大台盛產藝人情侶鄭嘉穎陳凱琳相距22年組父女戀
1 :
GS(14)@2017-05-06 11:38:41藝人喺無綫拍劇，一拍通常三個月起跳，男女藝員喺一個固定環境，再加短時間密集式見面，容易戲假情真，發生真感情，所以大台近年就盛產咗多對情侶藝人。今年47歲鄭嘉穎同細22歲嘅陳凱琳(Grace)，兩年前合作拍無綫劇《殭》高調拍拖，父女戀原本一直唔俾人睇好，不過無驚無險，二人拍足兩年依然甜蜜如軟糖。楊明同莊思明因拍《愛‧回家》撻着，拍拖以來莊思明不時會喺IG貼合照放閃，雙方見咗家長之餘，入行18年嘅楊明，事業亦順風順水，近日終嘗做男一滋味，思明仲俾人讚佢旺夫。鄭俊弘上個月被爆背未婚妻偷嗒何雁詩，兩人由最初死口唔認拍拖，何雁詩更堅稱大家只係普通朋友，直至拖手斷正短片曝光，「雁鄭」終於承認戀情，被網民封為賤男嘅鄭俊弘，就解釋講大話只係想保護其他人。同樣因為拍大台劇《愛‧回家》嘅張振朗同陳芷尤，由高登仔到師奶fans都認得佢哋，而佢哋拍拖兼同居，亦唔係秘密。不過，由於張振朗正受大台力捧，上位在即，搞到每次出街拍拖，兩個人好似打遊擊咁，唔見得光。
來源:
http://hk.apple.nextmedia.com/entertainment/art/20170506/20012409
大台直播恬妞婚禮萬梓良糖尿病纏繞暴脹
1 :
GS(14)@2017-06-11 16:09:17下月滿60歲嘅萬梓良(萬子)，縱橫影視圈40年，代表作多不勝數，包括《大內群英》、《太極張三豐》、《流氓大亨》、《大家族》、《他來自江湖》、《巨人》等等，但係講到感情，咁就一隻手可以數晒，經歷過兩段婚姻，與第二任妻子郭明黎育有一子。鄧萃雯當年18歲，就加入無綫藝訓班，之後就委派佢拍攝劇集《薛仁貴征東》，仲要做女主角，夥拍萬梓良，雖然萬子比雯女大9年，有指男方當時向雯女展開熱烈追求，就係咁，佢哋就好快熱戀起來，有指萬子係雯女嘅初戀。可惜最後萬梓良移情別戀，愛上恬妞而與雯女分手。88年，萬子同恬妞因為合作電影《大哥大》而認識，其後有指佢哋到馬來西亞為劇集拍外景時，兩人戲假情真，而最重要係萬子好錫恬妞嘅囡囡彤彤，當時恬妞就覺得萬子就係佢最理想嘅老公人選。92年佢哋就結婚，當時全城哄動，因為佢哋嘅婚禮由無綫直播不特止，仲要請嚟邵逸夫爵士為佢哋證婚，萬子讀誓言時話：「三個人一條命」，可惜呢段婚姻只維持咗4年，離婚收場。對於離婚，萬子當年曾講過，也許自己年紀少，有啲地方對唔住恬妞，但佢哋依然係朋友。同恬忸離婚後，萬子都有傳過緋聞好似長沙美女劉凌同新加坡美女陳婉嫻等。第二任妻子郭明黎原來係佢嘅影迷，任職南方航空嘅郭明黎，話12歲睇萬子嘅《流氓大亨》，自此就封咗佢做偶像，96年，佢喺新加坡邂逅萬子，見到偶像當然開心，郭明黎仲同一班姊妹接受咗萬子嘅邀請，一齊去唱卡拉ok。萬子雖然當時剛同恬妞離婚，但都向郭明黎表達愛意，可惜佢哋就要分隔兩地，直至99年嘅農曆新年，萬子專程跑到昆明接郭明黎，咁先至得到郭明黎嘅歡心，正式拍拖，至2002年結婚。
來源:
http://hk.apple.nextmedia.com/entertainment/art/20170611/20052161
大台「奧運六星」變中坑 走剩馬明黎諾懿
1 :
GS(14)@2017-08-04 06:36:21大台大大話話都幾十年歷史，多年嚟薪火相傳嘅唔少得就係演員啦！佢哋嘅小生都係一代接一代，有唔少劇都係以老帶嫩，咁先至唔會青黃不接。不過去到近年，大台嘅小生主力都係由外邊簽返嚟，就好似一度簽過亞視嘅陳展鵬、歌手出身嘅王浩信，仲有做過有線同now嘅洪永城等等，佢哋都唔係正宗「親生仔」，睇到底最後一代嘅自家製小生又有邊幾個呢？就係04年大台為咗雅典奧運力棒嘅「奧運六星」林峯、馬國明、黄宗澤、吳卓羲、陳鍵鋒、黎諾懿，個個都係親生仔之餘，仲夠晒嫩口，當時佢哋仲拍過唔少劇集做男主角，不過嚟到o依家個個都變晒中佬咁滯。馬國明同黎諾懿多年嚟一直留守喺大台，其中馬國明o依家就喺大台擔大旗，而黎諾懿事業就載浮載沉，o依家做埋爸爸o添！至於黄宗澤就轉簽邵氏主力喺內地發展，吳卓羲就喺2015年約滿大台，不過佢就係今年回巢。最後就係陳鍵鋒同林峯，陳鍵鋒早年離開大台，仲力數大台小器，佢多年嚟都喺內地發展，都冇被搵過佢返「娘家」。另外，林峯喺14年約滿大台，有指因為唔肯續約仲搞到俾大台封殺o添！
來源:
http://hk.apple.nextmedia.com/entertainment/art/20170804/20111493
Next Page