黎姿陀巨肚出街5人服侍趙文卓全裸攬老婆影寫真
1 :
GS(14)@2016-11-11 08:10:29自演唱會之後，Kay休息咗差唔多大半年，個月肚一日大過一日，《蘋果》日前見到佢，個肚仲大到成座山咁，好彩身邊有老公張繼聰照顧咋。陀B係辛苦嘅，尤其係巨肚，好似黎姿咁，10年有喜時就要5個人喺身邊侍候，無耐就生咗一對孖女，大女重約6磅，細女都有3磅幾。10月懷胎呢個過程係辛苦嘅，但都好值得紀念，好似安排太太喺香港生仔嘅趙文卓，今年8月就同太太影咗全裸寫真，個焦點梗係影個巨肚啦。另外，黃伊汶（Emme）今年初都有約埋老公陳國坤影巨肚寫真，Emme除咗用巨肚頂老公，仲有一張係「低炒」，顯得個肚特別勁。除咗影相，巨肚都仲可以用嚟畫畫，鄭希怡（Yumiko）上年陀B嘅時候，就試過喺肚皮上畫咗個小女孩嘅樣，結果佢嘅B女梁浸浸出世，真係同幅畫一樣，精靈可愛。
來源:
http://hk.apple.nextmedia.com/entertainment/art/20161111/19829810
聖誕出街哪有錢？CEO教你傾高啲人工
1 :
GS(14)@2016-12-21 23:35:32又嚟到聖誕佳節啦！一個毒L，留喺屋企空虛寂寞凍？出街？哪有錢？今年冇錢啫，不如下年積極搵份人工高嘅工，一年後過一個報復式燒錢嘅聖誕節！財經網站《BUSINESS INSIDER》引述一位專業訓練公司嘅CEO Bryant Galindo講到，一個人要喺事業上取得成功，有一個決定性因素就係傾人工！佢話每位老闆見工時，已經預咗面試者會進行人工談判，以下五式，可以讓面試者喺未來老闆面前立於不敗之地。第一，做足research。要了解自己嘅技能喺市場上面值唔值錢，可嘗試上網搜尋有關自己工作技能嘅資訊。最後要問自己一句：我有乜嘢價值同投資回報畀到未來老闆？假如你面對一間startup，對方未必畀到高人工你，假如間公司將會有增長潛力，你就有機會要求對方分公司股份畀你。第二，為人工set一個可接受最低價錢。做完research後，閣下可能了解到自己應有人工嘅範圍，你就要諗吓幾多人工先能夠接受。如果對方開出人工低到你不能接受，又唔保證日後加足畀你，你大可以坦承表達自己想要幾多人工，話埋畀對方聽，自信自己物有所值，對方咁都say no？大概唔使傾落去。第三，知己知彼，面試官/老闆要起底！你唔係未卜先知，或者唔知見你嘅人有乜喜好，但至少要知道乜嘢角色嘅人見你。如果見HR，喺人工談判嘅空間就較細，但喺爭取其他福利方面就有較大空間，可嘗試透過傾福利去收窄人工差距；如果見未來老細，對方唔會鍾意你喺僱員合約裡面雞蛋裡挑骨頭，乾脆爭取高啲人工仲實際；如果直接見管理層？佢幾乎咩都應承到你，但最緊要快快手手。第四，呢一式係心法，比較空泛，緊記面試傾人工猶如跳舞。正常情況下，面試官/老闆會主導談判，然後你跟住佢beat，所以要你盡量配合佢個beat，令對方滿意，就自然願意畀高啲人工，亦有機會爭取到幾時開始返工都得、工作時段任你揀、更多年假等等打工仔夢寐以求嘅福利。第五，最後一式，可能同爭取人工無關，係要畀對方知道，邊項因素對你來說最重要。或許你心底裡認為，返工開心先係最重要，又或者有時間陪屋企人對你嚟講係最珍貴，當未來老闆願意開出條件配合你，就更容易搵到自己滿意嘅工作。
來源:
http://hk.apple.nextmedia.com/financeestate/art/20161221/19872142
5歲哈七妹妹出街玩狂著Chloe
1 :
GS(14)@2016-12-21 23:42:02碧咸和維多利亞的細女哈七（Harper Seven Beckham），曾被譽為英國最受注目的潮童，不過，自從夏洛特小公主出世後，時尚地位就明顯下降。其實，留了一頭超長金髮的哈七妹妹仍然很可愛，日前她被影到和媽媽、哥哥Romeo、Cruz及保母一齊出街，她亦心情興奮，過馬路時更蹦蹦跳。紮了兩條馬尾的哈七妹妹，穿Chloe紅裙在眾人的黑衫中，最突出搶鏡，外套仔亦是Chloe出品。她近期似乎愛上Chloe，和爸爸碧咸去遊樂場玩、逛街，都穿Chloe褸。
來源:
http://hk.apple.nextmedia.com/entertainment/art/20161221/19872100
【當街摷手袋】女仔拎手袋日日舉鐵韓妹呢支嘢都攞出街？
1 :
GS(14)@2016-12-30 02:58:14「重」字同好多女仔有關，唔係講體重，係講絲打們日日拎住嘅「重揼揼」手袋！
【三個粉絲追韓劇】韓國藝人李聖經今年都算豐收年，先喺《奶酪陷阱》做貪錢女，夠出位吸引觀眾目光，再喺《Doctors》同朴信惠鬥氣，令人印象深刻。踏入年尾，佢更加榮升女主角，喺《舉重妖精金福珠》飾演舉重選手。女仔鍾意玩舉重真係好少見，不過個「重」字，其實同港女韓女都有關！唔係講體重，係講各位絲打日日拎住嘅「重揼揼」手袋，究竟裏面裝啲乜？
受訪者中手袋最重嘅有2.19kg，等如拎住3支770ml嘅礦泉水出街。
不過都唔夠阿仙個手袋重，2.33kg，真正舉鐵！
究竟各位絲打嘅手袋裝啲乜？
三個粉絲喺韓國同香港街頭做調查，磅一磅各位女士嘅手袋究竟有幾重，結果由1.34kg至2.19kg不等。受訪者之中以港女Zoie嘅背囊最重（已經無計部手提電腦），有2.19kg，等如拎住3支770ml嘅礦泉水出街，Zoie自己都笑住話：「個袋有好多垃圾。」調查發現，女仔手袋除咗有日常用品好似銀包、散紙包、充電器等，最重嘅都係扮靚用品！咪以為講緊化妝袋，帶化妝袋只係基本，好似韓女Kim Song Ei就隨身帶住一對全新絲襪，連男朋友都忍唔住問：「絲襪唔係喺屋企着咗先咩？做乜要帶出嚟？」女友就尷尬咁笑住話，「絲襪容易勾爛，女生要時刻做好準備！」
韓女Kim Song Ei尷尬咁笑住拎對全新絲襪出嚟。
男朋友見到都忍唔住問點解要帶出嚟呢，女友就話女生要時刻做好準備！
韓女Lee Si On就係「做好準備」之冠，佢竟然喺手袋拎個電髮夾出嚟！
講到「做好準備」，韓女Lee Si On應該係呢方面嘅冠軍，佢竟然喺手袋拎個電髮夾出嚟！唔係迷你型，係正常size！佢帶住又大又重嘅電髮夾，只係為咗keep住啲瀏海夠「空氣」。為咗靚，重，真係唔算得係啲咩，咁最好梗係有個男朋友仔幫手啦！好似《舉重妖精金福珠》劇中，減肥專科醫生鄭載一好心幫福珠搬梳妝枱，就令福珠陷入愛情，努力搵錢參加減肥療程，都係為咗見多醫生一面。韓女Kim Go Yun嘅手袋重1.66kg，最重就係用嚟selfie嘅專業相機，佢大讚男友Park Jun Yeong成日幫佢拎手袋。不過韓男Kim Chong Sok就認為，雖然理解女仔手袋點解咁重，不過如果唔係十分之重，就未必會幫手拎，因為有啲尷尬。當然，有啲絲打都好識做，港男Icey就話自己唔介意幫女友拎手袋，只係女友唔想佢拎咋。
拎重嘢唔緊要，最緊要有壯男幫手，好似減肥專科醫生鄭載一好心幫福珠搬梳妝枱，冧死福珠。（《舉重妖精金福珠》截圖）
港男Icey就話自己唔介意幫女友拎手袋，只係女友唔想佢拎咋。
主持：動主播阿仙、viu韓劇導賞員Ruby和阿愁記者及繙譯：卓惠媛(Joyce)攝影：李錦鏵、馮峰、Neo《舉重妖精金福珠》片段由Viu提供：
https://goo.gl/7etgRS【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161229/19879947
身體好轉急速步走Miki老公拖實 出街胎教
1 :
GS(14)@2017-01-09 08:11:28【一心二用】■郭永淳拖着Miki，邊行邊回頭跟朋友傾偈。
DV圖片
【銅鑼灣】現年31歲的前Cookies餅女楊愛瑾（Miki），與永安太子爺郭永淳上年4月在深水灣鄉村俱樂部舉行結婚派對，到11月就宣佈有喜3個月，預產期為今年5月。至於陀的是仔還是女，Miki之前表明不會向外公佈，希望保持神秘感。雖然懷了第一胎，但準媽媽Miki依然活躍，不時外出。日前一個晚上約9時許，她偕老公郭永淳手拖手在銅鑼灣逛街，同行還有三大一小朋友。已經見肚的Miki心情不錯，穿了波鞋，行得好輕鬆，步速亦頗快，她全程得到老公照顧。牽着Miki手的郭永淳邊行邊回頭與朋友聊天，反而Miki說話不多。
等夫先上車
一行人走到一個咪錶位上車，當晚由其中一位男友人開車，Miki兩夫妻及一大一小朋友就坐在後座乘客位。Miki站在路邊開車門後並沒有立刻上車，而其夫就兜去另一邊上車，坐在後座中間，Miki見老公上了車坐好，她才慢慢上車。
■Miki陀B五個月，身形依然瘦。
■Miki等老公安坐好才上車。
■Miki去年嫁給郭永淳並懷孕，預產期是今年5月。資料圖片
近月胃口好
事後本報致電Miki，問她懷孕後的近況？她以短訊回覆說：「最近身體幾好呀，多謝關心！之前唔係好舒服，近呢個月身體好番好多，食番多啲嘢，冇之前咁攰，所以多咗出街散步。」
Miki與郭永淳相戀8年，拍拖期間一直背上「小三」之名，因兩人相戀初期很低調，外界又不知男方正與前妻伍智恆在分居階段，到後來伍智恆說出早已分居，公開祝福Miki，認為對方為愛已付出很多，不應再給她壓力，才讓Miki擺脫小三之名。採訪、攝影：梁繼光、朱志聰
來源:
http://hk.apple.nextmedia.com/entertainment/art/20170109/19890578
克服B女早逝傷痛父母帶遺體出街合照留回憶
1 :
GS(14)@2017-02-05 10:48:23面對初生嬰兒因病離世，父母如何走出情緒困境是一大難題。英國一對年輕夫婦經歷喪女之痛後，選擇陪伴女兒的遺體逾2星期才落葬，認為這樣可幫助跨過傷痛之餘，亦可一同留住美好回憶。21歲媽媽紹卡奇（Charlotte Szakacs）懷孕20周時，經超聲波掃瞄知道女兒埃夫琳（Evlyn）患有染色體異常，導致基因排列出了問題，而且腦部和主動脈弓（aortic arch）發育不全。到女兒去年12月13日出世，體重僅5磅5安士，但由於呼吸道太窄，不能進行心臟手術。醫生指就算埃夫琳手術成功，往後身體亦會出現多重缺陷，紹卡奇與丈夫終同意在埃夫琳出世4星期後拔喉，讓她在兩人懷中離世。雖然難過不已，但他們也找到心靈出口，在女兒離世後將遺體存放在善終中心的嬰兒床12天，期間如常抱抱已離世的女兒。紹卡奇說：「這對所有人來說，或許不是最好的選項，但對我們來說，家庭時間是很重要的－－如常地抱抱我們的小女孩。」紹卡奇之後亦將女兒的遺體接回家4天，期間不時一同外出，拍下多張全家福，至上月26日才為女兒舉行喪禮，「我有擔心過帶她回家，因我不知道這樣做是否恰當，不過有她身邊真是太好了。這不單是對我們，對埃夫琳來說也有個家可以回去。」紹卡奇說如今仍然難過，但當她知道女兒遠離痛苦，總算得到一點安慰。她希望把自己的經歷傳開去，以幫到更多父母走出喪子喪女之痛。英國《都市報》
來源:
http://hk.apple.nextmedia.com/international/art/20170204/19917841
潮興着睡衣出街四太穿關之琳設計花花pyjama
1 :
GS(14)@2017-05-27 08:54:30近季吹起一股慵懶風，Gucci、Celine、Fendi、Valentino、Burberry等都推出猶如睡衣的恤衫、闊褲套裝，穿睡衣出街成為新時尚。不論條紋、花卉圖案、如polka dot的圖案，都獲街拍潮人及群星力撐，范冰冰、黃偉文、小S都撐，關之琳更與Moiselle合作，成立專出睡衣的Rosamund Moiselle系列。日前四太梁安琪在澳門出席由囡囡何超盈籌辦的「Y思維」記者會，都以流行的睡衣造型現身，full gear着齊出自關之琳之手、同一花卉圖案的恤衫、長褲及晨褸，比穿恤衫、牛仔褲的囡囡搶眼。
來源:
http://hk.apple.nextmedia.com/entertainment/art/20170527/20035140
Next Page