ZKIZ Archives


毓民元秋互寸家人坐監


2013-06-06  NM  
 

 

立法會內務委員會上星期五開會,惹火焦點有兩個,一個係毓民提出對曾鈺成主席嘅不信任議案,另一個係蔣麗芸提出罷免毓民同陳偉業。毓民提出議案辯論嗰陣,佢大罵建制派議員發言質素參差,文不對題,仲叫人「咁鍾意講嘢,返屋企同你老公講」。等緊表決嗰五分鐘,蔣元秋忍咗四分鐘終於頂唔順,走咗埋去毓民個位度話毓民,令部分議員起哄。究竟佢講咗乜嘢?

秋姐會後真係好唔開心咁話:「因為上一次佢已經提及我家人,其實我覺得唔好成日揭人哋瘡疤!我尊重佢,我一路到依家都冇提過佢家人,你知道佢家人好多嘢o架啦,我都冇提,我都知道佢好多嘢。我走埋去叫佢唔好提我家人,有啲乜事你同我講,唔好好似爛仔咁,我邊度會同你打爛仔交,唔好咁樣啦!」元秋口中嘅毓民家人,相信係指因為毒品問題被深圳公安扣押嘅長子黃特漢。毓民都唔弱,兩個星期前,有報紙報導毓民曾經講過秋姐係「含住金鎖匙出世嘅大小姐,佢細妹蔣麗莉亦都坐過監」!

嗰日蔣麗芸真係諸事不順,連佢提出罷免毓民同大嚿個議案都因為有法律觀點要澄清,被迫主動提出押後,仲要俾黨友Tree Gun寸一句:「咁今日傾咗咁耐做乜呀?」難怪佢開完會出嚟心情咁差!

六四前夕自由黨派「自由花」

每年母親節同父親節,都係大小政黨搞聯誼兼派蛇齋餅糉嘅好日子。自由黨上星期四晚喺金鐘名都酒樓訂咗八十圍枱,舉行「頌親恩」聯歡晚宴,招呼支持自由黨嘅「自由之友」,禮物人人有份,由砂煲罌罉到名牌Polo都有,每人收費一百八十蚊,抵到爛。呢啲場合,點少得由該黨立法會議員親自出馬派禮物呃like嘅環節?現場所見,地區直選出身嘅田北俊,比起另外四個功能界別出身嘅方剛、張宇人、鍾國斌、易志明受歡迎得多,尤其當田少高舉「自由花」派俾街坊時,一班公公婆婆、阿叔阿嬸不知幾熱情,拎住枝花爭住同田少影相。點解田少咁「斗膽」臨近六四派「自由花」?原來「自由花」係一支花形嘅原子筆,唔通自由黨想曲線撐平反六四?

CCTVB袁志偉擺記者上枱

CCTVB新聞部繼早前臨時抽起《新聞透視》碼頭風雲,又再整一劑破壞記者採訪獨立性。舊年四月一號,古思堯同馬雲祺「慶」梁振英上場,喺中聯辦疑似燃燒國旗,被律政署控告企圖以焚燒侮辱國旗。法庭星期一開審,控方傳召當日在場採訪嘅首席記者何永康做證人。何永康唔多想作供,一開波就向裁判官杜浩成申請豁免,話記者由採訪變成參與案件,日後接觸受訪者,專業嘅獨立性會受質疑。不過杜官話就算律師都冇豁免權,要佢繼續作供。有咩證供要搞到記者做證人?原來主控官黎劍華靠一條Youtube嘅片段,拍攝到當日中聯辦門外場面,做控方主要證供。主控官話搵唔到拍片人,要靠在場TVB記者確認片段係當日事發現場。舊年四月事發後,警方問TVB攞播出街嘅新聞片段做證物,九月仲入去TVB同處理過呢單新聞嘅員工錄口供,包括:攝影師、傳送片段嘅工程師、甚至剪片、編輯。新聞及資訊部總監袁志偉「花哥」原本都有機會做證人,後來證人名單就冇咗佢個名,但下屬走唔甩,要上證人台。有律師話,警方邀請任何人錄口供,當事人都有權保持緘默。佢話提供資料協助警方調查係公民責任,但如果係惡法挑戰新聞界嘅中立身份,就可以使用緘默權。有TVB新聞部人話,錄口供前,都有問過上司係咪應該去,「花哥」就毫無敏感度,以為警民合作。袁志偉透過發言人回應,警方要求何永康作供非經TVB安排。

 

毓民 民元 元秋 秋互 互寸 家人 坐監
PermaLink: https://articles.zkiz.com/?id=56971

元秋的“黐線論”

  民建聯的蔣麗芸日前在立法會會議上提出的“最易患有精神病的人是精神科醫生,因為他們聽精神病人講得太多,自己都會‘黐埋線’”言論,立即惹來不同醫學團體群起抨擊為歧視,不恰當。對此,個人淺見是,評為“不恰當”絕對沒問題,因其言論應可以視為“在未經有任何確切證據事實支持下的信口開河的主觀武斷臆測”,唯若評為“歧視了精神病人或精神科醫生”則似乎有些不大恰當,未免是有些濫用了“歧視”定義之嫌。之不過,社會上或會有種意見認為,只要一旦使用了如“黐線”一詞去形容精神病人,便已涉及歧視,但個人對於這種意見實在不敢苟同。

  根據個人粗淺理解,在法律上對“歧視”一詞的定義,主要的重點應在於,因為被歧視者的某種特殊屬性,例如性別、種族、年齡、性取向、以至家庭崗位等等而被作出的不同差別對待。在這一點上,個人實在並不認為,蔣議員是次的言論有造成這種那麼大的實質性的影響。或者,試以相等語理作一舉例,如果有人提出“醫護人員往往是最易感染病菌的,只因為他們常常接觸帶菌病人”,請問這又是否有問題?你固然可提出種種事實根據、科學數據去反駁這觀點,卻似乎不能以此便輕易抬出“歧視”這塊招牌來。又或者,有人提出,從事某種職業的人往往易於患上某種疾病,是否又即牽涉歧視?例如指出職業司機,甚或某些在工作崗位上需要經常坐著工作的從業員往往易於患上痔瘡,或坐骨神經痛等毛病,是否又會帶來同樣的問題?

  更何況,眾所周知的一個事實是,精神病目前確已成為大都市中一種頗普遍流行的疾病,加以今日社會,人們天天都在呼籲大眾不應歧視精神病患者,並且不遺餘力向大眾灌輸一種觀念,即患上精神病一點也不應覺得羞恥,以此鼓勵一旦懷疑自己有此癥狀的市民,千萬不要諱疾忌醫,而應及早求診,既然如此,指出某種職業從業員往往易於患上精神病,試問又何來觸動了這些人的神經?只除非是這些人自己的先天觀念不正確,自己下了某種價值判斷,認為患上精神病是可恥的一件事情。

  最後想說的一點是,由這次事件足可反映出香港人現時普遍表現出的神經過敏,以及由此而衍生出的日常社會上的種種的戾氣現象之上,以至以我所觀察今日的香港人,無可置疑的一點是,戾氣的確是越來越重,只要一遇一點點的不滿,事無大小.便即會作出諸多神經過敏式的反彈。

  又,是否只因為是次的放言者是民建聯的“元秋”,所以才會惹來這麼強烈的反響,固然也是難以被證實,不得而知的一件事。無論如何,筆者只是就事論事,對於蔣議員在是次發言中引用此比喻是否得宜,一切則無妨可另作他論了。
元秋 秋的 黐線 線論
PermaLink: https://articles.zkiz.com/?id=176580

人仔累震雄元秋家族沒落

2016-09-29  NM

警隊最高層與工業注塑機有何關係,相信無人睇得通。警務處前處長曾偉雄,正式於上週一開始,在「政壇元秋」蔣麗芸父親蔣震的震雄集團(57)出任戰略官。工作範圍包括:訓練領袖、建立團隊、計劃策略等,名堂相當威風。翻開震雄集團的年報,業績卻是慘不忍睹。去年因人民幣貶值虧損達1.7億,首度「出血」,並揭出公司竟無就匯兌風險進行任何對沖,連這個愛國家族亦睇錯人仔走勢!曾替蔣氏打工的人指,現時接班人亦非蔣震第一心水,公司正處捱打,但仍以年薪一百萬聘請曾偉雄,認真疏爽!

震雄集團其中一個基地在大埔工業邨,記者在現場察看,為典型八十年代機器廠格局,外牆已泛黃,內部燈光同樣昏暗,殘殘舊舊。星期一清早,大樓也鮮見員工出入,上班時間只有一輛貨車進出,場面冷清。員工指主席蔣震及行政總裁蔣麗苑不在公司。記者轉而到蔣家住所,除了九十三歲的蔣震、因行動不便而住在有升降機的鹿茵山莊,其餘成員都集中居於大埔區,而且偏愛豪宅康樂園。記者本週一中午到訪康樂園,大部分成員都不在家。而身為震堅實業董事總經理的蔣麗苓,在返工時間仍在家中,外傭指她:「太太做緊massage,唔得閒。」她其後亦無回電記者。

上戰場訓練民兵

一向低調的蔣震家族,最為人熟悉的,一定是其二女、有「政壇元秋」之稱的蔣麗芸,她在立法會上往往語出驚人,成為焦點。而三女蔣麗萍,則是八十年代知名歌星,有首名曲《我為你狂》,後來淡出。到今次家族上市公司震雄集團,聘請前警務處處長曾偉雄出任集團戰略官,令這個老牌家族再現鏡頭前。早前有人放聲氣指,曾偉雄到震雄是要肩負「訓練民兵」的任務。皆因震雄集團在深圳有工業園,而當地民警數目嚴重不足,故要自行訓練及成立治安隊。不過要有四十年警隊經驗、「鎮壓」佔中有功的曾偉雄做「保安隊長」,似乎大材小用。而記者翻開震雄的年報,發現震雄兩大錯失,業績高危,需要一個財務總監,多於一個保安隊長。

死路中無找生路

第一錯:一成不變。「震雄作為純工業股,無創新、好難做,頂到而家已經係奇跡喇!」一名曾在蔣家打工的高層員工,一語道破震雄的困局。震雄集團主要製造及銷售注塑機,銷售予內地中小企,在香港及內地皆有廠房,並於九一年香港上市。作為一隻老牌工業股,成功在於專注,但困局也來自一成不變。當其他工業股如CEC國際(759),也由線圈轉為賣零食,意圖從死路中殺出生路,震雄只專注做「高科技版」注塑機,沒有轉身轉型。一名行內人士指:「不過注塑機毛利率好低,而且好易複製,好多廠要搬去內陸減低成本。」結果震雄營業額去年下跌達兩成,而毛利率亦由兩成一下跌至一成九。

無對沖高風險

震雄第二錯,亦是最離譜,是有家族代表人物蔣麗芸如此愛國,亦揣摩不到人仔走勢。去年八月人民銀行突然將人民幣中間價,貶值百分之二,將震雄殺個措手不及。由於集團大量資產以人民幣為主,故今年度淨匯兌虧損已高達六千六百萬元,全年蝕逾一億七千萬元,也是上市以來首次錄得虧損。集團收益主要為人民幣,卻竟然無做任何匯率對沖。年報「外幣風險」一欄,只寫有:「管理層緊密監控以美元、人民幣、日圓及新台幣為交易貨幣的交易及投資於中國大陸和台灣之外幣風險;如有需要,會考慮對沖重大外幣風險。」有資深會計師指,震雄的風險監控措施明顯不足,「如果人民幣波動對佢盤數咁影響、咁敏感,就一定要做對沖,但佢無。而且佢匯兌虧損咁大,但無詳細列明蝕咗喺邊,好含糊!」財務報表又顯示,震雄的應收貿易及票據賬款,減值淨額按年急增達十六倍,至三千六百七十六萬;其他應收賬款減值由去年二百六十五萬,上升五倍至三千六百七十六萬,估計是無法向客戶「收數」所致。

做得一日得一日

震雄股價○七年曾創歷史高位六元七角,後來反覆向下,一一年曾找來日本三菱合作,幫對方代工「救亡」,但今年輪到日圓貶值,令三菱減少向震雄發出訂單,導致營業額減少。今年七月震雄曾低見一元四角,現股價一元六角,市值十億。現時震雄最大股東,是「蔣震工業慈善基金」,持股六成三。而「股壇長毛」David Webb也是股東之一,持股百分之五。震雄的出路,可以說不外乎賣盤或私人化。宏高證券投資經理梁杰文直言︰「對佢來講,其中一個出路係賣殼,另一個出路可能係私有化,但始終佢(蔣震)話過股票用來做慈善,某程度上,卡咗喺度。」他估計,集團不會有任何大變化,「只能夠做得一日得一日。」再者,震雄的股票流通量低,亦會令基金卻步︰「市場上買賣差價不理想,想買得多,又買不到;你想走、必要時想止蝕,又止蝕不到。」而且大家都不肯定集團下年能否扭虧為盈,即使集團手持八億多的現金吸引,並指:「買咗之後,都係祈禱佢盡快派特別息派晒出來。」

接班人錯配

一路以來,蔣震屬意的集團接班人,是四女蔣麗莉。一名認識蔣家的人指:「Lily(蔣麗莉)是蔣震咁多個仔女中,最有野心的一個,佢會成日問身邊人,仲有咩搵錢機會。而其他家族成員,比較似打工出份糧就算。」蔣麗莉曾是香港總商會第一個女主席,亦是蔣震有意栽培的接班人。但她○八年於出任上市公司太平洋興業主席時,串同另一董事,在批出公司購股權時隱瞞自己利益,結果被ICAC拘捕。她的好友、曾是該公司揸弗人的呂綺雯,亦離奇浮屍於深水灣海面。一一年蔣麗莉因串謀詐騙罪成,判囚三年半,審訊期間其父母及弟弟姊妹都到場支持,哭成淚人。其後公司就由蔣震六女蔣麗苑揸旗。蔣麗苑曾透露︰「我回來時,震雄的董事總經理兼主席是蔣震博士,而我的姐姐全是董事,所以我沒有想過出任行政總裁。」現時震雄的董事局,只剩下蔣麗苑及七子蔣志堅。家族於商界褪色,轉而攻入政壇。震雄集團由蔣震於一九五八年以二百港元創立;擔任過國民黨上校的蔣震,隨着共產黨掌權,亦變得識時務,並以慈善愛國。其工業慈善基金多年來出錢邀請內地技術人員、工程師,到全球考察學習。○三年亦邀請前國家主席胡錦濤兒子胡海峰,到港出席活動。其仔女亦分別任不同地區的政協委員。包括二女麗芸曾是民建聯副主席及現任全國政協,五女麗苓是重慶市政協,六女麗苑及七子志堅分別曾是深圳及廣東省政協,繼續履行家族的「政治任務」。

官員收容所

梁百忍前香港特區政府駐粵辦主任08至09年間加入震雄集團,打理家族基金。翻查他06年曾以駐粵辦主席身份,陪同工商及科技局前局長王永平,參觀深圳震雄工業園。駐粵辦專責處理港、粵兩地經濟及貿易事務,與兩地中小企常有接觸,而震雄主要客戶亦是中小型廠家。

曾偉雄前香港警務處處長上週開始出任震雄集團戰略官。與蔣家「面嗰浸」關係,是他出任警務處副處長時,蔣麗苑是紀律人員薪俸及服務條件常務委員會委員。有傳聞他將協助蔣家訓練治安隊,因深圳工業區民警嚴重不足。

撰文:財經組攝錄、攝影:關永浩、鄭樹清news@nextdigital.com.hk

人仔 仔累 累震 震雄 雄元 元秋 家族 沒落
PermaLink: https://articles.zkiz.com/?id=217514

摸魚手札:元秋妹妹蔣麗莉的股壇過去

1 : GS(14)@2016-05-08 14:39:10

好久沒有看電視,因為年輕人偶像林日曦的關係,我犧牲睡眠時間看了兩集《跟住矛盾去旅行》。林日曦固然非常頑皮百厭,但蔣麗芸議員的尊貴身份在鏡頭前也盪然無存,她尾段在韓國K房唱《龍的傳人》的「豬窿豬窿你插兩野」害我數晚惡夢。有時回頭一想,若蔣家不是四妹麗莉在股壇稍有行差踏錯,震雄集團一門數傑,犯不着因蔣麗芸而被人恥笑。蔣麗莉的股壇事業本來一帆風順,不過因為2011年被區域法院裁定串謀詐騙、欺詐及批准發出不實招股章程三罪成立,所以之後就淡出了股壇,甚為可惜。以往研習股票,多次讀到蔣麗莉的過去,今次又因為ViuTV而順道重溫。蔣麗莉沾手過又比較出名的股票有兩隻,分別是環康集團(8169)同前太平洋興業(166)。最熟環康集團的評論人是林本利,因為佢認為環康跟理大合作的項目有企業管治問題,所以多次寫文章狙擊及評論。環康本來也涉及調查,不過這壇東西搞到非常混亂,當中又因為文件不翼而飛令到調查不透明。話說上市公司文件不翼而飛,最近也比較多,包括智易(8100)和中國動物保健品(940)。至於另一隻太平洋興業則有趣得多,因為當中涉及敵意收購。當時馮永祥和馮耀輝透過禹銘,現稱新工投資(666)的上市公司去狙擊太平洋興業。馮永祥係前銀行家新鴻基證券元老馮景禧的兒子,結果這場太平洋興業爭奪戰就由蔣震的後裔對上馮景禧的後裔,花生十足。馮永祥當時用了一招嚇親全宇宙的收購招數「一仙全購」,非常高明。「一仙全購」故名思義,由馮永祥以一仙低價提出自願性收購,希望市場投資者把股票以要約方法讓給馮永祥,再加上自己在市場上掃貨,就可以取得控股權。不過,一仙全購價實在太低,理論上是無人會接受要約,要點是時間換取空間,因為提出全購要約等同禁制令,會阻礙公司好多企業活動,是旨在打擊大股東蔣麗莉。當時,蔣麗莉留了一手後着,這一手後着就成為了她事業玩完的重要關口。原來她一早把很多認股權送了給自己的低級下屬,當有人敵意收購時,由於這些下屬是蔣麗莉「自己人」,這些購股權一行使就能鞏固自己一伙的控股權地位。不過,她的下屬唔係咁睇,有一些覺得購股權的所有權是屬於自己,其後蔣麗莉要求回水,員工覺得不服又有調查壓力,所以轉做污點證人反指證蔣麗莉。事後看來,回水只涉及幾百萬元,因為跟下屬數目不清不楚而賠上自己前途,也真是無奈和一場憾事。如果沒有這幾百萬元,震雄集團的明日之星是蔣麗莉而不是討人厭的蔣麗芸,不過歷史沒有如果,香港人也沒有如果。有時真不明白,投票支持蔣麗芸的選票,到底心裏是如何想?渾水
http://www.facebook.com/muddydirtywater





來源: http://hk.apple.nextmedia.com/financeestate/art/20160508/19602280
摸魚 手札 元秋 妹妹 蔣麗 麗莉 莉的 的股 股壇 過去
PermaLink: https://articles.zkiz.com/?id=300028

元秋送飛吻 暈得一陣陣

1 : GS(14)@2016-07-17 15:53:58

民建聯昨日派出4名決定退休的老將,包括曾鈺成、譚耀宗、陳鑑林和葉國謙為黨內參選人撐場,參選口號是「為香港、創出路」,主席李慧琼指,各人會繼續與參選人「打一場硬仗」,她要求所有「戰將」要不負所托,指今次選舉對民建聯傳承十分重要。「元秋」蔣麗芸團隊宣傳時,指社會需要有膽色、敢承擔、為市民發聲的議員,「請大家以熱烈的掌聲支持蔣麗芸團隊!」,又高喊「為你承擔、為你發聲!」口號,之後蔣麗芸即向在場人士送上飛吻。李慧琼又承諾,會推動社會重建互信,為重啟政改製造條件,又指知道特區管治仍有很多地方可以做得更好,會努力推動政府改善施政。





來源: http://hk.apple.nextmedia.com/news/art/20160717/19698618
元秋 秋送 飛吻 暈得 得一 陣陣
PermaLink: https://articles.zkiz.com/?id=304007

《城寨》穿崩多 定欣凸點元秋買barcode糖

1 : GS(14)@2016-08-11 06:08:32

大台製作被指是是旦旦,有眼利嘅網民話見到《城寨英雄》入面泰婆(元秋飾)嘅士多入面,所賣嘅波板糖竟然有barcode?明明《城》劇故事背景係五十年代尾,又點會咁快有barcode呢?另外,胡定欣喺第6集同黃花雀(周麗欣飾)喺第8集都齊齊疑似飛釘!雖然製作是旦啫,不過作為女藝人,都係小心啲好!





來源: http://hk.apple.nextmedia.com/entertainment/art/20160811/19731471
城寨 穿崩 崩多 定欣 欣凸 凸點 點元 元秋 秋買 barcode
PermaLink: https://articles.zkiz.com/?id=305395

九西毛姨拍枱鬧鼠芬 元秋食花生笑到抽筋

1 : GS(14)@2016-08-16 06:21:03

商台昨早舉行九龍西選區的候選人論壇,在主持發問環節,經民聯梁美芬被問到選舉宣傳照片是否有修圖,她回應指:「少執就有,大執一定冇。你見到我真人同選舉相幾似。」被追問到她自認哪部份最「乞人憎」,她指問題出於經常被誤解,例如以為她支持維持小三TSA;有人指她是「鼠」,實際上她是請專家來滅鼠。她又點名指出候選人李泳漢對她的「懲罰選民論」是誤解,在她主場的環節更要求李泳漢為她拉票,「將你啲支持者,全部支持返我,因為你被人誤導,你了解至發覺我哋其實好好,對年輕人好關心」。至於工聯會為她發告急信一事,她自言與工聯會王國興是立法會內的「剪布孖寶」,形容做事要求同存異,除了工聯會的支持外,連新思維狄志遠的票都要爭取。同區參選人詳見此網頁:
http://hk.apple.nextmedia.com/legco2016/region




來源: http://hk.apple.nextmedia.com/news/art/20160816/19738404
九西 西毛 毛姨 姨拍 鬧鼠 鼠芬 元秋 秋食 花生 笑到 抽筋
PermaLink: https://articles.zkiz.com/?id=306018

【你幫我同佢講...】林日曦元秋傳話人OO由繙譯榮升Producer

1 : GS(14)@2016-11-11 08:10:34

OO全名Viola,o依家唔做繙譯,轉行做公務員,喺首爾公營電台做英文節目監製。



【尋找首爾的香港】「OO...OO...OO...」一個林日曦曾經不停嗌嘅名字,一個站於林日曦同「政壇元秋」蔣麗芸之間嘅中間人,一個用廣東話譯廣東話嘅繙譯員,全名Viola!Viola係韓國人妻,三年前跟老公搬去韓國定居,花年半時間精通韓語。最近,Viola唔譯廣東話,改行做公務員,喺首爾TBS公營電台做英文節目監製(Producer)。
Viola做公務員唔係為咗高薪厚職求穩定,原來只係同林日曦一樣鍾意做試驗,佢笑住咁話,「申請原因真係好低能,我見韓國人細個讀書要補習,大個想入大公司,原來都要補習筆試同面試。有冇咁大件事呀?大學畢業唔係代表準備好出嚟社會做嘢咩?好慘呀!」所以Viola就身痕,去搵份工嚟申請吓,睇吓係咪真係咁難!



Viola話見工嗰陣有9個面試官,勁誇張!

結果得佢一個in到,榮升Producer,直播室嘅人都嗌佢:「PD님!」

Viola話Producer係乜都做,由揀歌、定主題,到主持講乜都要諗。

試過就知大陣仗,淨係份申請表就有23頁,Viola話好多要填嘅資料根本係私隱,「真係唔知點解要填,唔止填阿爸阿媽嘅資料,仲要填埋阿爺阿嫲嗰代,又要填銀行有幾錢,租樓定買樓,連血型都要填!」申請合格者先考筆試,然後再要面試。
Viola話面試就誇張,「有九個面試官!嘩!好chr!九個人不停問、不停問,問你如果製作節目,點可以肯定個節目喺韓國會受歡迎?喺韓國嘅外國人想聽啲咩節目,你了唔了解?」Viola形容好似打咗場仗!結果,呢場仗畀貪得意、無補習、冇大冇細嘅Viola取得勝利!換嚟電台直播室嘅工作人員嗌佢:「PD님!(韓國人對Producer嘅尊敬稱呼)」Viola話Producer係乜都做,「揀歌、定主題、主持講乜都要諗。」拍攝當日,喺直播室嘅幾位節目主持就特別同Viola開玩笑,喺大氣電波講佢好似大明星,有香港傳媒嚟採訪佢,仲對攝影機揮手交足戲!



鬼馬主持特登向攝影機揮手,交足戲!

班主持又細數Viola,話佢食嘢好快,令佢哋有壓力。

Steve(右)仲話Viola講嘢直接,叫嘉賓試咪,就嗌佢「Say Something」。

呢班鬼馬主持又細數Viola,先講啲門面嘢大讚佢為人好好、合作性高、畀自由度大...但係慢慢就數埋啲奇怪嘢!外籍主持Liam Lusk話同Viola食飯好有壓力,因為佢食得超快,另一位主持Steve Hatherly就爆Viola講嘢直接,「有次佢想一位嘉賓試咪,正常都會同嘉賓講『唔該你試咪』,但係Viola就嗌佢『Say Something!』」Steve自己講完都笑,不過就話明白Viola只係直率,唔係無禮貌。至於大老細點睇呢?TBS電台部局長Kim Yeong Sik就話,因為Viola係外國人,第一次見佢就「打咗個突」,「韓國人打招呼係鞠躬,但係Viola係舉起手『Hi』咁樣!」不過局長話o依家已經習慣咗喇!雖然同事好,不過打工制度點都比唔上香港,Viola話:「一定要朝九晚六,遲一秒鐘都畀人睥住你!」莫講話一秒,唔少韓國公司都不明文規定要早半個鐘返工,老細未走都無得放工,相信有睇韓劇《未生》嘅朋友都明白,不過Viola就懶理,「早起身真係好難!」



上司金先生都加把嘴,話韓國人打招呼會鞠躬,但係Viola就咁舉手say hi,不過o依家就慣咗喇!

Viola話喺韓國做嘢好忟憎,韓國人階級觀念重,唔識變通又唔敢表達意見。

所以佢都係用返香港人最叻嗰招,用自己方法,咁個人就會開心啲喇!

Viola又話韓國人好目標為本,唔理成效係咪理想,總之定咗目標就一定要達到,「好急o架喎,老細會話『聽日,你聽日要做畀我!』我心諗:『吓,我諗都未諗!』」最令Viola忟憎嘅,係韓國人唔夠膽向上司表達意見,甚至乎根本唔知有另一個方法做嘢,只係盲目跟前輩話點做就點做!Viola話一於少理,貫徹香港人用自己方法行事,「做到咪得囉!」至少,自己開心啲!記者:鄒倩婷(阿仙)攝影:陳家文、李錦鏵剪接:Roy編審:陳家文導演:陳家文




來源: http://hk.apple.nextmedia.com/entertainment/art/20161111/19829490
你幫 幫我 我同 同佢 佢講 林日 日曦 曦元 元秋 傳話人 傳話 OO 由繙 繙譯 榮升 Producer
PermaLink: https://articles.zkiz.com/?id=315082

元秋靜雞雞改Po因為「酸誓」唔夠好?

1 : GS(14)@2016-11-13 11:27:25

民記「元秋」蔣麗芸早前立法會宣誓就職時搞搞新意思,用普通話宣誓,事後仲喺facebook出post認叻,話自己原本打算用粵語發言,最後決定以中國官方語言普通話宣誓,不過發音仍未達標,依家就畀長洲「覆核王」郭卓堅拎住佢發音唔正提司法覆核,點知元秋竟然學小學雞網民咁,低調改post,以為咁就代表冇發生過!話說元秋原本個post寫明,「雖然練習了多次,看來發音仍未達標,請大家賜教」,原來佢係宣誓後兩日、即係建制派開始鬧香港眾志羅冠聰讀歪音宣誓,就低調地將原本個post改咗,將承認自己普通話「未達標」內容刪去,變成「因為很多朋友認同我的普通話說得很好,在這莊嚴場合值得用普通話宣誓」!有人質疑元秋係咪知咁寫會瀨野,所以先偷偷地改咗嗰幾句文,以為可以當冇寫過。不過元秋似乎唔知facebook有樣嘢叫「編輯紀錄」,只要㩒一個掣,就睇到元秋於10月15日編緝咗原先個post,將佢改post行為現形!八方問元秋為乜無端端要改post?佢就話自己當初喺facebook咁講,完全係出於「謙虛」,後來有朋友話佢咁寫法,可能會畀人話佢連宣誓都講錯,所以就決定事後改post,仲講笑話以後都係唔好咁謙虛嘞!之後元秋又自爆,佢的繼母係台灣人,都有讚佢普通話宣誓講得好好喎!




來源: http://hk.apple.nextmedia.com/news/art/20161113/19832352
元秋 秋靜 靜雞 雞雞 雞改 Po 因為 酸誓 唔夠 夠好
PermaLink: https://articles.zkiz.com/?id=315270

鼠王頭銜保衛戰芬姨寸爆元秋姐建議

1 : GS(14)@2017-06-11 16:00:43

蔣麗芸周三於立法會提出口頭質詢,建議食物及環境衞生署仿傚外國,組織流浪貓成為「社區貓隻滅鼠隊」,協助解決鼠患問題,但食衞局局長高永文認為,流浪貓有一定的傳播疾病風險,需要進一步研究。因治理九龍西鼠患而有「鼠王芬」之名的立法會議員梁美芬昨晚在Facebook發帖,留下標籤「#訓練貓不如訓練人」,又再重申希望「區區有鼠王」。梁美芬昨晚在Facebook發帖指,深水埗及旺角的最新鼠患指數已分別達8.9%及8.4%,反映鼠患問題嚴重,「家吓睇老鼠唔使特登去迪迪尼喇」。她又呼籲,「其他區嘅議員加把勁啦」,希望十八區都有「鼠王」,「群策群力,一齊治鼠,睇下啲老鼠仲有冇得到處開party!」。不過,該篇帖文卻留下標籤「#訓練貓不如訓練人」,暗諷蔣麗芸的組織流浪貓滅鼠隊不可行;又特別標籤了無黨派議員毛孟靜及新民黨葉劉淑儀,「#到時Regina Ip葉劉淑儀姐姐唔使淨係識得搵鼠王芬妹妹喇」。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170611/20052365
鼠王 頭銜 保衛戰 保衛 芬姨 姨寸 寸爆 爆元 元秋 秋姐 建議
PermaLink: https://articles.zkiz.com/?id=335270

蔣元秋妹1億買地盤做「收租婆」年收逾520萬租

1 : GS(14)@2017-07-06 23:43:00

不少企業家都喜愛買磚頭收租,香港著名工業家蔣震細女、立法會議員「蔣元秋」蔣麗芸之胞妹蔣麗苑,就索性自己做埋發展商,在紅磡用逾1億買起全幢樓,翻新完之後出租,一於做「收租婆」。估計連同舖位,年收租金超過520萬元,回報率近5厘。該物業名為高山居,位於紅磡新柳街2C號,鄰近高山劇場,距離何文田站約5至8分鐘步程。土地註冊處資料顯示,項目由震雄集團(057)行政總裁蔣麗苑,於2015年5月以1.068億元買入,為其個人名義的私人投資物業,現翻新完之後出租,全幢14伙住宅,平均每伙叫租2.2萬元左右。項目另設3,100呎的地下連1樓舖位,都是招租當中,叫租12.8萬元。假如14伙住宅連同舖位全數租出,每月可收租逾43萬元,屈指一算,全年可收租逾520萬元,以買入價1.068億元計算,租金回報率近5厘,回報率都算高。如果以呎租計算,最平5樓叫租2.05萬元,單位面積356方呎,呎租近58元,最貴17樓叫租2.35萬元,呎租達66元,拍得住九龍站豪宅價。而鄰近新樓何文田山畔,一伙2座中層D室1房單位,實用面積360方呎,業主都只是叫租2萬元,實用呎租約55.6元。負責是次項目招租工作的第一太平戴維斯,昨開放的兩個現樓示範單位,分別為交樓標準的15樓,以及附帶裝修的16樓,面積同為356方呎的開放式戶,有露台,無黑廁,差不多戶戶都可以望到高山劇場,而且廚房竟然不是近年興起的開放式廚房,而且是一梯一伙,私隱度較高,比起不少一手劏房,設計的確較為人性化。第一太平戴維斯住宅服務主管王麗文昨表示,全幢14伙住宅,戶戶都是356方呎開放式戶,4樓為特色戶,另連390方呎平台,租約都是坊間的兩年租期,不設短租。租金參考同區的何文田山畔,目標客群為年青專業人士及附近的大學生。




來源: http://hk.apple.nextmedia.com/financeestate/art/20170706/20080559
蔣元 元秋 秋妹 億買 地盤 收租 租婆 年收 收逾 520 萬租
PermaLink: https://articles.zkiz.com/?id=338132

阿葛爆元秋變緊張大師

1 : GS(14)@2017-08-17 08:07:37

電影《入鐵籠》昨日於屯門舉行開鏡拜神儀式,出席演員包括葛民輝、元秋、馬志威及楊柳青等,故事講述元秋繼承先夫拳館,阿葛為支持大嫂教導年輕一輩出力,阿葛笑說:「首次同秋姐合作,秋姐好緊張講對白。」元秋指過往曾為電影配音,但仍擔心自己廣東話發音不正確,所以要多加練習。元秋又指阿葛經驗豐富,得對方指點而獲益不少。提到今次動作戲份全交由年輕一輩負責,她說:「我唔使打,成班年輕人都好打得,特別係女主角楊柳青打得好犀利,我都係第一次睇到巴西柔術。」楊柳青昨日在現場示範不少靈活踢腿等動作。採訪:張俊銘攝影:陳俊強




來源: http://hk.apple.nextmedia.com/entertainment/art/20170817/20123536
阿葛 葛爆 爆元 元秋 秋變 緊張 大師
PermaLink: https://articles.zkiz.com/?id=340015

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019