因今晚無甚可寫，故找出舊文，轉貼一下，充充版面。
http://realforum.zkiz.com/thread.php?tid=4438
(1)
在遠東環球招股書一節，找到以下資料:
HUANG Brad先生，45歲，於二零零八年三月十一日加入本集團擔任董事，其後於二零一零年三月十日獲委任為董事會主席、執行董事兼本公司薪酬及提名委員會成員。
加盟本公司前，Huang先生為位於華盛頓哥倫比亞特區的智庫哈得遜研究所(Hudson Institute)的研究助理， 此外，Huang先生並於高盛公司及瑞信銀行任職投資銀行家。
....
從二零零八年六月至二零零九年八月，Huang先生任職於在聯交所主板上市的澳門投資控股有限公司主席兼行政總裁。
那他是誰?
(2)
細閱澳門投資控股(2362，前金澤超分子、烽火傳媒)的公告，找到以下資料，其實他就是黃中核先生，在2008年6月就任，並於2009年8月辭任。
http://www.hkexnews.hk/listedco/listconews/sehk/20080623/LTN20080623099_C.pdf
董事會欣然宣布，黃中核先生已獲委任為主席，執行董事和首席執行官，陳維恩先生已獲委任為副主席和執行董事， 由二零零八年六月二十三日正式生效。
黃中核先生，43歲，擁有超過19年的投資經驗。黃先生曾經先後任職于美國華盛頓哥倫比亞特區的 The Hudson Institute，紐約高盛（Goldman Sachs），以及東京瑞信銀行（Credit Suisse）。
http://www.hkexnews.hk/listedco/listconews/sehk/20090821/LTN20090821427_C.pdf
黃中核先生因私人理由辭任公司主席及執行董事。黃先生離任後將會出任公司之顧問以協助處理公司日常事務。
(3)
其實他是誰呢，他就是鄭明明的女婿。
在2000年在世嘉入主昌明(1196)後，他曾為公司董事，但其後昌明回購世嘉的股票，他亦退出管理層。
http://www.hkexnews.hk/listedco/listconews/sehk/20010212/LTN20010212030_C.doc
但在2006年11月，澳門投資控股(2362，前金澤超分子、烽火傳媒)認購鄭明明的CMM集團的23.1%的經濟權益，其後協議改為全面收購，作價1億元，以3,300萬現金及以10仙(合股後1元)發行6.7億股(合股後6,700萬股)支付，於是鄭明明成為主要股東之一，由此黃先生亦短暫作為公司管理層。
http://www.hkexnews.hk/listedco/listconews/sehk/20061127/LTN20061127054_C.pdf
http://www.hkexnews.hk/listedco/listconews/sehk/20070216/LTN20070216048_C.pdf
2010-05-18 AD
| ||||||
| 喺上個禮拜沽貨 封咗蝕本門嘅意馬國際（585）大股東梁伯韜，一如市場所料，噚日終獲委任為主席兼非執行董事，今日生效。較特別嘅係，番薯梁加入嘅同時，曾經幫過電影大 亨鄒文懷打工嘅潘從傑，就辭任意馬副主席、行政總裁同埋執董，即係公司一個執董都無，非常離奇。 幫手物色賺錢投資項目 離奇還 離奇，番薯梁除咗係意馬大股東之外，通告冇交代到冇乜電影經驗嘅佢，點解會做咗主席，反而喺新聞稿度就引述梁生話，好高興能夠領導意馬開創新里程，會協助 意馬發展業務，埋尾仲有一句好惹人遐想嘅，話會幫公司「物色有利潤投資項目」，唔通就係市傳個啲…… 講開又講，意馬嗰套《神勇飛鷹俠》近排 放咗個片頭出嚟，華華睇過，畫面好有力，動作流暢，公仔睇落仲好有美國feel，相信係想打歐美市場。 李華華 [email protected] | ||||||
2010-5-24 AD
| ||||||
| 聽講嚟緊今個星 期五，獅子集團滙控（005）將會有一項重要人事任命，約翰桑頓（John Thornton）將會接替即將退休嘅集團主席葛霖，成為滙控第一位非執行主席，及第一位在外委任嘅主席。 約翰桑頓曾任工行獨董 呢 個消息係來自英國《星期日電訊報》，佢話滙控喺倫敦禮拜五舉行股東會當日，就會宣佈呢個消息。其實早喺今年1月，已有路邊社消息話葛霖喺明年暑假退休，約 翰桑頓係繼任人選之一。 今年五十六嘅約翰桑頓，身兼滙控多個職務，08年出任獨立非執董，以及北美滙豐非執行主席，又係北京清華大學經濟管 理學院教授，最緊要嘅係，05至08年期間佢曾出任工行（1398）嘅獨立非執董。約翰桑頓中資經驗咁雄厚，怪唔之得獲得重點發展內地市場嘅獅子集團垂青 喇。 桑頓曾經喺高盛任職23年，1999至2003年出任高盛總裁，但之後同後來做咗美國財長嘅保爾森爆發權力鬥爭而憤然辭職。 明 年底63歲嘅葛霖，報道話佢做到明年6月拜拜，仲有可能接替英國央行行長金默文。滙控發言人話，葛霖以及一班管理層都係百分百投入工作……睇嚟一切到咗星 期五就自有分曉。 | ||||||
| ||||||
| 近年香港大談活化工廈概念，催谷 了連番工廈炒風，成果欠奉，但早於五年前，上海市中心的破舊廠房，已變身一座座摩登辦公室，名為「8號橋」，諷刺的是，搞手正是來自香港的時尚生活中心老 闆黃瀚泓，他曾替瑞安老闆羅康瑞打工，有份打造上海地標新天地，後來自立門戶埋身為舊廠房整容。創業大過天，代價是賣樓吊命兼離婚。 今年一 月，黃瀚泓終於「行運」，國家主席胡錦濤出巡上海時，「御駕」親臨「8號橋」。「主席效應」下，中外基金拍門，地 產商招手，谷底反彈「話咁易」。不過，這一切只發生在中國。 黃瀚泓（Tony）的「反彈」不單在事業上，還出現在頭上。這天，在「8號 橋」外拍照，平日一臉正經的Tony，突然摸着頭頂的頭髮笑說：「今年連頭髮都生番出來了，你睇吓我以前嘅相，中間冇乜頭髮o架。」確實，看上去年輕了十 年。Tony最近更請來一名私人健身教練，每星期兩晚在會所玩健身，務求以「最佳狀態」迎接事業「第二春」。 為他帶來這個「第二春」的，是 國家主席胡錦濤。「佢來之前五日，我才收到通知。基於安全理由，市政府只話有重要國家領 導人來，冇講明係邊個，就算估到，都絕對不可以喺電話講，或透露出去，因為這等同洩露國家機密。」胡錦濤於一月十六日早上抵達「8號橋」，逗留了四十分 鐘。「主席在上海參觀的都是幾百億的國營企業，相比之下，我們是間好細的民企，他的肯定 對公司發展有好大幫助。」 摩登舊廠房響朵 舊廠房改裝的「8 號橋」，園內有西餐廳、咖啡館，「廠房」之間用橋連接起來，中間有露天花園。平日有衣著時髦的遊人，拿着相機四處拍照，亦有旅遊車帶團來參觀。 「甲 級寫字樓空間封閉，夜晚六時後出入更要特別申請，這裡的租戶都係『用腦』嘅企業，如建築、設計及廣告公 司，習慣通宵工作。」經常有不同團體來參觀，同一番話，Tony已說過不下千遍。「一定要有餐廳、咖啡館及花園，好多時創意及靈感就係煲 煙、飲咖啡時傾出來嘅。」 第一期總投資七千萬人民幣（下同）。「七千萬在香港不夠買兩個一千呎的豪宅。」○七年，「8號橋」項目獲美國投資公司安祖高頓亞洲（Gordon Asia）垂青，入股五千萬元。「不但項目回本，○七年還有三千多萬盈利，股東第一次有分紅。」這是Tony創業路上第一個「春天」。不過，項目帶給他最 大的「財富」，是政府關係。「除了上海市長韓正，市委書記俞正聲，我們接待過逾四十位中央領導，包括習近平、賈慶林、吳儀等。」Tony一口氣數出十多個 內地高官姓名。 「點解香港一講到官商，就話勾結？」Tony習慣國內的運作模式，所以不避嫌道，全靠盧灣區經委王主任拉攏，由盧灣區區長召 集多個部門開大會，包括規劃局、環保局、工商局等。「8號橋」由設計、審批到完工，只要一年時間。「自己去做，單係審批都要半年以上。」Tony說，政府 還幫項目戴了頂「帽子」叫「試點」。「呢招喺內地好有效，不按常規出牌都不怕。」在區政府支持下，○七年公 司取得區內鄰近世博園、局門路上一塊更大的舊廠房地皮，興建「8號橋」第二、三期。 被基金「賣豬仔」 但「春天」只維持了一年，金融海嘯殺到，加上連番房地產調控政策，正發 展第二、三期項目的時尚生活中心，○八、○九年均虧損超過一千萬元。「用分紅嘅錢喺上海買嘅樓，仲有香港同前妻聯名嘅樓，全部賣晒，籌咗千五萬，撐住公司。」Tony苦笑道，公司兩 度減薪，「吊鹽水」度日。 公司「水緊」關頭，Tony的私人投資亦陷入困 境。○五年，Tony與摩根士丹利合組公司，買下淮海東路上一個商場，重新包裝出租，名 為「無限度」。○七年開業後因人流不足，爆發欠租問題，最後Tony被迫退出。「而家商場賣咗，唔怕講了。」Tony負責商場設計及搵租客，開業時有九成 出租率。「租金仲貴過對面嘅時代廣場，但開幕後人流唔夠，租戶吵要免租期，而大摩只緊張每個月的應收賬目，仲走去告人欠租，新年、聖誕布置，亦不願出錢， 最後我拎咗四百萬來做。」 原來，大摩背着他不斷找投資者來睇場，鋪路「甩身」。這令他最氣憤，「我覺得俾人賣豬仔！」Tony咬牙切齒地 說，他和朋友前後投資了六千多萬，去年十一月商場賣盤，他們約可取回七成本金，但仍未到手。「我好慘，租戶都係我搵返來的，不但輸了聲譽，連累朋友輸錢， 得失了地區政府，仲要俾人笑。」 新天地搞手滿師劈炮 在內地做「生意」，不可以將數字凌駕於「人情」上，但事實上，Tony本 身正是「數佬」出身。八三年加入嘉里建設做財務，九三年調往上海任財政總監。九六年，未做過銷售的Tony，向當時瑞安地產董事總經理鄭秉澤毛遂自薦，出任銷 售及市務部副總經理。「我一個月就賣咗二百套瑞虹新城，整個上海那個月都係賣咗四百套 （住宅）。」九八年升任新天地總經理，項目後來成為上海地標。 ○二年， Tony辭職創業，做商業項目顧問。「當時羅生在其他城市複製新天地，其實是為拿地拿項目，新天地只是配角，但商業項目不同住宅，唔可以複製，就像睇電 影，第一次睇就話好睇，再睇就乏味了。」不過，Tony亦盛讚羅康瑞懂得把握時機。「在內地拿靚地做住宅，外資一定不及國企，反而政府近年致力提升城市形 象，用商業配套包裝項目，再去拿地會較容易。」Tony說。 上週四，羅康瑞現身瑞安地產股東會，表示曾到過「8號橋」，更稱讚Tony「有 腦筋、有創意」，但否認瑞安「複製」新天地。「我們在各個城市的『天地』都不一樣，你有沒有去看過？」提到有否機會合作，二人不約而同表示，暫時沒有這個 打算。 窮得只剩下公司 現時，Tony已轉型為發展商，但諷 刺的是，手上一個私人物業也沒有。「資金一直是我最大的困擾。」Tony坦言，○三年開始，為集資建「8號橋」，Tony將上海四、五個物業出售套現，其 中兩套是前顧主瑞安集團旗下的翠湖天地。「賣出去時約三萬元，而家升到十二萬。」現時，Tony以月租萬五元，租住服務式住宅。「每個星期都有人執屋換床 單，樓下又有泳池、健身室，好方便。」 公司就是一切，Tony不但押上全 副身家，更賠上了逾二十年的婚姻。「○四年離婚，之前老婆一直跟我住在上海，那時好忙，朋友幫我改了個花名叫『夜總會』，即晚上總有會要開，離婚後反而輕 鬆了，不用內疚有個人在家等你。」現在，Tony有個內地女朋友，但坦言不會結婚。「大家合得來，解解悶而己。」 經歷連番起跌的Tony， 好不容易捱到今年，地產商紛紛將項目送上門。「以前朋友經常笑我，如果過去十年拿啲錢去買樓買股票，一早發達。冇錯，但我冇後悔，我始終相信最大的投資應 該在自己公司。事實證明，最近有幾批傾緊入股的投資者，對我哋公司嘅估值都超過一個億，我仍是大股東，以前蝕的都可以一鋪賺返來。」 | ||||||
| ||||||
| 今日開始招股嘅 海東青（2228），個公司名可能比較陌生，但其實呢個名大有來頭。聽落似海水魚名字嘅海東青，查實係一種喺東北生活嘅名鷹。根據《維基百科》資料話，呢 種又名叫矛隼嘅名鷹，原產黑龍江同吉林，係古代滿族、女真族嘅打獵好幫手。 其他文獻就話，喺呢啲族人心目中，鷹係神鳥，係「百鳥之尊」，海 東青就係鷹界之中最名貴嘅，可想而知幾咁勁。 可能大家會問，間公司做無紡布同化纖，做乜改個咁勁嘅名呢？嗱，公司主席叫做粘為江，粘氏原本 係女真族嘅姓，原姓為「完顏」，咁大家明啦。 講開又講，海東青嘅股票編號係「2228」，行政總裁兼執行董事粘偉誠話，用閩南話讀呢4個數 目字，就係「做乜都發」嘅諧音喎。又勇猛又乜都發，使唔使去到咁盡呀？ 李華華 | ||||||
| ||||||
| 上個禮拜失驚無 神真情剖白咗同大股東黃光裕嘅關係，國美（493）主席陳曉噚日突然再嚟料，將行政總裁CEO個位交畀副總裁兼執行董事王俊洲，自己只係留番做主席同執 董，官方解釋話係因為國美已經度過咗危機喎……危機係乜嘢？華華估唔到，但睇嚟市場對呢單「人事變動」無乜反應噃，至少，冇驚動到個股價先吖！ 大 佬功成身退畀啲細嘅上位，咁王俊洲又有咩來頭呢？記得仲係黃光裕掌權嘅年代，佢都算係黃氏嘅左右手，經常負責代老細應酬華華同班行家，所以，當貝恩聯同陳 曉攞到控制權，成個「媽屐」都估佢一定要起身，點知，勢估唔到響老黃判咗刑之後，佢唔使走不特止，仲可以再上層樓o忝！ 王俊洲上位被讚有默 契 咁單位話事人陳曉對於今次「突變」又點解畫？佢響國美新聞稿度話，經過過去幾年同王俊洲合作，佢哋已經建立咗深度嘅尊重同互信，同時亦磨 合出默契，仲話呢個世界上除咗王俊洲，無人可以更勝任做國美總裁。 嘩……嗰種相逢恨晚，直頭有種「非君不嫁」嘅感覺！不過，咁亦凸顯咗王氏 已經順順利利轉到新馬房！ 話時話，華華八到，查實條街普遍係希望貝恩同陳曉一方可以順利接管國美，皆因佢哋想法較單純，而且目標清晰，只係 為咗一個字──錢！咁又係呀，散戶買隻股為咩唧，都係為個「錢」字咋嘛！ 李華華 | ||||||
| ||||||
| 子係咪一定要承 父業？似乎未必。好似原先做開製衣嘅正興（692）咁，噚日無啦啦出咗張公告，宣佈現年七十有四嘅主席姚正安，決定退休唔撈嘆世界。至於繼任人選？公司話 仲未搵到喎！不過就委任咗陳耀輝先生做執董，話佢有「20年扎實的投資背景」，但咩背景統統無講。 姚主席位公子、行年48歲嘅姚國銘，一直 係公司副主席兼董事總經理，點解唔搵佢接手坐老竇個位？係太子爺未夠班？定係公司之後會有後着？華華唔識估，不過呢隻變咗身做礦股嘅正興，股價就喺谷底再 插水，埋單跌14%，得番一仙二，睇怕好快連仙都唔仙吓o架嘞，陰功！ 李華華 | ||||||
| ||||||
| 老牌工業股鴻興 印刷（450）前年炒燶金融衍生工具，搞到要引入外人——私募基金CVC做大股東，姓任嘅真係連面子都輸埋，但捱咗兩年，終於捱到姓任嘅揸番fit喇！鴻 興噚日宣佈，集團董事總經理任澤明，將會喺今年9月1日起轉任董事局主席一職，接替同CVC關係密切、並將同樣喺9月1日離職嘅原主席Peter Martin Springford。 而由於真正嘅鴻興仔任生做番鴻興話事人，集團仲升埋原本做營運總監嘅David Roy Eitemiller坐正做CEO，睇嚟呢位仁兄應該係任生馬房嘅人。 笑到見牙唔見眼 咁任生心情點？噚日業績記者會佢無同大 家分享，但據華華觀察所得，佢真係由個心度笑出嚟，答乜嘢問題都笑到見牙唔見眼。鬼咩，佢伯爺任昌洪1950年用一部租番嚟嘅印刷機同埋一個夥計起家，搞 出一個印刷王國，今年正值一個甲子，佢坐番正做話事人攞番家族個字頭，對得住列祖列宗，真係發夢都笑醒喇！ 話時話，喺之前記者會都有出嚟幫 手解畫、近年由「紅籌之父」變咗做「細價股保母」嘅CVC旗下CVC Asia Pacific高級顧問梁伯韜，噚日就無再蒲頭，唔知係咪同任生歸位有關？又或者係入咗股CVC兩年，賺夠想撇？ 講開番薯梁，之前俾CVC 認購咗總值21億元可換股票據嘅新鴻基公司（086）噚日宣佈，委任佢同埋佢partner何志傑做非執行董事……點都好過做代客泊車同廠佬喇！ 李 華華 [email protected] | ||||||