ZKIZ Archives


「一蟹論」係冇Q用的 人在中環

http://manincentral.blogspot.hk/2013/05/q.html
今朝在免費報既文章出街後,有朋友問我:「CK,你以前係咪受過好多老鬼嘅氣,所以寫埋啲咁嘅嘢呀?」

受前輩老鬼既氣, 每個出嚟社會做嘢嘅年輕人,或多或少都總會曾經試過。呢亭經驗,你我他其實都有,我大概都唔算係特別多掛。然而我寫呢篇文章既時候,我剛剛為公司既其中一位做咗近兩年既同事,簽咗一份入息證明。呢份證明,同事係準備用嚟申請公屋的。

同我一齊工作既同事們,絕大部份都係後生仔女。八十後、九十後,我幾乎每日都同佢地近距離相處。佢地係咪真係坊間所批評得咁冇用?我只能咁講,響呢班年輕人裡面,偶然的確會俾你撞到一個半個來自火星既騎呢怪,不過平心而論,佢地絕大部份,其實還是很正常,工作亦唔見得有咩大問題的。八、九十後響我公司所佔既「人口」比例高達八成以上,假如佢地真係好似外邊啲人講到唔掂成咁,我間公司仔怕且早就關門大吉了,豈還可以捱到今時今日?

好些像我呢亭多口嘅老鬼,有時也搞不清係真心自大,還是係內心其實係冇乜自信,然後透過踩班後生既幾腳,去獲取那份卑微既自尊心。當面對班後生仔既時候,總係喜歡擺出一副「我比你優秀」既姿態,向住後輩指指點點。我初出道既時候,有些口臭既前輩望住我地,也總喜歡拋出一句「一蟹不如一蟹」去為我們贈慶,說話總喜歡單單打打,然之後,話自己當年幾咁肯捱肯學,唔似我呢亭後生仔咁身驕肉貴,俾阿爸阿媽自細縱壞。

今日既我只係一個公司仔既老闆,公司絕大部份既日常運作,我都唔係自己落手落腳做,而係依靠我既一班八、九十後同事。然而以前那些前輩時常會向我講既「一蟹論」,是否真實,是否有其道理,對我嚟講,其實都已經係冇意義了。生意人所重視既係「結果」,而我需要既結果係,我班同事可以認認真真,落力地去為我公司工作。因為我有自身既經驗同感受可以借鏡,那些跟「一蟹論」類似既說話,我百份之二百可以肯定,對於激勵一班年輕既同事,係絕對冇Q用的。唔好講話後生仔女,即使係一個老鬼如我,你對上一次覺得自己被人motivated到,覺得需要的起心肝做人,係因為啲乜嘢?怕且都唔係因為,有個前輩單打你,話你呢個後生仔,有幾唔及佢自己當年有幾勁掛?

有關motivation既方法,有好多既。唔同既人有唔同既方法,不過being motivated係一種發自內心既感受,要touch到人既心,大部份既時間,軟工都比硬工來得有效千百倍。老鬼們如果真係有心幫下班後生,學佢地話齋,真係想「塞錢入佢地個袋」咁偉大既話,也許真係要重新思考一下,你用開個方法,其實係咪已經過時。你不斷將「一蟹論」既重點,重覆又重覆去同班後生仔女講,除咗你自己feel good,等你自己可以飄飄然之外,查實,係真係完全冇Q用的。

時代唔同了。今日既後生仔,所遇到既困局,大概係我地呢亭老鬼,從來都未感受過的。我地當年既起點,也許比佢地低一點,但係我地所身處既年代,還能夠睇得見多一點曙光,多一點希望。政府也沒有現在般讓人沮喪。然而今日既後生仔,起點也許比我地當年好一點點吧,但卻要面對一個少一點曙光,少一點希望既生存環境;講真,其實也唔容易捱吧。我當然仍然會勸佢地要自強起來,否則自暴自棄老是埋怨既話也只會係死路一條,但我地呢班so called叫做「上咗位」既老鬼,也係時候要學識,乜嘢叫做「體諒」吧。
一蟹 蟹論 係冇 用的 人在 中環
PermaLink: https://articles.zkiz.com/?id=56203

人在中環:其實係冇得改 CK

1 : GS(14)@2013-04-15 00:05:25

http://smartjobscmp.blogspot.hk/2013/03/blog-post_22.html
作者:CK

綜合小弟過往十年的經驗,我發覺,那些被我辭退的同事,到落手「炒魷」的一刻,我多少都會怨自己「炒得太遲」。

每個人都必定有缺點的,這當然包括我自己在內。然而有某些性格上的缺點,就是會很影響工作和團隊。如果同事「不幸」擁有這些缺點,同事必須要把它「改掉」,我們才能把她留下來。不然的話,終有一天,同事跟公司,是要「分手」的。

這是我出來做生意頭幾年的想法。很天真是不是?經過許多年不斷撞板之後,我得出來的體會是很灰的:這些影響工作的性格缺點,其實是改不了的。我們天真地以為,同事這些缺點,只要經過年月點化,是有機會「改善」的…真的是錯晒,而且是錯得離譜。

新同事剛剛上班,對工作還未上手,又或者對行業認識不夠深,所以做得不好,這些工作上的缺點,透過經驗累積,的確是會改善的。假如那些缺點是「性格上」的,再多的工作經驗,更多的旁人勸告,通常不會改善。「性格上」的問題,是同事從多年的成長過程中培養出來,根深蒂固,而且有不少跟自身的價值觀有著割不斷的關係。要改變她們這些問題,就連她們自己的價值觀也要一拼改變才行。我們這些僱主,跟同事萍水相逢,要改變她們心中的「核心價值」,怕且是大想頭了一點吧?

很多老闆都以為自己感染力過人,面對這些同事的時候,往往可以感染到她們有所改變。結果怎麼樣,大概也不用我說吧。然而就正正因為我們自以為有辦法讓她們慢慢改善,結果卻是延誤了把她們辭退的時間,讓她們的問題,有更足夠時間去發酵,為團隊創造更多的矛盾和麻煩。

你或者會問:「一發現佢哋有呢類性格問題就炒,不近人情啲掛?」較有人情味的做法,大概是把她的工作安排變一變吧,好讓她的「缺點」不會影響大局。例如把一個跟其他同事有相處問題的人,調任一些不用跟團隊合作,只需「自己顧自己」的崗位上…諸如此類。當然要作這些安排,也要看公司的實際情況。有時現實情況不許可,那就只可以做那件「不近人情」的事了。

性格問題,從來都最難搞。即使是老闆、高層,講到尾其實也只是個普通人。最愚蠢,是高估自己的感染力,以為改變別人是件容易的事。大家不妨回顧一下,成年之後,你對上一次成功「改變別人」,是多少年前的事?
人在 中環 其實 係冇 冇得 得改 CK
PermaLink: https://articles.zkiz.com/?id=282572

財經評論:傳媒真係冇得做?

1 : GS(14)@2016-09-17 16:11:29

香港經濟放緩,於是一眾傳媒股都借機「解圍」,指因廣告「縮皮」致收入下滑。全球經濟不景,本地傳媒前景黯淡,不過放眼海外,網媒卻生機處處。例如一直以環球廣告收入為主的facebook,理應更受經濟影響,不過公司上季度卻交出一份亮麗的「成績表」:總收入按年增加59%,當中廣告收入更勁升63%至62.4億美元,佔公司總收入的97%。全球不景雖有影響,但廣告商更傾向利用fb落廣告才是主因。廣告曝光率重要,但效果更重要。fb利用每名用戶閱讀「新聞動態」及其關注的專頁,透過大數據將用戶的喜好、興趣及個人資料分門別類,甚至要知道朋友之間的互動,早前要改動私隱政策,與WhatsApp分享聯絡資訊,皆因越了解用戶,推銷效率就越高,就可以用更高價格及分散銷售廣告位。雖然fb是社交媒體,但傳統媒體亦可靠科技轉型吸引讀者。2013年亞馬遜(Amazon)主席貝索斯(Bezos)以2.5億美元收購《華盛頓郵報》後,明言不懂新聞,不干涉新聞取向,但着手其「互聯網轉型」,例如大幅改造其應用程式、逐步吸引用戶轉用其收費的新聞服務,並要求編輯就同一新聞用不同照片及標題,再測試讀者反應,亦透過每日推出約1,200條新聞及內容等。最終至2015年10月,獨立用戶數目已達7,160萬,首次超過《紐約時報》。新聞一直都係有得做,至少從商業上可以吸引流量及關注,問題是如何透過科技及業務模式,將這些流量轉化為收入及利潤。可惜的是,本地的傳媒管理層僅以經濟不景開脫,繼續任由各類廣告應用程式的新聞內容,不時在手機彈出「重要新聞」煩擾,用戶轉投fb懷抱,可謂情理之中。記者:胡仲邦




來源: http://hk.apple.nextmedia.com/financeestate/art/20160915/19770930
財經 評論 傳媒 真係 係冇 冇得 得做
PermaLink: https://articles.zkiz.com/?id=309198

被樂易玲指推劇請990日病假歐錦棠反駁:係冇薪假

1 : GS(14)@2017-01-22 02:17:11

■歐錦棠早前在專訪中指樂易玲是婆娘,並狂數對方不是。資料圖片



歐錦棠早前接受雜誌專訪時,狂數無綫高層樂易玲不是,阿棠以「婆娘」形容樂小姐,指對方嫌自己「亞視味」太重,又大爆09年已故藝人陳鴻烈拍攝處境劇《畢打自己人》期間心臟病發猝逝,樂小姐竟禁止眾演員向外透露烈哥死訊,懷疑有人想做發言人。


樂易玲:每次都有假紙

樂易玲前晚出席在尖沙嘴洲際酒店舉行的「寰宇30周年晚宴」時,坦言對於被叫「婆娘」感到不開心,並反擊阿棠說:「有同事同我講開,話歐錦棠其實已經好耐冇喺公司開工喇。其實喺2013年開始,佢請咗九百九十幾日假,每次都有假紙,係病假嚟嘅。其實都搵過佢拍好多劇㗎喇,但佢都推咗,好似《公公出宮》、《無雙譜》,佢都係話唔舒服拍唔到。製作部都有諮詢過我,問我點解佢可以喺外面拍戲,但公司嘅劇就推。我都唔太知點解。」



■樂易玲前晚指歐錦棠請了990日病假。

■歐錦棠昨日在fb反擊樂易玲,指自己過往放的是冇薪假。

■歐錦棠早前與王宗堯合作舞台劇《科學怪人:誰主創造》。資料圖片

對於被指請了九百九十幾日病假,歐錦棠昨於facebook還擊,力斥樂易玲是「膠層」說:「當然成千日病假?你係老闆都唔批啦!邊個醫生批你病三年呀?嗰啲叫做冇薪假,我哋叫No pay leave,用新任財爺英文就叫No salary holiday,搞清楚先啦,膠層!」記者昨日致電阿棠,他說:「要講嘅喺facebook講晒,唔再多講啦。」採訪:張俊銘




來源: http://hk.apple.nextmedia.com/entertainment/art/20170121/19903705
樂易 玲指 指推 推劇 劇請 990 病假 歐錦 錦棠 反駁 係冇 冇薪 薪假
PermaLink: https://articles.zkiz.com/?id=323555

【小孩心驚驚】轉移視線係冇用 齌Talk化解仲有效

1 : GS(14)@2017-05-13 02:04:49

你或者都經歷過以下呢個場面,教仔仔踩單車,跌跌碰碰少不免,但佢擦傷少少,就喊到收唔到聲,乜都話驚驚,仲唔敢再嘗試。有家長會喝令孩子馬上收聲,亦有家長會好有耐性咁安撫孩子,不過講到絕招,梗係「轉移視線」!只要同小朋友講:咁我地唔踩單車,去食雪糕啦,大部分時候都會即時見效,但你有無諗過咁做係咪真係可以幫孩子處理不愉快嘅經歷同情緒呢?



加州大學洛杉磯分校精神病學教授Dr. Daniel J. Siegel認為,「轉移視線」根本不能幫孩子淡忘受傷的記憶。想知更多?請看POPA Channel的短片。
POPA Channel面書: http://www.facebook.com/popachannel
POPA Channel網站: http://popa.hk2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170511/20017222
小孩 心驚 轉移 視線 係冇 冇用 Talk 化解 有效
PermaLink: https://articles.zkiz.com/?id=332758

林鄭:冇驚喜即係冇驚嚇七成梁班子過繼林鄭

1 : GS(14)@2017-06-23 02:46:31

■候任特首林鄭月娥昨與其管治班子於政總會見傳媒。馬泉崇攝



【本報訊】候任特首林鄭月娥管治班子昨日正式亮相,競選期間稱要為問責團隊注入新血,最終三司十三局人選有近七成來自梁班子,三司更是原班人馬過渡。對於外界盛傳有林鄭心水司局長人選,遭中央或中聯辦否決,林鄭堅拒透露詳情;面對有立法會議員批評新班子是「二流班子」、沒有驚喜,林鄭反指沒驚喜亦等於沒驚嚇,又以自己為例,強調政府「舊人」同樣可帶來新景象,形容「呢個就係最理想嘅班子」。記者:陳雪玲



國務院昨早公佈任命下屆特區政府主要官員,現任3名司長將過渡至新班子;至於13名局長中有劉江華、黃錦星、楊偉雄留任原職位;現任特首辦主任邱騰華則轉為商務及經濟發展局局長;另外4名副局長陳肇始、劉怡翔、楊潤雄及李家超則更上一層樓;由公務員轉職為局長的亦有4人,分別是聶德權、黃偉綸、羅智光及陳帆。新班子中唯一「外援」只有候任勞工及福利局局長、民主黨前黨員羅致光。國務院亦同時任命入境處處長、海關關長、廉政專員、審計署署長及警務處處長,分別由曾國衞、鄧以海、白韞六、孫德基及盧偉聰出任,料林鄭最快今日公佈行政會議名單。



拒透露京有否干預人選

三司十三局中,11人近七成來自現政府,林鄭昨午與新班子在政總會見傳媒,她在開場發言時已為這個新瓶舊酒班子解話,強調團隊是公眾熟悉面孔,但均認同其管治新風格,問責團隊將會以新思維、新做事文化應對社會環境轉變。林鄭在記招會數度被追問新班子是否非首選,以及中央與中聯辦有否否決部份其推薦的名單等,她拒透露過去兩個月的組班細節。她在當選後接受訪問,曾明言「自己的事自己做」,不需中聯辦為港府在立會箍票,若連組班亦傳受中聯辦阻礙,日後如何可以不受中聯辦左右?林鄭只說:「乜嘢係自己嘅事,乜嘢係同中央有關嘅事,都係按《基本法》去做,所以有關主要官員嘅任命,我喺開始時都講過,就係行政長官提名、中央人民政府任命。」林鄭又直言新政府未有改組是不希望為現屆政府及立會添煩添亂,未來5年是否改組要看行政立法關係及社會氣氛。對於民主黨立會議員涂謹申形容新班子是「二流班子」、沒有驚喜,林鄭稱沒有留意評論,但一般都是說沒新意,「冇咩驚喜即係冇咩驚嚇啦,可以話係平穩實幹嘅班子」,強調會以最謙卑的態度去接受批評,相信不會影響他們與立法會議員的合作。


張建宗:係「易流團隊」

政務司司長張建宗在三司問答環節結束時,主動回應涂批評。張說:「我哋同立法會關係一定係容易交流,未來一定係容易交流嘅團隊,『易流團隊』係咁樣睇。」香港眾志立會議員羅冠聰指,林鄭不斷強調其班子的「新」,圖與梁振英風格保持距離,但現在只凸顯新班子仍受制於中聯辦,未上任已淪跛腳鴨政府;另一議員、公民黨楊岳橋則指,大部份主要官員來自公務員系統,證明高官問責制的失敗,未能吸引政府以外的人才加盟。建制派議員對新班子表示歡迎。民建聯李慧琼稱樂意見到新班子來自問責團隊或由原副局長升任;料會加入行會的新民黨葉劉淑儀指,「唔一定新人多先好」,認為留任官員有經驗,估計新班子上台後會再有變動,希望屆時林鄭引進更多優才。【一表睇晒】林鄭新班子逐個睇 http://bit.ly/hkcabinet



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170622/20064820
林鄭 驚喜 即係 係冇 驚嚇 七成 班子 過繼
PermaLink: https://articles.zkiz.com/?id=336507

【菜市場學】荔枝啱食 浸完鹽水真係冇咁熱氣?

1 : GS(14)@2017-06-23 02:59:22

荔枝解燥熱的偏方有很多,你有聽過嗎?



關於荔枝解燥熱的偏方有很多,以浸鹽水最為人所知。記者就三個偏方──浸鹽水、浸水一晚及冷藏,記者在街頭訪問一眾市民,全部均認為將荔枝浸鹽水最能減低荔枝「熱力」,皆因鹽水向來有殺菌作用。千金堂中醫診所註冊中醫師馬立礎醫師說:「李時珍說,荔枝是會引動人的虛火的。至於食多少才會引動虛火,則因人而異的。」他指出,中醫講求陰陽平衡,陽是身體裏面的動能,例如心跳;而陰則是身體裏面的水液,如血、津液等。荔枝屬於陽性食物,陰陽平衡不了自然會上火。科學角度而言,如果短時間內大量食荔枝,身體會積聚大量果糖,身體消化不了就會熱氣。但上火與否完全視乎體質及進食份量,不能一概而論。政府食物安全中心則建議荔枝不要空肚食,成人一日最多食十粒。至於浸鹽水能否為荔枝卸火,馬醫師則指出鹽水在中醫角度確可卸火,但是令身體卸火,不是令荔枝減少了火,是兩個不同的概念,因此把鹽水及荔枝分開食用,亦能達到同樣效果。馬醫師更笑指食物的屬性與其溫度無關,只是一般人誤以為將荔枝冷凍「熱力」就會減低,因此浸水一晚及冷藏並無功效。另有網上報道稱,連荔枝果膜一併吃下去可卸火,醫師指果膜本身是用來包裹荔枝的汁液,與防止上火沒有關係。較意想不到的是,看似真實性較低的偏方──荔枝殼煲水反而是有醫學根據的。「因為果殼味道較苦澀,可達到醒胃的作用,讓荔枝不要積聚在身體裏。」《本草綱目》建議用荔枝殼煲水飲,可以解掉荔枝的熱氣。當然,此方法只適用於新鮮或自家種荔枝,現代的農藥殺蟲劑令此方法未必再安全,切勿亂試。



由於荔枝屬陽性水果,所以容易引起「上火」。

鹽水在中醫角度可卸火,但只是令身體卸火,不是減低荔枝的「熱力」。

《本草綱目》記載,荔枝會引動人的虛火。


網上有指連荔枝的果膜一併吃下去,可令荔枝沒那麼上火。

千金堂中醫診所註冊中醫師馬立礎。

記者:張欣頤攝影:許先煜、梁志永2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170622/20064166
菜市場 菜市 荔枝 啱食 浸完 鹽水 真係 係冇 冇咁 熱氣
PermaLink: https://articles.zkiz.com/?id=336655

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019