📖 ZKIZ Archives

Stephy高調讚同性教練小方5度傳拍拖

1 : GS(14)@2017-03-22 00:47:17

方力申同鄧麗欣（Stephy）曾經係娛樂圈嘅金童玉女，相戀10年，上年由傳出結婚到突然急轉變分手，震驚唔少fans。呢一年入面，昔日男女主角感情發展原來有好大分別。先講Stephy，分手消息傳出無耐，已經有報道指佢同排球女教練小牛喺台灣密會，餵食攬腰，態度親暱。雖然Stephy返港後強調小牛只係普通朋友，唔認轉「基」，不過呢一年入面，Stephy專注喺排球隊Loey，又喺上個月情人節高調多謝小牛：「最重要的還是要感謝小牛教練，從零開始到收成，都要經歷一個需要堅持的過程。她為排球付出的我們都看得到，她做人做事的堅持，更是我覺得我要學習的！非常恭喜她第一次舉辦比賽就能這麼成功！」令傳聞點撲都撲唔熄。至於疑似被奪愛嘅小方，意志消沉咗一排，冇耐桃花好似雨後春筍不停湧現。先係有報道指佢喺新戲情挑大台咪神張秀文；然後有指佢借新歌《捨得》接近As One嘅Chloe；甚至係借主持身份，勁冧美選女張沛樂（沙律）；甚至有傳小方力追賭王三房千金何超蓮；而最新一單就喺上個，小方同強國女飲酒談心。分手一年兩個人感情發展咁大分別，難怪之前佢哋同場出席活動面左左，見面時貌合神離啦。




來源: http://hk.apple.nextmedia.com/entertainment/art/20170321/19965303
PermaLink: https://articles.zkiz.com/?id=328225

小方收藏球星產品保值

1 : GS(14)@2017-04-10 23:36:05

方力申與衛詩雅昨日在銅鑼灣出席活動，NBA球星荷利（Robert Horry）亦有到場助陣。三人打籃球時，小方被荷利讚技術不錯，最後小方和衛詩雅趁難得的機會，埋身向荷利索取簽名。小方平時有儲球星產品，收藏過百種，他還教衛詩雅要將簽名物品驗證才值錢，他說：「有幅球星簽名畫都值十幾萬元，但試過拎唔到驗證被騙幾千元。」他的珍藏放於迷你倉，見到衛詩雅有簽名籃球想打主意，笑稱可以幫手驗證。另外，衛詩雅考慮儲球星產品，她本身有鑽石鑑證師牌，她指沒男友以假鑽石當真作為禮物，她說：「冇，因為買親都經我買嘅。」採訪：王連連攝影：沈健程




來源: http://hk.apple.nextmedia.com/entertainment/art/20170410/19985096
PermaLink: https://articles.zkiz.com/?id=329973

【馮仁昭四圍超】小方被批撞車

1 : GS(14)@2017-04-28 00:54:40

方力申同王菀之（右二）噚日喺中環出席「舊城中環」啟動禮，懷孕四個幾月嘅楊洛婷擔任司儀，佢着咗對3吋高嘅高踭鞋。王菀之話佢以前住中區，成日落街攞寫歌靈感，曾試過搵人搭訕，可惜食檸檬收場。方力申啱啱由珠海參加完賽車返港，佢話前排睇流年，有師傅批佢明年會撞車，佢話：「我諗緊如果喺賽車場上應咗，好過喺街上撞，因為賽車場上有防撞欄。」撰文：馮仁昭



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002606
PermaLink: https://articles.zkiz.com/?id=331582

麥美恩歡迎俾小方食

1 : GS(14)@2017-04-28 02:11:05

方力申與麥美恩昨日於銅鑼灣出席活動，小方玩遊戲前表明要跟3位女隊員保持距離，問到是否怕緋聞女友陳瀅生氣？小方說：「呢一年大家好關心我，緋聞一隻手都數唔晒，個個都話我犀利識咁多女仔咁花心，之前同Stephy（鄧麗欣）十年都好專一，點解覺得我大解放？你當我之前坐監咩？」而麥美恩則多謝小方玩遊戲時很關照，小方笑說：「睇住你嚟食。」麥美恩回應：「無任歡迎。」採訪：羅慧敏攝影：陳慧安



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170426/20001442
PermaLink: https://articles.zkiz.com/?id=331705

【馮仁昭四圍超】小方撬牆腳媾沙律

1 : GS(14)@2017-05-13 01:56:33

資料圖片





方力申（左）同鄧麗欣（Stephy）分手後不愁寂寞，先後同賭王千金何超蓮、陳瀅等傳緋聞，有雜誌指小方近日又出擊，目標係《美選D.n.A》嘅張沛樂（沙律右）。小方被指比賽時已對沙律嗒糖，之後佢哋喺鍾景輝生日會重遇過電，不時相約健身、游水，由於沙律已有男友林耀聲，所以每次約會都唔見得光，而小方明知有對手仍好受落，更忍唔住口向好友大讚沙律。撰文：馮仁昭




來源: http://hk.apple.nextmedia.com/entertainment/art/20170512/20018358
PermaLink: https://articles.zkiz.com/?id=332633

同小方分手後，小方好多女　Stephy得個排球妹

1 : GS(14)@2017-05-18 02:14:17

鄧麗欣(Stephy)自從去年同拍拖十年嘅方力申(小方)分手後，佢就開始寄情打排球，仲自組女子排球隊Loey，經常四出打比賽，至於感情，仲盛傳過Stephy改變口味冧同台灣排球教練小牛(鄧衍敏)，至於小方就繼續物色另一半，身邊女伴如車輪轉。何超蓮　盛傳小方「越級挑戰」，上年七月疑同超蓮撻着，又指阿G.E.M.係媒人，上年阿G.E.M.生日，小方同超蓮仲一齊到賀㖭。強國粉絲之前有讀者爆料，話小方疑似暗交強國新歡「彤彤」，有兩人喺酒吧飲紅酒同蹺手談心嘅相。不過小方例牌否認，只係話「just a fan」。陳瀅有指小方睇中咗「宅男女神」，出動埋糖妹做紅娘，約陳瀅去老蘭酒吧密會兩粒鐘。不過小方話當晚同場仲有四、五個朋友，間接否應緋聞。張沛樂(沙律)有傳去年擔任ViuTV選美節目《美選D.n.A》評判時，已經對其中一位參賽者張沛樂（沙律）起痰，之後仲公然抄牌，但女方已有《點五步》林耀聲做男友。到今年3月，兩人喺鍾景輝生日派對重逢，有指小方即時以WhatsApp攻勢打動女方，又約做gym同游水。




來源: http://hk.apple.nextmedia.com/entertainment/art/20170515/20021984
PermaLink: https://articles.zkiz.com/?id=333382

小方擲4450萬掃獨立屋孝敬父母

1 : GS(14)@2017-06-10 13:30:45

入行17年的方力申原來禾稈冚珍珠，上月以近半億購入元朗首譽的獨立屋，位於錦綉大道1號首譽共有16幢洋房，一直都甚少交投，屋苑最新以4,450萬元成交的B號洋房，實用面積3,365方呎，按土地註冊處資料顯示，最新接貨買家登記為方力申（Fong Lik Sun），洋房呎價僅1.3萬元，比起鰂魚涌太古城更抵。



方力申　資料圖片

據知，小方一直居於薄扶林碧瑤灣，今次透過私人名義購洋房，不知是否準備搬屋呢？昨日他以短訊回覆：「父母好鍾意，所以先至決定買，會一家人一齊住。」小方的爸爸方毓仁在中環經營畫廊，生意甚好，未知有否資助兒子升呢做業主呢！採訪：皓騫




來源: http://hk.apple.nextmedia.com/entertainment/art/20170609/20049264
PermaLink: https://articles.zkiz.com/?id=335118

Stephy認小方教投資

1 : GS(14)@2017-07-01 10:29:29

鄧麗欣（Stephy）昨日於灣仔瑞士咖啡室化身侍應，為點滴是生命籌款。前度方力申被方爸爸踢爆其投資的藝術品升值力強，現身家過億，Stephy直認小方曾經教她買畫，她說：「嗰時冇諗住用嚟投資，覺得自己鍾意同保值，?家都唔捨得賣，除非好唔掂啦。」提到小方賺了億元的事，Stephy笑說：「佢咁多，我冇計啫，我都有7千，係我目標嚟。」談到感情狀況，Stephy直認沒有拍拖，問會否重新考慮小方？她則說：「咁難答嘅，祝福大家。」另外，Stephy下月將投入新戲拍攝，連拍兩部警匪片。採訪：羅慧敏攝影：沈健程




來源: http://hk.apple.nextmedia.com/entertainment/art/20170628/20070642
PermaLink: https://articles.zkiz.com/?id=337374

【馮仁昭四圍超】小方講戀Stephy似偷食

1 : GS(14)@2017-07-07 01:33:06

方力申（中）早前擔任ViuTV節目《晚吹—捲上你的床》嘉賓講暖男，小方自爆以前成日俾鄧麗欣（Stephy）投訴拍拖唔拖手，小方解釋從小加入游泳港隊，圈子好細，拍拖都會收得好埋，初初入娛樂圈「大家都興玩地下情」，所以同Stephy戀情冇公開，仲話佢哋以前去旅行，要唔同時間飛去唔同地方，再轉機會合，俾人覺得佢哋似偷食。撰文：馮仁昭




來源: http://hk.apple.nextmedia.com/entertainment/art/20170706/20080016
PermaLink: https://articles.zkiz.com/?id=338211
Next Page
ZKIZ Archives @ 2019