【以身試伏】大廚試怪味肉餅：好似倒瀉好立克落肉餅咁
1 :
GS(14)@2017-07-09 03:40:11近日有餐廳推出新奇肉餅口味，把好立克、咖啡煉奶和果醬製成肉餅，更被網民狠批「伏」和玩弄食物。
近日專門報道劣食的FB專頁舉報，說有餐廳推出新奇口味肉餅，用好立克、咖啡煉奶和果醬製成肉餅，真是聽到也嚇一跳，更被網民狠批「伏」和玩弄食物。記者找「吳師府私房菜」老闆吳永皓（吳師傅）試菜，看看是真伏還是別有一番風味？
甫踏入店舖，吳師傅望見餐牌便笑言：「呢間店全部做肉餅會很悶，所以出品五花八門，好出人意表，完全超出我認知。」第一個上場的是好立克蒸肉餅，這裏的大部份肉餅都可以選擇蒸或者煎，好立克肉餅則規定只可蒸，實在太驚訝了！甫上枱即見肉餅面鋪上混合了胚芽碎奶白色醬汁，賣相有點兒不討好。吳師傅試食後指味道微甜，蒸肉餅一般水平，尚算厚身：「我老派人會認為似唔小心倒咗好立克落去，好立克味淡唔影響味道，如果單食肉餅比較易接受。」
吳永皓（吳師傅）試菜，看看是真伏還是別有一番風味？
餐廳一共推出四款新口味肉餅，記者試了其中三款。
咖啡煉奶肉餅套餐，午市$49。
接下來要試的就是「煎」的肉餅，煎肉餅比蒸的薄身，吳師傅指從外表看煎得比較硬，但卻較香。咖啡煉奶煎肉餅呈深啡色，好像煎燶了般，誰不知吳師傅竟說是三者中最用心和花工夫的。由於大部份口味均使用同一個肉餅底再外加一些醬汁在面，而它卻是先把咖啡口味混合豬肉再製成肉餅，再在肉餅上加煉奶。吳師傅：「咖啡味食落唔會太衝突，不過上面嘅煉奶就多此一舉，飲咖啡就話落煉奶，食肉餅應該唔使嘞啩。」
好立克蒸肉餅套餐，午市$49。
特色果醬肉餅套餐，午市$49。
最後是餐廳推薦的果醬煎肉餅，吳師傅指餐廳用檸檬柑桔醬之類的果醬比較易接受，因為潮州食物也有柑桔和梅子醬之類，沒有用上士多啤梨或藍莓醬已經好好，不過他說：「我有個想法，果醬煎肉餅如果用嚟夾包，會比送飯同送粥更夾。」總括而言，這三款新奇肉餅也比想像中好吃和易接受，價錢亦合理，但師傅就感嘆說：「呢個係飲食潮流新趨勢，做傳統肉餅好似鹹魚同土魷蒸肉餅，做到幾出神入化都好，都唔會有人理，搞到變相出現好多標奇立異嘅出品，的確可以吸引人眼球，但如果你要咁做嘅話就要記住，你嘅餐牌就要經常轉換，好立克肉餅只可以食一次起兩次止，之後就唔會再賣落去，下次就會到朱古力等等，變到你自己諗出嚟自己都唔會相信。」肉餅哥小炒料理地址：大圍美田路30號美林邨熟食亭5-8號記者：飲食籽2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170708/20082470
【加州直擊】Tesla廠睇Model 3真身 車頭好似無嘴咁
1 :
GS(14)@2017-08-04 06:36:19Tesla加州車廠門外泊了一部Model3及Model S，車主可以慢慢比較。
相信好多已落訂的車主都想問，Model3幾時有車？Tesla CEO Elon Musk（馬斯克）於上星期首批Model3交車直播時，都自嘲被人於社交平台不禮貌追車，直言這一刻面對最大的困難就是未來半年，如何將生產量推高至每周5,000部。香港就肯定有排都未有，預計2018年中至尾先有機會交車，落了訂的車主之前都是估估吓，或者看一些虛擬畫面，現在終於有機會實在少少睇睇真車。
Tesla位於加州費利蒙（Fremont）的車廠，門外充電泊位就泊了一部正在充電的Model3，還要開了一隻車窗任睇，而旁邊車位則泊了一部Model S，可以慢慢比較。Model3雖然只是入門級電車，但望落去身形一點也不遜，數據上只是比Model S窄些少，車尾線條設計型格利落。車頭造型同Model S完全唔同，睇你能否接受佢好似無嘴咁。最後比較兩車內櫳，雖然屏幕縮細至15吋，但內櫳同樣充滿超簡潔科幻味，反而覺得Model S屏幕大得有點浮誇。3.5萬美金起錶，來港後應該30萬港元有找，電量續航力有355公里，有如此配搭同設計，呢個套餐又真係幾吸引嘅。
不少人都趁機埋身睇，Model3車頭設計的確要啲時間令人接受。
車尾同樣以高斜背營造流線感。
打開左尾燈旁的黑蓋，便可接駁電源充電。
內櫳屏幕縮細至15吋，並採用橫置式。
上星期首批Model3交車直播，Elon Musk最頭痛就係交唔切車。
記者：許維雅2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170804/20110866
【元朗騎呢盤】130呎單位連吊床網友：好似火化咁
1 :
GS(14)@2018-03-06 03:52:42香港樓市瘋狂，租盤越來越「騎呢」，家族有份經營劏房生意的財政司司長陳茂波在星期三公佈的最新一份財政預算案，無為樓市出招，亦無幫助市民上車置業，今早FB出現一個租盤引起網民關注，元朗一個唐4樓的130呎劏盤，月租5,800元，在狹窄的開放式空間建一個吊床，惹來網民恥笑。網上個租盤Post，「全新大套房」由李小姐招租，以「多窗，開揚，唐4/F，約130呎，有床有櫃」吸引租客。從圖片所見，劏盤為窄長方形，一打開門就看到右邊一組樓梯櫃，盡頭造了一個吊床，床下是餐枱及洗手盤，左邊盡頭為廁所。月租盛惠5,800元。目測有4個窗，都算係「多窗」，不過吊床由兩組鐵柱由天花板裝釘，安全度成疑。本報記者根據資料致電招租的李小姐，但一聽見蘋果日報，李小姐即指唔得閒即掛上線。有網民恥笑廚房在下，吊床在上，「好似死後火化甘！」，亦有網民發現，吊床下放了一組斜腳的枱，形容「赤柱監獄都大過呢度喇！」
來源:
https://hk.finance.appledaily.co ... e/20180302/20320165
Next Page