唐詩詠聞蔡思貝感不悅
1 :
GS(14)@2017-05-19 05:43:46■唐詩詠昨駕車返電視城，見到傳媒時有笑容，但聞「蔡思貝」三個字即撇。
唐詩詠和洪永城的兩年半情斬䌫，前晚詩詠爆喊否認貪錢秘撻盧啟邦，洪永城在社交網撰文護舊愛：「她所花的每一分每一毫，全都是她自己很辛苦賺回來。」昨有雜誌指洪永城偷食蔡思貝，才是分手死因，剛巧三人齊集電視城，認真有緣。下午3時許，首先現身的唐詩詠笑笑口，惟當傳媒提到「蔡思貝」三個字，唐詩詠即急行封嘴；約20分鐘後，洪永城返到電視城，跟蔡思貝為劇集《大帥哥》開工，他否認曾偷食：「思貝係我嘅同事朋友，我都唔好意思煩到佢，希望解釋後完咗古仔。」問到合作會否避忌？他說：「我諗正常同事都會食飯，一大班人都會見面講笑，呢啲在所難免。」對於撐舊愛被讚，他說：「作為朋友保護支持佢。」蔡思貝亦否認是第三者：「好無奈，我同Tony只係正常同事朋友，詩詠同Tony嘅感情事，希望大家畀啲時間佢哋，唔好拉我落水。」採訪、攝影：徐錦池、吳耀輝
■蔡思貝否認是第三者，對於自己被拉落水感無奈。
■洪永城否認曾偷食蔡思貝，表示傳聞無謂及不正確。
來源:
http://hk.apple.nextmedia.com/entertainment/art/20170519/20025722
蔡思貝冧掂徐肇平搬離麥秋成愛巢
1 :
GS(14)@2017-07-01 09:53:39【箍頸談心】■蔡思貝與徐肇平現身Dragonland音樂節時，態度親暱，男方更從後箍實蔡思貝的頸密密傾。
新一代電視城發電機蔡思貝，出道以來緋聞不絕，豪爽的鬼妹仔性格更加成為她獵食的必殺工具。本來蔡思貝曾一度為了舞王麥秋成停下來，不過她去年被揭夜訪周志文藍田公屋宿一宵，令麥秋成決意斬纜，但是麥秋成上月忽在Ig貼出跟蔡思貝搭膊頭的合照，當大家還以為他們復合的時候，其實蔡思貝早已撻着黃淑儀的兒子徐肇平。
【冧笑回應】
貼面咬耳仔
蔡思貝和麥秋成分手後，各自各精采，男方於今年2月底跟新歡索女欣賞Dragonland音樂節，原來當晚蔡思貝跟徐肇平在VIP貴賓房同樣打得火熱。據當晚目擊人士透露，蔡思貝、張曦雯和劉佩玥等無綫女藝人一齊入場，更順利掩人耳目，大會安排眾人到VIP房欣賞音樂會，不久，蔡思貝和徐肇平已經急不及待攬腰咬耳仔：「其實嗰晚都有好多人喺間房入面，不過因為佢哋好大動作，所以唔少人留意佢哋。傾傾吓，Shaopin（徐肇平）隻手仲從後箍實蔡思貝條頸，個頭就貼住佢塊面，蔡思貝就笑住同佢傾偈，個樣好受落咁，明眼人都覺得佢哋似係熱戀緊。」其實去年中蔡思貝拍劇集《純屬意外》時，徐肇平已經到場探班，之後一度傳出緋聞，但是去年蔡思貝仍寄居在麥秋成於西貢五塊田村屋，如此推算，當時蔡思貝疑似一腳踏兩船，難怪麥秋成早前在Ig留言說：「唔想俾人浪費兩次嘅時間！」
分手仍同居
據知蔡思貝與麥秋成分手後，一直以未找到屋為由，遲遲未肯搬出，直至最近成功撻着新歡徐肇平，結果亦沒任何藉口可以再留低。本報前日致電麥秋成，被問到跟蔡思貝的關係，他說：「其實感情嘢，我真係冇乜嘢可以答到你哋。」對於蔡思貝是否已搬走，他說：「我只可以講，我自己一個人住，冇同任何人住。」採訪：小米、王梓嫚攝影：畢紹基、孔志豪
【姊妹掩護】■相約張曦雯作掩護的蔡思貝（中），與徐肇平拍拖睇騷。
■麥秋成上月忽在Ig貼與蔡思貝的合照，一度以為二人復合。
來源:
http://hk.apple.nextmedia.com/entertainment/art/20170629/20072028
蔡思貝負評多捲入假學歷事件兼涉危駕
1 :
GS(14)@2017-07-01 09:53:4026歲嘅蔡思貝係2013年港姐亞軍，當選後即被大台力捧，除此之外，佢仲係新聞人物，唔止喺娛樂版見到佢，甚至喺港聞都見到佢嘅新聞，其中仲有唔少係同車有關，睇嚟佢真係一黐到車就冇好嘢，麻煩纏身。
疑似假學歷事件
2015年《蘋果》踢爆國力書院事件，而當中仲牽涉到一位港姐，唔使問，講得嘅就梗係蔡思貝啦！佢被踢爆喺2013年10月即係當選港姐冇耐，透過國力書院報讀菲律賓比立勤國立大學嘅工商管理學士課程，仲喺11月完成該課程，兼係兩個月後就畢業兼拎埋證書。雖然喺佢嘅入學報名表嘅報名日期同比立勤國立大學所發出的課程紀錄都列佢大約喺2010年2月至3月入學，不過喺2010年蔡思貝正喺德國留學，直到2013年先至返港。之後，蔡思貝再被踢爆透過國力書院報讀美國威斯康辛州協和大學嘅工商管理碩士課程，而幫佢撰寫推薦信嘅公司東主Tong Suet Ha疑似係其母，而信中未有申報佢哋嘅關係。
邊揸車邊影相
喺去年3月，當時仲係「P牌仔」嘅蔡思貝同男友麥秋成去筲箕灣攞電單車，而當麥秋成同老友DJ朱薰嘅老公譚健榮一齊揸車遊車河時，蔡思貝就揸住架深藍色甲蟲車尾隨，而係行駛途中蔡思貝仲多次拎住手機伸出車外影男友揸電單車，牙煙到呢！
車牌前後有別
喺早前有報道指蔡思貝嘅車上面車牌號碼前後不一，前車牌最尾個數字由「6」變咗「9」，而當時蔡思貝就解釋話係之前拎車去整，車房老闆份人好好，見蔡思貝車牌刮花咗，就幫佢換咗個車牌，點知換咗一個錯嘅數字上去，而蔡思貝自己都唔知道，亦冇檢查車牌。
來源:
http://hk.apple.nextmedia.com/entertainment/art/20170629/20072837
一埋身即中招蔡思貝緋聞男友多到
1 :
GS(14)@2017-07-01 09:53:41蔡思貝自2013年當選港姐亞軍後，順利簽約成為大台旗下藝員，入行4年，緋聞男友數目一隻手都數唔晒，幾乎同佢合作過嘅，都難以逃過蔡思貝嘅手指罅……
崔建邦
近年轉形象，以打拳男正面發展嘅崔建邦，喺同唐詩詠分手後，一度同蔡思貝名字搭上。話說蔡思貝備受高層重用，但係經驗不足，經常NG，更有傳佢被拍檔林曉峰明窒明耍，仲講到蔡思貝匿埋喊，另一拍檔崔建邦見狀不單止開口護花，有次兩杯落肚後仲明言冧蔡思貝。
洪永城
同崔建邦一樣、曾經係「絕世好女友」唐詩詠前度嘅洪永城，喺舊年仲未單身時，被目擊放假時約埋蔡思貝去做運動，搞到唐詩詠嬲豬嗌分手，最後洪永城成功箍煲。不過，到今年洪永城同唐詩詠真分手時，有傳因為係蔡思貝做第三者介入，但當時洪永城否認，仲話「思貝係我同事、朋友」，亦表明大家係同事，唔會避嫌唔見。
沈震軒、羅仲謙
蔡思貝擔正演嘅《衝線》，一次過「搭上」兩位男主角，沈震軒及羅仲謙。當時仲未結婚嘅謙謙，有傳劇組到台灣拍外景時，蔡思貝主動黐實謙謙，搵到楊怡嬲豬，累謙仔被楊怡趕出家門。另有指蔡思貝喺拍劇期間，姣電沈震軒，令眾人眼中嘅cool man融化。
周志文
另一個喺拍《衝線》時已經同蔡思貝傳緋聞嘅人，仲有周志文，雖然舊年蔡思貝身陷虛報學歷及戲屎等醜聞，但都無礙佢收兵，有指佢趁正印男友麥秋成赴京公幹期間，背住男友同周志文去睇三級戰爭片《絕地戰場》，深夜更殺上男方位於藍田300呎公屋，孤男寡女喺斗室共處18小時。
鄭俊弘
因處理感情不當導致人氣下滑嘅鄭俊弘，喺2014年曾經被傳獲蔡思貝力追，有讀者當年向《蘋果》爆料，指當時與姜麗文拍拖嘅鄭俊弘，唔敢公開承認戀情之餘，另一邊廂仲同主動出擊倒追自己嘅蔡思貝孖住去睇台灣組合蘇打綠嘅演唱會，而蔡思貝頻頻藉捧場冧暈男方，包括對方擔任演唱會嘉賓，或出席活動時，都見蔡思貝到場支持。
溫家偉
與「大隻仔」溫家偉被影到拍拖到先達修理iPhone，另又被拍到收工後與大隻仔嘆茶時並肩而坐，更獲男方做柴可夫駕車接載，不過溫家偉回應緋聞時話過：「乜佢有男友㗎咩？同佢係好朋友，呢行好難得可以同女性做朋友咁close，同佢好似sister咁。」
來源:
http://hk.apple.nextmedia.com/entertainment/art/20170629/20072845
達哥自評似蔡思貝
1 :
GS(14)@2017-07-01 09:53:45林慧韡（達哥）昨日以CEO身份出席達魂製作手機遊戲公司發佈會，計劃與藝人、娛樂公司及KOL合作開發手機遊戲，何佩瑜（Jeana）及余曉彤（Hidy）到場支持。達哥坦言有興趣與撞樣的蔡思貝合作：「我知佢有套新劇，不過未有時間睇，我覺得都有啲似樣，氣質似，佢係港姐嘛，之前都有合作，不過都要睇老闆意思，佢始終係電視台藝員，唔係想做就做。」同為自由身的Jeana及Hidy正物色經理人公司，Jeana說：「都有香港同內地公司傾緊，男朋友都有畀意見，等年底先決定，忙埋手頭嘅嘢先。」採訪：盧妹攝影：陳慧安
來源:
http://hk.apple.nextmedia.com/entertainment/art/20170629/20072030
徐肇平讚蔡思貝罕見
1 :
GS(14)@2017-07-01 10:50:23黃淑儀兒子徐肇平、黃芷晴與蘇打綠鼓手史俊威昨日在鑽石山出席活動，徐肇平被爆去年中因拍《純屬意外》跟蔡思貝撻着，他說：「我哋係好朋友，絕對唔係拍拖，佢個人好nice。」有指因二人撻着導致蔡思貝遭男友麥秋成狠撇，他說：「希望唔係啦，我都好鍾意麥秋成，大家都係朋友。」有想過追求思貝嗎？徐肇平說：「唔追，做朋友係啱，佢好outgoing，好外國嘅感覺，喺香港少遇到呢啲女仔。」談到思貝出名是發電機，他即力撐：「可能大家睇法有少少唔同，攬一攬好正常，但喺香港就覺得有啲嘢，得啖笑。」採訪：羅慧敏攝影：陳俊強
來源:
http://hk.apple.nextmedia.com/entertainment/art/20170701/20074612
蔣家旻破格演出心情沉重蔡思貝慘遭毀容
1 :
GS(14)@2017-07-05 03:49:39無綫同愛奇藝合拍嘅《踩過界》前晚播第3集，故事劇情亦都逐步進入戲肉，講完譚凱琪全裸展示佢嘅人體藝術之後，今次輪到蔣家旻俾有錢仔許家傑非法禁錮兼虐待。其實成個故事情節好「大台」，都係話做啤酒妹嘅蔣家旻，喺酒吧賣酒俾許家傑睇中，跟住俾佢0氹咗返去屋企，喺密室禁錮咗一個月，結果蔣家旻嘅婆婆去咗酒吧搵蔡思貝、王浩信同張振朗求助，先至揭發呢件事。跟住蔣家旻喺法庭講番事發經過，先知許家傑一直受佢爹哋單立文操控，造成佢性格唔平衡，只要佢受完爹哋氣，就會返去虐打蔣家旻！而為咗令蔣家旻收聲，單立文仲搵咗黑社會捉咗佢阿婆，而許家傑想去差館自首，甚至畏罪自殺，每次都俾單立文阻止。一向做慣乖乖女嘅蔣家旻，當日有傳因為拍電影《第一次不是你》做私鐘妹，獻出完第一次性感後就俾公司掟入雪櫃，失蹤咗一輪先有得解凍。不過話晒今次係公司安排，當然無後顧之憂搏到盡，難怪佢話嗰幾場虐打、成個頭俾人浸落水嘅戲，都係一個大膽嘅新挑戰，仲影響埋嗰排心情，變得好沉重。至於09年香港先生冠軍嘅許家傑，入行咁多年做過唔少角色，但係發揮機會唔多，直到近年轉咗做啲奸奸地或者賤男角色，總算令人留有印象！許家傑喺網上平台留言，講到今次演出，佢話：「其實為咗呢個角色，我自己嘅心情都好沉重，打人嗰種心理壓力永遠係比被打嗰個痛苦，嗰種感覺要掌握得好好，太過火就會影響成件事！」聽講今次佢為咗呢套戲，推晒所有工作，事前仲睇咗好多關於虐打嘅戲，令到拍嗰陣情緒極度沮喪，好彩佢拍完最尾一場浸蔣家旻落水嘅戲，好快抽離到角色。許家傑仲話有人問佢會唔會繼續拍呢類角色，佢留言話：「做演員好被動，唔係自己控制到，我反而覺得把握機會，最緊要做好手頭上嘅角色，我相信只要做得好，一定會有人欣賞！」喺呢個單元故事，亦會講到蔡思貝老竇秦煌後生嗰陣係黑社會大佬，因為俾其他黑幫追殺，搞到老婆俾人斬死，阿女蔡思貝亦被斬傷，塊面從此留疤，自此之後退隱江湖開酒吧。
來源:
http://hk.apple.nextmedia.com/entertainment/art/20170703/20077016
達哥搵蔡思貝谷Game
1 :
GS(14)@2017-07-09 03:57:01打機達人林慧韡（達哥）聯同Rose Ma等，昨日在尖沙嘴出席日本遊戲活動，達哥現榮升CEO研發新遊戲，預計明年12月就可以推出，他指集中火力做，並不會分散投資研發幾個遊戲。常被指跟蔡思貝似樣，問到新遊戲可會找對方做代言人？他說：「佢同無綫有合約，要睇吓佢肯唔肯先得，遲啲先算。」另外，Rose Ma與林作合作做節目，笑指對方口花花只是表面：「佢外表睇落口花花好似好花心，但私底下冇口花花都幾好，有時我會問佢法律問題都肯答。」她沒因此而心動，林作平時表現得追女仔有信心：「不予置評，如果追（我），一早追咗啦！」採訪、攝影：王連連
來源:
http://hk.apple.nextmedia.com/entertainment/art/20170707/20081167
Next Page