話你知：股權高度集中 無明確定義
1 :
GS(14)@2016-12-07 07:24:14【明報專訊】雖然近期指數公司已修例將股權高度集中股份剔除，但事實上，何謂「股權高度集中」，上市規則中並無明確定義。根據上市規則第13.34條，如「發行人的證券可能集中於幾個股東手上，以致有損投資大眾利益或是投資大眾並不知情」即屬股權過度集中，該上市公司必須「按照《上市規則》第2.07C條的規定刊發公告，通知公眾其證券或沒有真正的市場，又或其持股可能只集中於幾個股東手上」。
惟即使證監會針對上市公司的股權架構及作出調查，並會在網上公布股權高度集中的公司名單；但卻未有對名單上的公司作出任何懲罰或條文約束，逼令公司改善問題。
高銀地產14名投資者持95%股份
至於指數公司修例將股權高度集中股份剔除一事，則源於「高銀孖寶」之一的高銀地產（0530）被證監揭發，其連同大股東兼主席潘蘇通在內的14個投資者持有逾95%股份，股權過份集中。事件令摩根士丹利資本國際於今年年初將其剔出MSCI指數；並同時宣布，將證監會認定為股權集中的香港股份剔出全球指數。
來源:
http://www.mpfinance.com/fin/dai ... 8247&issue=20161206
話你知：啟德5住宅盤 涉近4000伙
1 :
GS(14)@2016-12-24 05:42:58【明報專訊】東九龍啟德第1K區2號地皮，昨日共接獲16份標書，反應不俗；事實上，啟德新發展區勢必成為2017年重要新盤戰場之一，撇除中資海航集團投得的兩幅地皮，區內另外5個新樓盤，總共提供近4000伙，預計將於明年陸續登場。可留意的是，嘉華國際（0173）旗下提供900伙的嘉匯，與中海外（0688）提供624伙的啟德1號（II），早於11月已經獲批預售，但因政府突擊加辣而押後至明年開售。
3盤仍待批預售
至於另外3個分別由會德豐（0020）、建灝地產、保利置業（0119）發展，同樣位處沐寧街的住宅新盤，提供單位數量分別648伙、822伙和930伙，目前均正等待批發預售樓花同意書，相信亦會於明年出擊。
來源:
http://www.mpfinance.com/fin/dai ... 4225&issue=20161224
【又到聖誕】聖誕大餐最啱配邊款酒？品酒達人話你知
1 :
GS(14)@2016-12-24 10:42:34臨近聖誕大家忙到「頭都大晒」，除了買聖誕禮物外，亦都要籌備聖誕大餐，佳餚當然要配美酒，但到底甚麼酒最襯聖誕大餐呢？《蘋果》記者請教了品酒達人，教大家揀最啱過節靚酒！駐洛杉磯記者：張紫茵位於洛杉磯帕薩迪納（Pasadena）的酒品專賣店老闆Peter Nelson亦是一位高級品酒師，店內有逾500款酒品，大多是葡萄酒，亦有部分日本清酒及啤酒，逢周四至日指定時間亦會有評酒活動。
Peter表示，最近最好賣的一定是較大路的赤珠霞（Cabernet Sauvignon）及梅洛（Merlot)，價錢豐儉由人。但如果要符合節日主題，就主菜配紅酒就最好不過。因聖誕大餐多以紅肉為主菜，所以建議可以揀法國勃艮第（Burgundy），配上三文魚、牛扒、火腿、甚至火雞都非常「夾」，有時30多美元就可以買到一級酒莊的出品。食完聖誕大餐後，當然少不免以甜品作結，在配搭甜品方面亦有不少選擇，主要以甜酒為主，例如德國甜白酒Riesling，又或者甜甜的葡萄牙的砵酒（Port），但甜酒的價錢通常會較高，因甜酒背後的勞動成本較高，工人要逐粒提子揀選，所以一枝靚的陳年砵酒可能就要索價過百美元。葡萄酒的種類多如繁星，如果想減低「中伏」機會，可以利用部份手機app去辨別到底值不值得買。較為大路的app為Vivino，只要用鏡頭拍下酒的標簽，就會有用家點評的分數，最多為5粒星，奪到4粒星的酒性價比通常不俗。Peter就推薦另一個較專業的app，叫Cellartracker，他表示內裏大多是「專業酒鬼」，會比Vivino更加有說服力。節日慶祝難免會飲多幾杯，Peter亦有一些小貼士以防大家宿醉，如果要飲不同種類的酒，記得由酒精含量低的開始；另外在飲酒的時候，亦記得要多飲水去沖淡，份量為一杯酒要飲一杯水，最重要是飲得高興亦要適可而止，見好就收啊！
來源:
http://hk.apple.nextmedia.com/international/art/20161223/19874797
【動大事2016】民生無小事 大富翁話你知
1 :
GS(14)@2016-12-30 08:11:44民生無小事，離不開「醫」食住行，16年樣樣都出事。「醫」-有特權如民建聯陳恒鑌同譚耀宗，就可以特B特生、特瘜特割。爸爸是梁特的頌昕，進入機場禁區後方發現留下行李，打個電話便可以有專人破例送入禁區。「食」-無特權的話，告票就有得你食，像康文署外判清潔工周婆婆，倒清水洗地被食環捉到票控$1500，幸好事件曝光被全城鬧爆，食環跪撤控。「住」-哪有位？拿著綠表最平94萬便買到的綠置居又抽不到，學游蕙禎話齋：扑嘢都搵唔到房。「行」-有觀塘延線及南港島線通車，不過何文田站地點不方便，沒有強健體能，便要學港鐵主席馬時亨：日常唔好坐港鐵啦...2016年還有不少民生大小事，請收看影片！
來源:
http://hk.apple.nextmedia.com/news/art/20161230/19881668
【洋葱式穿搭】忽冷忽熱 3個app話你知乜天氣着乜衫
1 :
GS(14)@2017-01-18 08:05:04洋葱式穿搭法（Layered Clothing System）讓用家按自己感覺需要加減衣物，無論冷熱都進可攻退可守。
呢排天氣忽冷忽熱，唔知着乜衫先適合？一於運用洋葱式穿搭法（Layered Clothing System），按自己感覺需要加減衣物，無論冷熱都進可攻退可守。
叫得洋葱式，顧名思義即分為不同層次的搭配方式，咪以為純粹貪靚玩layering，實情每層都有各自功用。根據戶外裝備評選網站《Outdoor Gear Lab》，呢個「洋葱」可大致分為四層：一、基本層（Base Layer)最貼身一層主要作用是吸汗，所以最忌穿棉質，皆因吸汗後水份停留喺纖維中難以排走，容易令人感覺更寒冷，挑選人造纖維或羊毛質地打底就適合不過。二、中間層（Mid-layer)第二層主打保留空氣作保暖，厚羊毛衫、針織品或Fleece也是合適選擇。三、絕緣層（Insulation Layer)第三層稱主要用係加強中間層，減少身體同外間冷空氣接觸來保暖，大部份人會選擇着羽絨或人造纖維外套。四、外殼（Outer Shell）最外層就起保護作用，為用家擋風同防止濕身，揀防水防風的物料如Gore-tex或者利用防水縫紉技巧Seam Seal或heat sel的外套就啱。但香港天氣未必要穿足這麼多層，每天都要左襯右襯覺得煩惱，其實現時有不少按官方天氣報告，提供配襯建議的應用程式。一、「時裳天氣」應用程式由日本研發，用家可以按地區選擇自己所在地，佢每日提供四款造型建議，包括職場及休閒造型，均較日系，適合少女味重用家。二、「ClosetSpace」喜歡歐美風格的話，呢個應用程式便能幫上忙，除了會連繫所在地溫度，用家也可以自選感覺溫度、天氣狀況，以及活動場所，查看合適建議，當中不少相片由用家親身上載，款式較容易穿上身。三、「Hoki穿天氣」上述兩個app主打女性用家，呢個就男女通殺。由台灣研發的應用程式，收費$15，每日提供穿搭貼士，亦按當地濕度和風速，略略集合出體感溫度，睇中造型更可到建議的購物連結入手，但每日只有一個造型分享，算是美中不足。查詢：（a）Kent& Curwen尖沙咀海港城二樓205號舖（b）ANTEPRIMA中環國際金融中心3079舖（c） NikeLab PS7銅鑼灣白沙道7號（d）Columbia銅鑼灣時代廣場726號舖記者：黃樂雯攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
咁多層都唔一定會重甸甸，恤衫+冷衫+長身羊絨外套，集基本、中間層同擋風外殼於一身，型格而不累贅。（All from a，未定價）
女生代表，針織外套做中間層，外加100%山羊羊絨長外套（$24,000），輕盈又夠暖。（b）
墨綠色三層全密封Gore-Tex外套（$2,999），加一個超高領，防風又防水。（c）
防潑水面料的羽絨（$4,999），可以避免水份令羽絨黏結降低保暖度。（d）
「時裳天氣」手機應用程式
「ClosetSpace」手機應用程式
「Hoki穿天氣」手機應用程式，暫時只供iOS用戶下載。
來源:
http://hk.apple.nextmedia.com/su ... t/20170117/19899157
【幕後英雄】體能要求大過騎師？釘甲匠話你知最辛苦係乜！
1 :
GS(14)@2017-02-05 10:49:11馬場上勝利嘅掌聲，瘋狂嘅歡呼聲同榮耀，似乎一切盡歸騎師同練馬師，但其實仲有一班無名英雄喺背後默默咁付出，其中一個崗位就係釘甲匠。釘甲匠主要工作是為馬仔打造合適的馬蹄鐵並且牢牢釘喺馬蹄下，就連馬會會徽亦印有馬蹄鐵圖案，可想而知它對賽馬文化之重要。馬蹄鐵作用等於人類嘅鞋，為咗延緩馬蹄磨損及防止其爆裂，而馬蹄就似指甲咁係識得生長，所以隔兩至三星期就要換一次馬蹄鐵。而馬蹄鐵就有分鐵製同鋁製，鐵甲較為襟用，通常要嚟平時操馬使用；而比賽用就會用較輕身嘅鋁甲。要成為一個釘甲匠，基本條件需要專注、強健體格、保持健康、熱愛馬匹及具備耐性。因為釘得好，自然該馬會跑得舒服啲，因而跑快啲，但如果唔夠專注同耐性搞到釘得唔好，蹄鐵好易甩出嚟，舊鐵嚴重唔啱位嘅話仲會搞跛隻馬，所以呢門專業起碼要浸淫七至八年，先能升級為一級釘甲匠。釘甲匠除咗對馬腳結構瞭如指掌外，亦要識得同馬溝通。如果釘得隻馬唔開心，佢哋真係會咬你一啖或者踢你一腳。一般嚟講，釘甲匠完成四隻腳嘅工序，需要彎低條腰做嘢接近一小時。其中一位釘甲匠透露：「呢份工最辛苦可以話學師時，成日都喺夏天三十幾度高溫下打鐵。」又要捱熱又要彎腰又要長期專注，咁講法真係少啲魄力都搞唔得惦。不過如果賽駒贏到賽事，他們都有得齊齊分到一筆小獎金及幫到手贏馬嘅成就感。
來源:
http://hk.apple.nextmedia.com/sports/art/20170204/19917363
【話你知】皮肌炎死亡率高達五成
1 :
GS(14)@2017-02-07 05:15:50魯芬因皮肌炎致肺部衰竭逝世，風濕科專科醫生李家榮表示，皮肌炎是免疫失調引致的疾病，即攻擊自己的皮膚及肌肉，如手背關節位、頸背或上眼簾出現紅疹，頸及前胸亦有「V」字形紅疹；大腿、臀部及肩膊的肌肉可因發炎引致無力及痛楚。病發率每10萬人有5至20人，一般病發年齡40至50歲。皮肌炎可分為原發性及繼發性，繼發性是癌症相關引致的皮肌炎；原發性皮肌炎的病人可帶有不同抗體，如「抗MDA-5抗體」攻擊肺部較嚴重，可引致肺炎及纖維化，再引致肺部衰竭而致命，半年內死亡率達50％。
來源:
http://hk.apple.nextmedia.com/entertainment/art/20170207/19920084
食孔雀可解百毒？中醫話你知有冇伏
1 :
GS(14)@2017-03-04 00:34:38不少中國人喜歡冬天吃野味，認為可以補身養陰。佛山西樵鎮孔雀繁殖場主陸志炳介紹，孔雀清補平和，據古籍記載，更具「解百毒」功效。本報翻查明代醫書《本草綱目》，發現有關孔雀肉的記載，不過註冊中醫何慧潔向本報表示，醫書沒有指明孔雀肉解哪一種毒，「唔會中所有毒都係食孔雀解毒」，認為有關說法矛盾。《本草綱目》有關孔雀肉功效的描述是：「味如雞，能解百毒」，意指孔雀肉味道與雞肉相似，有解百毒功效。不過何醫師指隨後還有3句，「人食其肉者，自後服藥必不效，為其解毒也」，意思是吃了孔雀肉後再吃藥，效果也不會好，因為孔雀肉已解除藥效，她直指有關說法矛盾，「所以唔可以純粹話古書記載孔雀解毒，就話佢對咩都好」。在中國國家保護動物名錄中，綠孔雀屬一級保護動物，而藍孔雀則在數年前，被國家林業局定為「三有」動物（指有益的、有重要經濟和科學研究價值的陸生野生動物），屬於特種畜養殖產業化經營項目，取得相關牌照後，可以合法飼養及買賣。目前香港沒有法例訂明食孔雀違法，亦沒有發現野生藍孔雀的紀錄，不過漁農自然護理署回覆本報查詢指藍孔雀在本港受《保護瀕危動植物物種條例》規管，進口本港必須取得相關准許證，否則最高可被判罰款50萬元人民幣及監禁1年。《蘋果》記者
來源:
http://hk.apple.nextmedia.com/international/art/20170303/19946238
全球畀「貼士潛規則」話你知俄羅斯最霸氣
1 :
GS(14)@2017-03-24 16:45:54唔少人去旅行，或者去Business Trip，都面對「貼士」呢個問題！畀唔畀貼士？畀幾多貼士？呢類問題，真係難答過「去飲畀幾多人情？」。知唔少人對貼士問題都有疑問，所以今次一次過歸納15個國家嘅「貼士潛規則」。美國：貨幣──美金一般嚟講，張單無計服務費嘅，但係客人有「必要」自己計及15-20%貼士俾個侍應，唔俾的話，佢會追出門口嚟追你。巴西：貨幣－巴西雷亞爾如果無包10%服務費響張單，你大可以睇心情畀，15%算叫幾好。不過記住，千萬唔好畀美金，因為文化問題，當地人會覺得你侮辱梗佢。中國：貨幣－人民幣無論你地邊度都唔使畀日本：貨幣－日圓畀現金貼士對佢地嚟講根本係一種侮辱，但可以收埋響信封靜雞雞畀個侍應泰國：貨幣－泰銖細餐廳理論上唔使畀嘅，不過如果你有額外要求，而佢地又做到嘅，咪少少地人頭計每人畀返1美金佢囉，如果去高級食府嘅5至10%貼士好平常俄羅斯：貨幣－俄羅斯盧布10%！現金！直接塞入個侍應袋，唔好擺檯面！
來源:
http://hk.apple.nextmedia.com/financeestate/art/20170324/19968596
眼鏡娘會受歡迎D？索模實試話你知
1 :
GS(14)@2017-04-15 23:27:46大多數玩交友App的人都是「以貌取人」，想成為萬綠叢中一點紅，靠的就是你的個人頭像。除了要有角度有深度，用美景美食襯托自己等等，可能還要把眼鏡先放一邊－－因為有模特兒測試發現，戴了眼鏡後吸引力會有所減少。來自英國的19歲洛漢（Max Lohan）及伯里奇（Gee Burridge），各自在Tinder上開設2個賬號，並分別上載不論甫士、表情都幾乎完全一樣的照片當頭像，唯一不同是有否戴上眼鏡。結果他們發現無戴眼鏡的照片，成功吸引273個配對對象，比有戴眼鏡的255個配對多出近10%。兩人將住址分別設成倫敦、曼徹斯特及格拉斯哥三個城市以進行不同測試，並在48小時後「截數」統計配對對象數量。結果顯示倫敦女士對戴眼鏡的對象最不感興趣，因為洛漢的戴眼鏡的賬號頭像，得到的配對數目幾乎只有不戴眼鏡頭像的四分之一。至於格拉斯哥的男女就較為喜歡戴眼鏡的對象，洛漢及伯里奇戴眼鏡的照片，在當地合共獲得的配對比不戴眼鏡稍多7%。他們又發現戴眼鏡的另一小好處，是較易成為打開話題「工具」，因不少交友App用家都借此與心儀目標展開對談。英國《每日郵報》
來源:
http://hk.apple.nextmedia.com/international/art/20170415/19991012
Next Page