二五中環 萬南 2017/11/17 (週五) 企展引中國太平 食FinTech大茶飯?
1 :
GS(14)@2017-11-20 02:56:44http://www.metrodaily.hk/metro_c ... A3%AF/?page562=4095
今年5月，仁天科技(885)全購企展控股(1808)，人人都話好戲在後頭，憧憬大股東、內地富豪景百孚必有一番作為，結果企展爆升近倍。呢個故事終於有最新發展，企展最近公布向中國太平(966)收購太平証劵(香港)50%股權，代價約2.3億元，其中約1.4億元透過發行代價股份支付，每股作價1.1元；餘額將以可換股債劵支付，換股價同為1.1元。換言之，即係中國太平入股企展，持股28.41%，成為第二大股東；而企展亦引入太平証劵(香港)。
有跟開景百孚故事嘅中環友預測，企展今次動作未必係單一性提升企展業務咁簡單；預埋中國太平玩，可能會要玩大啲！根據往績，景百孚鍾意將旗下多間公司、合作夥伴Crossover，達致策略性協同效應又好，建構全方位藍圖又好，總之要先聲奪人！睇番仁天科技一直講要走物聯網戰略布局，咁又點同企展產生協同效應？中環友話，除左FinTech，都無乜法寶可令經紀業務升價十倍！諗真啲又係，中國太平有的是客戶網絡，仁天有的是新科技，加加埋埋，企展可以立即華麗轉身，加上中國太平在內地的Fans，企展要升格爆上絕不是難事！
大棋局：港股今年大茶飯
1 :
GS(14)@2018-01-28 18:48:56最近內地有個風向要留意，就係關於公有產權同私有產權之爭。共產黨自己中過伏，甚麼大鑊飯、做又三十六、唔做又三十六已成為烏托邦情懷的歷史。但最近有內地學者重新挑起公有制同私有制之爭，只反映一件事，就係中國要唔要開放，尤其國企要唔要開放畀外資進入。先講結論，中國開放事在必行，H股全流通為試點，配合上星期提及的美國萬劍歸宗VS中國吸星大法，港股今年有大茶飯。在內地註冊，然後在香港上市的叫H股。H股有部份股份只賣畀境內特定投資者，這部份叫內資股。內資股只可以在境內以over the counter轉讓，可以理解為類似禁售股。所謂H股全流通，即係將內資股轉成H股在香港買賣。用一句話概括，就係將原本唔流通的內資股搬來香港吸水。香港主板及創業板共有253隻H股，相當部份係國企，就算唔係國企，暗啞底都同國企關係千絲萬縷，所以乜嘢人揸內資股大家心中有數。H股全流通只係一個開始，將來會有更多開放改革，此為公有制與私有制之爭的大背景。
中美相鬥香港得利
共產黨信奉馬克思的唯物辨證法，量變會導致質變。如果中國只如津巴布韋小國，可以閂埋門玩90年。但中國已躍身成為世界第二大經濟體，決定了中國必須改變，無法閂埋門自己玩。古時的封建制，係分封田地畀諸侯；新時代新玩法，係分封企業畀諸侯。當中國必須要開放，就意味會削弱分封企業的權力，於是同股不同權、派黨委入上市國企便應運而生。美國加息、縮表，美元回流，這是國際大氣候。中國應對之策，要利用香港獨特優勢吸四方之水，將錢留下再搬上去，這是中國本身的小氣候。據投行及證券商估計，H股全流通會為港股總市值增加9,500億至2.6萬億（港元，下同）。股份解禁，即係供應量多咗，股價理應受壓。但既然要吸水，當然炒高先吸。H股全流通中長線部署，係希望將股份整合，增加H股股份的流通量，方便各類指數基金追蹤，目的都係引外資接盤。2017年全球新股IPO集資金額，香港排第3；全球股份集資金額，香港排第5；港股總市值36.3萬億，全球排第7。更重要係，在香港吸錢，係吸全世界嘅錢，而且收港幣可直接換美金，咁梗係要借香港吸水。大國之爭、政治相鬥，離我哋平民百姓太遙遠，但察其動向可以順勢食佢一水。
Mr. Tregunter本欄逢周二刊出
來源:
https://hk.finance.appledaily.co ... e/20180123/20283164