2010-12-20 AD
|
||||||
|
本欄在八月十五日講倫敦趕客香港得益，引述基金F所講，不少倫敦金融機構大人物會被稅務或新監管環境趕走，多數搬來香港，將令香港豪宅租金上漲、引發豪宅價格上升。 後 事發展果然如此，上星期報紙便有報道，不少著名對冲基金經理來港開店，離開倫敦、紐約、以香港為家，此日基金K在一家灣仔四川私房菜吃晚飯，左丁山唔食得 辣，睇見其他幾位老友食到興高采烈，自己只好食幾條青菜。基金F亦在場，於是大家問佢十一月二十日實施額外印花稅之後，樓市點睇，基金F毫不猶豫咁講： 「係可以趕走啲師奶兵團嘅，但對實力投資者無損，佢地可以繼續買樓收租，未來兩年，適合外來基金經理住嘅樓盤缺乏供應，租金一定爆升。樓價升可以係一個貨 幣現象（即通脹高，游資多，利率低，供樓只付一厘息），但在現時香港，樓價升同時係一個供求現象，實際需求遠遠高於住宅單位落成量，我認為一年即使有三萬 五千個新單位供應，市場可以全部吸納！政府困難在於（一）貨幣現象管不了，因為聯繫匯率是聖牛，（二）供應增加來不及，政府一定要考慮定期賣地，不再倚靠 發展商勾地。」但發展商買咗地，用來曬太陽又如何？一厘息嘅係機會成本，可當冇到，故此利息低迷，其實會有同時刺激需求及抑制供應嘅效果，死未？ 呢 日在飯局中見到地產S，問佢實施額外印花稅，對經紀生意有乜影響？佢話：「長期嚟講，係益我地嘅啫，凡政府有任何新措施，都會產生一個可以預測到嘅後果， 就係趕中小經紀出局，益晒我地。我反對成立地監局，認為人人可做地產經紀競爭更大，結果政府話要保護消費者，要考到牌先至做得地產經紀，大廈看更帶人睇 樓，介紹他人買樓，要坐監，結果啲街頭街尾經紀冇晒生意，我地越來越大。有咗額外印花稅之後，因為我地經紀多，人客多，始終有生意做，但靠師奶團短炒客為 生嘅地區性經紀就會好難捱，可能出局。有咗最低工資之後，又係益我地大公司啫，如以前設立MPF一樣，遲啲有埋競爭法，更加令強者越強。我反對競爭法，反 對最低工資o架。越多規矩，中小企越難立足！」 |
||||||
| ||||||
香港人最愛抄橋，哪裡有錢賺便一窩蜂鑽到哪裡去。是ABC的曾國鈴（Joyce），說美國流行影相攤位（Photo booth），當年她嫁來香港，發現香港竟未流行這門生意，於是成立hk photobox，製作一部如貼紙相機的攝影箱，在婚宴或公司派對上，幫客人拍即影即有相片。不過，由於生意性質太過簡單。開業不足一年，同類公司四起。Joyce一方面提升hk photobox的照片質素，一方面碼實大企，如Dior、YSL、Lane Crawford等，長做長有，月賺八萬。 上週五晚，摩根資產管理（JP Morgan）在會展舉行每年一度的員工派對。晚宴正式開始前，宴會廳前有一個雞尾酒會，JP方面安排了四、五個攤位遊戲讓早到的員工熱熱身。攤位包括擲飛鏢、Xbox結他機、掟乒乓球和由Joyce負責的攝影箱。Joyce早在下午四點已親自到場打點，由搭建布景、設定影相系統、燈光校對到道具安排，全部一腳踢。六時雞尾酒會開始，有員工已率先到來，Joyce主動邀請他們上前拍照，並請他們在四、五十款道具中選幾款著上，然後站在相機前擺pose。一班平日一本正經的男人在電腦上見到自己，即時影帝上身，又騷肌肉，又chok樣。相機連拍四次，他們的pose換了又換，如入無人之境。數十秒後，相片打印好，一班人圍成一圈睇相，個個笑得面紅耳赤，「嘩！呢個好玩喎！趁無咩人快啲玩多幾次啦！」然後又繼續表現誇張興奮。旁觀者被笑聲吸引着，攝影箱附近迅即聚集起人群，成為最受歡迎攤位。有員工玩過後，即場問Joyce取卡片兼問價，「真係好好玩呀！嚟緊結婚都想租一部俾啲朋友試。」一名員工說。直至八時，Joyce任務完成，短短兩小時，便賺了七千八百元。不過Joyce謂其實工作仍未完結，「仲會返公司將啲相入落手指（USB），送番俾JP留作紀念。」 結構簡單易俾人抄 攝影箱和即影即有的證件相機，或是曾流行的貼紙相機概念類似。Joyce在一個接近六呎高的大箱內，放有相機及閃光燈，並連接一部電腦及打印機。她會按客人要求，設計好相框。攝影箱一小時可拍最多七十至八十張相，以每張成本三元計算，兩小時只需五百元，便收費七千八百元。就是因為毛利高，概念又簡單，Joyce說開業一年，就有六、七間同類型公司出現。「都無辦法啦，做生意預咗有競爭，唯有自己做得好啲。」因此，她「揼本」搞好質素。其中一部攝影箱用的相機是Canon，電腦是HP，而最關鍵的打印機及相紙，她用了DNP，這個牌子打印機平均就要二至三萬元。然而這牌子在香港已少見，加上Joyce說找不到想要的型號，故要由美國運回來，她說：「我試過好多牌子，印出嚟嘅相質素硬係差啲o架。」由於運輸費貴，一部攝影箱成本約六萬元。上週記者以顧客身份，到其中兩間位於觀塘的即影即有攝影箱公司。記者先問他們是用哪個牌子相機，他們都不願意回答，而試用過他們的即影即有相機，拍出來的相片，紙質較為粗糙，影像的銳利度亦比較低。另外一間則以光管代替閃燈，試拍出來的相片中，人的面色偏藍。反觀，Joyce除了選用貴價相紙外，更特別緊張每張相的光暗度，在上週五摩根的酒會上，單是調校燈光已花上十分鐘，而且親自試過拍照出來的效果，才放心讓客人試。 靠履歷吸大企 開業初期，hk photobox主要做婚宴生意，但由於愈來愈多行家頂爛市，她遂開拓大公司市場，「我第一間公司客係Joyce boutique，係屋企人的朋友介紹，佢喺Joyce入面做，租我哋去佢公司個party擺檔。」雖然這單生意靠的是「幸運」，Joyce發現原來大公司生意更易做，「結婚一生人一次，新人所有嘢都要完美，相框設計、顏色總要轉幾次先滿意，但公司客就通常自己設計好再俾我哋，話一就一，簡單啲，而且只要質素好，俾多少少錢都無問題。」吸公司客的第一步，是免費跟八至十間慈善團體合作，打響名堂並豐富履歷，包括奧比斯、母親的抉擇、救狗之家等，「哈哈，做善事之餘又當宣傳囉。香港好細，一間公司活動通常有好多唔同公司嘅員工喺度，佢哋玩過一次覺得好玩，下次自己公司有party都搵我哋。」Joyce曾合作過的公司，她都會如數家珍般寫在網站上面，也會邀請曾幫襯的大公司負責人寫推薦書（testimonials），直接登在網站上，方便其他有興趣的大企業公關查閱其履歷。開業三年，大企業如Tiffany & Co.、Lane Crawford、Ralph Lauren、Adidas、YSL等曾幫襯。去年八月，Swarovski於希慎廣場的新店開張，亦租來攝影箱在開張派對上，讓客人影相留念，負責策劃活動的公關助理Janice說：「當時搵hk photobox係因為其他生意伙伴介紹，咁我哋都做過research，見到好多大品牌用過佢哋，好似專業啲、有信心啲！」其後，Swarovski與美容雜誌《Cosmopolitan》舉行頒獎典禮，以及在秋冬季產品發布會上，都再找來hk photobox，「用過一次覺得好就會繼續用，唔會花時間搵第二間，又唔知其他好唔好呢。」Janice說。事實上，以同類生意相比，hk photobox收費其實偏貴，市面上其他同類型店，便宜至每兩小時六千元都有，但原來對公司客來說，價錢其實次要，反而質素才算首要。「我有特別睇過佢output，印出嚟顏色係亮澤啲、畫面清晰啲。格價？無喎，質素先係first priority。」Janice說。 諗埋客人個份 Joyce指湊公司最重要是不要令他們覺得麻煩，「客人唔滿意，好多時係因為現實同想像有距離，所以控制expectation（預期）好重要，我會白紙黑字寫好晒提供邊五項服務，好似運輸、set up等等，咁我做好晒呢五項，佢哋覺得OK啦，我再額外做埋第六項，好似幫佢哋搵特別嘅道具，佢哋就會好開心。」製作公司on stage過去一年，租用hk photobox超過十次，項目統籌主任Aska就大讚hk photobox的服務質素好，「之前新年party，我想搵啲新年主題的道具，佢全部搵俾我，連部機嘅外殼、相框都跟足晒新年主題設計，嚟緊要搞個hero主題嘅party，佢哋又會幫我搵道具、設計好，咁我唔使煩！」Joyce是正宗ABC（American-born Chinese），在美國生活二十多年，說得一口流利英語的她，也會說唔鹹唔淡的廣東話，很多時與不少大公司的公關或人事部阿頭同聲同氣。她聘用的員工亦多是她的親戚朋友，一樣說流利英語。記者所見，在摩根酒會上，其員工甚懂搞氣氛，與一班老外高層打成一片。五年前Joyce嫁來香港後，本來幫老公做貿易生意，直至三年前，去過朋友婚宴，等入席時除了打麻將便沒事可幹，想起可引入美國流行的photo booth，才自己成立hk photobox，現時，公司客已佔生意額六成，高峰期試過一個月接三十四張單，故Joyce已由一部機增至七部機。生意在香港算是站得住腳，Joyce在半年前便開始在上海開設辦公室及置有五部攝影箱，「揀上海係因為嗰邊比較國際化，好多外國名牌喺嗰邊都有分店。我有朋友喺嗰邊工作，可以幫我搞。」Joyce指，上海業務現時在試業階段，但已接了四、五單生意，「有Lane Crawford、Joyce Boutique，多數都係香港試過，到佢哋喺上海、北京有活動，就問我哋做唔做。」 開業成本 （11/2010）租金$20,000入貨$20,000裝置$65,000雜項$10,000總投資$115,000 營業資料 （12/2012）營業額$150,000租金$20,000入貨$15,000人工$30,000*水電$5,000盈利$80,000*三個員工，不包老闆薪金 | ||||||