小方收身剃腳毛反串
1 :
GS(14)@2016-11-08 05:54:12方力申昨日在昂坪市集出席職安健活動，他身穿活動T恤設計比賽得獎作品：「當我見到個設計時，以為中間係錢嘅符號，但原來係safety嘅s，不過職安健同錢都有關係，當你受傷時要畀錢睇醫生，又影響收入。」他慶幸開工時未曾試過受傷，相反平日打波時受傷影響工作。本月中方力申將返內地拍戲，戲中演偵探，還要反串女裝查案，他說：「要收吓身，又要keep住上圍而收腰收手腳。」他透露以前曾被人指貌似廣末涼子，為求效果更似女性，他要剃乾淨腳毛，其實以前游水都要剃腳毛同肚臍毛。講到吳雨霏（Kary）小產一事，小方事前毫不知情，與楊愛謹懷孕一樣都是看報紙才知道，他說：「有傳短訊慰問Kary。」採訪、攝影：馬建華
來源:
http://hk.apple.nextmedia.com/entertainment/art/20161107/19824919
被爆陪超蓮工廈錄音小方再見Stephy 「有番以前感覺」
1 :
GS(14)@2016-12-03 04:42:48■小方與Stephy昨應記者要求合照，兩人擠出生硬笑容。
方力申和鄧麗欣（Stephy）拍拖10年，於今年3月宣佈分手，昨日首度碰頭，出席在銅鑼灣舉行的「揹水一戰」啟動禮。兩人刻意前後腳現身，Stephy在活動前先做訪問，她否認專登避見小方。問會否趁機會做回朋友？她說：「唔會刻意，隨緣喇！見到面咪say hi囉，咁唔係點呀！」對於小方與何超蓮傳緋聞，Stephy表示不八卦，至於她與小方會否復合則要看緣份。
「回憶永遠抹唔走」
之後小方和Stephy上台獲頒探訪相，起初兩人好避忌，直到活動大使丁子高上台，兩人終於傾偈，Stephy擔心丁子高會尷尬。之後一對舊情人應要求合照，雖然擠出燦爛笑容，但明顯較生硬。儀式完畢後Stephy先行離開，接着大會播放超蓮和小方早前的探訪片段，小方亦有留心細看。
■小方和Stephy自分手後首度同台，起初好避忌各站一邊。
■Stephy與小方刻意讓歐鎧淳（右二）站在兩人中間，避免尷尬。
小方受訪時被問到有否尷尬？他說：「好似好耐冇見朋友，有傾偈，喺台上見有番以前感覺，畢竟合作十幾年。」Stephy早前表示想做回朋友，小方說：「冇話過唔係，可以之後聯絡，順其自然，聽天由命啦。」問是否已習慣分手？他說：「習慣咗，都8、9個月，回憶永遠抹唔走。」提到與超蓮發展機會？他說：「其他人嘢費事成日講。」採訪：王連連、唐如攝影：陳俊強、畢紹基
來源:
http://hk.apple.nextmedia.com/entertainment/art/20161203/19853226
小方Stephy今同台
1 :
GS(14)@2016-12-03 05:12:37方力申和鄧麗欣（Stephy）於3月發表分手宣言，兩人的十年情玩完，今日一對舊情人分手後首碰頭，到銅鑼灣出席「揹水一戰」啟動禮，由於兩人為活動擔任榮譽顧問，於避無可避情況之下同場。據知大會安排兩人各自受訪，在台下亦不會安排影合照，以免尷尬。小方與Stephy將會前後腳到場，先到的Stephy會獨自受訪，然後以工作為由完成儀式即離開，而後到的小方同樣以工作為由，作為遲現身的解釋，兩人只在接受感謝狀儀式時才同台，其餘時間就有你冇我。撰文：皓騫
來源:
http://hk.apple.nextmedia.com/entertainment/art/20161202/19851876
【動大事2016】小方Stephy十年情斷王寶強戴綠帽宣佈離婚
1 :
GS(14)@2016-12-27 12:32:07「完了吧，如無意外……」估唔到《好好戀愛》呢首咁經典嘅分手歌，最終要套用係主唱者方力申同鄧麗欣（Stephy）身上，今年3月，呢對相戀10年嘅情侶最終都因了解而分開，之後傳出Stephy有斷背新歡，又傳過小方無心結婚而分手，總之結果都令人無限感慨。無論乜嘢原因，分手可以有千百樣理由……好似游學修同蘇麗珊話係「性格不合」；胡定欣疑向陳道明「迫婚不成」；江若琳同大陸演員曹雲金「聚少離多」；袁偉豪因為「做錯事」同岑杏賢和平分手。不過，唔係每對情侶都係好來好去，裕美被爆背住丈夫Jason暗交黃子恆；大陸男星王寶強自爆老婆馬蓉搭上經理人宋喆；無綫《東張》主持李潤庭就瞞老婆與人妻Tiffany鬼混，最後統統都係離婚收場。而令人傷感嘅，係幾對曾共患難嘅戀人，好似四離四合嘅李麗珍潘源良、抗癌成功嘅張達明同何念慈、走過燒傷陰影嘅台灣歌星任家萱Selina同張承中，最後都未能走到白頭。
來源:
http://hk.apple.nextmedia.com/entertainment/art/20161227/19878140
【2016回顧】小方Stephy分手
1 :
GS(14)@2016-12-30 02:58:11鄧麗欣、方力申
分手可以有千百樣理由，方力申和鄧麗欣（Stephy）拍拖十年最後「因了解」而分開；游學修和蘇麗珊「性格不合」；胡定欣疑向陳道明「逼婚不成」；江若琳與內地演員曹雲金「聚少離多」；袁偉豪因為「做錯事」與岑杏賢和平分手。
蘇麗珊、游學修
但不是每對情侶都能好來好去，裕美被爆背夫Jason暗交黃子恆，內地男星王寶強自爆老婆馬蓉搭上經理人宋喆，李潤庭背老婆與人妻Tiffany鬼混，最後都搞到離婚收場。而最令人傷感是曾共患難的戀人，好似三離三合的李麗珍和潘源良、抗癌成功的張達明與何念慈、走過燒傷陰影的S.H.E.成員Selina與張承中，最後都未能走到白頭。
來源:
http://hk.apple.nextmedia.com/entertainment/art/20161229/19879464
小方失戀賴犯太歲
1 :
GS(14)@2017-01-02 01:06:36霍震霆、方力申及歐鎧淳等昨日在沙田出席「毅力十二愛心跑」活動，小方說：「見番好多教練、隊友，真係好多回憶，我仲可以同現役精英運動員坐。」自嘲是退休運動員的他，不介意有肚腩，他說：「入咗行先覺得身形係搵食架生，?家都係要剝衫先戒食。」踏入新一年，小方坦言去年有攝太歲仍有變化，他說：「我隻貓走咗、爸爸又入醫院做手術、感情又有變化，可能本命年特別多嘢變，好彩工作仲好穩定。」他笑指不會求神祈福。會否捧場睇前女友鄧麗欣的《失戀日》？小方尷尬說：「呢啲咁hit嘅戲，咁迫人唔會睇住，但我一定會睇。」採訪：盧妹攝影：陳俊強
來源:
http://hk.apple.nextmedia.com/entertainment/art/20170101/19882888
小方、連詩雅排隊3粒鐘朝聖BIGBANG啟德騷 萬人入場超混亂
1 :
GS(14)@2017-01-23 07:45:13■BIGBANG昨於啟德開騷，不過要等大部份人入場，最終遲了45分出場。
韓國天團BIGBANG昨晚及今晚在啟德郵輪碼頭舉行首個戶外騷，卻因安排混亂，加上有人趁亂打尖，有歌迷輪候3個多小時仍未能入場極度不滿。演唱會原定下午6時開騷，BIGBANG最終於6時45分始出場高唱《Heaven》。由於成員T.O.P下月9日入伍，昨晚有不少藝人專程往睇騷，方力申、連詩雅為朝聖排足3小時，楊千嬅、周秀娜、蔡卓妍不用排隊坐專車進場睇騷。
韓國天團BIGBANG昨晚起於啟德郵輪碼頭舉行一連兩場「BIGBANG10 THE CONCERT“0.TO.10”FINAL IN HONG KONG」，票價最高為$2,188的企位或座位，其餘分別是$1,588、$988及$688的企位，全場可容納兩萬名觀眾，昨晚首場企位觀眾約有6、7成，坐位則有大量「吉位」。由於BIGBANG於港首辦戶外騷，加上規模大，大會事前已於網上公佈入場及交通安排，但人手不足，令整個入場程序相當混亂，觀眾按指示時間到場排隊，也未能準時入場。原定BIGBANG於下午6時開騷，但6時40分仍有大批人在場外等入場，工作人員惟有特事特辦，本來每位入場都要查袋，最後只派手帶便讓大家進入。
■GD獨唱人氣歌《Heartbreaker》。
■（左起）勝利、GD及太陽企上花車跟粉絲打招呼。
■開場時天色已昏暗，現場出現黃色燈海。
落車步行入場
其實昨日引致混亂的主因，是大會原想門票編號較前的持票者先入場，但因為人數太多，最後要警方介入，提出分批讓觀眾入場，結果亂上加亂，有觀眾不滿有人「遲來先上岸」，一度出現鼓譟。有讀者向本報投訴，指BIGBANG演唱會在6個地區設集合地點，包括尖沙嘴中間道、元朗等，幾個集合點令交通嚴重擠塞。有人自行到九龍灣搭小巴，卻要排65分鐘才成功上車，抵達啟德後亦因為太多車，警方最後指示司機在安全情況下讓乘客落車行去會場。
■本報透過航拍，影到大批觀眾於原定開騷時間6時仍未入場。攝影：陳海威
■連詩雅排了3個多小時才能入場，她謂不介意排隊支持偶像。
■千嬅孖老公丁子高一齊入場。
■小方（中）和大班朋友齊齊排隊，他說可以感受一下氣氛。
■蔡卓妍及周秀娜（右）獲大會安排V.I.P通道坐車入場。
■拉姑與鬍鬚Kong選擇坐位睇BIGBANG。
遲45分鐘開始
昨晚不少圈中人往捧場，方力申和連詩雅同樣排了3個多小時方成功入場，但周秀娜、蔡卓妍、馬天佑、拉姑及老公鬍鬚Kong等，則可能預先跟大會溝通好，於觀塘VIP區有專車送入場，帶病的周秀娜說：「好鍾意BIGBANG，雖然訂飛好難，但都想拎到最靚位置，所以病住都會嚟睇。」連詩雅則說：「勁鍾意BIGBANG，特別鍾意G-DRAGON，今次買咗最貴嘅企位飛。」
BIGBANG五子最終在6時45分出場，以《Heaven》打頭陣，之後再唱《We Like2 Party》及《Hands Up》。GD穿毛毛外套，太陽就着金黃色外套。懂多國語言的勝利以廣東話向大家打招呼：「大家好，我係勝利。」T.O.P則以英文打招呼：「希望大家有個美好嘅晚上。」太陽亦以英文說：「大家準備好未？聽唔到大家嘅聲音！」全場即時尖叫。採訪：盧妹、梁展雯攝影：沈健程、陳俊強
■場外有警員幫忙維持秩序，但依然有人投訴被打尖。
■有歌迷在場外看演唱會，部份位置沒有遮布，望入舞台很清楚。
來源:
http://hk.apple.nextmedia.com/entertainment/art/20170122/19904980
小方笑歐鎧淳港女
1 :
GS(14)@2017-02-18 09:51:52方力申、歐鎧淳和霍啟山昨日在浸會大學出席「飛躍奇蹟」講座，對於歐鎧淳獲提名香港傑出運動員，如果贏了，會否跟男友胡子彤慶祝？她說：「未知，都未攞到。」在旁的小方即笑說：「娛樂記者唔問我，巴閉喇，歐鎧淳！我做運動員嘅時候係唔拍拖嘅。」問到是否經常被女仔追？小方直言沒有，歐鎧淳即刻偷笑，並說：「我準備食花生。」後來小方轉口風，直認曾跟隊友拍拖。歐鎧淳透露早前情人節與男友吃飯慶祝，並收到乾花作禮物。小方反問歐鎧淳送甚麼給男友？她說：「要送咩？白色情人節先回禮。」小方就笑她說話不要太港女。採訪、攝影：黃曉妍
來源:
http://hk.apple.nextmedia.com/entertainment/art/20170218/19931974
Next Page