人氣爆升 電台高歌《好心分手》
1 :
GS(14)@2016-06-06 02:49:37■鍾樹根在社交網拍片表明心迹，獲破紀錄2,000條留言。互聯網
【特稿】民建聯決定「棄根」，反令鍾樹根人氣爆升，他在社交網拍片表明心迹，不足一日已獲逾40萬次瀏覽，5,000個讚好，近2,000條留言，他昨日「風騷」上電台節目與主持唱歌，又在立法會向記者大談未來大計及「搞gag」，心情未見受「棄根」影響。
自拍短片有2,000條留言
鍾樹根日前面對傳媒，仍避談日後大計，反而民建聯正式「棄根」，令他表現如全面豁出去，他在社交網自拍短片，有破紀錄2,000條留言，絕大部份是支持他獨立參選，但部份人似是泛民支持者「曲線」揶揄。不過鍾樹根心情似未受影響，昨早他到DBC電台接受訪問，全程表現輕鬆，除大談「棄根」外，更應主持盧覓雪要求，在節目中高歌，大唱《好心分手》。之後他返回立法會，面對傳媒時亦「任問唔嬲」，透露本周日會仍會代表民建聯，出席港台《城市論壇》談本土議題，笑稱「呢樣最熟係我啦」。不時有金句的鍾樹根，更不忘向記者「搞gag」，指前晚出席一個地區活動，幸好同屬漁民的黨友黃容根並無現身，笑稱「好彩佢冇嚟，否則就真係黐孖根嘞！」，惹來在場記者笑聲連連。■記者林俊謙
來源:
http://hk.apple.nextmedia.com/news/art/20160603/19639137
【男女之間】分手後七句說話 越聽越傷心
1 :
GS(14)@2016-06-06 03:18:22經歷過分手的人都知，個心真係會痛，失戀主角固然慘，不過身邊人其實都不好過，望住你喊又唔係，想安慰你又唔知講乜好。美國女性健康雜誌《Women's Health》訪問了幾位著名兩性關係專家，歸納出七句會令剛分手的人越聽越傷心的說話，你又講過幾多句？1.「其實你都預咗㗎啦！」失戀已經夠傷心，再說這句話只會令他怪責自己，傷多幾錢重，此時應該分散他的注意，如與他出去走走、帶他食好西。2.「我明呀！」可能你都經歷過這種痛，但始終人人經歷不同，如果在這時候跟他說你明白他，只會令他覺得被敷衍，所以你只需讓他知道你會一直在旁陪着他聽他呻。3.「你會遇到個更好㗎！」他當然會遇到個更好的，但現在並不是展望未來的時候，作為好朋友，在這個敏感時候不要給太多意見，應該聆聽他，最好重複他的說話，顯示你有用心聽。4.「佢正衰人！」剛分手，他很大機會仍深愛着前度，此時說他前度的不是，會令他覺得不被理解和支持，加上如果他們復合，你大罵他前度的東西，更可能會影響你們之前的友誼。5.「上Tinder啦！」人在脆弱傷心時最易做錯決定，此時上交友app識朋友，可能可以轉移視線甚或找到臨時水泡，但這樣會耽誤自己和別人的時間，其實失戀後應該好好沉澱，別着急開展新戀情。6.「你唔好再諗啦，move on啦！」這些通常都是說易行難，鬼唔知要忘記過去向前行咩，但這時其實應該要學會擁抱傷心，從中成長，所以想喊就喊，所謂否極泰來，跌到谷低就可以反彈。7.「我哋出去飲嘢啦！」不少人都以為帶朋友去飲酒，放縱一下，可以令他一時忘掉悲傷，但其實酒精反而會令他更傷心絕望，所以最好的應該陪他去做其他較健康活動，如睇戲、做運動。記者：陳倢
來源:
http://hk.apple.nextmedia.com/su ... t/20160605/19641679
【感情關公】種粒豆送曲奇 分手說話代你講
1 :
GS(14)@2016-07-06 08:12:10男女情事講bye bye一環，就係最考公關功夫之時，呢個時候總有好多令人摸不着頭腦嘅分手招數出現，真係被分手都唔知好嬲定好笑。
學黃子華個騷咁講，做人冇公關，食ssss喇。來到現實世界，男女情事講bye bye一環，就係最考公關功夫嘅時候，唔知係有心定無意，呢個時候總有好多令人摸不着頭腦嘅分手招數出現，真係被分手都唔知好嬲定好笑。
尤記得十幾年前興起「魔豆」植物，即是種子本身刻有祝福句語，種出來塊葉會有相同字樣嘅植物。估唔到十幾年後，「魔豆」上刻上的，會由祝福語變成分手語，種完一段日子後，居然見到一句句「It's Over」同「Let's be Friends」，真係欲哭無淚。唔只唔只，仲有美國電腦工程師Lauren Leto同Jake Levine設計的手機應用程式「BreakUpText」，專門幫人同男、女朋友講分手，只需按幾個掣就自動作出唔同分手原因，原因可以正路如愛上第二個，亦可以係令人反白眼如俾熊食咗，簡直層出不窮。少年你太年輕了，以後變到感人分手千字文，咪再單純覺得對方仲擺你上心喇。仲有一招怪招，吃貨們收到一定又開心又痛哭，皆因如今唔少人喺糖霜曲奇上傳遞訊息，靚靚的糖霜面上，其實寫滿分手字句，全部也是對方表示想甩身和說再見，認真陰功豬！記者：黃樂雯
來源:
http://hk.apple.nextmedia.com/su ... t/20160706/19683033
【戲子舊愛】金剛嫌黐身分手
1 :
GS(14)@2016-07-09 06:35:57陳蕊蕊最為人知的一段情是與金剛拍拖三年，兩人的情緣始於2013年，當年蕊蕊被爆出與周秀娜的前男友陳偉成（Avis）交往，及後發現Avis同時搭上尹蓁晞，金剛替蕊蕊出頭爆粗鬧Avis博宣傳，最後成功將蕊蕊追到手，熱戀中的蕊蕊還曾於網上冧晒無名指鑽戒，引來閃婚疑雲。
其後蕊蕊患上抑鬱，金剛對她不離棄，經常陪伴睇醫生，去年金剛於台灣夜場經歷槍擊事件，蕊蕊表示如果在場願意為金剛擋子彈。可惜到今年4月，金剛以性格不合為由，向蕊蕊提出分手。據悉，金剛嫌女方黐身，去年已提出分手，但傳蕊蕊以自殺要脅。
來源:
http://hk.apple.nextmedia.com/entertainment/art/20160707/19684366
分手兩個月即有新女王宗堯攬蔡潔玩航拍
1 :
GS(14)@2016-07-17 16:01:39【新歡】■王宗堯失戀兩個月，前日帶新女蔡潔去數碼港玩航拍機，蔡潔更表現興奮。
【數碼港】現年37歲的王宗堯，去年10月在Instagram洩蜜，自爆戀上今年只有22歲的模特兒黎紀君（Christy）。雖然二人年齡有15年差距，但發展一日千里，經常在網上大晒甜蜜照，可惜快樂時光只維持了8個月，今年5月王宗堯在Ig留疑似分手留言後，Christy隨即亦承認分手。雖然分手後，王宗堯一度堅持二人是處於冷靜期「暫時分開吓」，但分手兩個月，王宗堯似乎已冷靜完，更找到新女伴，對方正是現年27歲、在電影《香港仔》有大膽全裸演出的蔡潔。
■抵達數碼港，王宗堯先砌機，蔡潔幫忙看說明書。
■王宗堯一手搭着蔡潔膊頭，將她甜蜜擁入懷。
■約女斷正，王宗堯指對方不是女友，但不排除會發展。
表現合拍
前日約下午5時，本報記者在數碼港發現王宗堯的座駕，他載着蔡潔先在狗公園附近泊車，然後抽着一個黑色箱與蔡潔行入公園，原來箱內放了一部航拍機，王宗堯負責砌機，蔡潔負責看說明書，相當合拍，途中更見王宗堯從後攬着蔡潔，頗為親密。
【前度】■王宗堯跟黎紀君拍拖8個月便分手。
「認識吓先」
昨日記者再致電王宗堯恭喜他有新歡，他即說：「未恭喜住，你哋真係好犀利，我去放飛機但係放唔到，都俾你哋影到，真係好大鑊。我哋仲未拍拖，只不過係約埋一齊去放飛機，因為我upgrade咗之後都想試吓，呢啲係新穎嘅玩意。」王宗堯又表示：「要大家認識吓先，好多嘢都要睇定先，唔係話唔好，講真我啱啱分手冇幾耐，再加上大家成熟，始終有啲嘢可以睇定啲，得閒咪傾吓偈，好多嘢都可以溝通吓。」其實王宗堯之前已在ViuTV節目公開讚蔡潔，問他可擔心戀情見光死？他說：「唔知喎，暫時唔覺得係要擔心，而家算係發展中，佢又單身、我又單身，唔使特別避忌，隨緣喇。」採訪、攝影：徐錦池、潘冠恩
來源:
http://hk.apple.nextmedia.com/entertainment/art/20160717/19698023
人妻滕麗名堅持分手要分得漂亮 唔需要挽留
1 :
GS(14)@2016-07-17 16:01:3940歲人妻滕麗名，當年拍《陀槍師姐》大受歡迎，可惜多年嚟都同獎項無緣，不過近日佢拍大台劇《一屋老友記》做二寶，人氣再升，更被高登仔力捧佢做今屆視后。昨日有周刊指阿滕自言演藝冇高潮位，認為每個人際遇唔同，但係自己一直擁有「阿Q精神」，冇放棄到演劇，佢仲話平時佢都係遷就老公朱建昆嘅時間，因為老公工作好忙，每日都很甜蜜，唔使開工嗰陣，阿滕一定陪住老公，兩公婆KEEP住一種夫妻情趣。阿滕仲喺周刊訪問中，透露佢嘅愛情觀就係要有女性要有活得尊嚴兼有型，總之件事發生到最後，就算要分開，最緊要分得漂亮，唔需要挽留。
來源:
http://hk.apple.nextmedia.com/entertainment/art/20160717/19698548
【情定校園】異地戀險分手
1 :
GS(14)@2016-08-07 02:03:45陳倩揚畢業於中文大學日本研究學系，精通中、英、普通話及日語四種語言。08年參加港姐得亞軍，同屆港姐冠軍和季軍分別是張舒雅和馬賽。2010年倩揚與年長四年的男友陳浩然奉子成婚，誕下現年分別5歲和11歲兒子陳羲穎和陳羲廷。據悉陳浩然是倩揚的大學師兄，在陳浩然赴美國讀書時，異地戀曾令兩人陷分手邊緣，男方為箍煲選擇回港，之後於科學園從事科研工作，近年到城大加入團隊專注有關生物、醫學研究及風力發電等，目前有穩定收入，現時一家租住壹號雲頂逾千呎單位。
來源:
http://hk.apple.nextmedia.com/entertainment/art/20160805/19723029
【分手風暴】呂麗君頻現身示威
1 :
GS(14)@2016-08-07 02:13:40呂麗君日前被本報獨家踢爆跟大劉劉鑾雄分手後，不停現身出招，猶如上演連續劇般熱鬧。
本周一
【被爆分手】本報踢爆大劉和呂麗君原來年多前因性格不合而和平分手。【急發聲明】被爆分手的呂麗君，同日晚上發聲明否認有男友，指家庭及家人健康才是她最關心的事，但未有回應是否與大劉分手。
前日
【帶子踩場】下午2時多，傳在英國定居的呂麗君帶同囝囝子鋒現身灣仔華置總部，逗留兩小時後離開，未有回應分手傳聞。
昨日
【唔認甩拖】呂麗君接受周刊訪問時發聲明否認與大劉分手，揚言與大劉感情很好。下午1時50分甘比與大劉於中環午膳後返回華置，而呂麗君隨後亦與囝囝現身華置。
來源:
http://hk.apple.nextmedia.com/entertainment/art/20160806/19725042
Next Page