【《蘋果》專訪】時裝設計師拍戲止癮鬼塚甘做綠葉 自嘲樣夠衰
1 :
GS(14)@2017-06-10 13:46:48■演戲是鬼塚的副業，正職其實是時裝設計師。攝影：陳慧安
原名伍健忠的鬼塚，常出現在80年代初的電影，專演監躉、黑幫大佬等角色。現年63歲的他生得惡形惡相，其實心地善良，先後演出過《四千金》、《江湖最後一個大佬》、《新不了情》、《運財五福星》及《陰陽路》系列等逾五十部電影，演戲是他的副業，正職其實是時裝設計師。
有生意頭腦
現實生活的鬼塚是好爸爸、好老公，生於十兄弟之家，他日前接受《蘋果》專訪時說：「爸爸成日同阿媽搞嘢，搞咗十兄弟，我排第六，第十個因為太窮，100蚊賣咗，細佬伍健民做咗十幾年大律師。」鬼塚回想入行首部參演的電影是79年的《打藤》，由胡楓監製兼執導，駱應鈞做男主角：「做監躉，一日600蚊。本來話拍一日，見我咁多嘢講、表情好，加我戲。」鬼塚拍戲雖只做綠葉，但非常投入，曾因海報有名而衍生出虛榮感，又自爆曾透過倒影看自己：「突然間回望，心諗『咁X衰格嘅呢個人個樣』，行番轉頭想打佢，嘩！望真原來嗰個係自己。」鬼塚11歲時父親過身，他於是學做洋服，有生意頭腦的他說：「我可以將1蚊嘅嘢賣100蚊，最緊要係思維同個膽。」85年斥資15萬在旺角開了以鬼塚為名的第一間時裝店，他笑言：「有人行過見到鬼塚個名，話係咪賣棺材㗎！有鬼㗎喎！」跟着分店越開越多，賣衫賺錢，為興趣拍戲。採訪：楊潔雯場地提供：鬼塚
■鬼塚曾演出《江湖最後一個大佬》等五十多部電影。劇照
■鬼塚前年再跟拍檔合作做時裝生意，對用料有要求。
■現實生活中，鬼塚是好爸爸和好老公。
來源:
http://hk.apple.nextmedia.com/entertainment/art/20170610/20050673
馬化騰邀請 首任粵港澳大灣區嘉賓 王衛自嘲毀掉「低調牌坊」
1 :
GS(14)@2017-06-21 07:43:05【明報專訊】內地速遞行業龍頭「順豐」創辦人、董事長王衛一向作風低調，甚少出席公開活動，昨日卻破天荒接受騰訊（0700）主席馬化騰邀請，擔任粵港澳大灣區論壇對話嘉賓，笑言自己的「低調牌坊沒有了」。少有露面的他卻侃侃而談，金句不斷，引發現場笑聲連連，連馬化騰都說「你應該多見見媒體」。
馬化騰籲多見見媒體
會上王衛不斷向馬化騰送高帽，指10年前留意到騰訊，覺得就是個QQ沒什麼大不了，但10年後順豐和騰訊的差別已經那麼大，原因就是他和馬化騰當年「一念」上的差別。「我一直只在打造自己內部的生態，做自己的產品，但馬總除了建設內部，還打造外部生態，將平台開放，與人合作，贏得更多機會，就好比我自己一個人踩單車做運動，而馬總讓20、30個人陪他爬山，這就是2000億（順豐市值）和2萬億（騰訊市值）的區別。」
說到給粵港澳大灣區的建議，王衛腦洞大開，「我覺得每個企業可以有個X部門，用來對接其他領域或公司，結合各家優勢，創造新產品，比如董明珠（格力電器董事長兼總裁）的員工可以來順豐做派件工作，然後馬化騰出工資，因為我最沒錢。」引來爆笑一片。
台上風趣 台下大隊保安護離場
順豐和阿里巴巴鬧出「封殺」糾紛後，王衛一反低調常態，突然和馬化騰走近，引起媒體關注，王衛一開始仲話自己很高興面對那麼多媒體，歡迎提問但不要再問他「家裏有幾個廁所」。不過雖然王衛台上風趣，台下就粒聲唔出，保安嚴密程度甚至勁過馬化騰，離場時成班保安已經自動排列成防護牆，將記者統統攔住，因此小琴最終還是沒能向速遞一哥求證阿里「封殺門」事件的真相。
email:
[email protected]
[小琴密語]
來源:
http://www.mpfinance.com/fin/dai ... 2163&issue=20170621
【圍爐舔傷口】自嘲搞坎坷影展 表揚鎂光燈下的茄喱啡
1 :
GS(14)@2017-07-07 02:43:07坎坷是因為未忘初衷。
最近名為「Festival de Cannot坎坷影展」的專頁在facebook冒起，五月成立至今上載了十七條宣傳片，找來電影業台前幕後鏡頭前自白，包括演員、影評人、電影導演、編劇等，內容圍繞他們在電影業打滾的辛酸經歷。黃鐦（阿鐦）、黃綺琳（Norris）、梅諾謙（阿謙）和呂榮棟（阿棟）本身在影視行業工作了五至六年，影展名字由來純粹是for fun的二次創作，後來一次賣醉促成了影展。雖有很多人誤以為這是一個純抽水專頁，實情是他們與另外四個年青人自資籌備影展。坎坷影展副主席黃綺琳強調：「好多人以為我哋剩係出抽水post，攞嚟笑，其實唔係，我哋真係搞緊一個影展，而嗰啲宣傳片同抽水圖係宣傳緊個影展。」
宣傳片以黑白色為主調，抽水圖帶自嘲譏諷語調，看起來確實坎坷，坎坷影展主席黃鐦指：「唔好話我哋呢一行，喺呢個社會度，邊個唔係感覺到坎坷？」有人批評他們自怨自艾，宣揚悲觀主義，他們堅持初衷只為自嘲，阿鐦說：「雖然話人總需要勇敢生存，但都應該容許大家有軟弱嘅時候，自嘲呢個模式只係我哋點樣面對軟弱嘅一個態度。」坎坷一詞可圈可點，梅諾謙甚至覺得坎坷代表一份堅持，他解釋：「坎坷未必係一件慘事，因為你心入面有初衷，或者有啲嘢想做，但你做緊第二啲嘢，所以你先會坎坷。」本地短片比賽多不勝數，不過多以夢想和希望為題，他們覺得正面定位更顯虛偽，期望坎坷影展可以呈現更真實的社會環境。
他們傾向自資籌辦影展，是因為不想令影展變得商業化。
阿鐦指繼續堅持的原因是尚未參與過電影製作，而這才是自己的夢想。
Norris27歲時，有人聽到她任職編劇助理後說了一句：「咁你都幾鍾意呢行。」她笑說最坎坷是別人覺得她坎坷而她不自覺。
坎坷影展正接受影片投稿，旨在「為一眾坎坷導演或想成為導演的坎坷靈魂提供一個自揭瘡疤的機會，展示與成功有一段距離的短片作品」，阿鐦說：「希望去表揚啲有努力過拍咗條片出嚟嘅人，第二啲影展睇唔到你嘅光環，但我哋坎坷影展會睇到嘅。」參賽資格與獎項提名都與主流短片比賽有分別，譬如其中一個資格為「參賽影片需未曾入選任何影展，及預期不會入選任何影展」，亦設立「最佳非主要演員」、「最佳燈光設計」等非主流獎項，模式跟足其他短片比賽，不過阿鐦笑言：「坎坷影展頒個最佳男主角畀我，都唔係會攞出嚟講嘅嘢。」反而他們最想做到的是拉近製作人與觀眾之間的距離。為過台前幕後不同崗位的人拍攝宣傳片，Norris憶述其中深刻的一句，是電影《狂舞派》及《哪一天我們會飛》監製及編劇陳心遙說：「人到無求就不坎坷。」Norris苦笑說：「因為我哋都係有要求先會坎坷，對於無要求嘅人嚟講，好快樂，好幸福。」
阿謙形容自己為一個後備席上的足球員，一直拉筋希望有機會下場比賽。
曾經有朋友當面批評阿棟拍的短片好難睇，不過對他打撃不大，他直言：「最好打撃多啲，唔夠坎坷。」
既然有坎坷構思，坎坷遭遇也少不得。身兼編劇和填詞人的Norris說：「我阿爸阿媽成日都話我寫劇本寫咗唔知去邊度，同埋之前間電視台又一直發唔到牌，寫嘅嘢無正式喺電視播出，所以上年嗰套劇喺電視上播出，佢哋一開頭係好興奮嘅，但可能唔啱我阿爸口味啦，佢睇睇吓都放棄咗，仲comment我套劇點解男女主角場場食飯，不斷食飯，喺唔同地方食飯。」父母開着電視為支持收視率，可悲是爸爸棄劇後便從此背着電視坐。阿謙擔任中小學校園電視台導師前曾做過助理編導，他提起最坎坷的一次：「嗰時比較懵盛盛啲嘅，企錯位，導演一怒之下一拳打落我心口度，好痛，即刻瞓咗落地下，嗰刻我係好痛，除咗生理上嘅痛，個心係痛到喊，即刻標眼淚。」對於廣告製作公司負責人阿鐦而言，甚麼客人的壓榨不是最坎坷，反而是有機會自資做自己的製作時，出來效果未如理想，他說：「發覺自己嘅不足，同唔知點去補救，好絕症呢個感覺。」
坎坷影展的獎項提名與主流短片比賽不同，希望表揚更多鎂光燈下的茄喱啡。
專頁上的抽水圖全部出自真人真事，自然容易引起共鳴。
假設拍片這回事消失於世上，你在做甚麼？阿謙想了想，說：「我無第二啲嘢識做，我剩係識拍嘢，除咗拍嘢我乜都唔係，可能係一個跑數嘅sales，可能係一個跑寬頻嘅sales。」
Facebook：Festival de Cannot坎坷影展記者：鄧天蔚攝影：許先煜（部份圖片由受訪者提供）2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170705/20078855
炮製黃腳鱲夠親切洪卓立自嘲鹹魚博翻身
1 :
GS(14)@2017-07-29 03:23:56■洪卓立製成品由主持「表妹」幫手試味。
【我一個人煮】多次被網民惡搞誤傳死訊的洪卓立，今年三十而立身壯力健，日前為《蘋果》新欄目《我一個人煮》學整吊命菜式「法式紙包黃腳鱲」，他鬼馬說：「阿鱲爺，如果你今年冇死嘅話，你幾多歲？今日我哋煮法式紙包洪卓立。」廚藝一般的立立，面對這味紙包魚都算應付自如，身旁主持提他幫魚搽鹽調味，要像對女友湯怡般溫柔，立立卻得戚說：「我對佢（女友）唔溫柔喎！」雖然切洋葱和薑時都忘記去皮，但立立仍嘴硬說：「冇所謂㗎，煮嘢食邊有啱同錯，等於煮意粉係咪要過冷河，你覺得好食咪得囉。」
■洪卓立廚藝一般，但總算應付自如。
■洪卓立和湯怡拍拖多年感情穩定。互聯網圖片
薛家燕都叫錯
提到他曾被薛家燕叫錯「黃腳鱲」，立立自言不介意：「其實都覺得幾好笑，中學花名都係叫黃腳鱲，幾親切。」對於屢被誤傳死訊，更被稱為「洪卓立之亂」，他說：「幾有創意，呢啲惡搞要好幽默先諗到，開頭梗係唔太開心，生勾勾好人好姐，大吉利是咩，最大影響係阿媽，佢到?家都接受唔到，覺得係個仔得罪人！」無限復活的洪卓立，09年患肺積水真的死過翻生，他說：「留院個幾月，嗰時係絕望，打定輸數唔會做番呢行，就算自己想繼續唱歌，公司未必會擺資源喺我度。當我鼓起勇氣出番嚟唱歌，就有人話我死咗，落井下石，嗰下真係好唔開心，係咪乞人憎到咁呢！」今年是立立出道10周年，他表示雖沒具體成就，但來多次也會選擇相同的路，能做自己喜歡的工作，認識到現任女友，從沒想過要來當歌神：「我係一條鹹魚，?家時勢唔係個個歌手都可以出碟，如果可以希望做到40歲。」採訪：皓騫攝影：仇志德場地提供：Kohler Kitchens鳴謝：H&M Home
法式紙包黃腳鱲製作步驟
1.切後調味
於魚身斜切後調味，並將檸檬片、薑片、蒜片放入魚肚。
2.放檸薑蒜
每個斜切口放入檸檬、薑和蒜，灑上牛油粒，再把番茄、紅椒放旁邊。
3.焗後成品
用牛油紙包實，放入預熱190℃的焗爐，焗17至23分鐘。
來源:
http://hk.apple.nextmedia.com/entertainment/art/20170727/20102415
【出Post自嘲】設計師刷存在感 書展簽名會零人出席達成
1 :
GS(14)@2017-08-04 06:35:42人潮越文靜越變得不受理睬，自己要搞出意外。DDED的Albert決定自嘲，以退為進。
facebook世界萬家爭鳴，即使粉絲專頁like數夠多，唔keep住日日出post，真係分分鐘被世界遺棄，很可怕。網絡後浪推前浪，刷存在感成了很多版主的例行公事。專營動畫設計的DDED，專頁like數超過五萬，又如何？版主Albert最近喪出post自嘲無人識，似乎係上演以退為進，引人注意的戲碼。我問：「存在感對你來講係乜？陽光？空氣？無咗唔得？做乜係咁衝出來？衝完粉絲真係多咗？」佢答：「出咗呢啲post，粉絲無少到，個人明顯高咗、大隻咗，存在感返咗埋嚟！呀~~」得啦得啦，咪背星爺電影對白敷衍我。
「你憑乜覺得刷就有存在感？」「憑我徹底的勇氣。」「……」原來成日靚抽時事製作2D起格影片嘅佢，最近把將無人識、產品無人買的慘痛經歷化為黑色幽默動畫或插圖，以自己為主角，博大家派like。「上年書展，有人將我認錯係于日辰（高登作家小姓奴），叫我簽名，我有照簽。」佢又試過變咗「送禮勤」，帶同自己創作的figure公仔去設計師聚會送人，聚會完結，figure被遺下，慘到烈。又有人曾經send email同佢傾合作，可惜對方真正想搵的係網絡紅人「大大與小妹」（90後情侶插畫師）的小妹。佢扮認真話：「用咗好耐時間平復，心靈受到好大打擊，好想將呢件事畫出來當發洩，又可以順便出post呃like。」慢慢地呢個人不斷自爆，往傷口灑鹽自嘲戲謔。「都係俾人笑吓，自己又笑吓，老實唔係真係刻意刷存在感。」唔知係咪因為睇人「X街」最開心，啲post真係好好笑，加上樣樣衰衰，猥猥褻褻的方面造型公仔，係幾令人期待睇佢有更多瘀事分享嘅。
佢以「窮到賣底褲」為口號賣底褲，但其實印製底褲及買扭蛋機等成本不輕，賣咗九成都無錢賺。
方面MK仔動畫配上Albert刻意chok出來的衰聲，睇一次笑兩次。
一心帶自己作品送給其他設計師，點知完場發現自己變咗「送禮勤」，惟有幽自己一默，畫出來畀大家笑吓。
剛過去的書展，佢做咗兩個創舉，第一係搞咗場零人出席簽名會，一小時簽名會真係無人去，半個都無。咁無存在感的假象，係佢精心策劃。「揀無人得閒來嘅時間搞，書展第一日晏晝三點，返工嘅人一定來唔到。專登低調宣傳，又呼籲大家唔好來。」無人來，個心真係無碎到一地都係？「無，只係覺得幾好笑。我其實係模仿日本YouTuber Shibatar，佢都搞過一場無人去嘅簽名會。其實無人來，有人來我都開心，根本就係無敵嘅狀態。」書展期間，呢位仁兄無新書但日日蒲頭，竟然係為咗賣底褲，仲唔係怕被忘記至放大來演吧？搶focus搶到出面喎！「純粹想做啲非主流嘅事，香港地唔係即時賺到錢嘅生意，好多人都唔做，我專做呢啲，專做蝕本生意。」用扭蛋機賣底褲，佢話係一套經驗，賣嘅係整個過程。睇你會唔會好彩抽中有屎漬印花嗰款。諗落無聊，實質都係無聊，之但係整嗰個開心，抽嗰位高興，旁人又有乜好講？記者：葉青霞攝影：王國輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170804/20110830
趙頌茹自嘲前半生唔精明
1 :
GS(14)@2017-08-18 10:16:30趙頌茹（阿Yu）、林雅詩（Grace）和黃建東等人昨日在銅鑼灣為新戲試造型，戲中兩女扮演儍更更的神探，阿Yu自言現實中也很烏龍，試過帶過期證件出埠，又為女兒穿錯校服，她說：「睇我個樣好似好精靈，我前半生都冇精明過，我會加油，後半生會精明啲。」
■林雅詩表示如有工作需要，會再去馬來西亞。
另外，Grace在戲中有30多個造型，也有性感打扮，而且要飆車，電影要在香港和內地拍攝。早前她與兒子趁暑假去旅行，提到之前她在馬來西亞被搶劫事件，問她會否到當地旅遊？她說：「唔好玩我啦！件事完結咗，無需要道歉，?家可自由出入，如果做嘢有需要都會過去。」採訪：王連連攝影：葉君海
來源:
http://hk.apple.nextmedia.com/entertainment/art/20170818/20124590
Next Page