ZKIZ Archives


電視風雲 - 王奇雲 秘撈有無公價? (2013年01月29日)

1 : GS(14)@2013-01-30 22:59:08

http://www.am730.com.hk/article.php?article=140608
【am730專欄】做我哋電視呢行,發達唔使旨意,餐揾餐食,如果知慳識儉都可以過到日子嘅,以前成日有外快揾,寫下「台灣戲」、「馬拉劇」,雖然錢少,但係密食當三番嘛,山大斬埋有柴都唔錯㗎,有兄弟做做下仲響吉隆坡嗰邊識埋女朋友,落地生根添!呢啲好日子依家無㗎啦,剩低嘅只有大陸劇撈,之不過呢啲人民幣都唔係咁容易賺,通常收劇本費係一件好麻煩嘅事,大部分人都試過收唔足嘅情況,咁可以點?你哋試過返大陸追數未?試過就會明白編劇嗰種辛酸,俾人拖數同走數,基本就係尋常事,咪以為有名有姓嘅老闆唔呃人,根據出嚟撈嘅江湖經驗,愈有頭有面嘅人,走你數嘅機會愈高,反而無乜知名度嘅製作人,就一手交錢,一手交稿,中伏機會細好多。
好多行外人問我哋,一集劇本收幾多錢,嘩!呢方面真係海鮮價喎,新人俾五千你咪當俾機會,阿姐收七、八萬都唔嫌多,有名氣嘅老師級十萬都有,所以你叫我點答好?仲有行裡面個個都要面,就算收三萬都唱到五萬,邊度可信?不如我就俾個保守些少嘅答案大家啦,一般收萬五到二萬,好似唔多,但係你要諗下,監製要食你價,劇審又分部分,中間人又收少少,到你手係咁上下,如果你收到多過呢個價,唔代表你叻仔叻女,只係人哋食價食得少,對你有良心,又如果收到少過呢個價好多,咁介紹你嗰位,就未必夠朋友啦!你手緊咪當唔知,算囉!做人有來有往,無謂踢爆人嘛!

王奇雲  (逢周一至五刊載)
電視 風雲 王奇 奇雲 秘撈 有無 公價 2013 01 29
PermaLink: https://articles.zkiz.com/?id=282231

蘋果生活:酒樓婚宴人情 公價加至$600

1 : GS(14)@2014-11-18 22:20:46




■多年持續不變的500元公價人情,於今年上升至600元。



【本報訊】天變、地變、人情變。一項結婚消費調查發現,多年持續不變的500元公價人情,於今年終上升至600元。搞一場婚禮,平均開支要逾31萬元,比去年上升3%。人情價升,但女家「禮金」在近年的「講價」風氣下不升反跌,平均約近5萬元,比2009年的5萬8千元下跌15%。兄弟姊妹最「核心關注」的「開門利是」,則平均有388元。記者:謝明明「生活易」網站於今年成功訪問1,771名將於今年至2016年結婚的準新人,發現持續多年不變的一般酒樓婚宴人情中位數,首次錄得升幅。公價人情由以往的500元,上升至600元,升幅達兩成。至於人情收入,新人一般可「袋」七成,以「補貼」婚禮開支,餘下人情由男、女家雙親收下。調查又發現,今年新人的整體婚禮開支超過31.1萬元,較去年微升3%。若相比2010年的24.4萬元,升幅則達28%。擺酒最花錢,整個婚禮逾半支出是酒席費用,平均達近16萬元;其次是戒指及首飾,平均約5.1萬元。



■Tanny與Daniel冀盡快組織家庭。

禮金不升反跌 平均4.9萬

為舒緩結婚開支壓力,不少新人選擇節省禮金開支。調查發現近年刮起「講價」風氣,新人大多在父母「開價」後,繼而「還價」,結果不少新人「壓價」成功,今年禮金平均只有約4.9萬元,相比2009年的5.8萬元下跌15%。另今年每名姊妹開門利是平均有388元。此外,調查顯示,有超過一半受訪新人會選擇無翅婚宴,更有94%新人支持婚宴食物回收。不過,婚禮顧問歐惠芳質疑新人平均結婚開支約31萬元的調查結果,「
蘋果 生活 酒樓 婚宴 人情 公價 價加 加至 600
PermaLink: https://articles.zkiz.com/?id=286490

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019