📖 ZKIZ Archives

糖妹印度有個仔

1 : GS(14)@2015-05-17 23:02:47

黃山怡（糖妹）昨日在將軍澳出席小小慈善音樂家2015活動，她表示喜歡捐助此非牟利機構，幫助小朋友達成願望，曾助一位6歲小孩買鋼琴，今年再資助一名18歲年輕人買結他。她說：「可以幫到患病小童，令佢哋就算病都有嘢可以陪伴，感覺好有意義，最希望可以同佢哋去旅行玩吓。」糖妹透露未入行前經常參加歌唱比賽，媽咪曾經拿着玫瑰花為她打氣，當得到冠軍時即送上鮮花祝賀，而自己亦是一名助養小孩的母親，她說：「我有個仔喺印度，同佢都算有緣，我10月16號生日，佢就喺我之前1日，即係15號生日。」採訪、攝影：王連連





來源: http://hk.apple.nextmedia.com/entertainment/art/20150517/19150062
PermaLink: https://articles.zkiz.com/?id=290403

糖妹凍到亂噏

1 : GS(14)@2016-02-16 08:31:51

黃山怡（糖妹）、甄詠珊、安俊豪、曹敏寶及陳詩欣等，昨日在港台出席新春團拜活動，儀式進行期間，下着綿綿細雨，糖妹台上笑說：「多謝蔡伯勵為我哋擇咗呢個好時辰、咁好嘅天氣下舉行團拜。」惹得台下撐傘的嘉賓捧腹大笑。糖妹受訪說：「我凍到照稿讀，自己講完都忍唔住笑，咁都係好時辰嚟。」糖妹最近接拍新劇和陸永做一對，將會獻出螢幕初吻，她笑說：「對戲嗰陣，我冇企箱㗎，佢哋畀咗個增高鞋墊我，增到兩吋啦！」同場的甄詠珊透露爸爸最近尋回親生父母，所以今年首次和叔叔過年：「爸爸係收養，千里尋親，終於搵到父母兄弟。」不過她日前要拍新歌《灰》MV，所以新年期間都要節食。採訪：盧妹攝影：仇志德





來源: http://hk.apple.nextmedia.com/entertainment/art/20160216/19492326
PermaLink: https://articles.zkiz.com/?id=296034

糖妹落水戲包到冚

1 : GS(14)@2016-03-08 16:12:52

糖妹（黃山怡）憑《水滴記憶》跟陳凱彤、若琪、岑日珈等爭奪「最受歡迎微電影獎」、「最佳微電影女主角」，糖妹在《水》片中有濕身演出，不過卻着衫落水十分錫身。問到是否拒露肉性感？糖妹昨在電話說：「咁密實係因為劇情需要着病人衫，故事講我失憶，聽到水聲就會跌入受傷回憶，坐喺張凳凌空扮跌，幾考腰力，拍到尾又唔夠熱水，成個人震晒，佢哋不停斟熱茶畀我，浸咗一個鐘，最辛苦係不停濁親。」去年獲女主角的糖妹，今年有否信心冧莊？她說：「如果有獎係好大鼓勵，以前做學生角色比較多，呢個戲有發揮空間。」採訪：皓騫





來源: http://hk.apple.nextmedia.com/entertainment/art/20160308/19520297
PermaLink: https://articles.zkiz.com/?id=297270

糖妹搵樓三百呎夠皮

1 : GS(14)@2016-04-12 18:16:37

黃山怡（糖妹）昨日在中環出席理財知識活動，方健儀擔任司儀，當聽到嘉賓表示每月也會給家用太太，方健儀笑指非常贊成老公給太太家用。糖妹透露年紀漸大，理財方法都有所轉變，現時會將部份投資交由專業人士負責，由於父母都開始年長，而弟弟仍是求學階段，她已有心理準備作一家之主。糖妹多年來都以置業作為目標，她相信今年能達成心願，她說：「定下買樓目標，開始會有記賬習慣，連八達通入數都記低，我最主要係食飯坐車，有時一個月都食五、六千蚊，盡量做到量入為出。」近期都四出尋找心水物業，目標是三百多呎細單位，因為太大單位恐怕供不起，不論是自住或放租，總之要上車先。採訪：馬建華攝影：陳慧安





來源: http://hk.apple.nextmedia.com/entertainment/art/20160412/19567020
PermaLink: https://articles.zkiz.com/?id=299107

馮仁昭四圍超：糖妹等做上巿公司股東

1 : GS(14)@2016-04-13 17:09:08

黃山怡（糖妹圖）、雷琛瑜（J.Arie）、Supper Moment同新青年理髮廳噚日去九龍公園參與港台呼籲登記做選民活動，糖妹同J.Arie同樣係18歲就做選民，亦會留意候選人政綱先投票。講到黃翠如爸爸公司上市，近日同翠如拍劇嘅糖妹話：「噚晚先同佢食消夜，都未知，若果係配股畀我哋都好。」糖妹笑言唔會嬲翠如冇事前通知，不過覺得黃爸爸奮鬥故事非常勵志。撰文：馮仁昭





來源: http://hk.apple.nextmedia.com/entertainment/art/20160413/19568370
PermaLink: https://articles.zkiz.com/?id=299248

糖妹同何浩文割席

1 : GS(14)@2016-07-17 16:01:42

糖妹和周國賢昨在上環出席一個飲品舉辦的電車之旅活動，二人坦言很想在電車上開迷你音樂會，不過周國賢笑言這樣很有拉票感覺。對於舊愛「鴨王」何浩文（Dominic）最近先後與港姐麥明詩及34C女DJ安采妮（前名馮殷）的名字扯上關係，糖妹立即劃清界線拒絕回應，及後更轉話題指上海東方衞視有個節目邀請她模仿陳慧嫻，但可惜因為有工作，撞期而接不到。





來源: http://hk.apple.nextmedia.com/entertainment/art/20160717/19697930
PermaLink: https://articles.zkiz.com/?id=304079

熟女糖妹想賺多啲

1 : GS(14)@2016-09-30 08:09:08

糖妹黃山怡前晚在九展舉行音樂會，獲林奕匡、曾國祥、王敏奕、陳瀅、蔡思貝、賴慧玲和糖兄捧場。糖妹一身全黑長裙熟女打扮出場，在台上一脫由長裙變短裙又唱又跳，一班姊妹在台下落力打氣。糖妹感謝家人對她無微不至：「屋企人對我零埋怨，其實人越大越發現父母重要，想賺多啲錢等佢哋生活無憂。」任表演嘉賓的張繼聰表示跟糖妹有緣，曾經同一家唱片公司，又一齊出騷和拍劇。糖妹完騷後接受訪問，指自己換了三套歌衫，而為今次演唱會排舞，她相信自己可以搖身一變成跳唱歌手，將來可唱更多快歌和跳舞。採訪：王連連攝影：陳俊強




來源: http://hk.apple.nextmedia.com/entertainment/art/20160930/19785839
PermaLink: https://articles.zkiz.com/?id=310742

糖妹問阿倫無悔事

1 : GS(14)@2016-10-01 13:19:58

糖妹昨日到商台宣傳新歌《實驗青春》，她說：「今年同公司續咗約，公司畀我話事做碟。」監製舒文更找來林夕為她寫詞：「佢哋同我傾咗好多偈，直到錄音後我先識將平時嘅包袱放低。」為宣傳新歌，糖妹以無悔的事為題訪問了曾志偉、譚詠麟同陸永等藝人，她說：「透過聽其他人嘅古仔，令自己得到好多鼓勵。」




來源: http://hk.apple.nextmedia.com/entertainment/art/20161001/19787159
PermaLink: https://articles.zkiz.com/?id=310879

糖妹捕獲網絡紅人

1 : GS(14)@2016-11-27 14:27:51

糖妹連續第二年參與年度網絡盛事「Web TVAsia Awards2016」，去年她以表演嘉賓兼司儀身份出席，今年她就以頒獎嘉賓亮相。糖妹於頒獎禮前接受本報訪問，自爆難得有機會一次過見晒各地的網絡紅人，所以她都爭取時間集郵，更與洗腦歌《PPAP》的搞笑大叔PIKO太郎合照及拍片，她說：「見到PPAP大叔，場面真係好墟冚，所有人都爭相同佢影相。我有用日文同佢打招呼，佢同我玩《PPAP》時仲提我要唱個『Ah』字。」而明年初糖妹就會推出她創作的新歌，同時下月就要投入拍攝網絡電影，由於電影有不少CG效果，所以令她十分期待。採訪：鄒倩婷




來源: http://hk.apple.nextmedia.com/entertainment/art/20161127/19846566
PermaLink: https://articles.zkiz.com/?id=317241

糖妹同糖兄合作無間

1 : GS(14)@2017-01-14 12:25:44

糖妹前晚在中環AIA歐陸環球嘉年華Billboard Radio Live演出，更獲Billboard頒發2016香港區年度突破女歌手獎。她回顧去年覺得成長很多，不再是阿妹，提到有人經常問起糖兄，她說：「大家成日都問糖兄去咗邊，以前糖兄作曲，?家填詞，我哋合作做好多廣告歌，分開發展只係表面，會保持合作。」糖妹早前和張松枝合作拍網絡電影《魔幻調酒師》，並將於3月播映，糖妹因為首次做女主角而心情緊張，她表示跟張松枝合作期間，發覺對方真是好似韓星孔劉，所以糖妹經常模仿《屍殺列車》中喪屍表情跟張松枝打招呼。採訪：卓寶花攝影：陳順禎




來源: http://hk.apple.nextmedia.com/entertainment/art/20170114/19896114
PermaLink: https://articles.zkiz.com/?id=322659
Next Page
ZKIZ Archives @ 2019