ZKIZ Archives


黃伊汶陳國坤 下月峇里結婚

1 : GS(14)@2014-09-22 22:21:01




■33歲的黃伊汶和陳國坤拍拖5年,終被男友連環求婚打動,將於下月在峇里舉行婚禮。資料圖片



現年33歲的黃伊汶(Emme)於08年撇甩花心舊愛余文樂後,跟現年39歲的翻版李小龍陳國坤拍劇撻着,兩人拍拖5年如膠似漆,近年更屢傳婚訊。據知,兩人終決定下月在峇里舉行浪漫婚禮,由於他們都不喜鋪張,約邀50位至親摯友見證,圈中只有陳小春和應采兒、鄭希怡和Andy兩對夫婦獲邀出席。昨日本報致電Emme恭喜,她初時支吾說:「吓!吓!未落實住。」追問是否下月在峇里行禮?她才禁不着開心承認:「係下個月,你畀我保留一啲空間。」問男友怎樣求婚?她含蓄說:「咪一般咁求婚,好自然,其實佢連環求咗好多次婚。我哋一齊好耐,屋企人成日問,佢好急,我反而唔急。」



■上月陳國坤為慶祝39歲生日,跟女友到迪士尼遊玩。微博圖片

■陳國坤在微博貼拖手背影相,大晒恩愛。微博圖片


唔急生B

有冇跪地求婚?她笑說:「咁正常嚟講都有,唔通我跪咩。」感動到喊?她說:「都有嘅,但驚嚇多過驚喜囉。」Emme還透露未影婚紗相,所有事都好急,笑問咁急是否奉子成婚?她譁然大叫否認:「梗唔係啦,我唔會咁快生BB。」



■應采兒和鄭希怡與黃伊汶都老友鬼鬼,下月將到峇里出席好姐妹婚禮。資料圖片



多次求婚的陳國坤終於可以娶得美人歸,上月踏入39歲生日的他,與女友到香港迪士尼樂園慶祝,在微博貼兩人拖手的背影相,甜蜜留言:「謝謝所有朋友對我的生日祝福!那天我在香港迪士尼過了一個充滿童真的天地!保持天真才能找到快樂。」據知,目前在內地拍新戲《勇士傳說》的他,下月舉行婚禮都要跟劇組請假。採訪:皓騫



【動LIVE】萬人罷課 蘋果全程直播:和平佔中: http://occupycentral.appledaily.com
YouTube: http://bit.ly/occupycentral




來源: http://hk.apple.nextmedia.com/entertainment/art/20140922/18874087
黃伊 伊汶 汶陳 陳國 國坤 下月 結婚
PermaLink: https://articles.zkiz.com/?id=285693

黃伊汶早產小龍:B仔叫陳真

1 : GS(14)@2016-03-05 01:12:10

■陳國坤大讚B仔似老婆黃伊汶。互聯網圖片


陳國坤一向視李小龍為偶像,加上他樣貌似足李小龍,所以大家都稱他做小龍。前年陳國坤迎娶黃伊汶後努力造人,上年終於傳出喜訊,原定黃伊汶擇好吉日於本月27日剖腹產子,所以陳國坤安排這段時間返內地為《葉問3》做宣傳,之後就回港陪太太。豈料前日下午5時許,身在北京的他接到太太作動的通知,就立刻趕返香港。



■黃伊汶產前與陳國坤影大肚照留紀念。資料圖片

■昨日凌晨12時鄭希怡與老公去探黃伊汶。


■陳國坤昨日帶鮮花送給太太。

笑鬧囝囝唔生性

昨日凌晨約12時,陳國坤匆匆現身養和醫院,榮升爸爸的他透露心情既緊張又開心,問為何現在才到?他解釋:「做完嘢啱啱先落機咋,即刻趕過嚟。」他續說:「個仔唔生性啦(意思提早出世),一落機即打電話畀太太,佢叫我快啲上嚟。」問囝囝改名未?他說:「陳真囉!我個仔個名唔叫陳真,叫乜嘢呀?」「陳真」一角其實為李小龍於1972年電影《精武門》的角色,片中他以一敵眾拳打日本人,更將「東亞病夫」牌匾還給他們,陳國坤將兒子改名為陳真,他果然是李小龍的忠心粉絲。



出世有六嚿腹肌

鄭希怡比陳國坤更早抵醫院探黃伊汶,昨日凌晨12時半,她離開醫院時被問到BB是否很可愛?她說:「係我見過咁多小朋友之中,最靚仔嘅一個,一生出嚟已經有六嚿腹肌。」昨午2時半,陳國坤手拿鮮花到醫院,問他前晚是否留院陪太太?他說:「係呀,頭先出去食啲嘢,順便買花畀老婆。」他透露囝囝較似媽咪,眼眉就似他,陳國坤表示太太會餵人奶,又讚老婆不像剛生過BB,產後一樣好靚,估計4、5日後就可以出院。此外,何嘉莉與丈夫、谷祖琳及陳小春昨亦到醫院探黃伊汶。採訪、攝影:潘冠恩、徐錦池





來源: http://hk.apple.nextmedia.com/entertainment/art/20160303/19513588
黃伊 伊汶 早產 小龍 仔叫 叫陳 陳真
PermaLink: https://articles.zkiz.com/?id=296716

陳國坤獎勵伊汶生多個

1 : GS(14)@2016-03-05 01:26:33

黃伊汶於前日凌晨誕下囝囝陳真,榮升爹哋的陳國坤,昨日與好友宋本中齊齊現身養和醫院,見到陳國坤繼續買了鮮花送給太太,他笑說:「呢紮花我搵咗好耐,專登買嚟送畀老婆,我仲會送一個類似獎盃嘅嘢畀佢,總之佢一定估唔到。」問可有為太太準備美食?陳國坤笑說:「冇呀,而家佢未係好食得嘢,等佢返咗屋企先喇,我買晒啲補品喺屋企。」他又透露太太日內會出院:「我都唔知仲有乜嘢朋友嚟探佢,但係我叫佢哋遲啲先,等佢出院先。我幫BB影咗好多相,我諗每個新手父母嘅電話,全部都係BB相。」至於會否再生?他直言:「我想㗎,不過等太太feel吓呢個先。」採訪:譚倩宜攝影:陳順禎





來源: http://hk.apple.nextmedia.com/entertainment/art/20160304/19515273
陳國 國坤 獎勵 伊汶 汶生 多個
PermaLink: https://articles.zkiz.com/?id=296831

黃伊汶B仔精靈伸脷

1 : GS(14)@2016-03-08 00:08:35

■黃伊汶囝囝陳真出世一星期,已經表情多多。微博圖片





黃伊汶


黃伊汶(Emme)囝囝陳真上星期一提早出世,前日一家三口已經回到家。第一次做爸爸的陳國坤(小龍)心情特別興奮,前日他到養和醫院接老婆和囝囝出院時,站在醫院門口接受傳媒採訪,只不過兩三分鐘時間,已經忍不住要揭開被仔望實囝囝,當真是見少一秒都心掛掛。小龍接完老婆、囝囝出院回家,日對夜對,當然少不了影相留念。經過一晚休息,小龍昨日即在微博發佈多張囝囝新照,並留言:「小帥哥陳真愛笑愛玩愛睡,這樣像我。」陳真雖然出生不過一周,但已經表情多多,鼻子大大的陳真像媽咪,睡覺時也會微笑,還會伸脷仔,古靈精怪,趣致可愛。撰文:陳以晴





來源: http://hk.apple.nextmedia.com/entertainment/art/20160307/19519057
黃伊 伊汶 精靈
PermaLink: https://articles.zkiz.com/?id=297155

伊汶做媽咪痛得抵

1 : GS(14)@2016-03-09 16:26:02

黃伊汶(Emme)囝囝陳真本月1日搶閘出世,比預產期早了近一個月,Emme母子已於大前日出院返家休息。昨日凌晨Emme在Instagram貼了一張她抱着相信正在熟睡的囝囝相片,並寫道:「好多人問我做媽咪嘅感覺係點!第一個感覺係痛!」不少網民都留言叫她加油。本報昨日聯絡Emme,她透過短訊回覆:「Everything is fine!」有指她在Ig喊痛,Emme即貼哈哈笑公仔說:「作動痛,開刀痛,落床痛,谷奶痛,haha!」採訪:李察





來源: http://hk.apple.nextmedia.com/entertainment/art/20160309/19521360
伊汶 汶做 媽咪 痛得 得抵
PermaLink: https://articles.zkiz.com/?id=297374

早產星B:黃伊汶囝囝趁爹哋北上搶閘

1 : GS(14)@2016-05-21 13:13:35

胎兒一般預產期是在第38至42周,早於37周出世的嬰兒會視為早產嬰,近年有不少星級BB都急不及待於38周前出世見父母。



黃伊汶

黃伊汶擇了在今年3月27日剖腹產子,怎料胎兒趁爸爸陳國坤北上工作時,突然作動出世,比預產期早了近四星期。



Kim Kardashian

美國饒舌歌手Kanye West的太太Kim Kardashian,在去年12月誕下細仔時,比預產期早了近三周。



梁政珏

去年9月,梁政珏懷孕至35周時作動,由於懷孕初期出現胎盤前置及過低,要即時剖腹誕下4.2磅兒子。



陳自瑤

2012年4月,陳自瑤與王浩信的囡囡至37周做產檢時,發現胎兒有臍帶纏頸迹象,提早剖腹誕下女兒。



陸永太太

2012年2月,陸永的太太Rainah陀長女至36周時,突然作動被送院,陣痛一日後,醫生決定剖腹產女。





來源: http://hk.apple.nextmedia.com/entertainment/art/20160518/19615943
早產 黃伊 伊汶 汶囝 囝囝 囝趁 趁爹 北上 搶閘
PermaLink: https://articles.zkiz.com/?id=300546

黃伊汶代子拜師傅家俊

1 : GS(14)@2016-07-17 15:41:40

黃伊汶(Emme)和朱潔儀等昨日在尖沙嘴出席傅家俊手錶發佈會,首次設計手錶的傅家俊指花了幾個月時間設計,Emme大讚他的設計很漂亮,希望二人日後可以合作。
Emme趁機提早幫四個月大囝囝陳真向傅家俊拜師學打桌球,她說:「我喺溫哥華都有打過美式桌球,覺得男仔打桌球好有型,而家問佢實冇得say no。」傅家俊即場答應,更表示榮幸可以做陳真的師傅。Emme最初覺得湊仔很悶,現時開始跟兒子有互動,覺得好好玩,囝囝影相又chok,Emme更大爆老公陳國坤經常抱陳真扮飛,為囝囝設計型男髮型。採訪:盧妹攝影:沈健程





來源: http://hk.apple.nextmedia.com/entertainment/art/20160716/19696836
黃伊 伊汶 汶代 代子 子拜 師傅 家俊
PermaLink: https://articles.zkiz.com/?id=303968

【馮仁昭四圍超】黃伊汶為行騷節食

1 : GS(14)@2016-09-09 05:09:15

近年主力喺商界發展嘅黃伊汶(Emme),生完仔之後,繼續家庭事業兩兼顧,噚日到會展為自己有份投資嘅時裝品牌客串做模特兒,同場仲有韓國女星李成敏。Emme話為咗今次catwalk,足足節食咗4日:「你哋知我又啱啱生完小朋友,體形仲差少少先返到之前咁。」又話入股後主力發展內地市場,而且要兼顧湊仔都有啲辛苦。撰文:馮仁昭




來源: http://hk.apple.nextmedia.com/entertainment/art/20160908/19763624
馮仁 仁昭 四圍 黃伊 伊汶 汶為 為行 行騷 節食
PermaLink: https://articles.zkiz.com/?id=308216

黃伊汶性感被老公質問

1 : GS(14)@2016-09-09 05:37:01

黃伊汶、莫可欣、何國鉦和盛品儒等昨日出席會展舉行的內衣騷,李成敏任模特兒示範自家設計性感內衣,黃伊汶亦以性感打扮支持好友。她說:「今日我都着咗公司品牌最性感嘅裙出嚟,希望我哋品牌服裝成熟時,再同呢個品牌合作。」着得性感老公反應如何?她說:「佢剛才有過目,問我乜料,同埋問有冇打底,我話完騷會除。」



■李成敏透露鍾意性感透視款式內衣。

李成敏首次設計內衣兼行騷,她跟不同品牌合作累積經驗,希望將來擁有自家品牌。今次設計有性感、運動、可愛和高貴原素,本身鍾意性感透視款式,問到滿意自己身材嗎?她說:「唔滿意,每日都要做運動,一日冇做,第二日就做雙倍,最緊要令身心健康。」採訪:馬建華攝影:陳俊強




來源: http://hk.apple.nextmedia.com/entertainment/art/20160909/19764714
黃伊 伊汶 性感 老公 質問
PermaLink: https://articles.zkiz.com/?id=308367

朱潔儀狂掃紅底迎鼠年黃伊汶童心未泯買卡通內衣

1 : GS(14)@2016-09-11 05:50:28

明星同普通人一樣,都係要食飯,都係要買內衣嘅。不過大多數女星,一係就自己買,一係就搵女助手陪,絕少搵男性陪買,但老公除外,這點你懂的...車婉婉今年情人節,車婉婉就同老公Johnathan行街買餸,實行返屋企煮飯撐枱腳,期間婉婉發現一幢大廈嘅樓上舖賣內衣褲,即刻一個箭步走咗上去。朱潔儀中國傳統習俗都會喺農曆新年送舊迎新,港姐出身嘅朱潔儀就係08年,迎接鼠年嘅時候,去太古城商場買內衣褲,仲一口氣買咗八條紅色內褲。關淑怡07年,關淑怡就冒雨同女友人去到銅鑼灣嘅內衣專門店狂掃黑 bra及平腳黑內褲,而且任影唔嬲。黃伊汶已做人妻嘅黃伊汶,今年3月仲做埋媽媽,幫陳國坤生咗個肥肥白白嘅囝囝陳真,佢就係04年,影到佢同助手結伴到銅鑼灣世貿中心買內衣褲,仲唔駛十五分鐘,就買咗三套卡通內衣同一套睡衣添!




來源: http://hk.apple.nextmedia.com/entertainment/art/20160911/19767375
朱潔 潔儀 儀狂 狂掃 掃紅 紅底 底迎 鼠年 黃伊 伊汶 童心 未泯 泯買 卡通 內衣
PermaLink: https://articles.zkiz.com/?id=308617

【馮仁昭四圍超】應采兒遭黃伊汶暴力

1 : GS(14)@2016-09-17 17:33:03

互聯網圖片





應采兒同陳小春結婚6年,恩愛有增無減,不過前日應采兒忽然喺Instagram貼出眼部受傷嘅相,並且留言:「Happy Halloween家暴」,搞到唔少網民留言問佢做乜事。噚日應采兒再更新Ig,更與整傷佢嘅「兇手」一齊現身,原來係佢老友黃伊汶(Emme),Emme扁晒嘴咁企喺應采兒後面,仲擺咗個「耍冧」動作,應采兒就留言寫「真正打我一拳的是……」然後tag咗Emme個名,真相原來係咁。撰文:馮仁昭




來源: http://hk.apple.nextmedia.com/entertainment/art/20160916/19771944
馮仁 仁昭 四圍 應采 采兒 兒遭 遭黃 黃伊 伊汶 暴力
PermaLink: https://articles.zkiz.com/?id=309386

【桃花強勁】曾戀黃伊汶吳雨霏

1 : GS(14)@2017-02-11 18:58:01

余文樂在2000年出道,桃花運比星運更旺,感情世界多姿多采,真戀情加上緋聞女友一大籮。


黃伊汶

發展五年地下情,傳余文樂太花心遭女友怒飛,曾五度求復合不果。



盧巧音

發展姊弟戀,兩人性格皆強悍,最終因小誤會而分開。


鍾欣潼

傳出與陳冠希在《十大勁歌金曲頒獎典禮》後台衝突互爆粗,為的是爭奪鍾欣潼。



吳雨霏

合作MV擦出愛火,相戀不到一年,傳遭女友發現和其他女子的情慾短訊,結果被分手。


李靜儀(Heidi)

被網友踢爆同遊台灣,二人在Ig分別上載來自同一間店的牛肉麵相片,被指秘密撻着。


周冬雨

合作內地真人騷節目《我們相愛吧》火速傳撻着,經常公然打情罵俏。




來源: http://hk.apple.nextmedia.com/entertainment/art/20170211/19924737
桃花 強勁 曾戀 戀黃 黃伊 伊汶 汶吳 雨霏
PermaLink: https://articles.zkiz.com/?id=326378

【馮仁昭四圍超】黃伊汶囝囝開生日P

1 : GS(14)@2017-03-04 00:34:51

黃伊汶同陳國坤嘅囝囝陳真前日一歲生日,黃伊汶搞咗個星星主題派對,用咗好多星星氣球佈置,同埋訂咗三層蛋糕,插上一支蠟燭。出席生日會嘅賓客有鄭希怡母女、林子聰父子等,同樣有份到賀嘅應采兒噚日仲喺Instagram貼相,話想叫囝囝Jasper約陳真去街喎。撰文:馮仁昭




來源: http://hk.apple.nextmedia.com/entertainment/art/20170303/19945349
馮仁 仁昭 四圍 黃伊 伊汶 汶囝 囝囝 開生
PermaLink: https://articles.zkiz.com/?id=327624

黃伊汶趁工人放假親子

1 : GS(14)@2017-05-27 00:06:55

黃伊汶和陳嘉桓昨日在葵興出席網上商店活動,黃伊汶位於汕頭的第三間手錶專門店剛開幕:「今次投資咗7位數字,目標係全中國每個省都有我哋嘅舖頭,大約20、30間。」她認為湊BB比做生意辛苦,坦言平時很少時間陪囝囝陳真,平日湊仔的工作都留給工人姐姐,她說:「工人姐姐最近放10日假,我要每日陪囝囝讀書、玩,感覺同佢嘅感情昇華咗,由唔想工人姐姐走到?家唔想佢返嚟。」陳嘉桓平日喜歡網購,最多試過花費5位數字:「我都試過貨不對辦,件泳衣買返嚟少布咗好多,最後都着唔到。」採訪:盧妹攝影:陳俊強




來源: http://hk.apple.nextmedia.com/entertainment/art/20170526/20033605
黃伊 伊汶 汶趁 工人 放假 親子
PermaLink: https://articles.zkiz.com/?id=334070

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019