無錢上興趣班 窮孩子放棄理想
1 :
GS(14)@2012-07-10 00:41:07http://www.inv168.com/phpBB3/viewtopic.php?t=68003
Wooo......A...可否爭番一口氣
無錢上興趣班 窮孩子放棄理想
【明報專訊】「面試時好怕，幸好她（教師）沒問我有什麼專長。」明天便是升中派位放榜，在新學年升中的大寶（化名），面試時一直擔心自己因為小學時沒錢參加興趣班，而被心儀中學拒收，早年學鼓亦因為廉價環節完結而被迫放棄。關注學童發展權利聯席（關學聯）追蹤調查一批基層學生，發現他們因僅能倚賴「朝不保夕」的資助興趣班，漸漸少談理想及變得自卑。
扶貧委員會籌備小組成員何喜華認為，政府可考慮向獲學生受助者，每年發放2000至3000元興趣班津貼。
最怕問專長 「抓破頭也想不到」
來自單親家庭的大寶，一家三口蝸居房，家庭依靠低收入綜援維生。大寶曾參加便宜的學校鼓班，但學了3年學校要騰出名額，只好轉為參加免費的團契。早前她報考兩間中學，列明課外活動佔評分三至四成，她膽戰心驚，自愧不如，無奈說若對方問起自己有何專長，「抓破頭都想不到」。現時她最擔心升中後無力負擔教科書費用，還處處流露出擔憂，「未來不一定順利，但希望可以走過」。
同樣升中的大恩（化名）坦言，每次同學討論新款電子器材和旅行經歷，她只能默默坐在一角。學校資助學生到黃埔軍校集訓，但大恩連百多元也不敢向父母要，「有錢都留下買、學鋼琴」，最終自行放棄機會。
關學聯去年中開始，向16個小三至中二基層家庭展開1年追蹤調查。關學聯組織幹事林敏華表示，結果反映基層學生只能倚靠機構間斷的興趣班資助，但名額有限，或當學費加價或中斷資助時，學生便得放棄。曾有夢想當天文學家的中學生，因無力負擔活動費而退出天文學會，甚至表示不敢再發展此興趣，對未來感到灰心。
關學聯促興趣班恆常資助
現時全港約有28.5萬中小學生正接受政府學生資助，關學聯促政府檢討把興趣班、膳食津貼等列入恆常資助項目，讓更多基層學童得到平等的學習機會。
鮮魚行學校校長梁紀昌指出，基層學生要長期參加課外活動十分困難，大部分基層家長通常會把僅有的額外款項，撥供子女補習提升成績，無法長期負擔子女參加課外活動的費用。一般來說，學校如非獲外界捐款，單靠政府及馬會資助，根本無法讓基層學生長期參加課外活動。
2 :
GS(14)@2012-07-10 00:41:54文章由 阿懵 » 週一 7月 9日, 2012年 8:19 pm
去公共圖書館睇書要錢嗎? 行山要錢嗎? 去海灘游水要錢嗎? 逢週三好多博物館同太空館要錢嗎? 唔用腦o既話, 學好多o野都要錢, 肯用o下腦, 學好多o野都唔駛錢...
睇完呢段文, 覺得係咪人腦越o黎越退化? 以往人窮曉得去諗點解決問題, 呢家變成等人幫你安排如何解決問題...
文章由 阿懵 » 週一 7月 9日, 2012年 9:30 pm
我自己以前o係荃灣住, 想去海灘游水, 父母又唔o係屋企, 我都係行去汀九游. 我平時去完見客, 如果附近有路徑同時間許可, 我都會行山回家, 例如火炭經針山, 落城門水塘再落荃灣, 要車費嗎? 今日我完Job, 都係由大欖隧道口徒步回家, 行o左20~30分鐘, 都係唔駛車錢.
香港有咁多館, 你每個星期三去一個, 都花你幾個月, 兼且佢o地每一至兩個月會有新專題, 有排睇啦! 每個禮拜六, 文化中心入面都有免費音樂或其他藝術表演, 每個禮拜日下晝九龍公園有武術表演, 呢堆活動都係免費, 怕o既只係你有冇心, 冇心即使花幾十萬讀完哈佛都係得個桔...
文章由 阿懵 » 週一 7月 9日, 2012年 9:36 pm
通常越窮呢o的資訊越充足, 因為自己想憑自己一雙手改變現況, 呢家o個批上網就完全唔識搵呢類o野, 明明科技Level已經令佢o地搵呢類資料變成very easy mode... 結果竟然唔及我呢o的以往要親身查探先搵到o既資訊多... 生活過份富足令生存能力減弱... 窮養小孩這個概念看來有o的道理, 越富越笨拙...
文章由 糟老頭 » 週二 7月 10日, 2012年 12:08 am
旨哉斯言 :bbs46: 圖檔
想不到在這裡遇到同道中人 圖檔
在下小時, 窮鬼一個, as always. :bbs11:
游泳訓練班 ? 唔知世上有 尐咁嘅嘢亦冇咁嘅錢. 唔識游就只有喺海邊睇人游, 唔識睇到識, 浸到識. 海灘在幾里以外, 身上沒帶分文, 逼自己一定要步行來回. 最記得 大學入學試 前的年初二, 氣温 2 度, 行到去整個海灘只有 3 個人, 另外二人竟是同班一對男女同學在纏綿. 圖檔 .在下心中為他們默默送上祝福.
寒風、凍水、碧海、藍天. 人生最美好的東西其實都是免費的. . .試過令我對這首歌仔有點體會 River Jordan is chilly and cold, hallelujah, chills the body but not the soul, hallelujah
課外活動點解一定要好多錢 ? 圖檔
買副棋駛幾錢 ? 圖書館 / 網上大把資料棋譜, 公園大把阿叔阿伯示範棋功, 想搏功名亦有公開賽提供獎項可以 pad 吓個 resume.
寫作又駛幾錢 ? 投稿分分鐘仲有錢收. 我地嘅陶大才子亦是在青少年文學獎闖出名堂.
有志做律師又可以走去法院聽審, 唔駛錢又有冷氣嘆. 識得有人的公子就係咁, 最後 HKU Law.
有志生物科 / 中西醫的, 有冇諗過香港尐公園, 大部份花草樹木都有個名牌, 圖書舘/網上亦多有「香港常見植物 / 毒草」等資訊. , 識有學生, 練到随街飛花摘葉 皆可說出名堂藥用, 後來入了醫學院.
欣賞 / 素描香港的特色建築物, 亦所費無幾, 起碼不會在報大學 Archi interview 時被問起「你最欣賞 / 討厭邊座香港建築物」時, 劈大口得個窿 :inv168_12: . 我亦識有人試過.
現在人人只識一窩蜂, 一定要人有我有, 「不要輸在起跑線上」. .:bbs21: :arrow_l: Well this may be true if your life is only a 10 metre sprint :inv168_01: :inv168_01: :inv168_01:
圖檔
3 :
lam(884)@2012-07-10 06:52:53唉，無語，當初自己又係要日捱几份，大儿子又係無去乜班物班，游水都自己教、、、、佢成日去公園跑，居然比佢跑几十個奖杯奖牌番黎，做父母的责任好大、米成日将责任推比政府、、、、、
4 :
lam(884)@2012-07-10 08:16:40上唔到舆趣班就無理想，真荒唐。
5 :
Sunny^_^(11601)@2012-07-10 08:57:56chi sin既.窮人大晒咩!
中產都好辛苦嫁.負資產時我D興趣班都cut晒!
咁又點?不如叫+X哥比錢我好唔好?!
6 :
Sunny^_^(11601)@2012-07-10 08:58:59再者如果係有腦既,咩問題都會有好既答案.
唔識答姐係話唔單只錢少,腦汁都少過人.一定讀唔到大學
7 :
lam(884)@2012-07-10 09:07:08呢種方式教育下一代，長大怎样在社會謀生呢？
8 :
dcdc(1215)@2012-07-10 09:54:32我地d窮人要努力搵錢, 冇錢唔止要放棄理想, 冇錢仲會連家庭, 人際關係, 前途, 生命, 也要放棄.
9 :
Sunny^_^(11601)@2012-07-10 11:13:59如果連細佬興趣班都subsidy既話.
第2時大個左話想去英國係唔係都要sub佢地??
上太空呢?
10 :
calvinx(8907)@2012-07-10 11:42:28係咪個風氣有問題? 興趣班到底係為興趣定係為面子? 真奇怪? 好多興趣正如大家所講, 根本吾駛錢. 有錢無錯可以玩多的野選擇多的. 但無錢係咪真係無選擇?
奇怪,奇怪.
11 :
lam(884)@2012-07-10 11:53:1510樓提及
係咪個風氣有問題? 興趣班到底係為興趣定係為面子? 真奇怪? 好多興趣正如大家所講, 根本吾駛錢. 有錢無錯可以玩多的野選擇多的. 但無錢係咪真係無選擇?
奇怪,奇怪.
政客玩野無計，印象中前几個月張超雄又係搵左個媽媽上電視又係一邊講一邊喊：個女學鋼琴一個月要几多几多錢，政府無幫佢咁話....。條片我唔識搵，如有睇過的師兄可以貼上黎重溫。
12 :
dcdc(1215)@2012-07-10 12:04:0011樓提及
10樓提及
係咪個風氣有問題? 興趣班到底係為興趣定係為面子? 真奇怪? 好多興趣正如大家所講, 根本吾駛錢. 有錢無錯可以玩多的野選擇多的. 但無錢係咪真係無選擇?
奇怪,奇怪.
政客玩野無計，印象中前几個月張超雄又係搵左個媽媽上電視又係一邊講一邊喊：個女學鋼琴一個月要几多几多錢，政府無幫佢咁話....。條片我唔識搵，如有睇過的師兄可以貼上黎重溫。
睇過, 印象深刻. 都同朋友傾過, 佢地話搵學校時, 而d嘢 ( 什麼興趣班 ) 全部會有分數, 對佢地好有影響.
身教, 性格上的培育, 責任心 ... 等等. 而d嘢全部唔駛錢, 日日都可以做, 對佢既將來影響更加大. 我親戚d後輩, 中一已經叫老豆老母買 iphone, 理由一樣是人有佢有, 佢冇好魚.
13 :
calvinx(8907)@2012-07-10 12:37:08係咪關政客事我吾敢講, 不過普遍係多左家長要學生去補習, 學興趣班等等.
個人意見就覺得有部份家長係將責任推落去果的乜補習班, 乜興趣班到. 自已就可以乜都吾駛煩........
14 :
dcdc(1215)@2012-07-10 12:39:45返幼稚園前, 已經開始有什麼 Play Group. 而家做人老豆老母, 真係好艱難.
15 :
hh0610(1603)@2012-07-10 12:55:12有D變態到番兩間幼稚園. 痴L線.
花錢俾興趣班, 除左自己唔駛煩, 就係想將自己想要的投射落個靚仔度.
16 :
calvinx(8907)@2012-07-10 13:10:2215樓提及
有D變態到番兩間幼稚園. 痴L線.
花錢俾興趣班, 除左自己唔駛煩, 就係想將自己想要的投射落個靚仔度.
我見到更多既係........將自已吾得既, 夾硬想個靚仔做到.....果的所謂興趣班, 你試下同佢地講無榮無譽呀, 佢采你都傻.....又試下果的無獎狀既比賽.....邊有人理你.
17 :
ngsw(26385)@2012-07-10 13:35:38咁就放棄理想？咁多成功嘅前人都係從窮困中走出來的，咁都鼓勵唔到佢地！
算把啦，佢地自己都唔爭氣，爛泥扶唔上壁！
怪不得越來越少人唱阿Beyond的歌了，大家都不再有理想了。
18 :
肥B(18468)@2012-07-10 13:54:0315樓提及
有D變態到番兩間幼稚園. 痴L線.
花錢俾興趣班, 除左自己唔駛煩, 就係想將自己想要的投射落個靚仔度.
呢個好同意, 好似自己細個無自己一間房一樣, 好朋友DEFAULT就會諗定一個細路一間房.....
19 :
dcdc(1215)@2012-07-10 14:01:0718樓提及
15樓提及
有D變態到番兩間幼稚園. 痴L線.
花錢俾興趣班, 除左自己唔駛煩, 就係想將自己想要的投射落個靚仔度.
呢個好同意, 好似自己細個無自己一間房一樣, 好朋友DEFAULT就會諗定一個細路一間房.....
我想我都係敢, 我冇機會去外國讀書, 如果我能力許可的話, 一定比d細路出國留學.
肥B 兄, 已經作為父母既你, 有冇類似情意結?
20 :
肥B(18468)@2012-07-10 14:44:1019樓提及
18樓提及
15樓提及
有D變態到番兩間幼稚園. 痴L線.
花錢俾興趣班, 除左自己唔駛煩, 就係想將自己想要的投射落個靚仔度.
呢個好同意, 好似自己細個無自己一間房一樣, 好朋友DEFAULT就會諗定一個細路一間房.....
我想我都係敢, 我冇機會去外國讀書, 如果我能力許可的話, 一定比d細路出國留學.
肥B 兄, 已經作為父母既你, 有冇類似情意結?
無0波.....可能自己兩個都係女, 呢種情意結無咁強烈, 但就會再三名確的同佢地講清楚, 打算從唔同的機會, 用唔同的例子話佢地知, 讀書為先, 興趣為副, 大學畢業先再搞其他「理想」
21 :
GS(14)@2012-07-10 21:43:13我無乜錢，但發現找興趣唔使好多錢
22 :
鱷不群(1248)@2012-07-11 00:11:54扶貧委員會籌備小組成員何喜華認為，政府可考慮向獲學生受助者，每年發放2000至3000元興趣班津貼。
我咁多年加埋，都無用200至300元參加興趣班
最怕問專長 「抓破頭也想不到」
你去完鼓班，你估你真係識夾band咩，唔係參加興趣班就有專長
同樣升中的大恩（化名）坦言，每次同學討論新款電子器材和旅行經歷，她只能默默坐在一角。
我買得起都無啦
曾有夢想當天文學家的中學生，因無力負擔活動費而退出天文學會，甚至表示不敢再發展此興趣，對未來感到灰心。
夜觀星象要幾多錢呀，唔駛買個天文望遠鏡啩
鮮魚行學校校長梁紀昌指出，基層學生要長期參加課外活動十分困難，大部分基層家長通常會把僅有的額外款項，撥供子女補習提升成績，無法長期負擔子女參加課外活動的費用。
我無去過補習，又唔見我讀唔成書。
23 :
鱷不群(1248)@2012-07-11 00:23:04費禕，字文偉，江夏鄳縣人。費禕少時喪父，跟隨族父費伯仁生活。伯仁之姑，正是益州牧劉璋之母。劉璋遣使迎接費伯仁，費伯仁便帶着費禕游學入蜀。後來劉備平定蜀中，費禕便留在益土，並與汝南人許叔龍、南郡人董允齊名。其時許靖喪子，董允與費禕正要一起到功出席葬禮。董允向其父董和請求車駕，董和便遣一乘開後鹿車給二人。董允見此，面有難色，費禕卻從容走前先上鹿車。及至喪所時，諸葛亮及國中諸貴人均已齊集，而備有車乘的人甚少，董允神色猶未泰，而費禕卻晏然自若。駕車人回來後，董和問及備細，知其如此，於是向兒子道：「我常常以爲你跟文偉（費禕字）之間的優劣未可分别，但從今以後，我對這個問題不再有疑惑了。」
24 :
lam(884)@2012-07-11 01:04:21做父母無责任，做人儿女無责任，全部都係政府既错，这就是民主香港？
25 :
GS(14)@2012-07-11 23:02:11民主就是大家卸膊