【馮仁昭四圍超】千嬅發掘潛能 Torres愛扮BIGBANG
1 :
GS(14)@2016-01-05 08:31:26■楊千嬅話發掘到囝囝有跳舞潛能，仲諗住送佢去跟Sunny Wong學跳舞。
楊千嬅噚日以頒獎嘉賓身份去到金鐘添馬公園出席「童跑同樂馬拉松」活動，同場仲有歐陽妙芝帶埋大仔方玉丞、區永權一家、胡諾言同囡囡一齊參加，可惜天公不造美，不過千嬅就主動放低把遮冒雨頒獎。
「《寒冰掌》佢都識唱」
千嬅在場同大家分享親子關係，佢話平時會陪囝囝Torres玩室內活動，戶外活動就交畀爸爸丁子高負責。千嬅因為上年工作太忙，冇乜時間陪囝囝，所以會趁送仔上興趣班途中加深了解：「早排陪佢去體操堂，發現囝囝識打觔斗。」
■楊千嬅爆囝囝鍾意BIGBANG，成日扮佢哋唱《I am Loser》。
千嬅仲話發掘到囝囝有跳舞潛能，諗住等再大啲就送佢去跟Sunny Wong學跳舞，訓練協調性，但唔會催谷。而Torres試過模仿爸爸以前喺VRF唱歌跳舞，模仿力好好，千嬅笑話：「《寒冰掌》佢都識唱，囝囝又鍾意BIGBANG，成日唱《I am Loser》。」同場嘅歐陽妙芝就指自己近排肥咗啲：「肥咗6磅，噚日黃佩霞先送瑜伽衫畀我，嚟緊報咗學鋼管舞。」係咪想畀驚喜老公？佢話：「係畀自己，啲跳舞衫好緊，要提醒自己唔可以有半點肥肉。」撰文：馮仁昭
來源:
http://hk.apple.nextmedia.com/entertainment/art/20160104/19437789
【未來宅急變】四圍撲水？沖乾沖淨仲慳水！
1 :
GS(14)@2016-01-18 19:02:02【特約報道】在地球上，陽光、空氣和水是構成生命的三大要素，而人體更約有七成是水份。因此，水是維持生命必須而又不可缺少的物質。雖然，水覆蓋了地球表面超過七成面積，但地球上的水97.5%是海水，淡水僅佔2.5%；而2.5%的淡水中，有70%冰凍於極地的冰川中，剩下近30%是深層地下水，難以開發，而僅有少於1%是可供給使用。簡而言之，所有的水中只有0.025%左右才是可使用的水資源，由此可見淡水資源是非常稀少珍貴的。
雖然水覆蓋了地球表面超過七成面積，但地球上的水97.5%是海水。（資料圖片）
所有的水中只有0.025%左右才是可使用的水資源，所以淡水資源是非常稀少珍貴的。
用海水沖廁 就等於環保慳錢？
為了節省淡水使用，香港早於1957年在九龍新區引用海水沖廁，並於翌年全面推展至港九各區。港府在1965年更立例通過新建或重建樓宇，必須設有海水沖廁供水管道。時至今日，香港是世界上唯一全面系統化使用海水沖廁的城市。由於自實施海水沖廁政策以來，一直是由政府負責免費供應，而令許多香港人一直誤以為海水是免費和取之不盡的資源。根據水務署的資料，2013至2014年度海水沖廁的每立方米成本為3.4港元，當中包括用隔網除去海水中的固體雜質、以氯氣或次氯酸鹽消毒，以及輸往配水庫及供應給用戶等配套設施。另外，為了配合海水沖廁，政府所興建的獨立配水幹管、抽水站及配水庫等供應海水沖廁的基礎設施，截至2014年3月底，其固定資產成本已達65億港元。然而，由於水費單上並無反映有關數字，所以大家也未必察覺「免費」沖廁海水成本不輕。
香港早於1957年引用海水沖廁。（資料圖片）
鹹水管比淡水管更易銹蝕，所以經常出現爆鹹水管的情況。（資料圖片）
生化廁所技術 慳水更環保
由於世界水資源日趨短缺，近年越來越多國家開始善用「再造水」。「再造水」是指經過一連串有效的污水處理及消毒除菌程序淨化的污水，以達到可循環再用之嚴格要求。而本地有科研公司開發了生化廁所及灰水回收系統，利用「膜生化污水處理系統」，能將廁所排放出來的污水淨化並循環再作沖廁之用，達至零排放。生化廁所首先讓污水流過自動隔柵，隔去膠袋等不降解物質；污水然後流進專用的缸內，進行生化處理的程序。缸內分設缺氧池和曝氣池，池中的細菌會分解和消化污水中的有機物和異味，經處理的污水再由膜生化污水處理系統的微細濾膜排出，最後透過紫外燈殺菌，有效淨化污水，經淨化後的水會存於廁所的水缸內，供循環使用。系統亦內建網上監察系統，方便日常維修保養。使用「膜生化污水處理系統」，除可節省使用沖廁海水，更無須像傳統排污系統般，必須鑽挖地底及鋪設排污渠，不但節省建築成本及時間，更可騰出更多生活空間。現時，香港已有130多個公共廁所、樓宇發展及建築工地正在使用生化廁所。
生化廁所採用了「膜生化污水處理系統」，能將廁所排放出來的污水淨化並循環再作沖廁之用，達至零排放。
傳統污水處理及膜生化污水處理系統。
以科技顛覆現在 改變未來！
面對城巿裡的種種挑戰，或會激發你的無窮創意，只要改變習以為常的習慣，以至改變未來的生活，往往是源於一個簡單的念頭。香港科技園公司舉辦了「智慧香港－全城橋王挑戰賽」活動，廣邀全港巿民和學生，齊來構想你心目中的智慧城市，打造一個更有活力及更宜居的未來香港。有關活動現正接受報名。詳情：
http://www.hkstp.org
來源:
http://hk.apple.nextmedia.com/su ... t/20160118/19456238
馮仁昭四圍超：同老公返港見舊老闆 小雪斟復出
1 :
GS(14)@2016-01-22 01:48:54■小雪噚日同老公十指緊扣喺尖沙嘴購物。
經歷過兩段婚姻失敗嘅前歌手小雪（蔡雪敏），舊年同細佢4年嘅韓國男友Robin Cheung喺澳洲註冊結婚，婚後繼續喺澳洲生活，最近小雪同老公帶埋仔女返咗嚟香港，噚日馮仁昭喺尖沙嘴新港中心見到呢對新婚夫婦。做咗人哋阿媽嘅小雪，真係得天獨厚，雖然佢下個月已經37歲，但係個樣同身形都keep得好好，見到佢兩公婆十指緊扣睇完衫又去睇女性用品，難得佢老公一啲都冇尷尬。事後小雪同馮仁昭講，今次佢哋返嚟香港嘅時間唔多，不過都有搵舊老闆羅傑承同埋啲舊同事敍吓舊，佢話：「羅生佢真係好好，我哋一直都有喺fb有聯絡，佢都有問候吓而家嘅生活，所以今次返嚟專登約佢同啲同事見面。」
■小雪去咗一間賣女性內衣店睇嘢，難得佢老公一啲都冇尷尬。
或返港唱歌
至於有冇機會再合作，小雪話：「睇吓大家啲時間，坦白講，而家生活冇以前咁忙，我啲仔女都大個咗，如果真係有個機會去唱歌，可能我會再安排啲時間返香港工作。」撰文：馮仁昭攝影：徐錦池、潘冠恩
來源:
http://hk.apple.nextmedia.com/entertainment/art/20160121/19459875
Next Page