ZKIZ Archives


【專訪】鄭俊弘 星夢醒後

1 : GS(14)@2013-07-17 23:20:42

http://www.skypost.com.hk/featur ... %92%E5%BE%8C/101461
鄭俊弘一張臉,既熟悉又模糊。熟悉,因為常駐螢光幕;模糊,因為永遠叫不出名字。長期躲在主角後的他,最近忽然成為《星夢傳奇》裡繞樑三日的歌手,躍登娛樂版頭條。然而,當一次主角之後,能否仍站穩陣腳?「做這一行,也是想得到認同。現階段我只能在控制範圍內做到最好,不敢奢求更多。」星夢暫成真,但是否傳奇,還看能否捉緊機會。
《星夢傳奇》夠殘酷,評判把梁烈唯及黃智雯等,批評得體無完膚,卻讓鄭俊弘這匹黑馬跑出,以一首《時代曲》─「只想唱一闕歌,叫你認清楚我」唱出12年冤氣。「首歌好像為我而寫,好感動,預計不到會有如此大迴響。最近每天起床,也要花數分鐘,想一想是否仍在夢中。」
一夜成名,既感觸,又害怕噩夢重臨。01年參加《全球華人新秀歌唱大賽》,為他贏得一張樂壇入場券,可惜不足兩個月便失效。「原本簽約華星,怎料會結業,一下子全軍覆沒了,所以入了藝員訓練班。但唱歌時你是焦點,演戲時你只是侍應、路人甲,在主角身後,要學懂放下很多。」
放下歌手夢,未放棄音樂
放下,談何容易?12年來曾有半年沒工作;演過40部劇,都是「大茄」,背後辛酸似重還輕。「資歷不夠,給你演主角,演得來嗎?這是必經階段,無謂抱怨,每個人也有道路要走,視乎走得精采與否。曾經,我也放下歌手夢,但從未放棄音樂。現希望在新一頁,將音樂重新放進我的事業中。」29歲,還有漫漫長路,走快走慢絕無問題。
專訪 鄭俊 俊弘 星夢 醒後
PermaLink: https://articles.zkiz.com/?id=283457

電視撈飯:鄭俊弘為《天與地》作曲

1 : GS(14)@2013-08-06 23:31:48

http://hk.apple.nextmedia.com/entertainment/art/20130806/18365198



                喺《星夢傳奇》一唱成名嘅鄭俊弘,噚日有讀者報料話佢喺無綫劇集《天與地》飾演酒吧樂隊主音,佢唔只喺所有酒吧場口都即場唱live,原來其中一集陳豪所唱嘅歌都係鄭俊弘作曲。鄭俊弘噚日喺電話回應:「呢首歌係專登寫畀《天與地》,不過我自己夾band嗰陣冇唱過!」其實佢不嬲都有夾band兼作曲,希望快啲有唱片公司賞識佢啦!
電視 撈飯 鄭俊 俊弘 弘為 天與地 作曲
PermaLink: https://articles.zkiz.com/?id=283622

功夫加欖球楊盼盼大讚鄭俊弘

1 : GS(14)@2015-04-01 08:59:10





【特約報道】日前香港國際七人欖球賽於香港大球場舉行,而今年更是「香港國際七人欖球賽」40週年紀念,除了一如以往有欖球賽事外,最有驚喜莫過於武打巨星楊盼盼領軍的「嘉士伯功夫欖球」表演賽,並邀請歌手鄭俊弘參與演出。煞科日氣氛更為熾熱,動主播吉吉與Kinki跟一眾悉心打扮的球迷玩足一天。楊盼盼表示今次以功夫加欖球表演賽,靈感來自周星馳的電影《少年足球》內的功夫加足球,她表示:「想做好耐,一直都冇一個適合嘅環境去做,今次終於可以喺大球場做,真係好開心。」對於表演賽,楊盼盼表示都有壓力,她說:「當中需解決唔少難題,地方太大同草地唔可以被挖空去放嘢入地下,以致好多動作都唔可以加入去。」盼盼姐更大讚鄭俊弘:「我以為佢只係擅長唱歌、演戲,估唔到佢識功夫,而且都好有功架,好多動作都難佢唔到。」





來源: http://hk.apple.nextmedia.com/entertainment/art/20150401/19096965
功夫 欖球 盼盼 大讚 讚鄭 鄭俊 俊弘
PermaLink: https://articles.zkiz.com/?id=289189

無綫地震叫停新劇 鄭俊弘主角夢碎

1 : GS(14)@2015-10-24 13:15:00

■鄭俊弘(右)拍劇多年經常做配角,難得有機會做男一卻被叫停製作。《舌劍上的公堂》劇照


無綫創作部近日大地震,節目發展分部總監彭濟材上周傳因收視不濟遭「提早退休」。據悉無綫為救亡,近日已急召之前由無綫跳槽港視的編審劉彩雲和朱鏡祺回巢,並與朱鏡祺等加入助理總經理杜之克新成立的七人小組,專責劇集創作,但戲劇製作總監曾勵珍和彭公左右手邵麗瓊就沒份參與。據悉邵麗瓊近日被削權,只安排她主理處境劇,令她冇癮遞信辭職。創作部地震令不少劇集受影響,據悉鄭俊弘首次擔正做男主角的新劇《TV Buddy》原定下月中開拍,但杜之克認為劇本和卡士完全「唔掂」,所以就算鄭俊弘是其戰友余詠珊愛將也冇面畀下令停拍。對此鄭俊弘昨說:「我都唔清楚!」至於朱鏡祺昨承認重返TVB,但其他事情則不便多講。


■朱鏡祺(左)承認由港視重回無綫。資料圖片

內地嘲特效差

此外,無綫CG特效屢受批評,就連內地傳媒昨日也指「TVB電視劇特效遭吐槽」,批評台慶劇《無雙譜》特效粗製濫造,有網民還問無綫是否製作費不夠;連內地網民也恥笑,可謂慘不忍睹。採訪:魯吉





來源: http://hk.apple.nextmedia.com/entertainment/art/20151024/19345367
地震 叫停 新劇 鄭俊 俊弘 主角 夢碎
PermaLink: https://articles.zkiz.com/?id=293474

鄭俊弘新碟似利是

1 : GS(14)@2016-02-08 03:25:29

鄭俊弘昨日到商台宣傳新碟,他笑稱新碟用上紅色封面,適合歌迷們當利是般派給朋友。鄭俊弘又透露今年商演工作大增,直言屬過肥年。至於新年假期後,他將會與羅嘉良合作拍新劇,鄭俊弘說:「今次同羅嘉良合作,知道消息之後已經好興奮,我真係睇佢啲劇大,佢隻《難兄難弟》soundtrack,我當年都有買。」





來源: http://hk.apple.nextmedia.com/entertainment/art/20160206/19481733
鄭俊 俊弘 新碟 似利 利是
PermaLink: https://articles.zkiz.com/?id=295504

【冇歌歌手】鄭俊弘四首一個騷

1 : GS(14)@2016-08-13 14:50:15

「偽毒坤」要靠別人的歌才撐足一個騷,其實近年開騷唔夠歌的歌手,又豈止坤哥一個,鄭俊弘得4首都開啦!


3首 FFx

只有《Sugar Baby》、《MK Pop》及《見面禮》3首歌的FFx,今年5月假旺角麥花臣開騷,《Sugar Baby》唱了兩次。


5首 B.O.P

前名天堂鳥的MK男子組合,因出道作《登陸太陽》MV被網民惡搞成功出位,僅憑5首歌於前年在九展開騷,《登陸太陽》唱足3次。


4首 鄭俊弘

無綫《星夢傳奇》獲冠軍於並前年加入樂壇,個人大碟未推出、只得4首歌的鄭俊弘都在九展開騷,當時他便加唱張國榮、張學友、羅文、Beyond等前輩歌曲撐場。




來源: http://hk.apple.nextmedia.com/entertainment/art/20160812/19732833
冇歌 歌手 鄭俊 俊弘 四首 一個
PermaLink: https://articles.zkiz.com/?id=305540

鄭俊弘否認暗媾苗彤

1 : GS(14)@2016-08-20 11:41:47

憑歌唱比賽《星夢傳奇》彈出的鄭俊弘,近日被爆暗交苗僑偉(三哥)的25歲囡囡苗彤,三哥直言不認識鄭俊弘,明顯棒打鴛鴦。鄭俊弘前晚在銅鑼灣出席活動,否認暗撻苗彤:「冇咁嘅事,嗰晚係何雁詩朋友餐廳開張,咁啱我喺度。」身邊的何雁詩幫口指自己也在場,苗彤是她中學同學。鄭俊弘強調當天才認識苗彤,沒想過追求對方,也否認當晚撐枱腳。



苗彤 資料圖片





來源: http://hk.apple.nextmedia.com/entertainment/art/20160820/19743191
鄭俊 俊弘 否認 暗媾 媾苗 苗彤
PermaLink: https://articles.zkiz.com/?id=306622

鄭俊弘怕玩鬼屋驚打人

1 : GS(14)@2016-09-25 10:28:24

鄭俊弘(Fred)和林穎彤昨日到銅鑼灣皇室堡出席活動,下月萬聖節,Fred表示:「今年應該都要喺工作中度過。」會否約朋友去玩鬼屋?他說:「唔敢玩,好驚啲人突然間彈出嚟,我怕驚得滯會打人。」下星期和何雁詩離港拍旅遊特輯的他說:「地點唔講得住,不過要去個凍嘅地方,要執定好多衫,希望帶埋結他,睇吓喺冰天雪地度攞唔攞到靈感。」提到前女友姜麗文媽媽日前離世,鄭俊弘說:「有睇到報道,不過冇聯絡過對方,希望佢節哀順變。」至於在活動上和Fred一齊唱歌的林穎彤,表示要在Fred大堆歌迷前唱歌特別緊張。採訪、攝影:曹家誠




來源: http://hk.apple.nextmedia.com/entertainment/art/20160925/19780825
鄭俊 俊弘 弘怕 怕玩 鬼屋 打人
PermaLink: https://articles.zkiz.com/?id=310003

【馮仁昭四圍超】鄭俊弘撐吳若希新發展

1 : GS(14)@2016-10-19 05:49:36

鄭俊弘噚日到新城宣傳新歌,講到同公司嘅吳若希早前喺社交平台話想休息一段時間,兼發展另外嘅工作,惹來外界猜疑佢想退出娛樂圈,鄭俊弘話自己啱啱拍完旅遊特輯返香港,所以冇留意相關新聞:「我出發前都有喺公司聚會見過佢,唔覺有特別嘢,佢有乜嘢決定都支持,最緊要人開心。」佢又話唔會去八卦對方究竟發生乜嘢事。撰文:馮仁昭




來源: http://hk.apple.nextmedia.com/entertainment/art/20161019/19804929
馮仁 仁昭 四圍 鄭俊 俊弘 弘撐 撐吳 吳若 若希 新發
PermaLink: https://articles.zkiz.com/?id=312717

【馮仁昭四圍超】鄭俊弘搭港鐵會歌迷

1 : GS(14)@2016-11-18 17:56:41

鄭俊弘(Fred左)、鄭世豪、李龍基同呂珊噚日去港鐵何文田站出席長者港鐵安全運動。Fred話有時坐港鐵都會俾歌迷認出,佢話:「會傾吓偈影吓相。」世豪就話歌迷淨係會打吓招呼:「而家入到車廂個個都掛住玩電話,都未必發現到有乜人喺隔籬。」嚟緊台慶,Fred同伍允龍一齊表演耍棍,而撐住柺杖嘅世豪就話:「我到時負責坐喺度睇吓佢哋做得好唔好。」撰文:馮仁昭




來源: http://hk.apple.nextmedia.com/entertainment/art/20161118/19837327
馮仁 仁昭 四圍 鄭俊 俊弘 弘搭 搭港 港鐵 會歌
PermaLink: https://articles.zkiz.com/?id=316149

【馮仁昭四圍超】鄭俊弘肚腩大開任摸

1 : GS(14)@2017-01-05 08:01:13

鄭俊弘(Fred)噚日喺沙田中心出席「甜蜜照相會」活動,吸引逾百粉絲到場。大會安排佢與粉絲玩遊戲同抱抱,粉絲仲好興奮摸住Fred個肚腩,佢笑謂過咗聖誕同新年之後腫咗:「要開始做運動,留番農曆新年再食。」問到缺席叱咤頒獎禮原因?佢話要綵排《勁歌》總選表演環節,唔係刻意:「我睇番見到許廷鏗、欣宜、Supper Moment攞獎,我都好感動。」撰文:馮仁昭




來源: http://hk.apple.nextmedia.com/entertainment/art/20170103/19884558
馮仁 仁昭 四圍 鄭俊 俊弘 弘肚 肚腩 大開 任摸
PermaLink: https://articles.zkiz.com/?id=321272

懶理被封世紀賤男鄭俊弘認甩未婚妻「何雁詩好支持我」

1 : GS(14)@2017-04-06 07:41:32

■新任賤男鄭俊弘被富貴未婚妻揭發暗交何雁詩,乖仔形象一鋪清袋。資料圖片



現年33歲的星夢歌手鄭俊弘(Fred),在無綫捱了多年才彈起,昨日被驚爆密冚富貴未婚妻beebs長達三年,而未婚妻就揭發他劈腿「巨聲幫」何雁詩,鄭俊弘昨晚蒲頭表示與beebs已分手,又多謝何雁詩支持,何雁詩被問到兩人可會發展,回覆「有可能。」



鄭俊弘於01年參加無綫《全球華人新秀歌唱大賽》獲亞軍,翌年入訓練班做藝員演閒角,直至四年前在《星夢傳奇》節目奪冠一夜成名後,即速撇陪他捱足六年的舊愛姜麗文,並傳出暗媾吳若希和蔡思貝,原來,鄭俊弘的真命天女另有其人,於三年前秘交富家女beebs,前年更求婚成功,然而最近被未婚妻踢爆偷食何雁詩兩個多月,爆seed的beebs透過閨蜜向傳媒舉報賤男。



■鄭俊弘昨晚在旺角的唱片公司蒲頭。

■鄭俊弘和何雁詩為合唱歌《真心真意》拍MV,女方狂在社交網晒婚紗相似示威。

■何雁詩否認是第三者,昨在Ig留言:「清者自清,行得正企得正。」

「佢係好男仔」

24歲的何雁詩是巨聲幫出身,早前跟鄭俊弘合唱《真心真意》着婚紗拍MV又攬又錫。昨日有自稱鄭俊弘未婚妻的閨蜜向傳媒爆料,指好友於三年前遊船河認識鄭俊弘,鄭俊弘以保事業為名玩地下情,beebs一直在金錢上照顧未婚夫,怎知今年2月男方對未婚妻忽冷忽熱,上月22日更發現男方「失蹤」數小時,從Uber收據揭發他夜訪何雁詩香閨,怒審下鄭俊弘終承認鍾意何雁詩,日前更被傳媒影到孖何雁詩到林村蜜會。被指跟準人夫暗交兩個月的何雁詩,昨以短訊回覆傳媒否認拍拖:「不是第三者,我哋係普通好朋友。」問到知否鄭俊弘有未婚妻?她表示:「其他嘢真係唔知咁多,關於佢嘅事可以問番佢啦,我唔會答啦。」鄭俊弘有否跟你解釋?她力撐對方:「朋友唔需要解釋啦,佢係好男仔,過去嘅嘢唔需要向任何人解釋。」是否相信其為人?何雁詩冧爆表示:「當然相信,佢都係一個好男人,我相信佢一定會對大家有個交代。」之後她在社交網留言:「清者自清,行得正企得正。」


坦言可發展

昨晚8時許,鄭俊弘在何哲圖陪同下離開位於旺角的公司,他否認一腳踏兩船:「求婚係有,分手唔關第三者事。」對於舊愛爆料,他無奈說:「佢有自己處理方法。」問到是否向舊愛承認鍾意何雁詩?他拒答:「呢啲唔多講。」跟何雁詩有否發展機會?他說:「做好自己先,我有好多嘢要反省,公司同屋企人支持我,感受好多嘅愛。」他否認專追有錢女,對於何雁詩本身有情緒問題,會否擔心令她情緒惡化?他說:「反而佢好支持我,好鼓勵。」對於被罵世紀賤男,他說:「呢啲唔理太多。」跟舊愛溝通收口?他說:「呢啲就冇,了結咗,?家要往前看,分手一段期間。」對於被鄭俊弘公開多謝支持同鼓勵,何雁詩短訊回覆傳媒:「互相支持理所當然,我哋上下一條心。」問到兩人有否發展機會?何雁詩坦言:「我覺得有,因為乜都有機會。」此外,昨日本報收到讀者爆料,指扮乖仔的鄭俊弘曾搭上奀星陳婉婷,陳婉婷昨回覆傳媒否認其事。雖然何雁詩昨日沒蒲頭,惟上月13日,本報發現素顏的何雁詩現身中環,傾電話時露出甜笑,不知是否和鄭俊弘通電話。採訪:畢紹基、吳耀輝、孔志豪、羅德光攝影:楊浩賢、陳辰、朱志聰




來源: http://hk.apple.nextmedia.com/entertainment/art/20170406/19981061
懶理 理被 被封 世紀 賤男 男鄭 鄭俊 俊弘 弘認 認甩 未婚妻 未婚 何雁 雁詩 詩好 支持
PermaLink: https://articles.zkiz.com/?id=329410

【動畫】同新紮姐仔陳婉婷有咗「餡」?鄭俊弘搵樂小姐拆彈

1 : GS(14)@2017-04-06 07:41:33

鄭俊弘被指背未婚妻Beebs偷嗒何雁詩,報道出街後,堅稱自己唔係「第三者」嘅何雁詩,就話自己「清者自清,行得正企得正。」至於男主角鄭俊弘,潛咗一日水,到夜晚先蒲頭接受訪問。不過佢未接受訪問前,就有人爆料指外表乖仔嘅佢,其實係圈中「食家」,除咗同蔡思貝、王君馨、吳若希傳緋聞,仲同秦沛女姜麗文拍咗6年拖,到鄭俊弘紅咗之後,就飛甩姜麗文。原來鄭俊弘緋聞女角名單中,仲漏咗一個成員,呢個就係無綫新紥姐仔陳婉婷(Hebe)。昨日有讀者爆料,指13年喺《星夢傳奇》勝出走紅嘅鄭俊弘,搭上陳婉婷,二人打得火熱,一直想公開戀情嘅Hebe,仲以「肚」要求鄭俊弘公開女友身份,但彈起咗嘅鄭俊弘就對Hebe愛理不理,為防有後患,鄭俊弘仲匯報俾無綫高層樂易玲知,幫自己打定個底。讀者話Hebe見鄭俊弘冇反應,有晚扮醉踩上鄭俊弘屋企,打算借醉講數,點知一入門口,就見到樂小姐大大個棟咗喺鄭俊弘屋企個廳度……事後《蘋果》打俾陳婉婷,佢好大反應話:「吓,唔係啩!邊個作故仔,我連佢(鄭俊弘)電話都冇,大家唔熟。」




來源: http://hk.apple.nextmedia.com/entertainment/art/20170406/19981787
動畫 同新 新紮 紮姐 姐仔 仔陳 陳婉 婉婷 婷有 有咗 鄭俊 俊弘 弘搵 搵樂 小姐 拆彈
PermaLink: https://articles.zkiz.com/?id=329413

【情路互比】鄭俊弘不停戀愛

1 : GS(14)@2017-04-06 07:41:35

鄭俊弘被揭收埋未婚妻、一腳踏兩船,但其實他入行以來都多緋聞。


姜麗文

姜麗文2015年眼濕濕自爆與鄭俊弘沒見一年多,六年情終結。



蔡思貝

2014年中傳與鄭俊弘拍拖兩個月,但兩人出席活動齊聲否認。


吳若希

2015年被影到一齊放狗,事後兩人被追問拍拖消息,哈哈大笑否認戀情。


岑日珈

2015年被影到和鄭俊弘在沙田放狗,女方說是吳若希介紹二人認識。


苗彤

2016年鄭俊弘夜蒲傳緋聞,有指苗僑偉、戚美珍反對女兒和鄭俊弘交往。




來源: http://hk.apple.nextmedia.com/entertainment/art/20170406/19981065
情路 路互 互比 鄭俊 俊弘 不停 戀愛
PermaLink: https://articles.zkiz.com/?id=329418

岑日珈寸鄭俊弘:外表同內心好難講

1 : GS(14)@2017-04-06 07:41:35

鄭俊弘緋聞舊愛岑日珈昨日在商台谷新歌《從一而終》,她承認找專一男人很難,對於當年與鄭俊弘放狗後,被何雁詩踢出當時的新人電話群組,會否覺得何雁詩一直維護鄭俊弘?岑日珈表示:「都算係,嗰陣有人send咗幾段英文嚟,話我點解要咁做,但我真係冇放料。」



■林師傑祝福舊愛何雁詩。資料圖片

對於鄭俊弘和何雁詩傳出戀情,岑日珈說:「我希望唔係啦,始終都未清楚個事實,當事人都未企出嚟講嘢,Fred次次都潛水嘅!男人應該企出來,何雁詩都有可能唔知情。」問她會否覺得鄭俊弘的形象轉差,她說:「其實外表嘅嘢同內心真係好難講。」另外,何雁詩舊愛林師傑以短訊回覆:「祝福佢哋啦,希望唔好影響到佢哋工作,畀多啲空間佢哋,佢哋咁大個人識處理㗎喇。」採訪、攝影:馬建華




來源: http://hk.apple.nextmedia.com/entertainment/art/20170406/19981067
岑日 日珈 珈寸 寸鄭 鄭俊 俊弘 外表 內心 好難 難講
PermaLink: https://articles.zkiz.com/?id=329419

鄭俊弘認講大話拖何雁詩公告戀情

1 : GS(14)@2017-04-08 19:39:48

【高調認戀】■被網友封賤男的鄭俊弘和被指是小三的何雁詩,昨日傍晚十指緊扣現身機場,終於承認戀情。



33歲鄭俊弘(Fred)被爆背未婚妻偷嗒何雁詩(Stephanie),兩人由最初死口不認拍拖,直至前晚拖手斷正短片曝光,「雁鄭」終於要跪低承認戀情,昨日傍晚十指緊扣現身機場,被封賤男的鄭俊弘高調送新歡,對於網友指他是大話精,鄭俊弘尷尬解釋因想保護其他人才低調。



憑無綫《星夢傳奇》節目彈起的鄭俊弘,被富貴未婚妻beebs的閨蜜向周刊爆料,指他暗交24歲的巨聲幫何雁詩,前日被指小三的何雁詩堅稱只是普通好朋友,被網友封世紀賤男的鄭俊弘,接受無綫獨家訪問強調跟beebs關係已結束,當問到何雁詩被指是小三,他說:「我好抱歉,佢唔係第三者。」然而,昨凌晨兩人十指緊扣到西貢睇樓的短片曝光,被踢爆講大話!



【全場矚目】■「雁鄭戀」忽然高調公告天下,現場數十傳媒都好愕然。

■何雁詩昨晚飛橫店拍劇,入閘前男友跟她揮手道別。    DV圖片

■鄭俊弘昨日幫何雁詩拖行李篋,盡男友本份。

叫大家錫住愛郎

經過一晚思量,「雁鄭」昨日傍晚約6時30分拖手高調現身香港機場離境大堂,鄭俊弘親自送何雁詩機兼幫她拖行李篋,他說:「我同Step一直以嚟好好朋友,我哋喺音樂上、生活上觀點好相似,?家多工作機會接觸,我一直對感情好低調,所以之前嗰段感情冇人知,但呢段感情已經終結咗。」問到是否承認之前講大話?鄭俊弘說:「我哋呢段感情剛開始,想珍惜同保護,所以選擇咗唔公開,但噚日一段報道,我一定要企出嚟澄清,希望大家畀啲空間我哋,希望有美麗關係。」對於被影到一齊睇樓,她說:「係,但未諗到咁遠,希望大家畀多啲支持,佢好大工作壓力,我唔喺香港,大家睇住佢。」會否介意被指大話精?鄭俊弘只說:「因為呢啲係想保護其他人,所以我選擇低調處理。」問拖手亮相有否通知公司?何雁詩表示:「佢哋知道。」對於高層何哲圖昨仍指兩人沒拍拖,是否連公司都呃?她尷尬說:「佢都係今日先知,至於大話精呢樣嘢,我哋承認呢幾日講啲誤導大家嘅嘢,保護呢段關係以為最好,但今日企出嚟話畀大家知,係好勇敢。」問鄭俊弘會否承諾好好照顧女方?他只說:「未來嘅嘢未來先算,我哋做好每一日。」反而何雁詩大方說:「有信心嘅,冇信心都唔會今日企出嚟同大家講。」



■鄭俊弘憑《星夢傳奇》彈起,惟偷食令形象破產,傳紅館騷等工作被取消,損失六位數收入。資料圖片

形象破產失工作

跟着鄭俊弘拖手送女友入閘後,問到7月紅館騷是否被取消,他表示不清楚,對於傳奀星陳婉婷曾訛稱大肚逼他公開關係,他否認:「呢啲係炒作,唔再回應,只係喺公司見過。」記者再追問工作有否受影響?擔心形象破產?他全部封嘴。惟有業界人士向《蘋果》爆料,指鄭俊弘偷食曝光,嚇退客戶損失約六位數。採訪:張俊銘、畢紹基攝影:仇志德、陳順禎、孔志豪




來源: http://hk.apple.nextmedia.com/entertainment/art/20170407/19982180
鄭俊 俊弘 弘認 認講 大話 拖何 何雁 詩公 戀情
PermaLink: https://articles.zkiz.com/?id=329553

姜文杰貼「狗男女」暗寸何雁詩:愛需要勇氣抗負評護鄭俊弘

1 : GS(14)@2017-04-08 20:44:17

■鄭俊弘與何雁詩兩個多個月前因合唱《真心真意》而撻着。資料圖片



鄭俊弘繼3年前走紅後狠撇姜麗文後,近日又被爆背住未婚妻偷嗒何雁詩。前晚鄭俊弘高調跟何雁詩手拖手現身機場公開戀情,姜麗文兄長姜文杰即於晚上在facebook連環開post寸爆鄭俊弘,除貼上一張寫着「好一對狗男女」對白的電影截圖外,更貼了一張馬騮收蕉皮圖片,明寸鄭俊弘做馬騮戲。何雁詩則於Instagram留言繼續力撐男友:「愛需要勇氣。」



現年33歲的鄭俊弘於2013年憑《星夢傳奇》彈出後人氣急升,但多年來卻因感情生活而形象插水。大前日鄭俊弘被踢爆背住拍拖3年的有米未婚妻beebs跟《超級巨聲》出身的何雁詩劈腿偷食兩個月。事後鄭俊弘聲稱跟未婚妻早已分開,又跟何雁詩分別澄清彼此只是朋友,並非拍拖。直至前日凌晨有雜誌在網上公開二人摸黑拖手片段,鄭俊弘與何雁詩才急急於前晚拖手現身機場承認戀情,二人更因而被網民鬧爆是大話精。



■身在內地拍劇的何雁詩,前晚在Ig留言表示「愛需要勇氣」。

■鄭俊弘前晚高調送何雁詩到機場,為的是向外公告戀情。資料圖片


揶揄做馬騮戲

對鄭俊弘所作所為看不過眼的,除一眾剝花生的網民外,更包括秦沛長子、姜麗文胞兄姜文杰。事關姜麗文早於鄭俊弘寂寂無聞時,已跟男方交往,二人曾發展長達6年地下情,有指早年姜麗文接job時還帶挈鄭俊弘工作,豈料鄭俊弘憑《星夢》走紅後開始疏遠姜麗文,並於3年前提出分手,令姜麗文崩潰。前年姜麗文出席活動時,曾眼濕濕承認與鄭俊弘分手一年多。由於鄭俊弘近日被爆3年前跟beebs拍拖,令人懷疑究竟當日鄭俊弘狠撇姜麗文是否因為結識了新歡beebs。何雁詩前晚搭飛機到橫店拍攝TVB新劇《天命》,鄭俊弘高調送機公告戀情,在機場上演真人騷沒多久,姜文杰即於前晚10時許兩度在fb開post,他先貼上一張周星馳和吳孟達主演電影《整蠱專家》截圖,截圖正好寫上「好一對狗男女」對白。大約3分鐘後,姜文杰再貼上一張馬騮拿蕉圖片,圖中寫着「收皮」兩個大字,教人食完蕉後要收番蕉皮,似是寸爆鄭俊弘做馬騮戲,着他收皮,似要為妹妹出一口氣。



■姜麗文曾與鄭俊弘拍拖6年,最後因男方走紅而被飛。資料圖片

■秦沛兒子姜文杰(右)痛錫妹妹姜麗文,代她出一口氣。資料圖片

■姜文杰前晚在fb暗寸鄭俊弘,貼出《整蠱專家》的「狗男女」截圖,和馬騮收皮圖片(右圖)。


「情感上好疲累」


至於姜麗文,亦於前晚在Ig留言﹕「mentally and emotionally exhausted(精神上和情感上已經好疲累)」,記者昨聯絡姜麗文,但未獲回覆。而姜文杰被問到是否鬧爆鄭俊弘時,他只以短訊回覆說:「唔回應喇!」對於遭全城圍插,何雁詩前晚在fb留言表示自己不會做第三者,至深夜時分她再於Ig留言:「呢鑊真係……愛需要勇氣。#呢個時候唔係唔自己搞下爛gag自娛一下」有網民留言指當日鄭俊弘如何對待姜麗文,將來分分鐘會同樣對待何雁詩。採訪:嵐山




來源: http://hk.apple.nextmedia.com/entertainment/art/20170408/19983203
姜文 傑貼 男女 暗寸 寸何 何雁 雁詩 需要 勇氣 抗負 負評 評護 護鄭 鄭俊 俊弘
PermaLink: https://articles.zkiz.com/?id=329686

麥明詩窒鄭俊弘:TVB首席男歌手

1 : GS(14)@2017-04-08 20:44:19

■麥明詩自言今日與鄭俊弘出騷唱歌很大壓力。資料圖片



鄭俊弘今日下午3時與麥明詩出席在銅鑼灣皇室堡舉行的「奇妙冰極樂園」活動,據悉由於活動合約一早簽訂,所以有關方面未及換人。前晚麥明詩於facebook貼上活動宣傳海報,並留言說:「大家要嚟支持我呀,到時我會唱歌!同TVB首席男歌手同台,真係好大壓力,唱功必相形見絀,唯有誠意搭救!」麥明詩一句「TVB首席男歌手」,似抽水暗寸鄭俊弘。



■袁偉豪指鄭俊弘和何雁詩公開認愛值得讚。

此外,袁偉豪昨日在牛頭角拍廣告,對於鄭俊弘與何雁詩承認拍拖,他說:「我睇到佢哋拖手張相,覺得好值得讚許!」採訪:黃曉妍攝影:陳慧安




來源: http://hk.apple.nextmedia.com/entertainment/art/20170408/19983213
麥明 明詩 詩窒 窒鄭 鄭俊 俊弘 TVB 首席 男歌手
PermaLink: https://articles.zkiz.com/?id=329689

鄭俊弘:冇負過姜麗文

1 : GS(14)@2017-04-09 10:49:38

■鄭俊弘否認因為紅了才飛舊愛姜麗文。資料圖片



現年33歲鄭俊弘上周被踢爆有未婚妻Beebs,卻劈腿暗交24歲的何雁詩兩個月,三角關係爆煲,鄭俊弘和何雁詩最初未肯認愛,遭網友鬧爆。上周四,兩人拖手現身機場高調晒戀情,雙方形象插水。鄭俊弘被冠賤男,眼腫腫的他昨與麥明詩到銅鑼灣出席早前接下的商場活動,鄭俊弘有逾百粉絲撐場,麥明詩則有父母打氣。鄭俊弘大唱勵志歌《風沙》等,歌迷和唱,他開腔答謝:「喺我唔夠勇氣時,有你哋保護我,我哋一齊團結,I love you all!」有歌迷被感動到喊。



■鄭俊弘在活動上仍獲逾百歌迷支持,更有男fans(箭嘴)爆喊。

■麥明詩日前稱鄭俊弘為TVB首席男歌手,昨日兩人同場出席商場騷。

■麥明詩父母昨為女兒打氣。

「唔係紅咗飛佢」

自稱公開戀情獲唱片公司支持的鄭俊弘,同時自爆講大話:「我係想保護呢段感情,唔想阿詩一個承擔,決定一齊去面對,一齊去機場。」戀情曝光後,其舊愛姜麗文胞兄姜文杰在網上貼圖揶揄「狗男女」,鄭俊弘回應:「有睇過,但唔答咁多,每人有言論自由,我強調我冇負過姜麗文,唔係紅咗先飛佢。」但對他與何雁詩何時開始拍拖,鄭俊弘避談:「呢啲timeline嘅嘢,唔會多講一次,佢(何雁詩)絕對唔係小三。」談到形象一鋪清袋,對工作有影響,他說:「對呢啲評論,我會正面面對,調整心態。」有指鄭俊弘及何雁詩遭廣告商棄用,鄭俊弘面有難色,而有報道指何雁詩前年患情緒病,曾與當時男友謝東閔衝突摔東西,鄭俊弘說:「我唔講。」鄭俊弘指何雁詩一直有看醫生:「佢個病,畀佢自己講番。」同時強調女友病情與戀情無關。採訪:盧妹攝影:陳順禎




來源: http://hk.apple.nextmedia.com/entertainment/art/20170409/19984222
鄭俊 俊弘 冇負 負過 過姜 麗文
PermaLink: https://articles.zkiz.com/?id=329819

鄭俊弘 星夢能否延續?

1 : GS(14)@2017-04-10 02:06:18

http://skypost.ulifestyle.com.hk ... 6%E7%BA%8C%EF%BC%9F


2017/04/7

鄭俊弘

無綫劇集《與諜同謀》是鄭俊弘(Fred)首次擔正之作,劇中的他是雙面人,時而開朗、時而陰沉,Fred為角色花了不少工夫,「我做這個人的時間還多過做自己,某程度上已經墮入了那個世界。」現實中,一向形象正派的Fred前日被驚爆是負心漢,背未婚妻暗交何雁詩,雖然他已主動開腔澄清,但無疑形象受損,賤男?暖男?果真是一綫之差。

《與諜同謀》講述Fred飾演的潘少杰,年幼時被父親拋棄,長大後隱藏身份向父親羅嘉良報復。「他在別人面前要扮開心、扮開朗,但一個人時很失落、充滿仇恨,所以我覺得他好慘。」Fred輕皺眉頭,解釋角色的內心世界,指自己很難像他一樣憎恨一個人,又表示若遇上同樣遭遇,會找其他解決方法,「我會選擇原諒(對方),這樣對自己會好點,心理壓力沒有這麼大,所以某程度上他(潘少杰)是有點蠢。」他指自己在現實中很正面,覺得「The sun will shine tomorrow(意指希望在明天)。」

難忘爆笑間諜團

劇中Fred有一隊「間諜兵團」,戲裏戲外大家都變得熟絡,拍戲時更笑料百出,「有一場戲講我和張頴康要偷入一幢大廈中,趁保安看不到時,我們立刻跑入去。排戲時無問題,但正式拍攝時,地下無端有一攤水,所以(我)就跌倒,(在地上)滾了一滾,之後起身再跑。張頴康見到我這樣,就做了個側手翻和應我,那場戲好搞笑、好即興。」

另一難忘場面是Fred與父親羅嘉良攤牌,「大家沒有特別去排戲,好想要第一次(互相坦白)的感覺,攞到最真實的感受,結果那場戲做一次便完成。」

音樂演戲兩難全

Fred由2013年奪得歌唱比賽《星夢傳奇》冠軍開始,從演戲舞台踏入樂壇世界,問到是否唱歌、演戲雙綫發展,他卻直言有難度,「之前拍《名門暗戰》時,我在錄第一隻碟,但因拍戲要全心投入角色,所以錄音效果不太好。」他指唱片更延遲多次才面世,之後就發現自己難以同時兼顧唱歌及拍戲。「如果叫我揀,我會揀音樂,因為音樂,我才入行,在台上可以找到自己。」Fred自言音樂能抒發情緒,演戲則要隱藏真我,但兩者都「很過癮、好得意」。

撰文︰邱巧嵐 

攝影︰林良明 

編輯︰黃寶恩

設計︰梁政敏
鄭俊 俊弘 星夢 能否 延續
PermaLink: https://articles.zkiz.com/?id=329851


ZKIZ Archives @ 2019