【馮仁昭四圍超】一日飛三轉穿梭歐美 猷君速遞見公主
1 :
GS(14)@2016-02-11 10:21:25■猷君同Kimmy拍拖短短時間，幾乎喺全球每個角落都搵到佢哋嘅蹤迹。互聯網圖片
賭王四房孻仔何猷君同新加坡富商、西甲華倫西亞班主林榮福千金Kimmy Lim（林慧俐）拍拖個幾月，已經蜜遊澳門、新加坡同香港。由於猷君要返波士頓麻省理工開學，而Kimmy就返新加坡，搞到猷君要捱眼瞓，半夜起身同女友玩facetime，校啱新加坡時間5點20分打去，冧爆女友。
Kimmy空中傳情
猷君今個農曆年飛咗去拉斯維加斯同班朋友過年，不過浪漫嘅佢原來已經計劃咗點同Kimmy過首個情人節。佢噚日喺Ig貼圖，騷咗一張由波士頓出發，到巴黎轉飛華倫西亞嘅機票，原來佢約咗女友去西班牙拍拖，相信平時咁鍾意睇波嘅佢，應該會去睇華倫西亞主場嘅比賽過節。
■猷君貼咗張機票相，仲話自己係一日連飛三程搵女友，相當甜蜜。互聯網圖片
■Kimmy喺飛機上面拍片，睇嚟係飛緊去蜜會男友。互聯網圖片
■猷君新年飛咗去賭城拉斯維加斯，話咁快又起程飛去西班牙。
其實猷君已經開咗學，為咗兼顧學業同拍拖花盡心思，佢喺Ig以「公主」、「The One」形容女友，更留言此行原來係一日飛足三轉：「我的周二：早上從拉斯維加斯飛回波士頓，上幾節課，把這周所有剩下的功課做完，然後飛往巴黎轉機去瓦倫西亞（華倫西亞）找公主殿下。」同一時間，Kimmy亦喺snapchat上放咗一條坐飛機嘅視頻，更笑言so tired，估計佢飛緊去西班牙同男友會合。撰文：馮仁昭
來源:
http://hk.apple.nextmedia.com/entertainment/art/20160211/19486124
首次帶公主王子滑雪威廉一家幸福滿瀉
1 :
GS(14)@2016-03-09 16:24:59英國威廉王子去年迎來夏洛特小公主後，首次一家四口到外地滑雪度假，拍下大雪紛飛下的溫馨全家福。威廉王子一家在上周三，低調離開英國前往阿爾卑斯山一處滑雪度假村，事前並沒通知傳媒。以往英國王室成員外遊滑雪，一般會有多名攝影師隨同，但今次威廉一家一反過往傳統，僅找了英國國家通訊社（Press Association）的一名記者同行，旅程中拍下為數不多的照片。據稱，威廉和凱蒂都是滑雪好手，拍拖時曾多次去滑雪，但自從生兒育女後，才首次外遊滑雪。王室消息指，威廉和凱蒂都希望小佐治和夏洛特盡快接觸滑雪運動，並繼承父母對滑雪的熱愛。照片是上周四拍下，威廉王子一家已結束外遊，安全返回英國，但王室仍拒絕透露他們度假的確實地點。英國《每日郵報》
來源:
http://hk.apple.nextmedia.com/international/art/20160309/19522371
古堡婚禮「希望似公主出嫁」羅仲謙高呼太太 楊怡冧晒
1 :
GS(14)@2016-03-28 14:16:09■羅仲謙和楊怡昨日一出機場已笑着接受在場的傳媒祝福，楊怡戴在左手的巨鑽婚戒非常搶眼。
新婚的羅仲謙和楊怡昨日終於由英國飛回香港，約下午3時半，心情大靚在機場笑住手拖手接受傳媒祝福，但現場混亂，擾攘5分鐘才能做訪問。榮升羅太的楊怡左手無名指戴上巨鑽婚戒，估計主石約3卡，四邊鑲滿鑽石，sweet爆的她說：「呢啲嘢幾多卡唔緊要。」兩人不肯透露求婚過程，只說是在今年，楊怡感動到喊。問楊怡事前知不知？謙謙搶答：「知道我咪好失敗？」突然結婚是否奉子成婚？楊怡大反應謂：「唔係啩？咁快，我條腰今日好似22吋。」
■昨日機場有近百傳媒採訪，一度引起混亂。
■（左起）楊卓娜與老公和謙謙的爸爸隨後出閘。
■楊怡昨日在微博貼相放閃。
在港補擺酒
問是否已簽紙註冊，他們說：「當去旅行，一行十幾人左右，希望雙方家長見面，有甜蜜、美好回憶。」兩人透露會在香港補擺喜酒，但未必會返圍村。問到當日愛的宣言？謙謙笑言：「講英文㗎喎，唔好啦，而家講會甩甩漏漏。」謙謙解釋為何到英國利茲普城堡結婚：「因為我鍾意英國嘅古典氣氛，同埋我希望太太好似公主咁出嫁。」楊怡冧爆甜笑說：「多謝。」問到婚禮費用？謙謙說：「唔重要啦，最重要係令太太開心就OK。」楊怡直言仍未習慣被叫羅太，問她與無綫續約成數時，她搞gag謂：「今年擺酒成數一定高。」是否趕生B？她說：「都唔係咁急啫，順其自然。」謙謙補充：「我太太都唔急我急乜嘢？」謙謙之後要出外開工，可擔心新婚就分開？楊怡說：「幾好吖，我唔使偷偷摸摸。」二人承認已同住，臨離開謙謙應記者要求錫了楊怡額頭兩次，之後一齊返將軍澳寓所。
■有讀者透過本報「爆相爆片」，影到羅氏夫婦前晚現身英國希斯路機場。讀者提供圖片
返家後，楊怡立刻更新微博再放閃，貼二人手牽手的婚紗照並寫：「將踏入人生另一階段，謝謝你從此牽着我走……」胡定欣、胡杏兒等留言祝賀。之後羅仲謙回覆：「羅楊怡，謝謝你的愛。」另外，讀者Man昨透過本報「爆相爆片」，提供一張羅氏夫婦等前晚6時許在英國希斯路機場的相片，Man透露他們乘坐的並非經濟客位。採訪、攝影：黃曉妍、畢紹基、馮嘉銘、葉君海、黃曉程、吳耀輝、徐錦池
來源:
http://hk.apple.nextmedia.com/entertainment/art/20160328/19546958
Yu為囡囡炮製公主房
1 :
GS(14)@2016-05-21 17:49:43趙頌茹（Yu）決意跟賤男周永恒離婚重整自己的新生活，她帶着兩個女兒母兼父職為口奔馳，密密接job賺錢養女。最近Yu更為了氹兩個女開心，充當裝修工人，落手落腳鋸木、髹漆來為新居裝修，雖然辛苦，相信阿Yu自己裝修新居一定慳了不少裝修費。阿Yu昨日接受本報電話訪問時說：「兩個女一路都好想有間公主feel嘅房，最近要幫佢哋添張小書枱同書架，買嘅未必啱心水，所以諗諗吓不如自己買啲木板返嚟整，整完就諗索性裝修吓屋企，髹吓啲牆，佢哋見到成間房變咗粉紅色，開心到跳起！」採訪：王梓嫚
來源:
http://hk.apple.nextmedia.com/entertainment/art/20160519/19617624
老婆低調誕B女仔仔做老竇 停工湊小公主
1 :
GS(14)@2016-08-07 02:03:46■仔仔上月被影到拖着懷孕的老婆喻虹淵去咖啡店。
近一個月台灣藝人多喜事，上月陳妍希、林心如先後嫁人，早前白歆惠又一索得男，前F4成員周渝民（仔仔）亦榮升做爸爸了。昨日台灣有消息指，仔仔的太太喻虹淵日前誕下B女，有指BB於大前日出世，成為F4最早做爸爸的成員。仔仔的經理人柴小倩承認喻虹淵產女一事，更以小公主形容BB，她說：「是的，小寶寶出生了，是個小公主，雙方長輩都非常開心，新手爸爸現在全心全意照顧小寶寶，並陪太太休養身體。」
註冊時已懷孕
提到B女體重、出生時間、地點及剖腹等細節，柴小倩都三緘其口保密，但以出生時間推測，估計仔仔去年11月登記結婚時，喻虹淵應該已有孕在身，二人即是奉子成婚。仔仔與喻虹淵拍拖4年多，感情生活相當低調，去年11月10日在光棍節前夕，於微博宣佈二人已登記註冊，今年3月兩人更在台北被影到參觀月子中心，翌月就宣佈有喜。
■去年11月，仔仔宣佈與喻虹淵登記結婚，昨日就公佈二人的小公主已出世。
■仔仔（左）是F4第一位成員做老竇。資料圖片
告泰女亂爆料
仔仔已暫時停工，專心陪老婆，上月他在台北被影到陪着挺巨肚的喻虹淵被影到去咖啡店。仔仔在一年內，便做人夫兼做爸爸，但在二人新婚不夠兩個月，即今年初仔仔被一名泰國女子爆料，指與他有一夜情，更自稱懷有身孕但不幸流產，最後對方再開記招展示二人微信「對話」，仔仔的經理人公司對此冇根據的指控付諸法律告對方，才平息造謠風波。撰文：唐如
來源:
http://hk.apple.nextmedia.com/entertainment/art/20160805/19723315
【港女補課】唔做臭豬 4招變身香香公主
1 :
GS(14)@2016-08-09 07:33:49夏天時份，唔希望他人只記住你濃烈的體味？咪以為狂噴香水就搞得掂，其實用香水都有適當技巧。
科學家指出，氣味能令人類有深刻記憶。夏天時份，唔希望他人只記住你濃烈的體味？咪以為狂噴香水就搞得掂，其實用香水都有適當技巧。今次扮靚籽一於同香水品牌零售及培訓經理Don Au取經，keep住成日香噴噴。
技巧1:別噴出汗位
夏天易出汗係人之常情，但一定要記得香水唔好噴喺出汗位置，「因為細菌、過多的汗和油脂，甚至毛孔帶出來的廢物會影響香水的品質」，然後會散發一陣陣「幽香」。
技巧2:噴香水於出汗位置四周，調和味道
唔噴出汗位置，咁應該噴邊先可以調和汗味？Don建議噴喺出汗位置附近。「例如我們心口或背脊較容易出汗，可以噴在頭髮的位置，令香水可以遮蓋味道的同時，亦不會和細菌混合在一起；運動完，腋下出汗較多，可以噴在手臂，令它有一個演化。」
技巧3:Z形噴法香氣更平均
但我地呢挺港女並非經常運動，日常使用的話，噴喺脈博位置就搞掂啦？但原來呢個都唔係最好既用法。「好多時人們噴香水會噴在定點位置，令同一位置的味道過於濃烈；有些人由上至下直線般噴，香水份子重身，會慢慢聚集一齊，變成聚集晒喺下半身。」下，咁點噴先好？「Z字形噴有一個好處，佢有一定的時間讓香水定點，可以肯定每一個空間，唔會有過重的香水份量。」
技巧4:塗潤膚霜保持香氣
但講真，我覺得最難處理的是香水味道揮發得太快。想保持味道耐啲，原來都有計：先塗潤膚霜再噴香水。「油性物質的確令香水沒那麼容易揮發，但如凡士林這些，有太多礦物成份，也有機會變化不同的香味份子。」大家記得留意。查詢：（a）GIVENCHY銅鑼灣時代廣場連卡佛專櫃（b）Issey Miyake尖沙咀海洋中心Facesss專櫃（c）SABON銅鑼灣時代廣場地庫2層B213店（d）Jo Malone london尖沙咀圓方2116號鋪記者：黃樂雯
香水品牌零售及培訓經理Don Au
含酥梨、木莓及玫瑰味道的淡香水。GIVENCHY Live Irrésistible Eau de Toilette$550/40ml（a）
同系列24年來的首位新成員，結合龍涎香、鈴蘭及大馬士革玫瑰的淡香精。Issey Miyake L’Eau d’Issey Pure$440/30ml（b）
以廣藿香香味為主調的中性香水。SABON The True Patchouli$450/50ml（c）
以羅勒為前調、白麝香為基調及橙花純露作主調的古龍水。Jo Malone london Basil& Neroli Cologne$600/30ml（d)
來源:
http://hk.apple.nextmedia.com/su ... t/20160809/19728453
Next Page