📖 ZKIZ Archives

邊度都有陽光 朱泙漫屠龍記

http://johnchrysostom.blogspot.hk/2012/10/blog-post_30.html
承蒙當年董伯伯的「建華八年」，替香港這個資本市場引入房地產投資信託基金(Real Estate Investment Trust, REIT)這一種玩意。筆者當年拙文《奇貨可居 - 當心REIT陷阱》曾以冠君產業信託(02778：HK)為例拆解REIT財技乃當年於1997年房地產高位過度拓張的中小型地產商「掛磚頭，賣鉅債」的絕世財技。

匯控真正牙煙喺邊度 中環客

來源: http://hkcitizensmedia.com/2016/08/30/%e5%8c%af%e6%8e%a7%e7%9c%9f%e6%ad%a3%e7%89%99%e7%85%99%e5%96%ba%e9%82%8a%e5%ba%a6/

獅子銀行前高層David Hall，退休咗六年，但似乎念念不忘將匯控香港（實際上係香港、新加坡、大馬、澳洲等地業務）spin-off嘅念，話匯控喺香港光輝不再，係時候考慮賣俾中資銀行。

獅子銀行其實大家都知佢係有一定風險，但唔係因為David Hall講，間行喺香港光輝不再，亦唔係坊間講，美國係咁罰匯控洗黑錢罪名罰到窮，而係匯控手上啲衍生工具太多，風險高到嚇死人。

其實今年六月IMF出過報告，指出世界三大銀行系統淨風險製造者（net risk contributor），呢三間銀行就係德意誌銀行、獅子銀行同瑞信，而獅子銀行係排世界第二。如果呢三間銀行是但一間因衍生工具暴露風險太多執笠，真係全世界嘅人都身痕，因為呢場風暴隨時勁過次按危機。如果依家俾中資接咗火棒，咁英國同歐洲可以甩身，至少有子彈應付德意誌銀行搞出嚟嘅大頭佛。

David Hall建議中資行接棒係有啲道理，因為根據IMF嘅報告，中資三大行（中銀、工銀同建銀）同日本幾間大商業銀行集團啲風險，確係卸曬落德意誌銀行同獅子銀行度。問題係中資三大行自己都一大堆潛在風險要處理，只不過佢地盤數唔清唔楚，David Hall唔知啫。至於日本仔啲銀行其實都泥菩薩過江，同埋日本政府都唔想好辛苦咁解決資產問題嘅日本大型私有銀行，接獅子銀行嘅火棒。

如果我係獅子銀行董事局，寧願請日本仔策略性入股匯控，同埋諗計賣咗恆生銀行換一筆錢應付未來危機好過。你叫自身難保嘅中國政府同中資大行買匯控，無錯喺政治上好吸引，但喺盤數上，呢個賭註實在太大，中環客相信習近平孭唔起咁大隻鑊。

中環客

去邊度：識做一定做　樓農

1 : GS(14)@2014-08-29 10:43:12

城市種植（Urban Farming）不是新鮮事，但要家家種植卻非易事，香港的蝸居早已澆熄不少有心人的熱誠。今個星期六，MaD及The Good Lab將合辦樓上農墟，顛覆城市種植，展現家家種植未必遙不可及。現場會有10至12個攤檔，參加者可以買到新鮮有機蔬果，還能學習城市種植，更可即場製作天然蚊怕水，植物書籤等，把綠色設計帶回家。記者：邵超攝影：劉永發部份圖片由受訪者提供



官方推動創意產業和源頭減廢的成果大家有目共睹。政府無能，還得靠民間發功。2010年創辦的MaD可謂港版Kickstarter，目的是推動創意變成可持續發展的項目，今次與The Good Lab合辦的第三炮活動，正是當下很流行的農墟，除了會在場內售賣有機農產品，還舉辦了多個工作坊。時下出色的農墟，如馬寶寶農墟、大埔農墟等，在售賣有機蔬果或綠色設計之餘，同時亦凝聚了一班認同永續農業及社區分享的有心人，而「家家種植──樓上農墟」亦正有此意，當中的「家家」，正代表我們的家和社區。成立已有一年的好家庭菜園，是這次活動的焦點夥伴，他們會走入天水圍及深水埗接觸街坊和學生，進行一連串綠色創意實驗。創辦人之一的岑嘉宏（Kevin）指香港人活在石屎森林，新市鎮規劃單一而冷漠，好應該用綠色來融化，「以往談城市種植，感覺需要很多空間及空餘時間，整件事很中產，又或者對種植的概念仍停留於健康的層面。我們希望更深化當中的意義，想基層社群也分享到城市種植的好處，所以讓本區的學生把收成帶給低下階層，為食物加添意義。」



■Kevin計劃去東涌搞活動，那兒多領匯商場，居民購物選擇少，故想讓市民認識城市種植。

九層塔及羅勒香草鹽　各$48■帶微辣的九層塔及羅勒香草鹽均加入檸檬皮，醃肉一流。

■MaD是The Good Lab的其中一個創辦單位。兩個組織合力推動創新的環保項目。


靚菜消失　毒菜禍港

民以食為天，城市種植能打動香港人的心，某程度上也因為我們有為食基因。學生透過種植拉近了跟食物的距離，「小時候吃得到的新界靚米靚菜，如元朗絲苗、鶴藪白菜都真真正正在香港存在過。」大家邊種邊聽香港農業故事。菜，不只得超市或大陸才有。在毒菜禍港與種植風潮下，城市種植自然較易推廣，但當潮流一過，豈非又是一盆散沙？Kevin並不認同，「我念小學時，綠田園基金已經在做有機耕作教育，他們是老前輩。」數數手指，1988年成立的綠田園，已經捱過26年，世上其實無難事。Kevin跟兩個拍檔創辦好家庭菜園，以社企模式運作，售賣自家製香草醬、香草茶及種植包，還開班教授將家中廢物，如凍肉膠盒、飲料膠樽、牛奶紙盒等upcycle為種植盆，既省錢又減少堆填區壓力。
MaD項目經理陳慧君（Crystal）表示，此活動最想推動社會創意，「靈光一閃想到好點子是常有的事，我們反而希望大家能考慮事情的最根本，如支持Kevin的新社企，最先考慮的不是商機，而是如何在生活中實踐可持續的理念，形成社會影響，推動他人參與。」可持續的敵人永遠是速食的消費主義，Kevin說：「在家種植最困難是開始第一步，其實犧牲一點時間、空間就能做到。用廚餘做堆肥，未必一定要一桶，其實可以是一個膠樽的尺寸。」Crystal補充：「香港人的想法傾向怕做少少沒成果，但微小的事一旦養成習慣，便能累積越來越大的成效。」天天實踐，今天邊逛農墟邊交流，也算是踏出了一小步。



■以為小孩子怕曬不喜歡務農？天水圍街坊印證植物能帶來家庭樂。

■小朋友發揮創意，用膠樽製作成汽車狀的種植盆。

■其中一個攤位Budding Pudding出售有機香草及士多啤梨盆栽。


家家種植──樓上農墟

日期：8月30日（星期六）　下午2時至6時地點：好單位（The Good Lab）西九龍通州街500號星匯居L1網址：http://www.mad.asia/posts/673/




來源: http://hk.apple.nextmedia.com/su ... t/20140829/18847807

---

【老店謝幕】好時執笠　邊度仲有沙嗲食？

1 : GS(14)@2016-04-13 17:13:07

沙爹串燒，六年前雖然由明火改由電爐，風味略減，但堅持即叫即燒，惹味獨特。$45每6串（好時）


好時沙爹將在本周日結業，這間尖東星馬名店，名字有沙嗲，賣的沙嗲當然不差。每日以花生等材料炒足兩小時，六年前雖然由明火改由電爐，風味略減，但仍堅持即叫即燒，惹味獨特。其實除好時的星馬版本沙嗲外，香港還有其他地方可以吃到沙嗲的，但大部份是印尼版。



（1）全女班印尼版炒醬大鐵鑊年換兩個


在印尼，沙嗲解作串燒肉，會配上秘製醬料同吃，後來大家逐漸把這種醬料稱為沙嗲醬。要找到正宗印尼地道口味，可以到超過有40年歷史的印尼餐廳。甫進它的廚房，會見到一個有趣的畫面：廚房內清一色全女班，男人免進。每次煮醬總是大陣仗，做的沙嗲醬是較貼近當地華僑鍾情的口味，香料味突出。會先爆香香料，再放甜醬油、紅椒粉等等，熬成湯後再放入一大桶花生，最後放數個檸檬提味，更最重要是要放蝦膏，才算是正宗味道。炒醬的鐵鑊，比大廚的手臂還要長，日日煮，日日攪，鐵鑊會因損耗而穿底，每年便至少更換兩個。印尼餐廳　尖沙嘴加連威老道66號1-2樓



（2）炭火燒簡化版混入黃豆減辣


在八十年代，香港街頭曾興起印尼串燒，大多是由印尼華僑開設，像位於筲箕灣的印尼沙爹屋，便以流動小販起家，自1998年入舖後，仍堅持用炭火燒。為免正宗印尼沙嗲香料太重，老闆還特意遷就港人口味，改良秘方，減低辣度。他做的是簡化版的沙嗲汁，除用了乾葱、南薑等基本香料外，還加入黃豆及大量花生，單是弄這沙嗲汁，每日要花上兩小時的工夫。沙嗲汁還有辣與唔辣，用電爐保持微溫，一般人亦可接受。印尼沙爹屋　筲箕灣東大街76地下



印尼沙爹屋做沙嗲醬，先用花生油爆香乾葱、蒜茸等香料，再放入蝦膏、紅椒、甜醬油熬煮一會，再放入花生碎。

炭爐串燒，至今難尋，在印尼沙爹屋仍可找到。

雞肉拼羊肉串燒，沙嗲醬的香料味突出，肉醃得入味，炭香味濃。$170（印尼餐廳）



沙嗲豬肉，沙嗲汁有兩款辣及唔辣選擇，辣版已稍為減輕辣度。$8（印尼沙爹屋）



記者：何嘉茵、黃依情攝影：楊錦文、黃子偉、潘志恆





來源: http://hk.apple.nextmedia.com/su ... t/20160413/19568696

---

Money Walker：L？邊度L呀？

1 : GS(14)@2016-05-21 13:38:17

權威人士話內地經濟係「L型」，此二字自此成為財經潮語。「L型」係形容經濟急跌後長期橫行，權威人士之話意味內地經濟已進入長期橫行，但筆者不才，睇唔出中國經濟符合「L型」定義。首先，中國經濟唔係突然急速下滑，而係多年來慢慢放緩，與「L型」首部份有所不同。第二，內地GDP增長仍處於放緩，亦與「L型」次部份——即增長長期平緩且停滯不前有別。中央近半年力推寬鬆政策，但多餘流動性通通谷晒去炒商品期貨、內房同企業債，實體經濟未能持續好轉。不過單憑短短半年情況，就斷言經濟行「L型」，亦拎唔出一個呈「L型」走勢嘅指標去證明有關講法，呢啲經濟觀點真係得啖笑。姑勿論中央唱淡經濟背後目的如何，亦撇開內地中長期行乜型態不談，筆者同意內地經濟首季好轉只係曇花一現。作為中國經濟領先指標嘅LME3個月期銅，技術上正營造雙頂，預示銅價將見頂回落。這意味內地銅需求麻麻，亦說明內地次季經濟好極有限。
El.
http://www.facebook.com/moneywalkerhk本欄逢周四刊出





來源: http://hk.apple.nextmedia.com/financeestate/art/20160519/19617720

---

【深宵總是餓】BBC爆香港消夜名物　邊度有得食？

1 : GS(14)@2016-09-03 23:29:44

很多人愛吃串燒作消夜，貪其一人一串夠方便。



眾所周知，香港人愛吃消夜，但最近竟然吃到連英國廣播公司（BBC）都報道，探討香港人的消夜習慣，但報道裏只說了有甚麼點心、鑊氣小炒等，卻沒提到可以去哪裏吃，以下就選出四款香港的消夜名物，兼介紹消夜好去處：

1)串燒：蜀一燒


雖然並非很多食店會24小時營業，但晚上在油尖旺一帶逛，也有不少食店開到凌晨兩三點，例如這間蜀一燒，吃川式串燒，雞牛羊豬、海鮮蔬菜，樣樣有齊。想吃辣的話，可以叫師傅落多點辣粉；不吃辣的話，只落孜然粉、十三香，串燒都同樣惹味。蜀一燒串燒專門店地址：佐敦寧波街27至31地下B舖


2)小炒：愛文生


出名開得夜的愛文生，不單止開到凌晨三四點，最有風味的莫過於是可以望着師傅手拿鐵鑊炒菜，火光熊熊，親身感受甚麼叫鑊氣。雖然賣的都是家常小炒，但師傅一炒好就即刻上枱，很難不好吃。愛文生深水埗荔枝角道215號


3)點心：新興食家


夜晚不想吃得熱氣，飲夜茶都是不錯的選擇。新興食家凌晨3點開門，一直都有不少捧場客，就算3點正就去到可能都要搭枱，但消夜都可以嘆點心，飲啖茶、食個包，也算是值回票價吧。新興食家西環堅尼地城士美菲路8號地下C號舖


4)甜品：芝蔴綠豆


BBC報道內提到，現在的人吃甜品消夜，都傾向吃賣相精緻的，簡單來說，即是IG有甚麼就吃甚麼，但其實傳統中式甜品都可以很吸引，例如這間芝麻綠豆甜品屋，老闆每晚都親手生炒芝麻做芝麻糊，更自創芝麻蛋白燉鮮奶，在這個新式甜品店泛濫的年代特別難得，食店開到凌晨兩點，喜歡吃甜品消夜的不妨去支持。芝蔴綠豆紅磡黃埔新邨民泰街14號記者：黃子卓


消夜食鑊氣小炒亦是不錯的選擇，如果可以望着師傅手拿鐵鑊，火光熊熊地炒菜就更有氣氛。

新興食家凌晨3點開門，但就算3點正去到，客人都可能多到要搭枱。

芝麻綠豆甜品屋的老闆，每晚都親手生炒芝麻做芝麻糊。



來源: http://hk.apple.nextmedia.com/su ... t/20160903/19758269

---

【大學開學】高官藝人邊度畢業　大學生知唔知？

1 : GS(14)@2016-09-06 04:42:45

梁先生（左）：梁振英係理工咩？感覺好似詆毀咗理工大學嘅聲譽咁。



唞咗兩個幾月，各位大學生又要開學喇。呢排立法會選舉成為熱話，打開facebook全部都係選舉論壇，或者係宣傳短片。我哋就趁呢個機會，走入大學測試吓同學仔知唔知各界名人係出自邊間大學。我哋隨機揀咗十二位政界同演藝界名人，然後要求同學仔以配對的形式完成測試。七位同學接受，結果竟然冇人全中。即刻睇吓各間大學究竟有乜名人啦！

香港大學


香港大學又叫藍血大學，自英殖時代已經盛產政府官員。今屆三司十二局嘅司長局長，就有一半都係港大畢業，包括林鄭月娥、袁國強、譚志源、張炳良、張建宗、高永文等。


中文大學


近期爆紅立法會候選人朱凱廸和支持同性平權的陳志全，都是中大的畢業生。不過咪以為中大學生都會支持社會運動同抗爭，事關梁美芬同陳茂波原來都係中大畢業，真係……唉……


浸會大學


浸大的傳理系咁出名，自然出產唔少出名嘅記者同傳媒人，好似林超榮、麥潤壽、呂秉權、柳俊江、DJ朱薰等都係浸大出身。


理工大學


提到政界「名」人，當然唔可以唔講特首梁振英啦。佢1974年就係理工大學嘅前身香港工業學院完成測量學高級文憑，1997年仲成為理大嘅傑出校友，真係估佢唔到。不過提到理大，當然唔可以唔講設計系嘅名人，唔少插畫家，好似小克、麥家碧、Angryangry同Daryl Cheung就都係理工畢業。


城市大學


城大近年就多咗唔少演藝界名人，好似蕭正楠、薛凱琪、林一峰、陸浩明（陸浩）都係城大畢業。


科技大學


科大最出名就係工商管理，所以都出咗唔少商界名人，好似「小飛俠」林燕玲同俊和發展集團嘅董事會正副主席彭一庭、彭一邦等。


教育大學


教育大學今年終於正名，但原來師範時期已經有唔少名人在此畢業，包括世界衞生組織總幹事陳馮富珍和作家西西。近年最為人熟識嘅，就係演藝界名人，好似楊思琦同龍小菌等。記者：黃映嫚攝影：周芝瑩


李小姐：我知道政府唔少AO都係港大出身，林鄭月娥應該都係。

李先生（左）：梁美芬，我淨係知佢係城大教咋。



來源: http://hk.apple.nextmedia.com/su ... t/20160905/19760110

---

【炒家注意】 iPhone7邊度買最抵？先達Lo哥：可炒高2千至1萬

1 : GS(14)@2016-09-09 05:19:35

蘋果公司iPhone7、iPhone7 Plus將於9月9日起接受預訂，下周五（16日）正式開售。新iPhone首輪發售地區共28個，中國、香港和日本，台灣也首次被列入首發地區。中、港、台、日內，香港預訂新iPhone最抵，中國定價在上述四個地區定價最高，與本港相比差價近900港元。另外，蘋果公司發言人表示，由iPhone7起暫停公佈首周末銷售數字，因為數據只反映供應，多於市場需求。蘋果公司股價周四偏軟，最新報106.16，跌2.02%。香港iPhone7定價平絕中、港、台，以iPhone732GB為例，香港定價5,588港元；中國定價5,388元人民幣，即約6,272港元；台灣定價24,500元新台幣，約6,083港元。先達Lo哥指，iPhone7 Plus的鋼琴黑版本，有可能可炒高2000至10000元，而iPhone7沒有雙鏡頭，沒甚麼水位，要小心「炒燶」。




來源: http://hk.apple.nextmedia.com/news/art/20160909/19765575

---

女友攞住電槍捉姦男友邊度被電嗌得咁慘

1 : GS(14)@2016-09-28 05:04:21

背着女友鬼混，後果可大可小！外國一名金髮索女發現男友不忠決定夥友人捉姦，當她開門見一名女子壓在男友身上，憤怒得拿出電槍朝男友下體施襲，男友受創表情痛苦。片段開始時，索女與友人坐在車內，她向鏡頭說：「他不知道我已經發現他偷食好一段時間，而他好像忘記了，他聖誕節曾送我一把電槍！」接着便下車走入房內，負責拍片的朋友嚇得不知所惜，只能一直說髒話。她打開房門後，男友與一名女性在沙發上依偎，爆粗質問：「她是誰？」男友見狀後辯稱：「她不是我女友！她不是我女友！」不等他解釋，金髮女已揮舞電槍施襲，只見一陣電光，電槍更發出電流嘶嘶聲，下一秒她便伸手電向男友下體。男友痛極慘叫，雙手按住下體整個人捲縮起來，看來非常痛苦。不過，有網民質疑片段造假，又有人開玩笑說這片段連三流電影都不如。英國《每日鏡報》




來源: http://hk.apple.nextmedia.com/international/art/20160928/19784580

---

【去邊度換衫是重點】抗爭都要靚　游蕙禎遊行幾個look

1 : GS(14)@2016-11-08 05:46:41

反釋法遊行，翌日以人大釋法告終，係好多人唔想見到嘅結果。件事嘅兩位主角游蕙禎同梁頌恆成為箭靶，俾好多人追究到底幾千人為佢哋上嘅街，佢哋又係咪獨善其身呢？答案係，佢哋絕對有參與嘅。而游b更加作了抗爭都要靚嘅最佳示範，早晚2個looks，保證要為大家抖擻精神！



遊行look：淺藍短袖恤衫+黑長裙+咖啡針織長褸+白色側孭小包+白色平底皮鞋撞藍色短筒襪遊行打扮就斯斯文文，恤衫鈕扣晒上頸喉嘅長裙文青look，仲有signature長直髮，襯返梁頌恆的粉藍白粗間Slim cut恤roll袖，是靜中帶動的和平冷靜造型。行動look：黑色大學Tee+白色熱褲＋白色背囊到咗凌晨嘅行動打扮，明顯係較輕便和sporty，一頭長髮亦都夾返total look束起，再加一條小汗巾喺頸，是「隨時預備衝」模式造型。第三個look？白色小樽領長袖薄top+黑色心形胸吊帶裙好多網友以為游b一日換咗三套衫，其實呢個look係11月2號民陣舉辦反對釋法及促請梁振英下台遊行時影嘅。人人遊行都行到身水身汗，游b就為大家展示咗女神如何遊行而不失造型，絲打想學，第一樣都係諗定要去邊度換衫先嘞。記者：容慧心


11月6日日間長裙文青look

11月7日凌晨熱褲行動look

11月2日和平吊帶裙look



來源: http://hk.apple.nextmedia.com/su ... t/20161108/19825987

---