曬命男揸660萬載索女開車唔夠5秒即炒
1 :
GS(14)@2016-09-10 13:54:34法國聖特羅佩一名男子，載著金髮女郎駕駛保時捷跑車炫耀，結果開車不到5秒就發生車禍，場面認真尷尬，網民就瘋狂嘲笑。影片攝於一間酒店外，戴著墨鏡、赤裸上身的男子，坐在保時捷918 Spyder的司機位情緒高漲，金髮美女坐在他身旁笑意盈盈。男子右手握軚盤，左手握拳放在唇上故作姿態，又不時腳踏油門展示引擎的咆哮聲，向途人及女伴展示愛車的威力。未料他甫開車，跑車即如脫韁野馬向前猛衝，此時片段傳出女子的尖叫聲，更幾乎撞到途人。男子扭軚閃避，卻收掣不及撞向前面一部停下的汽車，傳出巨響。保時捷跑車車頭嚴重損毀並冒煙，大批相信是酒店職員上前了解，所幸事件無人受傷。918 Spyder最高時速為350公里、售價約84.5萬美元（約660萬港元）。片段其實早在去年拍攝，近日再在Instagram熱傳，網民冷嘲指看完這條影片後感覺很滿足，也有人笑稱：「活像一個白癡。」英國《每日郵報》
來源:
http://hk.apple.nextmedia.com/international/art/20160910/19766602
平壤都有迴轉壽司店強國海鮮做刺身夠唔夠膽試？
1 :
GS(14)@2016-09-10 13:54:35北韓領袖金正恩據說愛吃日本壽司和神戶牛扒，不知是否「推己及人」，平壤市中心也開設了一間迴轉壽司店，而且先進得很，顧客可以利用觸碰屏幕點菜。不過海鮮並非來自日本，而是來自中國。日本傳媒報道，這家迴轉壽司店開設於平壤市中心的西城區域，店高兩層，一樓大廳提供百多個座位，二樓就設有迴轉壽司區及包廂，餐廳目前供應30種菜色，顧客可以透過觸碰屏幕下單。餐廳經理崔恩姬表示，作為一間壽司店，最基本是要確保食材新鮮，「今後想盡力成為市民們喜歡光顧的壽司店。」北韓領導層近年將「提高人民生活水平」列為重要項目，建設了多項娛樂及商業設施，今次的迴轉壽司店就是其中一個項目。據當地飲食業人士透露，由於北韓的急凍技術並未普及，用來做壽司的魚類、貝類等食材大部份均從中國採購。日本共同社
來源:
http://hk.apple.nextmedia.com/international/art/20160910/19766603
建制派賽後檢討 鄧家彪：「工聯會輸在唔夠狠」
1 :
GS(14)@2016-09-27 07:10:35■鄧家彪每件道具都紀錄着他多年來的政績。黃耀興攝
【本報訊】選舉落敗遭「盟友」揶揄老土，鄧家彪一笑置之，「工聯會老土，我點能夠大力否認？」賽後檢討難免動氣，他認為工聯會參加地區直選，無論面對泛民或建制派，都不夠果斷，「或者難聽啲，叫做唔夠狠」。記者：王家文
贏口碑輸議席，37歲的鄧家彪哭了一場，「話冇喊你都唔信啦」。自喻老土的他挑了村上春樹的《關於跑步，我想說的其實是……》慰藉自己，「個個都話佢應該攞諾貝爾文學獎，但都攞唔到，啱晒feel（感覺）」；他也喜歡跑步，「我喺競選期間都話係領跑嗰個，幾大言不慚，結果係陪跑」。但他說最老土是忽然電髮，以為可吸引師奶票，「老婆鬧我成個老MK，抵你輸」。自嘲過後要自省。由勞工界功能組別轉戰新界東直選，他以為最少奪3萬票，卻以26,931票落敗，較上屆工聯會葉偉明只多2,473票，「輸，無嘢好講，但只係多2千幾票，我覺得好有問題」。選舉前有年輕記者告訴他，父親是工聯會會員，那一票肯定投他；結果票投陳克勤，因民建聯告急。「好多咁嘅情況，要揀佢（選民）硬係唔會覺得你最重要，投票時梗係揀個旗艦店」。同屬建制派，卻似乎天生二奶命，「評價唔係差，但要揀，唔好意思，真係唔輪到你」。敗選檢討，鄧認為工聯會太乖，面對攻擊不會反抹黑，「我哋淨係好乖寫篇文，但邊個睇你嗰900字？」捉到鹿也不懂脫角，如他跟進亞視清盤、加州健身結業等，沒借勢打動選民，「可能就係包裝出問題」。
「選舉應該係互相支持」
他不否認工聯會老土，「掉返轉講，某程度係實而不華」，最棹忌沒人知，「實而不華到人哋唔知係實而不華」。勝選的新民黨容海恩指工聯會未能迎合社會潮流，他感不悅但一笑置之，「社會會講公道話」，但他指選前建制派稱可奪4席，前提是按年初新東補選建制奪15萬票攤分，「去到選舉應該係互相支持，唔會視為敵對，唔係有你冇我」。現實卻是泛民互相扶持，楊岳橋孖張超雄，梁國雄夥陳志全，4人互補一同當選。「你問我有冇嬲？我有嬲我哋面對直選唔夠果斷，或者難聽啲，叫做唔夠狠」。他指盟友既然不肯拖手就要果斷，「我舉個例，喺論壇上唔需要攻擊友好，但我哋亦可以話，佢哋夠票啦，歷史上、紀錄上佢哋夠票，我哋唔夠票，但我哋又冇講呢啲嘢保護自己」。落敗但沒動搖理念，他表明檢討過後會再出發。
來源:
http://hk.apple.nextmedia.com/news/art/20160926/19782276
李心潔湊孖B兩倍唔夠瞓
1 :
GS(14)@2016-09-27 08:02:18■李心潔感激媽媽（右）無微不至的幫忙照顧孩子。微博圖片
40歲影后李心潔前年因第三者李悅彤（Liddy）介入，令與彭順的婚姻亮紅燈，最後經過彭順幾番努力，箍煲成功，二人感情更進一步，李心潔更於今年1月在微博宣佈懷有孖胎，7月宣佈孖仔彭濟雲、彭子然在吉隆坡出世。經過兩個月的調理和湊仔經歷，李心潔成功瘦身，昨日心潔在微博貼出近照，留言：「當每一樣寶寶產品都是成雙成對時，也就表示夜裏起來餵奶的時間是乘二的，我嚴重睡眠不足，還好有我最親愛的媽媽無微不至的幫忙照顧孩子，真的很想大聲高唱《世上只有媽媽好》。」相中的心潔媽媽有一對黑眼圈，又一臉倦容，湊孖B真是談何容易。撰文：非非
來源:
http://hk.apple.nextmedia.com/entertainment/art/20160927/19782864
張偉文騷錢唔夠手術費
1 :
GS(14)@2016-10-18 08:15:31張偉文的5場演唱會，昨晚在沙田大會堂舉行首場，開騷前他接受傳媒訪問：「今晚演唱會，我會全程坐喺一張凳度唱歌，主辦單位幫我訂咗兩張凳，有得換下，可能冇咁悶。」張偉文因為隱疾激瘦了50磅，去年5月做了腰椎及骨髓手術，可惜不成功，他依然不能走動，需要依靠輪椅代步，他表示：「我希望做完演唱會再做一次手術，之前因為想慳錢，冇用到貴嗰位醫生，結果手術唔成功，今次都係要搵番佢開刀，不過講真我呢5場演唱會，真係唔夠手術費，因費用成50幾萬，如果搞唔掂，我會搵演藝人協會幫手。」採訪：張俊銘攝影：陳慧安
來源:
http://hk.apple.nextmedia.com/entertainment/art/20161018/19804050
元秋靜雞雞改Po因為「酸誓」唔夠好？
1 :
GS(14)@2016-11-13 11:27:25民記「元秋」蔣麗芸早前立法會宣誓就職時搞搞新意思，用普通話宣誓，事後仲喺facebook出post認叻，話自己原本打算用粵語發言，最後決定以中國官方語言普通話宣誓，不過發音仍未達標，依家就畀長洲「覆核王」郭卓堅拎住佢發音唔正提司法覆核，點知元秋竟然學小學雞網民咁，低調改post，以為咁就代表冇發生過！話說元秋原本個post寫明，「雖然練習了多次，看來發音仍未達標，請大家賜教」，原來佢係宣誓後兩日、即係建制派開始鬧香港眾志羅冠聰讀歪音宣誓，就低調地將原本個post改咗，將承認自己普通話「未達標」內容刪去，變成「因為很多朋友認同我的普通話說得很好，在這莊嚴場合值得用普通話宣誓」！有人質疑元秋係咪知咁寫會瀨野，所以先偷偷地改咗嗰幾句文，以為可以當冇寫過。不過元秋似乎唔知facebook有樣嘢叫「編輯紀錄」，只要㩒一個掣，就睇到元秋於10月15日編緝咗原先個post，將佢改post行為現形！八方問元秋為乜無端端要改post？佢就話自己當初喺facebook咁講，完全係出於「謙虛」，後來有朋友話佢咁寫法，可能會畀人話佢連宣誓都講錯，所以就決定事後改post，仲講笑話以後都係唔好咁謙虛嘞！之後元秋又自爆，佢的繼母係台灣人，都有讚佢普通話宣誓講得好好喎！
來源:
http://hk.apple.nextmedia.com/news/art/20161113/19832352
【動畫●每日健康】港男唔夠瞓 唔夠精力孕育下一代
1 :
GS(14)@2016-11-16 04:55:59根據美國波士頓大學一項最新的研究，睡眠不足會降低男性的生育能力。
香港的最低工資明年5月起就會增至34.5元，但對於制訂標準工時，依然遙遙無期，香港的「打工仔」繼續要無限加班，更莫講「造人」大計，想瞓多幾個鐘都難。當你在百忙之中，終於可以抽空「造人」的時候，或許你已經「不育」了。
根據美國波士頓大學一項關於睡眠與生育的研究，沒有足夠的睡眠，或者過多的睡眠都會降低男性的生育能力。研究調查了695對21歲或以上的情侶，進行長達一年的研究，直至懷孕。結果發現，每晚睡眠不足6小時的男性，會減少43％讓女性懷孕的機會。而每晚睡超過9個小時的男性，會減少42％讓女性懷孕的機會。至於每晚睡7至9個小時的男性，健康狀況則較佳。研究人員解釋，越來越多的文獻指出，睡眠質素和睪丸酮之間的關係，是男性生育的關鍵。由於大多數的睪丸酮都在睡眠期間釋放，故當睡眠過多或過少時，就會影響睪丸酮的產生，導致精子生長不良。雖然現在沒有研究直接指出，測試睡眠和男性生育能力的關係，但睡眠問題的確會減少精子的濃度、數量和正常的形態（形狀）的百分比，並同時降低睪丸酮的水平。而研究人員亦尚未清楚缺乏睡眠或睡眠過多，導致精子受損的機制。根據獨立國際市場調查機構TNS今年的一項調查，港人實際每日只有6.5小時的睡眠，比波士頓大學指出的7至9個小時低半小時，有意「造人」的夫妻的確要小心。資料來源：Dailymail, TNS記者：容慧心、盧逸文
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20161115/19833693
Next Page