📖 ZKIZ Archives

Moka透黑Bra捧城城場

1 : GS(14)@2016-09-09 05:36:48

■穿上閃爍透視裝的Moka，昨晚大方任傳媒影相。



天王郭富城假紅館舉行的十五場「舞林密碼演唱會」昨晚舉行尾場，28歲國產辣模女友方媛（Moka）雖然首場因工作未有現身，但來到最後一晚當然要支持到底！演唱會在晚上8時45分開始，開騷前約一分鐘，全場燈光變暗後，Moka悄悄現身，坐在控制台下面的座位。Moka早前被指現殘樣，昨晚自然要悉心打扮，穿上閃爍透視裝，現黑色bra top，似登台般養眼。記者上前拍照，Moka亦大方任影，還展現自信笑容兼撥弄秀髮。其他捧場藝人有錢嘉樂、何超蓮、JW及陶大宇等，穿上粉紅色情侶裝的姚子羚和男友鄭子邦企定定合照。採訪：盧妹攝影：葉君海




來源: http://hk.apple.nextmedia.com/entertainment/art/20160909/19764789
PermaLink: https://articles.zkiz.com/?id=308344

《風雲》音樂劇角色晒冷嘉穎做步驚雲挑戰城城

1 : GS(14)@2016-09-09 05:37:02

馬榮成創作的經典漫畫《風雲》將於明年4月以音樂劇在紅館公演，屆時會加上5D效果，他昨日與主要演員包括飾演步驚雲的鄭嘉穎、聶風的謝天華、雄霸的呂良偉等在sky100舉行記者會。



■由郭富城（左）及鄭伊健演的電影版《風雲》，是經典中的經典。劇照

■漫畫作者馬榮成（左二）與眾演員在台上為《風雲》音樂劇祝酒。


壓力野心俱備

首次參與舞台劇的嘉穎說：「我第一次做舞台音樂劇，要盡量多綵排，今次有好多舞台效果，好富挑戰性，機會難逢，所以不計較酬勞，好好把握機會。」相比於98年的電影版，音樂劇只保留演泥菩薩的黎耀祥及文丑丑的鄭丹瑞，而謝天華當年飾演配角秦霜，今次升呢做聶風，問到會否擔心鄭伊健演繹太深入民心，謝天華表示：「我覺得有壓力，唔係源自嗰度，係另一個演繹方法，發夢都冇諗過可以做聶風，知道嗰晚都瞓唔着，除咗要演技、跳舞、武打，導演問我有冇畏高要吊威吔。」呂良偉就飾演雄霸，他表示為了此劇推了一部電影及電視劇，他說：「冇諗過做舞台劇唱歌，仲要跳舞非常難，要努力練，又要吊威吔，角色比跛豪野心仲大。」


集嗅覺5D效果

另外，製作人陳淑芬表示製作費達一億，暫定公演六場，要計埋東南亞巡迴才能回本，問到有否考慮找回伊健及郭富城做回聶風及步驚雲，她說：「冇諗過，唔係太貴，要睇角色配搭同時間配合。」負責製作的蕭潮順表示今次會有5D效果，舞台會結合科技、燈光、立體投射、嗅覺味道、水和火觸感效果。採訪：張俊銘攝影：葉君海




來源: http://hk.apple.nextmedia.com/entertainment/art/20160909/19764709
PermaLink: https://articles.zkiz.com/?id=308369

尾場三講I Love You 　慶功再放閃城城愛不完：多謝Moka

1 : GS(14)@2016-09-10 13:54:43

■城城大讚女友Moka善解人意，預計對方今次離港前，二人無機會見面。



舞林王者郭富城的15場演唱會前晚在紅館舉行尾場，28歲國產女友方媛（Moka）亦有到場支持。Moka看得投入，當城城唱《火熱動感La La La》要求大家站起來一齊打pom pom棒和跳舞時，Moka都聽話照做。之後城城唱《木偶襲地球》與歌迷握手，Moka亦有站起來，可惜她坐在較後位置，未能成就「世紀一拖」。


壓力最大

不過，城城唱《對你愛不完》仍不忘向女友施冧功，特地向Moka所坐的正台方向發表愛的宣言，他廣東話夾普通話說：「着住紋身衫行埋嚟講I love you，有甚麼感覺？係咪好能夠保護你？」之後再講多兩次「I love you」才唱出《I Love You So》，相信Moka已經全部收到。臨完場前，城城哽咽地說：「15場轉眼過去，今年係我做歌手25周年，係好值得紀念嘅日子。人生有幾多個25年呢？今次演唱會，係我做歌手以嚟最大壓力嘅一次。」



■Moka放低工作，前晚再度欣賞男友演出。

■城城昨日在銅鑼灣出席活動，避談會否帶Moka見家長。攝影：陳順禎


睇足8場

慶功宴上，城城透露為演唱會節食兩個多月，所以大會特別準備火鍋慰勞城城。提起女友Moka，城城一臉冧樣謂：「好多謝Moka飛嚟香港支持自己，佢都放低手頭上嘅工作嚟睇咗8場。」並大讚女友好乖兼善解人意，問是否因此而對Moka所坐的正台方向講三次我愛你？他說：「咁我表演都係為所有嘅人，唔係為個別嘅人。」城城透露與Moka一直沒有見面，因為Moka不想騷擾他，二人只靠短訊來往。城城昨晚在銅鑼灣出席活動，他指心情仍然忐忑，因平時該段時間已在紅館準備演出，問難忘原因是否因為Moka差不多晚晚捧場？他說：「我當咗佢係粉絲㗎啦。」又透露Moka仍在港，問會否一起過中秋？他說：「大家都有嘢做，中秋我最想同屋企人食飯，媽媽年紀大，想多啲時間陪佢。」採訪：盧妹攝影：葉君海


■城城（左二）透露為了今次演唱會而節食兩個多月。

■城城直言今次開騷是25年來最大壓力一次。



來源: http://hk.apple.nextmedia.com/entertainment/art/20160910/19765974
PermaLink: https://articles.zkiz.com/?id=308503

6萬Cartier錶城城女友Moka中指戴鑽戒好事近？

1 : GS(14)@2016-09-11 05:50:28

郭富城「舞林密碼演唱會」已完滿結束，28歲內地女友方媛（Moka）連捧多場，兩人感情已公告天下，去到尾場Moka當然都有現身。
Moka穿上金銀密鑲珠飾的透視top，搭配黑長褲、黑色Bra Top，相常搶眼，面對記者拍照亦大方微笑。Moka撥頭髮時，左手戴了Cartier招牌的Ballon Bleu de Cartier鑽石手錶，而代表訂婚的中指位，更戴上鑽石戒指，莫非城城好事近？更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20160911/19767390
PermaLink: https://articles.zkiz.com/?id=308620

城城興奮《踏血》爭入奧斯卡

1 : GS(14)@2016-09-23 08:10:08

導演翁子光執導的電影《踏血尋梅》，昨日獲「香港電影製片家協會」公佈，將代表香港角逐入圍明年舉行的第89屆奧斯卡金像獎最佳外語片獎。主演《踏》片的郭富城昨回應表示：「心情真係興奮，亦覺得好榮幸，係整個劇組嘅光榮。亦衷心替導演翁子光同整個團隊高興，大家當日堅持拍攝呢個關心香港社會嘅題材，呢份熱血係正確嘅，大家會把持呢個鼓勵再繼續努力拍攝優秀嘅電影作品。」有份選出代表的除製片家協會的理事外，還包括劉德華、方逸華及梁李少霞等。據知，本屆競爭激烈，獲支持的還有周星馳的《美人魚》、《點五步》、《危城》及《暗色天堂》。撰文：李森




來源: http://hk.apple.nextmedia.com/entertainment/art/20160923/19778690
PermaLink: https://articles.zkiz.com/?id=309734

撐好友今戰城城

1 : GS(14)@2016-10-10 00:43:49

■城城前晚出席中環活動，他否認明年結婚之傳聞。



苟芸慧去年雖然在珠海比賽時炒車翻騰三周半，但她未因此有被嚇怕，更結下多段賽車情緣。除最近與陸漢洋打得火熱，早年她與郭富城傳緋聞，二人不約而同都非常喜歡車，而今日城城會在中環參加「2016電動房車挑戰賽」明星賽，昨日苟姑娘則在微博貼相，為同樣出戰明星賽的楊嘉怡打氣，留言：「好朋友和學習對象！明天Formula E比賽加油！」前晚城城在中環出席活動，問他明年與Moka會否結婚？他否認說：「唔係真。」被追問何時結婚？他說：「一直感情事都低調，總之有喜訊會話畀大家知。」採訪：盧妹攝影：陳順禎




來源: http://hk.apple.nextmedia.com/entertainment/art/20161008/19794432
PermaLink: https://articles.zkiz.com/?id=311173

小豬恨與城城比舞

1 : GS(14)@2016-10-10 00:43:57

羅志祥（小豬）昨日在尖沙嘴為聖誕舉行的巡迴演唱會「瘋狂世界Crazy World」香港站宣傳，他透露會化身DJ於台上打碟8分鐘。問小豬會否多練習廣東話？他以普通話說：「最近與星爺（周星馳）及成龍大哥拍戲，他們都說廣東話，我有很努力在聽，但真的很難。」問到會否請二人做嘉賓？他指星爺很神秘，成龍太忙。有人提議邀郭富城做嘉賓，小豬說：「這是願望，他是我啟蒙，如果可以一齊跳《狂野之城》就好。」被問到會否像城城一樣，讓女友周揚青到場？他避而不談，至於演唱會上會否騷肌？小豬搞笑說：「冬天來的，我穿小背心好了，奶奶（胸部）會害羞。」採訪：盧妹攝影：陳俊強




來源: http://hk.apple.nextmedia.com/entertainment/art/20161008/19794314
PermaLink: https://articles.zkiz.com/?id=311196

Lynn宣佈做人妻城城牛一帶Moka買戒指？

1 : GS(14)@2016-10-28 06:24:15

前日係天王郭富城嘅51歲生日，佢個好拍檔兼排舞師Sunny Wong就喺Instagram貼相，透露一大班人幫城城慶祝嘅情況，但相信大家心中有同一疑問，阿城城女友方媛（Moka）呢？冇理由唔現身o架……然後，昨日喺微博就流傳一張相，話係前日目擊壽星城城帶女友FY（即係Moka）去T家藍盒子買結婚戒指，仲話兩個人一直表現恩愛，仲講埋胎教問題，言之鑿鑿咁話Moka有咗，即係想話城城奉子成婚？睇番嗰張打滿晒水印嘅相，好隱約好隱約先見到有一男一女，但係個樣睇得唔清楚，係要爆相爆片嘅，畀張清少少嘅好喎……不過，喺城城生日嘅翌日，佢嘅舊愛熊黛林就突然喺微博宣佈，已經同男友郭可頌結咗婚喇！佢喺微博度放咗兩張蹺住老公手嘅相，再加一張簽字嘅相，非常簡潔。雖然話城城同熊黛林已經分咗手3年，但係始終都共度咗7年時間，舊愛成為郭太，相信郭生都會送上祝福…




來源: http://hk.apple.nextmedia.com/entertainment/art/20161028/19815032
PermaLink: https://articles.zkiz.com/?id=313831

城城恭喜熊黛林結婚

1 : GS(14)@2016-10-30 14:35:59

郭富城昨晚在圓方出席新片《天亮之前》首映禮，對於舊愛熊黛林大前日與郭可頌結婚，問會否送上祝福時，城城說：「我想講無論圈裏面邊個辦喜事，我都會衷心恭喜佢，就係咁簡單，我都會祝福佢。」



熊黛林資料圖片

有指城城上周三生日當天買戒指給女友方媛，城城拒絕多講：「私人嘢唔講啦。」問是否結婚？他說：「我工作上都好多姿多采，可以同大家分享，多謝大家關心我私人事、私人世界同感情生活，但我私人事鍾意低調。」問將來結婚會否公開時，他表示言之尚早，目前會以工作為重，工作將排到明年底。採訪：張俊銘攝影：沈健程




來源: http://hk.apple.nextmedia.com/entertainment/art/20161030/19816695
PermaLink: https://articles.zkiz.com/?id=314127

城城帶女友會鐵甲奇俠

1 : GS(14)@2016-11-08 05:45:56

郭富城昨日出席迪士尼樂園舉行的「鐵甲奇俠飛行之旅」預告活動，他指早前跟Iron Man拍廣告時，曾到不同地方遊覽及飲茶，問到會否介紹對方予女友認識？城城說：「佢咁出名，係人都識，或者一齊飲茶。」他又表示，如果有機會想拍齣孫悟空大戰Iron Man。首次踏足香港迪士尼的城城，解釋因為在港出街容易被認出，所以不太方便，而今次踏足樂園，大會安排他試玩新推出的機動遊戲，城城說：「我會安排演唱會團隊嚟感受刺激旅程，可能喺下次演唱會整個類似嘅game，雖然迪士尼投入大量資金，但我哋都唔少。」採訪：張俊銘攝影：仇志德




來源: http://hk.apple.nextmedia.com/entertainment/art/20161108/19825994
PermaLink: https://articles.zkiz.com/?id=314459
Next Page
ZKIZ Archives @ 2019