北京霧霾開工冇口罩吳千語流黑鼻涕
1 :
GS(14)@2017-01-14 07:54:31■吳千語前晚出席天馬周年晚宴時，大談在北京拍戲的苦況。
吳千語、張晉、朱茵夫婦、劉心悠及周秀娜等前晚在灣仔君悅酒店出席黃百鳴旗下的天馬電影公司的周年晚宴。吳千語接受訪問時透露近日在北京為電影《古劍奇譚2》拍攝，見識到霧霾的威力，她說：「開工時因為化咗妝唔可以戴口罩，不過工作人員個個都有戴，有啲個口罩入面仲有把風扇。每次拍完戲返酒店，啲鼻涕都係黑色仲有啲血。」她笑言在戲中演一位仙女，所以經常要吊威吔，不過鏡頭背後單薄的仙女衫，要在零下十度的氣溫下盪來盪去，都頗為難受。同劇還有王力宏及高以翔，千語跟身高1.95米的高以翔有不少對手戲，她笑言每次都是望着對方的下巴講對白，她說：「唔可以眼望眼好怪。」千語透露男友近日在橫店開工，要等到農曆新年才會一起過。
■（左三起）鄭嘉穎、林敏驄及鄧麗欣等上台宣傳新戲。
■劉心悠希望農曆新年前拍完新片，與母親留港過年。
■朱茵及黃貫中未有帶囡囡出席晚宴。
朱茵去年拍三片
已有一段日子沒有露面的朱茵看來容光煥發，她表示去年拍了三套電影過足戲癮，她說：「一部喺西藏拍嘅古裝，做西藏姑娘，第二部同內地小鮮肉合作嘅愛情片，第三部要由20歲演到60歲，要化妝特技幫手。」已有五年沒有拍戲，復出是因為囡囡黃鶯已經讀幼稚園一年班，不用貼身照顧。但亦試過電影剛收工，就要趕出席囡囡的學校活動。另外，張晉跟劉心悠目前都為導演陳果的新片《九龍不敗》開工，心悠希望新年前可以完成，跟母親在港過年休息，早前到日本玩了十天的她已經大滿足。張晉在戲中跟巴西柔術冠軍有不少對打戲，對方是運動員而非演員，所以經常要指導他就力度，拍得頗辛苦。而張晉稍後會為荷李活電影《環太平洋2》埋尾，到青島及悉尼開工。採訪：張俊鉻攝影：沈健程
來源:
http://hk.apple.nextmedia.com/entertainment/art/20170113/19894867
周家蔚開工嚇親細仔
1 :
GS(14)@2017-01-17 01:55:23張繼聰、周家蔚和幼子洪景晞昨日在新蒲崗出席「新年行大運啟動禮」，洪天明帶同長子洪大仁到場為兩母子影相。大會進行放紙炮儀式時，洪景晞怕得伏在媽咪肩膊，之後洪景晞入後台換洪大仁出來。家蔚說：「大仔本來去生日會，但朋友仔病咗，所以天明帶埋佢嚟。」
■張繼聰表示摸老婆謝安琪的肚，感覺到囡囡踢腳。
阿聰高興表示正期待囡囡的來臨，現在摸老婆謝安琪（Kay）的肚，也感覺到囡囡踢腳。對於有傳張敬軒被內地封殺，被消失湖南衛視節目《歌手》，身為軒仔表舅父的阿聰說：「我唔知詳情，唔方便講，等佢哋去交代。識咗軒仔咁耐，佢係實力歌手，重情重義，希望佢事事順利，身體健康。」採訪、攝影：黃曉妍
來源:
http://hk.apple.nextmedia.com/entertainment/art/20170116/19898169
開工利市大比併 信銀豪派2000元
1 :
GS(14)@2017-02-03 01:59:24【明報專訊】放咗4日新年假，相信好多打工仔同小琴一樣，噚日已經開工大吉喇！開市首日梗係要盤點吓各大金融機構嘅開工利市啦！匯豐銀行（0005）早年傳出只向員工派朱古力金幣嘅鬧劇，上年更加係連利市都唔派；今年唔知係咪因為高層繼續凍薪，幫公司慳番啲錢嘅關係，竟然同阿仔恒生（0011）一樣派20蚊開工利市。無人工加但有開工利市收，都叫有番啲安慰啦！
中信里昂同系唔同命 派50元
除咗匯豐同恒生，其實好多大行今年係派廿蚊，包括渣打（2888）、星展、東亞（0023）等。最闊綽嘅繼續係中資銀行，雖然今年市道麻麻，信銀國際依然同上年一樣豪派2000蚊開工利市，小琴真係好葡萄！至於畀中信收購咗嘅中信里昂（CLSA），雖然已經加入咗中資大家庭，但同人唔同命，只係得50蚊利市。
中資就好happy，但市場傳聞，有啲外資公司繼續我行我素唔派開工利市。不過，小琴就覺得應該要入鄉隨俗，就算跟大市派廿蚊等員工開心吓，士氣都會好啲啦！
email:
[email protected]
[小琴密語]
來源:
http://www.mpfinance.com/fin/dai ... 5710&issue=20170202
林雪開工暈倒
1 :
GS(14)@2017-03-23 06:51:18林雪在前晚於尖沙嘴舉行的「第十一屆亞洲電影大獎」，憑《樹大招風》奪得最佳男配角，他在後台接受訪問，表示拍《棟篤特工》時曾暈倒入院，他說：「前日拍拍吓，轉一個樓梯嘅時候暈咗，自己想企起身都企唔到，跟住就入咗醫院，做心電圖檢查。」林雪續說：「醫生話有機會係耳水不平衡，子華都即刻打電話，問醫生有關嘅嘢，自己本身血壓都有啲高，心臟都有啲事，醫生都有叫我減肥，不過唔知點解減極都減唔到。」林雪現在體重148kg，需要積極減磅：「減番8kg，因為減肥好辛苦，同埋?家每日都要食十幾粒藥。」採訪：張俊銘攝影：沈健程
來源:
http://hk.apple.nextmedia.com/entertainment/art/20170323/19966670
周顯：黑社會都係為錢開工
1 :
GS(14)@2017-04-25 23:43:43【明報專訊】朋友問我：「為什麼你常常踢爆金融老千的騙局，仲公開寫出來?！其實大家河水不犯井水，咁咪得囉，無謂得罪人吖！」
我說：「弊在金融老千要Sell我吖嘛！家陣他們是侮辱緊我的智慧，有的甚至出嚟撈金融，連周顯大師個名都冇聽過，就來教老竇生仔，咁無知的人，是不是應該給一個教訓先？」
冇budget David Webb都要減產
有些人和我談老千局，是企圖拉我入伙，一起做老千，我最多只會婉拒，心想你同我做partner，你未夠班喎！也不會太過難為他們。但是，金融老千的對象就是我，企圖騙我喎，咁係唔係要給他們一些顏色看看呢？
朋友問：「你唔怕人哋搵黑社會對付你咩？」
我說：「怕就梗係怕，不過出得嚟行，都唔驚得咁多。再講，我去的場合，全都是熟客，唔通福臨門會有人走入去劈友咩。我屋企隔離行3分鐘就係差館……最重要的是，講到黑社會，佢識唔多過我喎！」
不過今日的黑社會，都係講錢㗎啫，勢力最強的黑社會，就是識最多有錢佬的那個，因為有job才有?，做黑社會，都不過是一門職業，有生意咪發囉！
其實莫講黑社會，就算是恐怖分子，都是一份職業，有budget，才有工開，就算是政治，除了講理想，也都要開飯。有朋友講得最好笑：「你睇，冇budget，連David Webb都要減產！」
[周顯 投資二三事]
來源:
http://www.mpfinance.com/fin/dai ... 0982&issue=20170424
Next Page