選委轟林鄭拒赴天水圍
1 :
GS(14)@2017-03-22 00:19:51【本報訊】林鄭競選辦日前以「近日比較攰」為由，解釋林鄭突取消到天水圍與基層團體會面，有選委昨在論壇就此發炮，對林鄭未有到訪天水圍表示深切遺憾，胡國興及曾俊華借勢寸爆林鄭，曾俊華更於fb重推月初到訪天水圍的帖文「贈慶」。林鄭甩底天水圍活動事件繼續發酵，有選委昨提名時遺憾林鄭以天水圍太遠而缺席，獲不少選委鼓掌和應，亦要求候選人回應未來怎樣定期落區見街坊。林鄭再次就缺席致歉，指安排上出錯而未能出席，強調曾於天水圍做了較具規模的墟巿。胡國興回應時先指：「天水圍我有去過，一邀請我我就去，完全冇後悔！」，其後諷刺林鄭指：「（佢）去親邊度都百幾二百人圍住，我諗佢唔去得到，如果佢去，又可能有第二個佔中出現。」
曾俊華：灣仔過去半個鐘
昨日特別在fb重推本月8日落區天水圍的帖文並新增相片的曾俊華席間指，三八婦女節到訪過天水圍：「其實路程都唔係咁遠箒，喺灣仔去，半個鐘頭都去到。」他指當時與很多天水圍基層組織及巿民傾談，指政府可在區內設立街巿或設立墟巿，承諾：「如我能上任，就可以推動。」林鄭甩底事件亦於港台節目《城市論壇》成台下同學提問焦點，有學生點名問講者之一、身兼林鄭競選辦成員的民建聯張國鈞：「你話你係跟中央標準揀邊一個特首，要愛國愛港，但係天水圍係咪唔係香港一部份，係咪唔計香港市民？如果有一日話攰就唔想做，做咗特首唔想做就請假，咁點算？」張回應稱林鄭想出席有關活動，但因公關團隊與主辦單位溝通問題而出現誤會。台下亦另有同學指，選特首時除了看政綱，品格也重要，指曾俊華曾於論壇上扶胡國興下台，而林鄭卻連搭港鐵出閘也不懂，質疑她小事也不知，如何做大事管治香港。■記者許偉賢
來源:
http://hk.apple.nextmedia.com/news/art/20170320/19964128