【東京直擊】城城赴日會子怡
1 :
GS(14)@2016-11-11 08:10:28章子怡、郭富城及韓國女團f(x)成員Krysta等，前日在東京表參道出席意國品牌Tod's舉行的「Tod's Timeless Icons」展覽酒會。章子怡穿上黃色毛衣襯黑色長褲，風騷到場，她跟品牌創辦人言談甚歡，但表明不接受場內記者訪問。
■展覽現場擺放了多張國際明星的巨型相片。
城城表示自己有份揀收錄在品牌書中的相，他說：「當時工作人員啱啱做完嘢，工作人員就忽然影咗，喺一個毫無預備嘅情況影出嚟，好代表到一種好自然嘅感覺，係個環境感覺營造出嚟，代表咗一個長青嘅感覺。」城城談到如何保持健美體態：「喼弗呢樣嘢好睇個人性格，唔係話你做就會做，而係個人好想突破自己、好想更新自己接受挑戰，先可以調整到自己。」採訪：趙潔恆攝影：周樂恒
來源:
http://hk.apple.nextmedia.com/entertainment/art/20161111/19829951
城城攬腰任蹺 護女友入院
1 :
GS(14)@2016-11-26 13:51:05■城城與女友Moka戴情侶口罩現身養和，城城聞「有喜」即時否認。
【跑馬地】郭富城（城城）去年12月被爆與細23歲的內地女模方媛（Moka）拍拖後，城城選擇愛得高調，不時在社交網貼相與女友晒恩愛。成功俘虜天王的Moka，亦火速融入城城朋友圈中，無論賽車、食飯都以「準城嫂」身份出席。曾被城城公開大讚善解人意的Moka，原來近日來港會男友，「打敗仗」的她昨日更要城城陪到醫院求診。昨午4時許，頭戴cap帽的城城，駕駛其黑色林寶堅尼在跑馬地養和醫院門口出現，他發現有記者在場都表現愕然，城城將車泊在醫院停車場後，再與Moka由醫院正門步行到門診登記，其間二人全程戴情侶黑色口罩，Moka則蹺到城城實一實。
【攬腰】■在醫院內，城城體貼地輕扶女友纖腰。
【蹺手】■Moka面對記者拍照，全程蹺實城城。
■來港會男友城城的Moka，因食錯嘢而到醫院求診。資料圖片
Moka食錯嘢
記者最初問城城是否看病？他未有回答，直至問他是否「有喜」？城城即說：「唔係啦！唔係唔舒服，都唔會嚟睇醫生啦！」然後不斷叫記者不要拍照，其間可見城城對Moka十分體貼，由登記開始一直陪伴左右，又不時輕扶女友纖腰。城城和女友在醫院大約逗留三個多小時離開，Moka見仍有記者即縮在一角，相反城城即大方把她拉出來，問城城女友哪裏不舒服？城城則摸自己肚皮說：「食錯嘢呀！」然後二人由七人車接走，其座駕則留在停車場。採訪、攝影：黃曉程、朱志聰
來源:
http://hk.apple.nextmedia.com/entertainment/art/20161126/19845712
【馮仁昭四圍超】做完車手 城城學揸飛機
1 :
GS(14)@2016-11-29 07:55:27■郭富城已第三年出席願望成真基金活動。
郭富城噚晚喺中環置地廣場出席願望成真基金舉辦嘅聖誕義賣籌款活動亮燈儀式，佢喺台上同小朋友玩得相當開心。問佢幾時結婚生小朋友，而家夠晒條件做爸爸？城城笑笑口話：「呢個moment都應該係嘅！但我啲工作排到明年底，暫時都唔知幾時可以成家立室，不過希望唔會太耐啦！」
■郭富城喺台上同小朋友玩得開心。
女友未懷孕
早幾日城城同女友方媛（Moka）去醫院，問佢係咪女友有咗？佢大笑搖頭話：「梗係唔係！嗰日啲記者信口開河問之嘛！」將來如果結婚有小朋友，想生仔定女？佢話：「我係比較傳統，第一個最好生仔，第二個就生個女啦！」講番願望成真基金活動，城城已經係第三年出嚟支持，佢話：「呢個活動主要關顧患重病嘅兒童，幫佢哋實現夢想，我覺得好有意思，其實我自己都有好多夢想，細個好想做賽車手、揸車環遊世界、揸飛機。到大咗就想攞獎肯定自己，而家部份夢想已經達成，係未揸過飛機，我諗住去學呢！」撰文：馮仁昭
來源:
http://hk.apple.nextmedia.com/entertainment/art/20161129/19848553
城城香水氹女
1 :
GS(14)@2016-12-03 04:42:44郭富城、鍾楚紅、蔡卓妍及蘇麗珊等，昨晚於銅鑼灣出席LV香水活動，城城表示最喜歡茉莉花與沉香的香水味道，他說：「我都有用香水嘅習慣，覺得用咗之後特別有吸引力，好有力量。」城城透露昨天是母親的生日，最近忙於拍真人騷，已預早跟她慶祝，又表示計劃送香水作禮物，同時也會送給女友。問到女友有否跟母親一同吃飯？他說：「私人嘢唔講嘞，賣吓關子。」紅姑謂正在籌備買聖誕禮物給朋友，她說：「好多朋友乜嘢都有，我覺得可以將送禮物嘅錢做啲有意義嘅嘢，捐畀有需要嘅朋友。好多朋友叫我煮嘢食，但我都冇咁多時間，不過我都會煮吓火雞嘅，因為我有秘製嘅醬汁。」她表示有考慮成立慈善基金。採訪：盧妹攝影：仇志德
來源:
http://hk.apple.nextmedia.com/entertainment/art/20161203/19853325
趙麗穎爭贏拍城城
1 :
GS(14)@2016-12-07 07:41:18郭富城繼《西遊記之大鬧天宮》及《西遊記之三打白骨精》後，早前已公佈他會繼續拍第三部曲《西遊記之女兒國》，女主角女兒國國王一角，有傳很多內地一線女星如范冰冰、李冰冰、章子怡及Angelababy都想爭演，但最後導演鄭保瑞卻看中了擁有洪荒之力的花千骨趙麗穎。去年趙麗穎憑劇集《花千骨》爆紅，現時拍一套電視劇酬金約一億人民幣。星皓電影前晚在長沙搞宣傳活動，除了公佈女主角落實是趙麗穎，還公佈了從二千萬報名秀女當中，選出人氣最強的一千名秀女參演《女》片中千人出浴的大場面。撰文：鍾國仁
來源:
http://hk.apple.nextmedia.com/entertainment/art/20161206/19856013
發哥城城用同一個教練梁靖琪考牌開中心
1 :
GS(14)@2016-12-21 23:41:58喺度提下大家，下星期就係聖誕節，農曆新年就喺1月底，食唔停肥幾磅，邊個唔係咁先？但唔使怕喎，花啲時間做運動，總會變番靚嘅！想個外形再好睇啲，不如跟呢幾位星級健身教練學下嘢啦。杜德智：杜德偉平時喺演唱會都總有個招牌動作－－剝淨底褲晒完美身材。佢咁弗，因為佢阿哥杜德智正係健身教練！杜德智仲有個星級學生方力申，一樣操到爆晒肌。
Anson：普通人可能唔識佢，但Anson喺娛樂圈入面就好出名，因為周潤發、郭富城、楊千嬅等等巨星，都係跟佢健身！趙勁皓：啱啱先被人話大男人，要女友DaDa Lo一年內懷孕，佢哋以一張晒肚相證明相處得好快樂。睇中啲，趙勁皓線條勁好，原來佢本身係健身教練，仲同朋友合資開健身室，9月底參加WWF PRO及香港健美及運動適能錦標賽，仲拎咗3個冠軍。
來源:
http://hk.apple.nextmedia.com/entertainment/art/20161221/19872009
【走過歲月】孖城城讀藝訓班
1 :
GS(14)@2016-12-25 13:18:54麥包年輕時幾靚仔，曾被指似邵仲衡和林峰，而且他主持和演戲瓣瓣通。
新星賽入行
87年參加無綫首屆《超級新星大賽》，落敗後加入藝員訓練班，與郭富城做同學。90年代主持兒童節目《閃電傳真機》，當中「蒙查查」成為不少港人的童年回憶。
接拍三級片
轉劇組後多演閒角，直至95年獲監製張乾文賞識，演出《命轉乾坤》。96年，有傳欠稅加上老父要做手術，遂接拍三級片《極度獸性》（圖）。同年在《西遊記》演「沙僧」多人關注。
戶口得300
99年跟太太林孜結婚，麥包曾在訪問中透露結婚時銀行戶口僅得300元，兩人現育有一子一女。
開齋奪男配
2010年，有感在無綫發展一般，一度想離巢。同年憑《巾幗梟雄之義海豪情》（圖）在台慶獲頒最佳男配角，決定留低。
傳欠債財困
去年有指炒燶iPhone欠債700多萬，及後傳因高層權鬥，男一夢撻Q，《街市遊樂園》成離巢前最後一個綜藝節目。
來源:
http://hk.apple.nextmedia.com/entertainment/art/20161225/19876337
《西遊記》入奧斯卡初選城城：好大鼓勵
1 :
GS(14)@2016-12-25 13:19:00鞏俐、郭富城、馮紹峰和羅仲謙主演、鄭保瑞執導的《西遊記之孫悟空三打白骨精》雖然沒有被香港和內地選中角逐奧斯卡最佳外語片，但出品公司星皓電影昨收到奧斯卡大會通知，除之前入選了最佳電影配樂獎項初選，連最佳電影獎項也入了初選，下月初會公佈9強名單，而下月24日就會公佈5強入圍名單，頒獎禮於香港時間明年2月27日舉行。
■郭富城（右）與馮紹峰對《西》片入到奧斯卡初選，感到十分開心。劇照
200人投票可入閘
鞏俐與郭富城等主角知道這個消息好開心，正在台灣拍攝第3集《西遊記之女兒國》的城城，昨日受訪時說：「好開心聽到呢個消息，對整個劇組嚟講，已經係好大鼓勵，證明用心做好作品係重要嘅，大家士氣好好，亦必定盡心拍好第3集。」今年報名角逐奧斯卡的作品，只要12月31日午夜前在當地公映至少連續7天就已合資格，而初選的入圍門檻不算太難，先獲得主辦單位美國影藝學院5%會員投票支持，觀乎該會約有6,000會員，所以約有200人投票已有機會入閘。今年共有336套電影打入初選，比去年305齣入圍電影多出31部。採訪：鍾國仁
來源:
http://hk.apple.nextmedia.com/entertainment/art/20161225/19876099
Next Page