智取大市：美圖療傷會翻生
1 :
GS(14)@2017-04-13 00:23:04回想今年2月，曾經有幾隻大股因為各種因素出現短時間急跌，包括績差嘅滙控（005）、渣打（2888），亦有因主要股東放風同阿里等傾合作、最後流料嘅高鑫（6808），仲有玖紙（2689）等，過咗接近兩個月，呢批股份尚未重返急跌前水平，證明大跌過後總要時間回氣、收集蟹貨先能夠再升，暫時恢復得最快係高鑫。論急升急跌嘅，點能夠少美圖（1357），股價3月20日升到23蚊高位，唔夠10個交易日足足跌一半，重傷過後，市面上蟹貨處處，一樣有排要養傷。能唔能夠翻身，一係靠基本因素，一係靠炒極都唔完嘅concept。IGG（799）故事話畀大家聽，有concept自然可以炒爆完一次又一次，不過爆完一次要唞番至少一年先再炒過。小弟相信美圖一樣可以，美圖秀秀、美拍月活躍用戶數有成億，拎返出嚟幾時都有賣點去sell。曾經大升、大跌過，證明佢係有喪炒潛力，未來點都有再炒高嘅機會，呢個就係一隻股價值所在。只不過，美圖喺收集蟹貨期間，股價繼續無限chok，呢段時間狗衝輸多贏少，寧願暫時放喺只供觀賞嘅名單之中，少極半年走唔甩。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170412/19987416
智取大市：揸股王就最簡單
1 :
GS(14)@2017-04-22 10:20:55周二港股有超過1,200隻股下跌，升股得300隻多啲；噚日亦有逾900隻股下跌。表面上睇係市寬差，但噚日瑞聲（2018）、吉利（175）爆升逾半成，舜宇（2382）升3%，唔少股份從低位跌幅大為收窄，誇張啲講，跌市感覺只得一日半咁大把，炒風似乎又再起。坦白講今日唔知聽日事，噚日下晝彈唔代表今日上晝唔散，而且第二季出入要步步為營，但絕非全面睇淡，只要係強股，你一沽，佢就彈，chok市就係要你越做越錯。瑞聲、舜宇向上突破，係真突破定假突破？不如唔好估咁短，之前本欄多番強調，以舜宇MACD走勢睇，擺明呢隻股係股王級，股價隨MACD一齊見頂，簡而言之，股價頗大機會繼續破頂，只睇呢個牌面都值得Hold落去。點解小弟之前強調要低吸，因為港股市場上太多假突破，4月淡季高追股份容易左一巴、右一巴，追貨心理壓力比撈貨仲大，未有貨可考慮分注買嚟減低風險。濠賭股偏弱，銀娛（027）股價尾市未能跌幅收窄，走勢麻麻。踏入4月尾，係中央出招打濠賭嘅高危期，可能係春江鴨嘅關係，賭股過往會喺中央出招前先行轉弱，然後出消息再裂口下跌，所以今次要小心市場傳出防走資招數震散股價，有貨的話，暫時建議避一避。晉佳
http://fb.com/advanceguy1
來源:
http://hk.apple.nextmedia.com/financeestate/art/20170420/19995322
智取大市：揸股王就最簡單
1 :
GS(14)@2017-04-22 10:21:33周二港股有超過1,200隻股下跌，升股得300隻多啲；噚日亦有逾900隻股下跌。表面上睇係市寬差，但噚日瑞聲（2018）、吉利（175）爆升逾半成，舜宇（2382）升3%，唔少股份從低位跌幅大為收窄，誇張啲講，跌市感覺只得一日半咁大把，炒風似乎又再起。坦白講今日唔知聽日事，噚日下晝彈唔代表今日上晝唔散，而且第二季出入要步步為營，但絕非全面睇淡，只要係強股，你一沽，佢就彈，chok市就係要你越做越錯。瑞聲、舜宇向上突破，係真突破定假突破？不如唔好估咁短，之前本欄多番強調，以舜宇MACD走勢睇，擺明呢隻股係股王級，股價隨MACD一齊見頂，簡而言之，股價頗大機會繼續破頂，只睇呢個牌面都值得Hold落去。點解小弟之前強調要低吸，因為港股市場上太多假突破，4月淡季高追股份容易左一巴、右一巴，追貨心理壓力比撈貨仲大，未有貨可考慮分注買嚟減低風險。濠賭股偏弱，銀娛（027）股價尾市未能跌幅收窄，走勢麻麻。踏入4月尾，係中央出招打濠賭嘅高危期，可能係春江鴨嘅關係，賭股過往會喺中央出招前先行轉弱，然後出消息再裂口下跌，所以今次要小心市場傳出防走資招數震散股價，有貨的話，暫時建議避一避。晉佳
http://fb.com/advanceguy1
來源:
http://hk.apple.nextmedia.com/financeestate/art/20170420/19995322
智取大市：中堅份子勁當炒
1 :
GS(14)@2017-04-22 10:41:35科網股炒風驚人，股價強勢確立，不如由佢放紙鳶。龍尾股如雲遊（484）、神州數字（8255）炒得狼過龍頭股，其中，雲遊炒高28%，收市升14.8%，報10.08元，但全日成交平均價係10.37元左右，唔少人去到收市要捱價。龍尾股基本因素較弱，往往得短線客埋身肉博，波幅大，不易駕馭，寧願輕鬆揸實龍頭仲好。當然，龍頭龍尾中間，仲有樣嘢叫中堅份子，市值細，基本因素唔差。昂納科技（877）係次線好選擇，5G加無人駕駛概念，繼續炒科網，跟住升嘅理由夠晒堅實。昂納科技發展傳感器及光雷達業務，管理層舊年預期無人車用光雷達2018年後應用，換言之，除5G帶嚟新訂單之外，昂納稍後仲有新增長點。昂納股價回勇其中一個原因，係BAT裏面開發無人駕駛技術較積極嘅百度，近日發佈名為「Apollo」嘅自動駕駛平台開放計劃，將向汽車行業及無人駕駛領域嘅合作夥伴提供軟件平台，幫助生產商結合車輛及硬體系統，快速搭建屬於自己嘅完整自動駕駛系統。此舉鼓勵汽車生產商加大無人駕駛研發，提高行業成功機率，昂納自然受惠，雖說產品2018年後應用，但股價嘅嘢，或提早反映。
晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170421/19996201
智取大市：中堅份子勁當炒
1 :
GS(14)@2017-04-22 10:42:00科網股炒風驚人，股價強勢確立，不如由佢放紙鳶。龍尾股如雲遊（484）、神州數字（8255）炒得狼過龍頭股，其中，雲遊炒高28%，收市升14.8%，報10.08元，但全日成交平均價係10.37元左右，唔少人去到收市要捱價。龍尾股基本因素較弱，往往得短線客埋身肉博，波幅大，不易駕馭，寧願輕鬆揸實龍頭仲好。當然，龍頭龍尾中間，仲有樣嘢叫中堅份子，市值細，基本因素唔差。昂納科技（877）係次線好選擇，5G加無人駕駛概念，繼續炒科網，跟住升嘅理由夠晒堅實。昂納科技發展傳感器及光雷達業務，管理層舊年預期無人車用光雷達2018年後應用，換言之，除5G帶嚟新訂單之外，昂納稍後仲有新增長點。昂納股價回勇其中一個原因，係BAT裏面開發無人駕駛技術較積極嘅百度，近日發佈名為「Apollo」嘅自動駕駛平台開放計劃，將向汽車行業及無人駕駛領域嘅合作夥伴提供軟件平台，幫助生產商結合車輛及硬體系統，快速搭建屬於自己嘅完整自動駕駛系統。此舉鼓勵汽車生產商加大無人駕駛研發，提高行業成功機率，昂納自然受惠，雖說產品2018年後應用，但股價嘅嘢，或提早反映。
晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170421/19996201
智取大市：爆數效應點煉成
1 :
GS(14)@2017-05-13 01:29:42港股話咁快再破頂，升股逾800隻vs跌股逾600隻，升勢唔算非常全面，無論資金衝科網股好，定係舊經濟股好，都只揀龍頭嚟衝，主板成交只得700億多啲，未夠千億都唔使旨意夠錢掃到雞犬皆升，於是資金最盡只流入部份二線股，三、四線股幾乎冇受惠。每個板塊都係唔龍頭唔買，係近期資金常態。單計科網股，只得寥寥幾隻談得上有基本因素，於是進入兩極化局面；至於傳統板塊，估值偏低殘，基金唔介意一直掃龍頭而唔追落後。過去每次港股升勢末段，未去到單日過千億成交、雞犬皆升都唔會見頂，今次相信冇例外。舜宇（2382）公佈營運數據，主要盈利來源嘅手機鏡頭，4月出貨量4,404萬件，按年勁升1.11倍，按月升9.3%，原本大行預計4月出貨量會按月輕微回落，換言之，又爆數。點解股票行起運上嚟，銷售次次都勝預期？因為唔單止股民，其實佢嘅客戶，都一樣睇住佢個股價、佢盤數。供應商股價係咁升，客仔一定以為佢啲貨好掂，競爭對手都爭住畀訂單佢，所以客戶怕蝕底，羊群效應地送錢畀舜宇使，如是者，舜宇爆數效應相信係咁樣煉成。至於股價？中短線坐7望8字頭。
晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170510/20016232
智取大市：業績勁到管理層估唔到
1 :
GS(14)@2017-05-13 02:03:23經營半導體設備嘅ASM太平洋（522），最近一年股價突然爆升，業績爆勁，首季按年多賺4.7倍，按季增長93%，勁到連管理層都話估唔到。
ASM太平洋管理層講到，無人駕駛概念為公司帶嚟嘅潛力，不下於目前如日方中嘅手機行業，原因係一部手機，Chips未必賺你好多，但一架電動車淨係講Chips都要駛你幾千蚊。其實單計手機行業訂單，已經令ASM第一季咁增長法，長遠加埋無人駕駛行業興起，ASM值得憧憬嘅因素就陸續有來，就咁睇嚟，可見將來增長可測性似乎頗高。
ASM太平洋大股東之前以每股105蚊配售舊股，理應要捱沽，點知唔夠兩日可以收復配股失地，配股後一周已經再破頂，強到你唔信，實在值得尊重。手機加上無人駕駛雙概念，兼且係優質股、行業龍頭，券商預測2017年市盈率21.3倍，唔嫌貴，所以近排跟住舜宇（2382）、瑞聲（2018）一齊炒，實在合理不過。雖然累積升幅已多，但浪潮一日未玩完，不妨見調整就上車。晉佳
http://fb.com/advanceguy1
來源:
http://hk.apple.nextmedia.com/financeestate/art/20170511/20017490
智取大市：打快攻避收山腳
1 :
GS(14)@2017-05-18 01:09:36NBA西岸決賽，勇士中鋒Zaza一吓「收山腳」，搞到Kawhi Leonard傷出仲要輸埋。近排呢類「收山腳」防不勝防，先有瑞聲（2018）再有燃氣股，中晒招隨時呢兩個月Lead住幾多%都要收山。似唔似今年3月高鑫（6808）、渣打（2888）、玖紙（2689）輪流洗倉，然後下一步港股全線捱沽嘅市況？少少似。瑞聲同燃氣股沽壓遠比預期可怕，雖然指數未見頂，但壞消息掟貨嘅情況會持續發生，可做嘅防風措施係逢高減持，去到港股單日成交過千億，二三線股急升追落後，真正見頂迹象出晒嚟，再大手沽。現階段開始減少埋身肉博，轉打快攻，減少「傷出」機會。快攻就係殘股追落後，中船防務（317）由18蚊樓上，跌到13蚊支持位，今日先跌後反彈，成交略增，估計有力上破14蚊阻力，然後試15蚊。航運股太航（2343）、商品股江銅（358）、馬鋼（323）都似似哋久跌之下出現反彈，可考慮打快攻。至於科網股？舜宇（2382）、IGG（799）、金山軟件（3888）小時圖波幅收窄，成交減少，正等待爆邊，向上定向下？好快就知，爆上就由佢快放，向下就速逃。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170517/20023481
智取大市：每個板塊煲起一隻股
1 :
GS(14)@2017-05-18 02:06:02手機設備股俾沽空機構嚇一嚇之後，燃氣股又急插，資金流入其他板塊嘅話，又唔見得有乜爆升板塊選擇，內銀股轉強，港鐵（066）亦升，但同科網股相比，波幅已經差距好大。由於科網股喺港股市場當中，完全搵唔到替代品，相信沽空報告觸發嘅避險潮，只會短暫，風險胃納提升之下，始終都係要買返科網。除科網外，其他每個板塊基本只炒一隻股，內房碧桂園（2007）最強，油服股得巨濤（3303）炒得起，家電股只有海信科龍（921），基本因素好壞有一定關係，但每個Sector只煲起一隻股，趨勢不可不留意。海信科龍以前係龍尾家電股，買海爾（1169）、買創維（751）都唔輪到佢，不過，近期令小弟最深印象，係去到太古嗰間Aeon睇一睇電視機，發現海信嘅電視機陳列品佔國產電視機貨架絕大部份，創維都行開一邊。今時今日，海信嘅品牌唔差，雖然上市公司係賣白色家電，但相信一樣有品牌效應。海信科龍今年首季收入升33.7%，純利升78%，每股盈利19分，年度化13、14倍PE，股價由舊年2月至今升咗近4倍，但品牌效應對業績正面影響往往玩到三幾年，對於啱啱做得起嘅品牌嚟講，業績點都未見盡，近期股價喺10蚊有強大支持，值得考慮吸納。晉佳
http://fb.com/advanceguy1
來源:
http://hk.apple.nextmedia.com/financeestate/art/20170516/20022410
Next Page