒暫時離開,等待該會發出聲明,並警告「我哋會報警」。另外,一名居於康橋之家6年的老院友返到院舍,她表示不知社署擬釘牌一事,反問記者:「冇得住,咁點算?你哋幫下我。」但隨即被職員拉走帶返院舍內。雖然康橋之家在智障女院友疑遭性侵案中與前院長張健華劃清界線,但翻查資料,張健華仍然擁有康橋之家母公司智友集團的7%股權。直至昨晚7時許,康橋之家職員向記者發出4點聲明後,沒有回答問題便離開。■記者溫瑞麟




來源: http://hk.apple.nextmedia.com/news/art/20161021/19807837
老院 院友 冇得 得住 住咁 咁點 點算
PermaLink: https://articles.zkiz.com/?id=312954

【西遊記】奧斯卡搞成咁點算好?

1 : GS(14)@2018-03-12 00:45:33

【文化籽:西遊記】今屆奧斯卡,第90屆,場內參與者得一句metoo,場外觀眾得一個字:悶。好難唔悶,正如你晚晚食飯、洗澡、睡眠,做得多也會悶。只不過,觀看頒獎禮不是身體必須,你可以選擇在同一時間打鋪switch、出個post、幫BB掃掃風。就無咁悶。頒獎禮的模式已經見慣見熟,再難炮製甚麼驚喜。為提高收視率,至少維持,奧斯卡已經無所不用其極。無法說服評審支持《神奇女俠》(Wonder Woman),也請來最當時得令的Gal Gadot不斷穿插,頒完獎又要過戲院娛賓,出鏡率高過影后候選者。還未計蜘蛛俠Tom Holland,黑豹Chadwick Boseman,總之套戲夠賣座又仲肯無償過來當跑腿的新人王,統統請來,填充了Gary Oldman或Frances McDormand這兩位老戲骨的不足。又懂得自抽去年頒錯獎的笑料,再請一次Warren Beatty與Faye Dunaway頒發最佳電影,製造一下話題。可惜,本末倒置。每年奧斯卡都有一個重點話題,去年是Donald Trump,今年是性侵,是平權,明知的。看賽前大熱是《廣告牌殺人事件》(Three Billboards Outside Ebbing, Missouri),是《忘形水》(The Shape of Water),兩齣由女性主導的電影;最佳導演的提名則包羅了《不得鳥小姐》(Lady Bird)位Greta Gerwig及《訪.嚇》(Get Out)位Jordan Peele,一女一黑兩個新人;已經估計到大會想傳遞甚麼訊息。估佢唔到是密度之高,幾乎由頭講到尾,A講完到B講,B講完再到C接力。一開始還有少少點綴,到Ashley Judd等三位被害人出場後,輪到一連串影后級頒獎嘉賓,便失陷。簡直似佈道會,或者姊妹淘的訴苦熱線,如Emma Stone如Jennifer Lawrence,個個也好像有深仇大恨需要即場大報復。不是想說傳遞的訊息不重要,但現在是唐三藏式疲勞轟炸,便只有反效果。連續四小時強迫觀眾聆聽同一種聲音,我只想到人大會議。連最佳外語片也要頒給變性人當主角的《神奇女郎》(A Fantastic Woman),再給她機會上台表態。使唔使政治正確得咁誇張?一個頒獎禮,唔係話唔可以宣揚政治觀念。以前會宣揚得比較有趣味。講真,你會唔會觀看一個擺明車馬推銷基本法的電視節目吖?衰衰地都要搵家燕姐或者阿Bob上去玩一玩遊戲啦。今屆奧斯卡,最大新意正是遊戲,一開場就推架水上電單車出來,明刀明槍植入廣告,講明邊個得獎者發表致謝辭最短,就可以得到大禮。大佬,你咁樣自貶身價?奧斯卡有乜好睇?就係好睇在地位夠高,人人恨攞,攞到會興奮,會真情流露,會呈現人性。如果,得獎者攞完個獎,會似個機械人或者人工智能,快快讀完急口令便下台,覺得獎項價值還不如一架水上電單車,咁就不如去睇春茗聯歡晚會大抽獎啦。我明白,節目太長係好催眠,超時又好煩,控制上台嘉賓發言時間的確不能避免,都無理由過猶不及搞到頒獎嘉賓一打開信封便立即宣佈得獎名單,連少少懸念也沒有空閒營造,觀眾連少少緊張的情緒都不可能產生;得獎者上台講唔夠兩句就話夠鐘要滅聲,趕過大學畢業生上台領取證書。有雞先定有蛋先?有如此的規矩,我份致謝辭當然寫到有咁短得咁短,功能性為主,就當然沒有起承轉合不夠娛樂性啦。不夠娛樂性,你就再cut我鐘,情願將時間花費在將睇過無數次的經典電影片段再一次剪成精華;或者,將時間花費在售賣軟糖、熱狗與三文治。咁樣搞頒獎禮法,不如搵張壁報板貼份成績表上去就算啦,不用辛辛苦苦製作一個長達四小時的節目,四分鐘都有找呀!

Profile:方俊傑

觀塘長大,壹仔打滾,偏愛西片、西劇、中日韓美女。利物浦悲慘球迷,非西人一個。
facebook:方俊傑


編輯:彭錦明



來源: https://hk.lifestyle.appledaily. ... e/20180309/20326068
西遊記 西遊 奧斯卡 奧斯 搞成 成咁 咁點 點算 算好
PermaLink: https://articles.zkiz.com/?id=349556


ZKIZ Archives @ 2019