ZKIZ Archives


中環在線:郭台銘退休計劃乖女嫁人先實行 李華華


2010-9-6 AD




 

工人跌(跌落 樓)、業績跌、股價跌,台灣首富郭台銘(圖)當富士康(2038)呢半年真係無乜好嘢發生,嚟緊又有咩跌呢?就係增長跌嘞!郭董喺深圳接受彭博訪問嗰陣自 爆,佢就快會將富士康年度銷售增長目標,由十幾年嚟嘅30%降到15%;郭董咁樣講真係嚇親啲分析員,事關佢哋唔認為投資者有心理準備增長會cut咁多 嘛!

出年就夠秤搞大壽嘅郭董又話,佢可能喺三年內宣佈接班計劃,之不過咁,直到佢個一歲寶貝女嫁人之前,佢都會留守喺自己嘅工作崗位!咁大家不妨幫郭董計一計,假設佢打破新一代遲婚嘅風氣,18歲就走去嫁人,咁郭董最少都要做到77歲!

By the way,台灣嗰邊流傳緊,郭董老婆又有咗,流傳預產期最快下個月,分分鐘喺10月8日郭董生日嗰日……唔知郭董稍後喺咪又會同傳媒講,等個細仔娶埋老婆先退休呢?

 


中環 在線 郭臺 臺銘 退休 計劃 乖女 嫁人 實行 華華
PermaLink: https://articles.zkiz.com/?id=17970

林恬兒失戀打擊乖女變蒲精


2012-8-2  NM




岳少跟前妻謝玲玲生的廿七歲大女 林恬兒(Emily),早年一直在美國升學,更在名校哥倫比亞大學政治系碩士畢業。返到香港,Emily都鮮有出席社交場合,默默在家族生意麗新集團做過 事務副總裁,兩年前她不再靠屋企,加入里昂證券做銷售經理。皇帝女樣靚背景猛,理應唔憂嫁,偏偏最近她被同在投資銀行打工的男友恨撇後大受打擊,一反常態 狂蒲夜場麻醉自己。阿媽謝玲玲見乖女被飛當然心痛,主動硬銷話:「佢依家單身,我個女好叻,唔係花樽。」

離巢戀愛

上週三晚,謝玲玲親口證實女兒林恬兒分手已有一段時間,「傷心梗有,但依家好好,已經recover咗。我要講我個女唔係花樽,經常要七點出門返公司開morning meeting。」現正在里昂證券做銷售經理的她,之前一直在麗新工作,為瞭解外面的世界,她與屋企傾掂數,兩年前決定往外闖,雖然現時工作時間和工作量 都較以前長和多,但Emily亦做得開心,據知情者說:「佢以前淨係識埋啲富二代,出嚟做嘢就識多咗其他階層嘅人。」因工作關係,她結識了同在投資銀行工 作的行家,二人很快就撻著拍拖,知情者說:「Emily好鍾意佢,當呢個男人係結婚對象,佢甚至疏遠曬班朋友,唔再去社交活動,淨係黐住男友。」

分手刺激

可惜男方並不領情,更無打算結婚,所以知道女友有此想法時,今年初便決定斬纜,提出分手,「甩拖後Emily發咗癲,成日叫朋友陪佢出去蒲,係晚晚嗰隻。」知情人仲爆大小姐心情唔like就向公司請 假,甩拖後便頻頻主動call人出來陪玩,鐵腳之一是吳建豪的新加坡富二代女友Arissa。兩週前,她又跟前行會成員葉維義的太太梁美蘭飛到意大利西西 裡島,看Dolce & Gabbana Haute Couture花生騷,看來她的情傷仍有待時間去治療。

她跟吳建豪(左一)女友(左二及右下圖右)Arissa老友鬼鬼,甩拖後經常由她陪伴散心夜蒲,成為鐵腳之一。

林恬 恬兒 失戀 打擊 乖女 女變 變蒲 蒲精
PermaLink: https://articles.zkiz.com/?id=35640

電視撈飯:唐詩詠乖女脫變

1 : GS(14)@2013-05-11 15:24:14

成套劇做得最好是她....

http://hk.apple.nextmedia.com/entertainment/art/20130510/18254857
我做過好多次乖乖女角色,今次喺金牌監製李添勝操刀嘅無綫劇《神探高倫布》終於大突破,一人分飾兩角,扮完黎耀祥初戀情人梅妹,再做埋梅妹個女「司徒男」,仲有大露背鏡頭。講到呢個精神分裂嘅梅妹,其實背景都幾複雜,一個40幾歲嘅女人,做過舞女又做人情婦,仲捲咗入一宗烹夫案,雖然祥仔用盡方法幫佢甩身,但最後都難逃一死。喺臨死前嘅一刻,梅妹慨嘆話原來幸福一直喺自己手中,但佢唔識得珍惜,o依家已經冇資格擁有,跟住安慰祥仔唔好為佢傷心,希望佢搵番佢自己嘅幸福,記住呢個永遠微笑。呢場戲感動到好多人,令人體會愛就係幸福呢個道理。
我真係好愛呢個角色,我同添哥合作過兩次,唔知點解佢可以睇到我一啲嘢,又畀到啲信任我,呢份信任畀到我自己好大信心,變咗我會同自己講,佢都搵得你做,唔係對自己冇信心嘛?所以我冇擔心過。至於外界有批評,乜嘢聲音都要聽,我又冇嚇怕,只係唔開心大家唔明,諗唔到啲反應會咁極端,有批評先有進步。

除咗感情線,都有事業線,只不過以前嘅事業線一向都比較靜態,少咗啲變化嘅機會。呢段時間我都好開心,大家睇我做嘢嗰方面,好似呢個角色係冇唐詩詠嘅影子,拍嗰陣好快投入,感受到梅妹嘅心情,不過如果呢套劇喺幾年前拍,我未必拍到,你又會睇到啲以前睇唔到嘅嘢,我相信觀眾同我哋嘅角度係一樣,要吸收同接納啲嘢,先可以有嘢畀到人睇。有添哥點名力讚,我反而對摸索嘅過程有信心,唔再局限喺表面,等於人係會越嚟越複雜,喺複雜角度去睇簡單嘅事,分分鐘有意想不到嘅效果。
有人問我會唔會繼續試新嘢,我都好想試,呢次對我好似係蛻變,雖然轉變係啱,不過演員好被動,未必成日可以遇到一個可以幫到你向前行嘅劇本,有時可能要兜少少路,所以就算今次拍完,下次叫我返番去拍啲好拿手嘅乖乖女角色,我希望可以喺一啲位度攞個平衡,雖然未必人人接受得晒,但起碼令人覺得我做到啲成績,而唔會覺得我有倒退,所以我好拍開心拍到呢個劇。
電視 撈飯 唐詩 詠乖 乖女 女脫 脫變
PermaLink: https://articles.zkiz.com/?id=282792

洗米嫂挺7個月巨肚 乖女傍實

1 : GS(14)@2015-04-10 09:15:35

■洗米嫂昨晚穿粉紅色長裙,頭上配襯閃爆鑽飾,與囡囡現身仁愛堂晚宴。


混血女模Mandy Lieu自去年被爆做澳門賭業猛人周焯華(洗米華)肉墊後,即與洗米華正印陳慧玲輪流發功晒幸福,但隨着Mandy疑似流產,陳慧玲與洗米華、女兒及老爺齊齊遊日本,再加上月洗米華向老婆陳慧玲派定心丸,一句「我最愛老婆!」Mandy即時輸到影都冇,大獲全勝的陳慧玲則越來越風騷,昨挺巨肚出席仁愛堂活動,全程笑騎騎,女兒則傍到實。



留港剖腹產子

昨午陳慧玲先以仁愛堂第十二副主席身份,出席在尖沙嘴舉行的交代就職典禮,心情大好的她戴鑽石錶現身,行頭十足,記者問她身上鑽飾是否都是周生所送?陳慧玲即笑住答:「梗係啦!」雖然陳慧玲表明不想講私人事,身邊又有工作人員為她擋駕,阻記者埋身,但她見到記者仍十分友善,還主動說:「其實想講番主題嘅嘢,因為今日做慈善。」不過問到預產期時,她即按奈不住喜悅:「6月係預產期呀!」懷胎7個多月的她透露會在港剖腹生B,醫院亦已選定,問BB性別是男是女時,她即大賣關子:「你哋估吓啦!遲啲話你哋知!」



■洗米華雖多次被影到約會Mandy,但早前公開說最愛老婆,洗米嫂即時贏晒。資料圖片

■Mandy Lieu被傳流產後,一直未有出席公開活動。資料圖片


■洗米嫂在fb晒比堅尼相。互聯網圖片

fb晒事業線

昨晚約7時,陳慧玲換上粉紅色性感裙出席晚宴,頭上戴閃爆鑽飾的她,由女兒全程伴在左右,同行更有5人貼身保護。問到她將來生了,會否帶小朋友一齊參加探訪活動?陳慧玲說:「一定會帶。」至於會否叫老公也一同參與?陳慧玲即甜到漏表示:「會,一定會。」另外,陳慧玲日前在facebook貼了多張跟女兒、洗米華跟前妻所生兒子柏豪的合照,當中她穿藍色比堅尼,狂晒深長事業線的照片,不過昨日黃昏卻把相片鏟走,只保留她於上周上載、穿上跑步look的照片,有朋友留言問她:「你仲跑步?」陳慧玲回應說只是慢行,還反問:「我而家點跑呀?」採訪:羅慧敏、盧妹攝影:沈健程





來源: http://hk.apple.nextmedia.com/entertainment/art/20150410/19106744
洗米 米嫂 嫂挺 個月 月巨 巨肚 乖女 女傍 傍實
PermaLink: https://articles.zkiz.com/?id=289441

【落選港姐】唔做乖女做性女

1 : GS(14)@2016-11-17 11:30:36

陳梅馨於88年參選港姐,同屆冠軍為李嘉欣、亞軍陳淑蘭及季軍張郁蕾,陳梅馨落選後加入無綫,在劇集《壹號皇庭》系列飾演檢察官關靜,又於《刑事偵緝檔案II》演專業人士,可惜發展未如意。一向乖乖女形象的陳梅馨,於2000年性感上陣拍電影《赤裸紅唇》及三級片《Big波誘惑》,當年她與顏仟汶拍《赤》片,因導演臨時加露股鏡頭,陳梅馨堅決拒絕演出:「我拍戲有自己底線,呢場出浴戲着住短褲、兩點黐膠布,已經係好大膽,希望佢哋可以尊重我嘅決定。」她又認為做演員好辛苦,特別是走大膽戲路女星。同年她與陳昭昭及張綺桐以大膽出位的言論及打扮,主持有線電視收費台成人節目《性在任你Call》。




來源: http://hk.apple.nextmedia.com/entertainment/art/20161117/19836166
落選 港姐 唔做 做乖 乖女 女做 做性 性女
PermaLink: https://articles.zkiz.com/?id=315935

圈中星級契媽舒淇有半打契仔女 王菲契趙薇乖女

1 : GS(14)@2017-01-12 08:08:29

上契呢回事,真係好講緣份,唔係話識得嘅就有得契,都要人哋阿媽想契畀你,或者阿「契媽」想契個細路至得。而喺圈中,有唔少藝人都係契媽級,而做得佢哋啲契仔女嘅,當然都有番咁上下。王菲平日寡言嘅天后王菲,私底下其實有好多知心友,好似演而優則導嘅趙薇咁,同王菲勁好姊妹,而趙薇所生嘅囡囡黃新(小四月),更順利成為王菲契女,據知,王菲仲不時會送禮o氹契女開心。劉嘉玲影后劉嘉玲交遊廣闊,同大陸男星胡軍更係老友鬼鬼,胡軍育有一子皓康,嘉玲睇住康康大,加上佢覺得康康好有親切感,於是喺前年設宴正式同康康上契。嘉玲向傳媒表示,自己向來唔係好受小朋友歡迎,但康康就鍾意黐佢同嗲佢,加上佢覺得同康康有種前世今生嘅感覺,於是就上契。舒淇影后舒淇舊年嫁畀馮德倫升呢人妻,但佢仲做女嗰陣已經係契媽級,據佢所講,佢至少有契仔契女各3個,其中包括劉燁同法籍妻子Anais Martane所誕嘅混血BB劉諾一。唔知係咪契仔契女太多,所以好姊妹林熙蕾同林心如生B,佢都冇再上契。
Twins(鍾欣潼、蔡卓妍)娛圈萌B之一、鄭希怡(Yumiko)個女梁子柔(梁浸浸)極得網民及班uncles aunties寵愛,當中最正嘅係佢有Twins做佢契媽,鍾欣潼(阿嬌)同蔡卓妍(Sa)錫到梁浸浸燶,送禮之外,見到契女又抱又錫,恨死好多人㗎!何超蓮、G.E.M.何超蓮同鄧紫棋(G.E.M.)呢對好姊妹,雖然尚未出嫁,但佢哋就已經係另一好姊妹李蘊個寶貝女紫晞嘅契媽,呢兩個契媽仲不時去探小紫晞,母愛氾濫。而李蘊亦曾帶過小紫晞去探身在廣州開工嘅G.E.M.契媽班,當時G.E.M.仲留言話「看到她(小紫晞)就覺得世界很美好」,係咪sweet到爆先?




來源: http://hk.apple.nextmedia.com/entertainment/art/20170112/19894272
圈中 星級 契媽 舒淇 有半 半打 打契 契仔 仔女 王菲 趙薇 乖女
PermaLink: https://articles.zkiz.com/?id=322322

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019