📖 ZKIZ Archives

有去街市買餸的人，一定知道貨品以平見稱的佳寶；在百佳、惠康兩大超市夾擊下，佳寶仍能在十二年內，由一間細鋪擴展至六十五間分店，建立每年營業額逾十億元的小型超市王國。

佳寶的創辦人林曉毅，八○年偷渡來港，住在筲箕灣木屋區做無牌小販，憑着一個「平」字，令他成為凍肉大王，進駐半山千萬豪宅，身家保守估計逾三億元。

紅色為主的裝潢，光猛明亮的店面，表面看來，佳寶和一般街市的凍肉店無甚分別，但入內一看，便發現價格平到匪夷所思。

街市賣十六、七元一磅的雪藏雞翼，它賣二十四元兩磅，每星期可以賣出近三十噸；平常最少賣兩、三元一塊的漢堡扒，在佳寶十元有十二塊，難怪大批電車男在高登討論區分享各種煮法；就連特首曾蔭權去年落區巡視，行過佳寶亦不禁問句：「點解可以咁平？」

林 曉毅表示從不做蝕本生意，只是薄利多銷，「好似呢隻台灣即食麵，我入貨五蚊八毫，計埋成本賣十蚊九毫，我已經覺得利潤唔錯，但人哋賣十四蚊。」他拆解自己 賣得較行家平的原因：「我哋八成貨直接同廠家入，唔經代理。貨到埗後，全部自己做物流分貨落鋪，唔使俾人賺多幾重錢，咪平啲囉。」

跑美食展搵貨源

為了直接向廠家採購平靚正貨品，七、八年前林曉毅已跑到上海、新加坡及泰國等地的美食展搵貨源，「如果淨係靠香港代理入貨，根本無可能做得大，因為人哋俾咩你，你就賣咩，無控制權。」

最初，籍籍無名的佳寶並未獲得廠家青睞，「佢哋完全唔睬你，我喺美食展等廠家，由佢哋開工等到收工，排到最尾，先俾十幾分鐘我講。好似十蚊十二塊嘅巴西Sadia牛肉漢堡扒，暫時香港應該得我有得賣，當初就喺上海美食展等佢十幾個鐘傾返嚟。」

得罪代理商

為 了可以和廠家直接建立關係，他不惜以較幫襯代理更貴的價錢取貨，「開頭俾貴啲唔緊要，最重要係之後可以合作。」但由於他手法獨行獨斷，經常打破行規，故得 罪不少行內人。有代理商說：「大家都係搵飯食，就算係兩大超市都會透過代理攞貨，但佢就唔係，一見啲貨好賣，就自己聯絡廠家。」

林曉毅也直認不諱：「試吓嘛，唔試過點知得唔得。」而且他三不五時要求代理商減價，故部分代理商索性封殺佳寶，不做它生意，但他早已習慣，苦笑說：「好似廚師牌雞肉腸，人哋間間都有得賣，但我哋無。」

惟商場始終利字當頭，而且對代理商而言，佳寶不設上架費及雜費，數期僅一個月，較兩大超市普遍四十五天至兩個月短，因此也有不少人供貨給佳寶，有代理說：「百佳、惠康要收上架費、宣傳費、搬運費等等，所以我哋定價實貴少少，但俾佳寶嘅就係實價。」

對公司的一切，林曉毅瞭如指掌，巡鋪時隨手拿起一條龍脷柳，便開始說：「你睇吓呢條龍脷，一定要有中間骨嘅紋先係靚貨。」轉頭行到凍肉檔，發現價錢牌有誤，即向員工說：「阿姐，你價錢牌插錯呀，呢種係安格斯牛肋條，唔係巴西牛肋條。」

原來每件貨品，他都親自試過才決定採購，例如近年發售的高檔食材越南大頭蝦、熟八爪魚或虎蝦等，都是由他拍板去馬，惟他亦有睇錯之時，新近入貨的皇帝蟹質素 便一般，「開頭唔知呢隻蟹一定要膏多先好，但第一批唔夠膏，第二批就要求隻隻都要有膏。」若不幸入了死貨，「十蚊貨賣三、四蚊，或者連埋其他貨送出去。」

近年大眾對食物安全愈來愈關注，又落實食品標籤，對佳寶的確造成壓力。上週，食物安全中心驗出佳寶的急凍蝦仁含致癌物質，「其實批貨好耐之前，我哋都有抽驗o架，標籤通常供應商負責，之後我哋會再確認。」

燈光擺設有學問

至於店鋪的陳設，亦是由他精心設計，例如即食麵餅乾等乾貨貨架，大多貼牆擺放，留下較寬濶的通道方便行走，近門口位置則擺放新鮮蔬果，皆因這是吸引師奶的招數，「我哋啲菜價錢平通街市，但又乾淨無浸水。」他指師奶覺得菜平，自然會進店內幫襯其他凍肉。

至於店鋪中間位置的幾個凍櫃，亦大有學問，每盞吊燈成本便一千元，「有啲凍肉鋪會搵紅燈射住，令啲肉睇落去顏色較紅潤，但我無咁做，我用嘅吊燈有殺菌作用，所以一隻蚊螆、烏蠅都無，比普通燈貴幾倍。」

他的街市王國幾乎生果、蔬菜或凍肉雜貨樣樣齊，近年部分鋪還有新鮮肉枱，但從不賣新鮮海產；即使是賣魚，也僅售急凍魚。除了因為新鮮食品食用周期短暫，容易變壞外，還另有原因，「我希望可以做到一個小型街市，但地板要乾爽唔會濕，要好整潔。」一改以往街市濕濕??的形象。

年賺過億

憑着一個平字，佳寶自九七年成立至今，規模越來越大。除了在葵涌自置全幢工廈作為寫字樓及貨倉外，一直穩打穩紮，慢慢擴充，但今年卻一口氣開了二十二間分店。林曉毅說：「金融海嘯之後，鋪租平，選擇多，所以趁機開多幾間。」而且經濟不景，愈來愈多人食平價貨，佳寶的同店生意增長達一成。

最近他還趁低息，以約九千萬元自置了牛頭角及天水圍兩個鋪位，令佳寶現時約有一成屬自置鋪位，其餘則在屋邨附近的二、三線地段租鋪，林曉毅說：「買鋪其實亦係同銀行租鋪，例如五千萬嘅鋪，唔計首期，每個月先供幾萬蚊，但租就要十幾萬，加多四次息都有着數。」他表示每年營業額約十五、六億元，行內人估計利潤亦有一成，即賺逾一億元。

林曉毅表示經營佳寶十多年，大部分時間順風順水，「我覺得最影響係禽流感，唔係話啲生意少咗，啲人唔食雞咪食其他嘢，但所有同雞有關的產品都無人買，放晒喺度。」幸好他賣的都是凍肉及雪藏貨，兩年的食用期限未過，禽流感便過去了。

至於對普通人來說的經濟大危機，例如亞洲金融風暴或金融海嘯等，林曉毅更自誇「斗零都無蝕過！」因為他既不炒股亦不炒樓，無投資自然無損失。

而經營之初，他從來沒想過有任何目標：「話有係呃你，邊有諗咁多，淨係打算盡力做，做到就做，一有機會就開分店。」

過去十多年，林曉毅幾乎每天工作十七、八小時，人生最大興趣是巡鋪、搵位開鋪及行超市，「我架車試過四年幾行四十萬公里。」足夠環繞地球十次。就連競爭對手亦讚他：「佢真係好勤力，成間鋪幾千件貨，佢熟到件件可以講得出價錢。」

無牌小販起家

今年他一改事必躬親的作風，從管理冷凍倉庫的上市公司大同集團挖角請來馮華高做總經理，外間指他希望借馮華高執靚盤數後上市，惟他卻否認：「暫時無計劃，上市太多限制。」

但無論如何，如今林曉毅已大富大貴，食飯倒自己米，鍾情吃海魚，現時更有司機開着近百萬元的凌志接送他巡鋪。一家現居於港島半山四千萬元的豪宅，早前其新鋪開張，太太更拎着數萬元的愛馬仕手袋到場。

但二十年前，他不過是住在筲箕灣木屋區的無牌小販，太太則是工廠妹。問林曉毅為什麼成立佳寶，答案是：「無嘢做，無人請。」現年四十七歲的他，學歷只有小學程度，八○年自家鄉潮州游水偷渡來港，是最後一批受惠抵壘政策的偷渡客。

來 港後，他曾在電子廠做工人，但上班三、四個月便被炒魷，他懷疑上司眼紅自己工作效率高，「因為我做得太快，所以佢炒我。」又試過在地盤工作，但怕做死一 世，難有發達，遂在柴灣擺街邊做無牌小販，凌晨到油麻地果欄入貨，最辛苦是常常走鬼：「成日都要走嚟走去，俾人捉到就要罰錢，架車仔又無埋。」

九一年，他決定和街市內一位在凍肉店打工的朋友，夾份開凍肉檔，「兩個人夾埋兩、三萬蚊，頂咗個市政大樓嘅檔口做，後來我想擴充，認為不進則退，可能佢唔想。」

最終二人拆夥，九七年一月一日，林曉毅在筲箕灣開了首間佳寶，專賣平價凍肉，「叫佳寶，意思好直接，希望係街（佳）市嘅一嚿寶。」連公司標誌亦相當簡單，「有間屋，入面有佳寶食品，我係諗如果間間屋都有佳寶食品就好啦。」

能否做到家家戶戶幫襯佳寶，現時仍是未知之數，惟隨着規模與日俱增，倒惹來小部分顧客混水摸魚，「有個客一年換我四支蠔油，每次食到一半就話變質，唔換就搵報紙雜誌投訴，換當然照換俾佢，但最後，我將閉路電視影像俾佢睇，叫佢唔好再嚟。」

不過，最大危機始終是兩大超市開始認真對待，有行內人說：「如果佢低調做間街市凍肉鋪，人哋就隻眼開隻眼閉唔理佢，但佢咁高調，傳聞某大超市已經決定用五十間鋪，開喺佢附近，貼住佢嚟打。」

林曉毅簡歷

年齡47歲

家庭狀況已婚，育有一子一女

80年偷渡來港

80-91年在柴灣臨時街市做無牌小販，賣水果

91年與朋友合資開凍肉檔

97年與友人拆夥，成立佳寶

06年購入葵涌全幢工業大廈，作為貨倉及辦公室

09年一年內開設22間分店，佳寶分店增至65間

林曉毅揸$3.8億物業

我公司廠房位於廣東省偏遠地方， 當地民風較純樸，包括政府官員作風，但最近我留意到橫掃中國的拉菲旋風已殺到當地，連我以為是較純樸的官員也拉菲不離口。拉菲是法國一級酒莊 Chateau Lafite，近年成為內地最受歡迎紅酒品牌，拉菲旋風威力強大，價格短時間內急升，全球紅酒界為之側目。拉菲在內地被喻為液體黃金，除了用來炫耀，最近 更成為炒賣工具。內地傳媒熱門話題是，天價拉菲能否持久下去？拉菲旋風是否泡沫？

拉菲價格過去半年平均升幅五成，過去幾年升幅更以倍計，遠超於這段時間全球紅酒市場升幅。拉菲售價的瘋狂程度，已到了副牌酒（內地稱小拉菲）的售價，高於部分同年份一級酒莊的主牌酒。

預 測泡沫不是易事，前美國聯儲局主席格林斯潘有句名言，泡沫爆破之前不容易確立泡沫的存在。格老當然有他的智慧，看到泡沫存在是一回事，預測泡沫幾時爆破是 另一回事；泡沫可存在一段長時間，跟泡沫鬥氣能令人傾家蕩產。因此，指出拉菲旋風是泡沫而不提供爆破時間的預測，屬講完等於冇講，猶如賭枱上連開十鋪大， 閣下以肯定語氣指不可能永遠開大——所有人都知不會永遠開大，但下一鋪開大還是開小？

世上沒有無緣無故的泡沫，泡沫的成因必定源自一件大事，而市場人士對這大事有不同看法；泡沫 = 大事 + 爭拗。套入這方程式，誘發拉菲泡沫的大事是中國經濟起飛，內地人開始選擇高級消費品，爭拗是拉菲一枝獨秀所產生的現象未必合理。

很 多人分析拉菲在內地特別成功的原因，是這個中文名改得好，又高貴秀麗，又容易上口，其他一級酒莊的中文名不容易上口，其中Chateau Latour 的中文名是拉圖，音近「拉倒」，對內地人來說不大吉利。拉菲酒莊早一步進入內地市場，已做了許多市場推廣工作，例如最近宣布把08年年份的酒牌寫上中文 「八」字，對準內地人心理。這一切或者可解釋為何拉菲相對其他一級酒莊存在溢價，但現在溢價之大，到了難以解釋的地步。

泡沫形成的時候，好 友和淡友各持己見，不過好友較為佔有優勢，是他們較齊心，一致看好，大家一齊買，愈買愈升，愈升愈買。相反，淡友通常不夠齊心，有些只出口，不出手，選擇 不參與這場瘋狂遊戲，站在場邊觀看，不加入沽空行列。有很多泡沫根本沒有太多沽空的工具，例如拉菲的淡友要付諸行動不容易。好友用行動，淡友靠把口，這場 實力懸殊的比賽勝負相當明顯。

泡沫形成之後會出現一個循環現象，好友賺了錢，令他們對自己的信念更堅定，更加相信自己做的事是對，因為賺錢 是最好的證明，會更加興高采烈投入，然後再賺錢，形成一個循環。拉菲價格過去幾年未跌過，好友在金融海嘯也絲毫無損，至今沒有人買拉菲而輸錢，這循環運作 良好。要泡沫爆破必須打破這循環，先要找出最弱的一點。

我認為其中的一個弱點是，內地人對紅酒認識開始增加，不再盲目跟風，一窩蜂追捧單一 品牌。隨着內地人對紅酒愈來愈有興趣，他們會愈來愈懂得關於紅酒的事物，不過這過程需要很長時間累積。我肯定絕大部分現時飲用或炒賣拉菲的內地人對紅酒認 識不深，一是只知道它是身份象徵，一是只知道它的價格不斷上漲，其他的不管。短期內，因為知識導致泡沫爆破的機會不大。

另一個弱點是冒牌 貨，一兩蚊的雞蛋有冒牌，幾萬元一瓶的紅酒當然不在話下。我相信82年拉菲在內地的存量，應該是拉菲酒莊82年產量的幾倍。不過，這弱點其實跟以上關於紅 酒知識有關，內地人根本分不出真假，況且是真是假分別不大，最重要是要花費幾萬元一瓶，開瓶時主人家有面子，飲完之後是假又如何。

我看不到拉菲泡沫短期內爆破，極其量是升幅放緩。反而我認為一個較有可能的現象，是拉菲跟其他一級酒莊價格的溢價逐漸收窄，這並不是指拉菲跌價，而是其他一級酒價格升。升邊隻？睇佢個中文名能否討得內地人歡心。

蔡東豪

現任上市公司精電國際行政總裁，他曾任職投資銀行，在《信報》以筆名原復生撰寫財經專欄，對投資及求知有無限渴求，習慣早上四時起床寫作找樂趣。

花旗私募基金黑 石集團（Blackstone）有我哋嘅前財爺梁錦松坐鎮，做香港主席係人都知，但實際上阿松負責啲咩，原來大家好似唔係好知喎！尤其係黑石總壇嗰邊，將 會調佢哋駐紐約嘅高層Michael Chae嚟香港，負責亞洲私人股本業務，大家更關注阿松同Michael點樣「分工」！

噚日阿松現身撐中國動物保健品（940）掛牌，當然畀大家追問呢個問題，阿松係咁講嘅：「Michael係我哋黑石集團合夥人之一，佢會負責亞洲個私募股權基金業務，咁我負責呢個區嘅業務，大家係唔同嘅……」

Michael專睇亞洲私募

咁有幾唔同呀？「因為黑石集團喺香港除咗私募基金，仲有其他業務，包括房地產、財務顧問、對冲基金、市場推廣，同埋第三方嘅基金籌款等等……我睇嘅業務範圍係所有業務！」明晒。即係成個亞洲佢睇晒，唔知係咪仲睇埋Michael呢？

查實大家關心阿松先問唧，事關呢個Michael實在猛料，42歲嘅佢係哈佛高材生，1997年已經入咗黑石，有黑石「最卓越領導人之一」嘅美譽，威水史一大籮，阿松哥呢，除咗伏明霞、小母牛同偷步買凌志，sorry，真係recall唔到，佢究竟有咩輝煌戰績！

李華華

[email protected]

周星馳喺《賭 聖》裏面有呢一幕──佢剛落嚟香港，喺火車站外面嘅汽水機前面，見口渴但又無港幣，於是問保安借……但好快，呢一幕可能以後都唔會見到喇！維他奶 （345）原來已經出咗全港首部可以接受人民幣嘅雙幣自動販賣維他奶機（圖），首批已經裝咗喺中港兩地嘅邊境口岸同碼頭，之後就會陸陸續續喺其他旅遊熱點 安裝。

但唔知乜嘢原因，呢架雙幣機雖然接受人民幣付款，但就只接受10元嘅人民幣紙幣喎，咁佢係咪找港幣呢？人民幣係咁升，會唔會蝕水o架……不過唔緊要喇，部機都係旨在方便啲嚟香港玩、使錢嘅同胞，找咩畀佢哋都應該唔會好計較啩！

女俠徐楓個老公 湯君年，6年前過身，留低湯臣集團（258）畀佢打骰，當然仲要做埋兩個寶貝仔嘅「太傅」，培育佢哋日後繼承衣鉢。繼現年27歲、但係喺17歲已經跟住阿 爸學做生意嘅細仔珈鋮（又名子同），4年前成為公司副主席之後，噚日大仔子嘉（圖）亦被董事局推選做副主席。辛苦咗咁耐，睇嚟女俠可以唞唞喇！

29歲嘅湯子嘉入咗湯臣幫手成10年，兩年前已經被委任為公司執行董事，正式入咗董事局。可能時間上仍然遲過細佬珈鋮入公司，所以媽咪要佢做番咁上下時間先升佢做副主席。查實冇所謂喇，最緊要兄弟同心，間公司先會搞得好，千祈咪好似有啲富豪家族咁爭乜爭物！

華華噚日喺法庭入稟列表，發現有單case幾有趣，就係陸氏集團（366）全資附屬公司陸氏實業入稟高院，向莊勝百貨（758）追討500萬元人民幣欠款。

據陸氏喺入稟狀話，呢筆欠款其實早喺2001年已經借出，即係差唔多有成10年，貸款原訂1年期，年息9.5厘，即係應該喺2002年就要清還，點知一直冇咗件事。咁多年嚟，因為核數原因，莊勝一直有向陸氏發出確認借款文件，但係就唔知點解一直拖數。

陸氏幫佢計過，截至今個星期一，莊勝應付利息有成456.13萬元人民幣，咁即係連本帶利差唔多double。陸氏主席陸擎天近年忙於去越南發展，唔通佢最近至得閒醒起要追舊債？

開易控股 （2011）噚日舉行「投推」（投資者推介會），點知「百冇」──冇投推書、冇公司書仔，就連slide都冇放畀投資者睇，管理層剩係喺會上面齋talk 咁sell佢哋隻股份。公關姐姐話，公司一早將啲資料放咗上網，為咗響應環保，管理層決定唔印書仔，但係為咗加深投資者對公司嘅認識，每個投資者都會獲贈 一個林丹公仔同一隻「USB手指」。

點解係林丹（圖）嘅？佢話林丹係李寧（2331）贊助嘅運動員，而李寧就係開易個客，個公仔都係開易幫李寧設計嘅……講開又講，原來開易個英文名Kee係潮州話嚟，意思係「崛起」，即係公司希望佢哋嘅拉鏈生意可以越做越大咁話喎！

將近一月，馬圈 中人又要計劃到澳洲紐西蘭買馬，一月底至二月初，紐西蘭有大型拍賣會，一月十二至十九日，澳洲昆士蘭省黃金海岸有神奇百萬拍賣會，兩者都係每年澳紐趁住夏 天好天氣而舉行嘅重要拍賣會，不過天氣今年有變，上星期墨爾本竟然有雪，奇哉怪也。

十二月十三日，香港國泰航空國際大賽之後，昆士蘭省駐港 經貿署主管Simon Lee就邀請咗神奇拍賣會董事總經理David Chester與馬主協會會員、練馬師、騎師等等人在蘭桂坊LKF酒店出席酒會，推廣昆士蘭投資環境以及神奇百萬拍賣會。西蒙．李以前係美國銀行亞洲 （BA Asia）嘅經理級人馬，依家就負責宣揚昆士蘭，對左丁山講：「昆士蘭啲蜜糖好有益，芒果特別靚，荔枝都十分美味，當然我地啲純種馬戰績彪炳，買馬不能不 到黃金海岸。」昆士蘭重視馬匹出口，對外來馬主好好招呼，去過就知。

愛馬之人，對馬匹好敏感，呢日馬主Ｃ打電話嚟問：「你去唔去紐西蘭買 馬？」左丁山已有一馬，唔去咯，但同日睇IHT講經濟陷入困境嘅愛爾蘭，講到大量馬匹無人照顧，任由餓死、凍死，不禁心酸。愛爾蘭盛產名駒，前輩張福元經 常認為英國愛爾蘭馬好過澳紐馬，而事實上，長途靚馬多數出自愛爾蘭種，例如「爆冷」、「技藝精湛」、「紅杉木」、「締造美麗」等等。

IHT 報導，愛爾蘭首都都柏林市之外幾公里嘅一個填土區，在極寒冷的冬日，有成千上萬隻馬在草地上遊蕩，無人理會，在郊野等死，最瘦弱、捱唔住嘅馬，就受人道毀 滅，用0.32口徑手槍，向頭部開一槍，應聲倒地。兩年前，金融海嘯前後，愛爾蘭地產泡沫爆破，愛爾蘭嘅銀行從此陷入破產邊緣，不斷由政府打救，直到政府 需要歐盟及IMF打救，人民失業率高企，愛爾蘭人自顧不暇嘅時候，誰會照顧馬匹？最好血統嘅純種馬尚有市場價值，次一皮嘅就由得佢地自生自滅，聞者心酸。 同是馬匹，生在昆士蘭與生在愛爾蘭，命運有天淵之別。

今年聖誕，香港 市面十分熱鬧，酒店自助餐一早訂滿，23日與家人到尖沙嘴賞燈飾，趁大減價買些過農曆新年的衣物。香港人就是那麼cheap，要等到減價才掃貨，與內地大 款不問價就掃十個八個LV，筆者當然自愧不如。

聯滙令經濟難自然調節

經過廣東道的名店，發現多了日本、韓國、歐洲等遊客，再 不是清一色內地大款。多了非內地遊客，相信是港元滙率跟隨美元下跌有關，香港無法恢復過去八、九十年代的經濟增長，聯滙是其中一個主要原因。

年 近40或以上的讀者，對90年代負利率造成樓價飛升應該還有印象，當時供樓利率達10厘，樓價每月上升，情況比現在嚴重得多，受制於聯滙，香港不能加息。 最奇特是，香港在泡沫越吹越大時，還要跟隨美國減息，香港人就這樣過了荒謬的90年代。

回歸後，香港簡直就墜落到谷底，對於中產有樓階級， 聽到董建華說甚麼香港地貴、人工貴，由於聯滙，資產貶值是唯一出路之類的話，就真的火燒心。香港就因聯滙，失去超過10年的經濟自然調節機會。

直 到現在，政府始終沒有解釋堅持聯滙這個貞節牌坊的理據，新加坡的經濟規模比香港小，但坡元是自由浮動的貨幣，又有甚麼問題？新年又到，本來有親友邀約到深 圳玩樂，但想起有很大機會喝到假紅酒、坑渠再造油、化學蛋、荷爾蒙海鮮，最慘是價錢跟香港差不多，筆者就沒有興趣了。

Uncle Ray